Cinayət Məcəlləsi

Cinayət Məcəlləsində yeni cəza: cərimə var, həbs

315
(Yenilənib 23:20 10.11.2017)
Millət vəkili: "Azadlığın məhdudlaşdırılması cəzası alternativ cəza olaraq təbii qazın, suyun, elektrik və ya istilik enerjisinin talanması cinayətinin sanksiyasına daxil edilir"

Xalid Məmmədov, Sputnik Azərbaycan

BAKI, 11 noyabr — Sputnik. Təbii qaz, su təchizatı, elektrik və ya istilik şəbəkələrinə qanunsuz qoşulmaqla bu resursların talanması, bu əməllər xeyli miqdarda ziyan vurmaqla törədildikdə 1000 manatdan 3 min manatadək miqdarda cərimə və ya 2 ilədək müddətə islah işləri və ya 2 ilədək müddətə azadlığın məhdudlaşdırılması ilə cəzalandırılacaq. Bu, Cinayət Məcəlləsinin 189.1-ci maddəsinə (Təbii qazın, suyun, elektrik və ya istilik enerjisinin talanması) dəyişiklikdə əksini tapıb. Dəyişikliyə görə, 189-1.1-ci maddənin sanksiyasında "işləri" sözündən sonra "və ya iki ilədək müddətə azadlığın məhdudlaşdırılması" sözləri əlavə edilib.

Məsələ ilə bağlı Sputnik Azərbaycan-a açıqlama verən millət vəkili Vüsal Hüseynov deyib ki, azadlığın məhdudlaşdırılması yeni cəza növü kimi Cinayət Məcəlləsinə daxil edilir və azadlıqdan məhrum etmə cəzasına alternativ cəza kimi məhkumun cəmiyyətdən tam deyil, qismən təcrid olunmasını nəzərdə tutur. Bu cəza növü bir çox cinayətə münasibətdə alternativ cəza kimi nəzərdə tutulur. 

Təbii qazın, suyun, elektrik və ya istilik enerjisinin talanması cinayətinə gəldikdə isə millət vəkili deyib ki, bu cinayət mülkiyyət əleyhinə olan cinayət növüdür: "Dəyişiklərin əsas məqsədlərindən biri bu sahədə olan cinayətlərə görə cəzaların yüngülləşdirilməsidir. Buna uyğun olaraq azadlığın məhdudlaşdırılması cəzası alternativ cəza olaraq təbii qazın, suyun, elektrik və ya istilik enerjisinin talanması cinayətinin sanksiyasına daxil edilir. Dəyişikliklərdən biri də mülkiyyət əleyhinə olan cinayətlərə görə cinayət məsuliyyətindən azad etmə maddəsinin məcəlləyə daxil edilməsidir. Bu cinayət də mülkiyyət əleyhinə olan cinayət olduğu üçün cinayət məsuliyyətindən azad edilmə mümkündür".

Enerji məsələləri üzrə ekspert İlham Şaban Sputnik Azərbaycan-a açıqlamasında dəyişikliyi müsbət qiymətləndirib: "Bu, öz effektini verəcək. Məsələn, Dövlət Neft Şirkətinin "Azəriqaz" İstehsalat Birliyinin 2016-cı ildə auditini təşkil edən beynəlxalq şirkət öz hesabatında qeyd edib ki, 1 milyard kubmetrdən artıq itkilər var. Əgər "Azəriqaz" İstehsalat Birliyi əmtəəni satırsa, onun pulu geri qayıtmırsa, bunun özü elə itkidir. Yəni, istifadə edilir, amma pulu ödənilmir".

Onun sözlərinə görə, bunlar evlərini qızdıran sadə istehlakçılar deyil: "Bunlar kommersiya məqsədilə qoşulmaları həyata keçirən şəxslərdir, yəni, istixanalardır. Bu istixanaların müəyyən "himayədar"ları olur. Ona görə də, yerlərdə "Azəriqaz"ın əməkdaşları onlara bata bilmirlər. Qanun səviyyəsində bunun sərtləşdirilməsi imkan verəcək ki, artıq belə bir hallar ilə üzləşəndə öz cəzalarını çəkməli olacaqlar. Prokurorluq həmin adamları ifşa etməlidir. Buna ölkədə axı bir təşkilat deyil, bir neçə qurum nəzarət edir". 

"Bu məsələlərdə ictimai nəzarət olmalıdır. Digər tərəfdən, vergilər öz rolunu oynamalıdır. Bu məsələlərə kompleks şəkildə yanaşılmasa, effektiv bir nəticəyə gəlmək olmaz. Bunu bir təşkilatın üzərinə atmaq olmaz. Burada dövlətin bütün strukturları işləməlidir" – deyə o bildirib.

Hüquqşünas Elyar Həsənov isə Sputnik Azərbaycan-a açıqlamasında deyib ki, cəzanın növləri rəngarəng olanda, ədalətli cəza təyin etmək imkanı da geniş olur: "Buna alternativ cəzalar deyirik. Məsələn, var cərimə, var azadlıqdan məhrum etmə. Azadlıqdan məhrum etmə ağır cəzadır. Cərimə isə yüngül cəzadır. Azadlığın məhdudlaşdırılması isə orta bir cəzadır. Biz buna differensiallaşdırma deyirik. Bunun maddəyə əlavə edilməsi normaldır".

Hüquqşünas Asif Abdullayev də Sputnik Azərbaycan-a açıqlamasında deyib ki, dəyişiklik məqsədəuyğundur: "Çünki islah işləri o qədər də effektiv deyil. Cərimə ilə azadlığın məhdudlaşdırılmasının olması kifayət edir. İslah işləri o qədər də effektiv deyil. Bunun mənfi bir cəhətini görmürəm. Məhkəmə üçün seçim etməyə görə daha bir ağır cəzanın olması məqsədəuyğundur".

Qeyd edək ki, digər dəyişikliyə görə, 189-1.2-ci və 189-1.3-cü maddələrin sanksiyasında "və ya" sözlərindən sonra "bir ildən üç ilədək müddətə azadlığın məhdudlaşdırılması və ya" sözləri əlavə olunub. 189-1.2-ci maddəsinin təklif olunan variantda deyilir ki, eyni əməllər külli miqdarda ziyan vurmaqla törədildikdə 3 min manatdan 5 min manatadək miqdarda cərimə və ya 1 ildən 3 ilədək müddətə azadlığın məhdudlaşdırılması və ya 3 ilədək müddətə azadlıqdan məhrum etmə ilə cəzalandırılır. 

189-1.3-cü maddəsinin təklif olunan variantda deyilir ki, təbii qaz, su, elektrik və ya istilik enerjisi təchizatı müəssisələrinin işə vicdansız və ya laqeyd münasibəti nəticəsində xidməti vəzifəsini yerinə yetirməməsi və ya lazımi qaydada yerinə yetirməməsi səbəbindən bu Məcəllənin 189-1.1-ci, 189-1.2-ci və ya 189-1.2-1-ci maddələrində nəzərdə tutulmuş əməllərin qarşısının alınmaması 3 min manatdan 4 min manatadək miqdarda cərimə və ya 1 ildən 3 ilədək müddətə azadlığın məhdudlaşdırılması və ya 2 ildən 4 ilədək müddətə azadlıqdan məhrum etmə ilə cəzalandırılır.

Dəyişikliyə əsasən, aşağıdakı məzmunda 189-1.2-1-ci maddə əlavə edilib: "189-1.2-1. Bu Məcəllənin 189-1.1-ci maddəsində nəzərdə tutulmuş əməllər xüsusilə külli miqdarda ziyan vurmaqla törədildikdə — üç ildən yeddi ilədək müddətə azadlıqdan məhrum etmə ilə cəzalandırılır".

Dəyişikliyə görə, həmin maddənin "Qeyd" hissəsi ləğv olunub. "Qeyd" hissəsində deyilir ki, bu Məcəllənin 189-1.1 və ya 189-1.2-ci maddələrində nəzərdə tutulmuş əməlləri ilk dəfə törətmiş şəxs cinayət nəticəsində vurulmuş ziyanı tamamilə ödədikdə cinayət məsuliyyətindən azad olunur.

Dəyişikliklər ötən həftə parlamentin iclasında birinci oxunuşda səsə qoyularaq qəbul edilib.

315
Əlaqədar
Meydan sulanmadı, kluba sərt cəza verildi
Əməliyyat genişlənir: rüşvətxor nazirlər cəzalandırılacaq
"Övladını öldürənlərə qarşı cəzalar ağırlaşdırılmalıdır"
Azərbaycanda seçkiyə müdaxilə edənlərə sərt cəzalar gəlir
Prezidentə 31 il həbs cəzası verildi
Məhəmmədrəsul Məcidov, arxiv şəkli

Azərbaycanlı idmançı dünya boksunun əfsanəsini döyüşə çağırır

36
(Yenilənib 17:21 09.08.2020)
Azərbaycanlı peşəkar boksçu hazırkı dünya çempionu Entoni Coşua ilə mübarizə aparmaq arzusundadır. Lakin onunla görüşdən əvvəl titul uğrunda beş döyüş keçirməlidir.

Teymur Tuşiyev, Sputnik Azərbaycan

BAKI, 9 avqust — Sputnik. Azərbaycanlı peşəkar boksçu Məhəmmədrəsul Məcidov Moskva yaxınlığında avqustun 22-də britaniyalı Dilian Uaytla döyüşəcək məşhur rusiyalı boksçu Aleksandr Povetkinlə iki həftəlik təlim-məşq toplanışı keçirib. Sputnik Azərbaycan-la müsahibəsində Məcidov Povetkinlə birgə məşqlərdən və gələcək planlarından danışıb.

- Povetkinlə məşq keçmək ideyası necə yarandı?

- Biz bilirdik ki, Povetkin avqustun 22-də Dilian Uaytla mübarizə aparmalıdır və onun sparrinq-tərəfdaşlara ehtiyacı olacaq. Mən öz menecerimə təklif etdim ki, onun nümayəndələri ilə birgə təlim-məşqlər keçirilməsi barədə danışıq aparsın. Nəticədə razılığa gəlmək mümkün oldu.

Şübhəsiz ki, belə təcrübəli boksçu, Olimpiya çempionu ilə məşqlərim mənə böyük fayda gətirib, mən ondan çox faydalı şeylər götürmüşəm. O da həmçinin mənimlə məşq etdiyi üçün çox minnətdardır, çünki mənim iştirakımla olan sparrinq onun üçün də faydalı olub.

- Sparrinqlər necə keçdi?

- Biz birlikdə yaxşı işlədik. Əsasən, mən ona Dilian Uaytla döyüşə hazırlaşmağa kömək edirdim, ona görə də onun travma almaması üçün maksimum səy göstərirdim.

- Povetkinin qarşıdakı döyüşdəki şansını necə qiymətləndirirsiniz?

- Onun yaxşı qələbə şansı var. O, çox təcrübəli boksçudur və bu, ona kömək etməlidir. Əlbəttə, rəqib də hədiyyə deyil, amma hamımız bilirik ki, Saşa fiziki və mənəvi cəhətdən çox güclüdür, tez-tez xarakter döyüşlərini qazanır.

- Siz onunla eyni çəki kateqoriyasında çıxış edirsiniz. Onunla döyüş keçirmək barədə heç düşünməmisiniz?

- Onunla döyüşmək mənim üçün hələ maraqlı deyil. Povetkinin yanında bir çox digər boksçular var ki, mən onları məğlub etməliyəm. Həm də məni onunla dostluq münasibətləri bağlayır. Birlikdə sparrinq edən döyüşçülərin çoxu adətən bir-biri ilə rəsmi döyüşlər keçirmirlər. Povetkin yolumun üstündə dayanmır, mənə nəyəsə nail olmaq üçün ona qalib gəlmək lazım deyil. Mənə qalxmağa imkan verəcək digər boksçularla görüşlər keçirmək daha vacibdir.

- Kimləri məğlub etmək istərdiniz?

- İlk növbədə, hazırkı dünya çempionu Entoni Coşuanı. Deyim ki, o da mənimlə mübarizə aparmaq istəyir. Amma onunla döyüşə çıxmazdan qabaq mən titul uğrunda beş döyüş keçirməliyəm. Bu, bir çox amillərdən asılıdır. Həm də dünya çempionunun reqlamentinə görə, mütləq titulun müdafiəsi həyata keçirilməlidir.

Bundan başqa, mənə Povetkinin rəqibi - britaniyalı Uaytla döyüşmək maraqlı olardı. Böyük hesabla götürsək, kiminlə döyüşməyimin mənim üçün fərqi yoxdur. Peşəkar boksda zirvəyə çatmaq üçün istənilən rəqiblə mübarizə aparmağa hazıram. Ən yaxşıları ilə bokslaşmaq istəyirəm.

- Sizin növbəti döyüşünüzlə bağlı məsələlər aydınlaşıbmı?

- Hələlik bu barədə dəqiq məlumat yoxdur. Məsələ bundadır ki, hazırda koronavirus pandemiyası səbəbindən tamaşaçıların boks şoularını ziyarət etməsi qadağandır. Həm də axşam döyüşlərinin sayı azaldılıb. Buna görə boks axşamlarının iştirakçıları sırasına düşmək üçün rəqabət artıb.

Mənim növbəti döyüşüm sentyabr ayının ortalarında və ya sonunda keçirilə bilər. Ancaq payızın ilk günlərində də rinqə çıxa bilərəm. Hətta indi də istənilən döyüşə hazıram. Amma koronavirus səbəbindən hələ heç bir aydınlıq yoxdur, çünki bir çox ölkələrin sərhədləri bağlıdır. Bundan əlavə, tezliklə vizaları yeniləmək üçün Azərbaycana gəlmək lazımdır.

36
Çaxır

Koronavirusla mübarizədə qırmızı şərab

12
(Yenilənib 15:30 09.08.2020)
ARDS nəfəs darlığına, sürətli nəfəs almağa, dərinin göyərməsinə səbəb olur. Laval universietinin tibb işçiləri müəyyən ediblər ki, orqanizmdə xüsusi ACE2 fermentinin olması bu sindromun ağırlaşmasını azaldır.

BAKI, 9 avqust — Sputnik. Kanadalı alimlər şərabda koronavirus zamanı müşahidə edilən kəskin tənəffüs çətinliyi sindromunun (ARDS) şiddətini azalda bilən bir antioksidan tapıblar.

Sputnik Azərbaycan xarici mətbuata istinadla xəbər verir ki, kəskin tənəffüs çətinliyi sindromu ARDS ağciyərlərdə yayılmış iltihab nəticəsində yaranan tənəffüs çatışmazlığıdır. ARDS nəfəs darlığına, sürətli nəfəs almağa, dərinin göyərməsinə səbəb olur.

Laval universietinin tibb işçiləri müəyyən ediblər ki, orqanizmdə xüsusi ACE2 fermentinin olması bu sindromun ağırlaşmasını azaldır.

Bədəndəki konsentrasiyası əsasən qırmızı və ağ şərabda olan antioksidan resveratrol ilə artır.

Ancaq ACE2 konsentrasiyasının artması bir tərəfdən koronavirusun hüceyrəyə daxil olma riskini artıra bilər.

Digər tərəfdən, ferment işləmədikdə, AngII peptidinin miqdarı artır, bu da iltihab reaksiyasının artmasına kömək edir.

Buna görə də, ACE2 çatışmazlığı və AngII-nin artıq olması COVID-19-un gedişinə mənfi təsir göstərir.

Bu barədə Lomonosov adına Moskva Dövlər Universitetinin əməkdşaı Roman Zinovkin danışıb.

Resveratrol immunitet sisteminin hüceyrələrini də sıxışdıra bilər. ARDS-nin immunitet sisteminin həddindən artıq aktivliyindən qaynaqlandığını nəzərə alsaq, resveratrolun bu komplikasiyanın inkişafında müsbət təsir göstərməsi mümkündür. Şərabla yanaşı, resveratrol fıstıq, püstə, kakao və moruğun da tərkibində var.

12
Bakıda çimərlik, arxiv şəkli

Yaxşı qaralmaq üçün...

0
Mütəxəssislərin fikrincə, yayda yaxşı qaralmaq üçün ərik və qarpız daha çox faydalıdır. Eyni zamanda qoruyucu kosmetik vasitələrdən istifadə etmək də məsləhət görülür.

BAKI, 9 avqust — Sputnik. Artıq çimərliklərə qoyulan qadağa aradan qaldırılıb və hamı günəş şüaları altında zaman keçirməyə tələsir. Ancaq günəş şüaları altında sağlam qaralmaq üçün qaydalara əməl etmək lazımdır.

Sputnik Azərbaycan Rusiya mətbuatına istinadla xəbər verir ki,həkim dermatoloq İrina Kotova bildirib ki, Günəşin daha aktiv olduğu saatlarda saat 12.00-15.00 arası günəş şüaları altında qalmaq olmaz.

Eyni zamanda qoruyucu kosmetik vasitələrdən istifadə etmək də məsləhət görülür.

"İlk günlər günəş vannası qəbul edərkən SPF 50 və daha yüksək faizli kremlərədn istifadə edin. Kremi bütün bədəninizə çəkin", - deyən ekspert vurğulayıb ki, üzün dərisi ultrabənövşeyi şüalara həssas olduğu üçün başla üzü gün şüalarından qoruyacaq papaqlardan qoymaq lazımdır.

Mütəxəssislərin fikrincə, yayda yaxşı qaralmaq üçün ərik və qarpız daha çox faydalıdır.

0