Kəsilmiş ağac kötüyü, arxiv şəkli

İndi evinizin yanında olan ağacı belə icazə ilə kəsməlisiniz

1454
(Yenilənib 12:55 12.11.2017)
"Əvvəlki illərlə müqayisədə qanunsuz ağac kəsimi faktları Bakıda da, bölgələrdə də azalıb"

İradə Cəlil, Sputnik Azərbaycan

BAKI, 12 noyabr — Sputnik. Yaşıllığın götürülməsi ilə bağlı qaydalar dəyişib. Belə ki, daha ətrafda təhlükəli olan ağacın kəsilməsi və götürlməsi üçün Ekologiya və Təbii Sərvətlər Nazirliyinə deyil, ilk olaraq torpaq mülkiyyətçisinə, yəni yaşadığınız rayonun icra hakimiyyətinə və ya bələdiyyəsinə müraciət etməlisiniz. Bu barədə Sputnik Azərbaycan-a Ekologiya və Təbii Sərvətlər Nazirliyi Ətraf mühitin mühafizəsi departamentinin sektor müdiri Raqub Mirzəyev məlumat verib. 

O, bildirib ki, əvvəllər vətəndaş evinin yanında hər hansı bir təhlükəsi, aşma ehtimalı olan ağac olardısa, birbaşa nazirliyə müraciət edirdi. Belə olan vəziyyətdə torpaq mülkiyyətçiləri məsuliyyətdən kənarda qalırdı: "Amma yeni qaydaya görə, vətəndaşın evinin yanında aşma təhlükəsi olan ağac olmuş olsa belə, vətəndaş torpaq mülkiyyətçisinə, yəni, ya rayon icra hakimiyyətinə, ya da bələdiyyəyə müraciət etməlidir. Bundan sonra rayon icra hakimiyyəti və bələdiyyə müvafiq qaydada Ekologiya və Təbii Sərvətlər Nazirliyinə müraciət edir. Ardınca nazirliyin mütəxəssisləri əraziyə baxış keçirir və müvafiq rəy verir. İcra Hakimiyyəti və ya bələdiyyə həmin rəyi əsas götürərək müvafiq qərar verir və yaşıllığın götürülməsi vərəqi hazırlanır. Bundan sonra həmin yaşıllığın götürülməsinə qərar verilir. Sözsüz ki, əsas sənəd kimi Ekologiya və Təbii Sərvətlər Nazirliyinin sənədi əsas götürülür. Amma nazirliyin sənədi olsa belə, digər sənədlər — qərar və yaşıllığın götürülməsi haqqında vərəqə olmasa ağacın götürülməsi qadağandır".

Mirzəyev bildirir ki, ağaclar qanunsuz şəkildə kəsilərsə, bununla bağlı İnzibati Xətalar Məcəlləsində həmin şəxslərin məsuliyyətə cəlb edilməsi məsələsi nəzərdə tutulub: "Məsələn, hər hansı bir ağac kəsimi zamanı dəymiş zərər 1000 manatı keçirsə, bu cinayət tərkibi daşıyır. Və tədbir görülməsi üçün prokurorluq orqanlarına, baş prokurorluğa göndərilir".

R. Mirzəyev qeyd edib ki, cari ilin 9 ayı ərzində ümumilikdə ölkə ərazisində 584 akt və protokol tərtib olunub. Qanun pozuntuları ilə bağlı icrası məcbur olan 89 məcburi göstəriş verilib: "270 nəfər 344 700 manat məbləğində cərimə edilib. Ağacların kəsilməsi üzrə 129 fakt üzrə 414220 manat ziyan tətbiq edilib. Tədbir görülməsi üçün 236 iş polis orqanlarına 62 iş prokurorluq orqanlarına göndərilib".

Mirzəyev qeyd edir ki, əvvəlki illərlə müqayisədə qanunsuz ağac kəsimi faktları Bakıda da, bölgələrdə də azalıb.

1454
Teqlər:
Ekologiya və Təbii Sərvətlər Nazirliyi, Raqub Mirzəyev
Əlaqədar
Ağacları kəsib, kömür hazırlayacaqlarmış...
Paytaxtda çoxillik ağacların köçürülməsinə icazə verilib — Hadisə yerindən...
Qoz ağacı iki ailəyə bədbəxtlik gətirdi
Paytaxtda güclü külək ağacları aşırıb
Dəhşətli qasırğa insanları və ağacları pərən-pərən saldı - Görüntülər
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

35
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

35
Su təhcizatı işləri, arxiv şəkli

Həm Azərbaycanın, həm İranın arzusu reallaşır - "Xudafərin" hidroqovşağından şad xəbər

69
(Yenilənib 23:50 20.10.2020)
Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir.

BAKI, 20 oktyabr — Sputnik. "Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O vurğulayıb ki, Azərbaycan, İran və Rusiyanın enerji sistemlərinin əlaqələndirilməsi üzrə proses davam edir: "Hər üç ölkənin müvafiq enerji şirkətlərinin razılığı ilə müəyyən edilmiş məsləhətçi şirkət tərəfindən layihənin texniki-iqtisadi əsaslandırılmasının hazırlanmasına başlanılıb. Eyni zamanda, "Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində "Xudafərin" və "Qız Qalası" hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında Saziş"dən irəli gələn vəzifələr də yerinə yetirilməkdədir.

"Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir. "Xudafərin" hidroqovşağı üzrə tikinti xərclərinin və dəymiş ziyanın hesablanması, habelə su elektrik stansiyalarının qurğu və avadanlıqlarının alınması və quraşdırılması məsələlərinə baxılır. 1,6 milyard kubmetrdən çox sututumuna malik bu hidroqovşaqlar və ümumi qoyuluş gücü 280 meqavat gücündə olan bu stansiyalar Araz çayının su və enerji ehtiyatlarından hər iki tərəfin birgə istifadəsinə imkanlar yaradır".

O bildirib ki, bu layihələr iqtisadi və strateji aspektdən ölkəmiz üçün çox əhəmiyyətlidir:

"Bu layihələrin reallaşması Azərbaycana illik 368 milyon kilovat/saat elektrik enerjisi istehsalı, mövcud 252 min hektar torpaq sahəsi üzrə suvarmanın yaxşılaşdırılması və 8 min hektar yeni əkin sahələrinin suvarılması imkanı yaradacaq. Azərbaycanın suverenliyi, ərazi bütövlüyü əsas götürülməklə 2016-cı ildə bu layihələr üzrə sazişin imzalanması işğal olunmuş ərazilərimizin geri qaytarılacağına böyük inamın ifadəsi idi".

"Bu günlərdə müzəffər Ordumuzun Cəbrayıl şəhəri və rayonunun bıra sıra kəndlərini azad etməsi də Azərbaycan Prezidentinin uzaqgörən siyasətini, həmin ərazilərin bərpası zamanı bu hidroqovşaqlar və stansiyaların istifadəsinə əvvəlcədən hazırlıqla bağlı strateji baxışlarını bir daha nümayiş etdirdi. Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir", - deyə nazir bildirib.

69
Əlaqədar
İranla Azərbaycan arasında tarixi "Xudafərin Sazişi" imzalandı
İlham Əliyev: Xudafərin körpüsünün üzərində Azərbaycan bayrağı qaldırıldı
Nazirlikdən sərhədlərimizi qoruyanlara Xudafərin naminə zirehli hədiyyə - FOTO
Xudafərin körpüsünün üzərində Azərbaycan bayrağı - VİDEO
Ermənistan Xudafərin istiqamətində əməliyyat keçirməyə qadir deyil - MN