CƏMİYYƏT
Cəmiyyətin həyatında baş verən aktual hadisələr

Şəxsi məlumatlarımızın oğurlanmasında günahkar kimdir: DYP, yoxsa agentlər?

© Sputnik / Anar MustafayevAvtomobillər, arxiv şəkli
Avtomobillər, arxiv şəkli - Sputnik Azərbaycan
Abunə olmaq
Hüquqşünas: "Etiraf etməliyik ki, bu məsələ günün ən böyük problemlərindəndir"

BAKI, 12 noyabr — Sputnik. Azərbaycanda sığorta bazarında bir neçə sığorta növü mövcuddur. Onlardan bəziləri məcburi şəkildə, bəziləri isə könüllülük əsasında edilən sığorta növləridir. Avtomobillərin icbari sığortası isə məcburi sığorta növünə aiddir. Hər bir avtomobil sahibi ildə bir dəfə maşınını icbari sığorta etdirir. Hətta, sığortanın vaxtı keçərsə DYP tərəfindən 50 manat cərimə olunur. Sürücüləri isə bu mövzuda narahat edən başqa səbəb var. Belə ki, sığortanın bitməsinə bir neçə gün qalmış artıq müxtəlif sığorta şirkətləri sürücüyə zəng edib öz paketlərini təklif edirlər. Vəziyyət o yerə çatır ki, sürücünün əsəbləri korlanır. Bu zaman belə bir sual yaranır. Sürücünün şəxsi məlumatını və telefon nömrəsini başqa şirkətlər necə əldə edir? Bəzi sürücülər iddia edir ki, şəxsi məlumatları sığorta şirkətlərinə DYP-i verir. Sputnik Azərbaycan bu məsələni araşdırıb.

Yol polisi - Sputnik Azərbaycan
CƏMİYYƏT
Yol polisi son günlərin ən aktual probleminə aydınlıq gətirdi - Rəsmi

Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Kamran Əliyev Sputnik Azərbaycan-a açıqlamasında bildirib ki, hər hansı sığorta agenti bir şirkətdən çıxıb başqa şirkətə gedəndə müştərilərinin məlumatlarını özü ilə aparır və yeni şirkətdə daha çox müştəri cəlb etmək üçün bu məlumatlardan istifadə edir: "Avtomobil sahiblərinə zəng edib yeni şirkətin xidmətlərini təklif edirlər. Baş Dövlət Yol Polis İdarəsi heç bir halda avtomobil sahibinin şəxsi məlumatlarını hər hansı sığorta şirkətinə verə bilməz". 

Sığorta eksperti Xəyal Məmmədxanlı iddia edir ki, aparılan araşdırmalara görə DYP-də bu məlumatlar çox dağınıq şəkildədir: "Onlar tərəfindən şirkətlərə məlumatların ötürülməsinə bir az şübhə ilə yanaşıram. Amma agentlərin köhnə iş yerindən gedərkən yeni iş yerinə müştərilərin məlumatlarının daşıması inandırıcıdır".

"Sığorta fəaliyyəti haqqında qanun"un 6-cı maddəsi ''Sığorta sirri" adlanır. Bu məlumatlarda sığorta edən şəxsin məlumatları sığorta sirri hesab olunur və yayılması qadağandır. Sadəcə məlumatı kimin yaydığını dəqiq bilinmədiyi üçün, heç kəs cəzalandırılmır" — deyə Məmmədxanlı əlavə edib. 

Qəzaya düşmüş avtomobil, arxiv şəkli - Sputnik Azərbaycan
TƏHLİL
Sürücülərin nəzərinə: Bunları mütləq bilməlisiz

Hüquqşünas Asif Abdullayev qeyd edib ki, əgər bir işçi işdən azad olunursa, əmək müqaviləsinə əsasən iş yerində olan məlumatları gizli saxlamalıdır: "Əgər o agent digər şirkətə keçən zaman köhnə iş yerinin məlumatlarını özü ilə apararsa və bu sübut olunarsa, o işçini keçmiş iş yerindən məhkəməyə verə bilərlər. Sadəcə bunu sübut etmək çətindir. Amma etiraf etməliyik ki, bu məsələ günün ən böyük problemlərindəndir".

Onun sözlərinə görə problemə qlobal şəkildə baxılmalıdır.

"Məsələnin axırına çıxmaq üçün araşdırmaq lazımdır ki, şirkətlərə kimlər tərəfindən və hansı əsasla nömrə verilib. Bir nəfər tərəfindən yox, kütləvi halda şikayət olmalıdır ki, məsələ həllini tapsın" – deyə vəkil əlavə edib.

Xəbər lenti
0