Tatu

Tatu: yüngül həyat tərzi, məhbəs həyatı, gözəllik, yoxsa xəstəlik?

464
(Yenilənib 12:18 08.11.2017)
Hər bir müştəri tatto vurdurmaq üçün müraciət etdiyi salonun təmizliyinə fikir verməlidir

İradə Cəlil, Sputnik Azərbaycan

BAKI, 8 noyabr — Sputnik. "Tatuaj", "nakolka", "tatuirovka" adı ilə bilinən tatto (tatu) haqqında yəqin ki, çox eşitmisiniz. Əvvəllər, insanlar bədənin müxtəlif nahiyələrində yer alan bu şəkillərə birmənalı yanaşmırdılar. Çoxları tattonu yüngül həyat tərzi keçirən, məhbəs həyatı yaşayan, cəmiyyətdə əxlaq normalarına riayət etməyən insanların nişanı kimi qiymətləndirirdi.

Tattonun tarixi də qədimdir. Deyilənə görə, tatto 8 min il öncə Afrikanın cənubunda yaşayan bir qəbilədə meydana gəlib. O vaxtdan bu günə qədər müxtəlif mərhələləri keçən tatto bu gün cəmiyyətdə incəsənət növü kimi qiymətləndirilir.

Ölkəmizdə də tatto həvəskarları az deyil. Və bu sahədə də, digər sahələrdə olduğu kimi peşəkar və qeyri peşəkar tatto ustaları var. Əvvəllər tatto ancaq evlərdə və gizli şəkildə vurulurdusa, bu gün paytaxtın bir çox gözəllik salonlarında, studiyalarda tatto vurulması xidmətləri təqdim edilir. Digər tərəfdən, tibb ekspertləri salonlarda və qeyri-peşəkar insanlar tərəfindən həyata keçirilən tatto, pirsinq və s. əməliyyatları QİÇS, Hepatit B, C və digər qan xəstəliklərinin yayılmasının səbəblərindən biri sayırlar.

Kainat gözəli müsabiqəsi
© REUTERS / Erik De Castro

Bəs tatto həvəskar olan şəxs hara müraciət etməlidir ki, xəstəliyə yoluxmadan öz arzusunu həyata keçirə bilsin? Bu suala cavab tapmaq üçün tatto ustası Vüsal Abbasovla danışdıq.

Vüsal Abbasov deyir ki, tatto sənəti çətin və hər kəsin bacara bilməyəcəyi bir işdir. Yəni, kimsə əlinə tatto vuran aparatı alıb, "mən ustayam" deyə bilməz. Usta bildirir ki, bədənə hər hansı bir iz salmaq, tatto deməkdir və bunun böyük tarixi var.

Vüsal Abbasovun sözlərinə görə, son illər tatto həvəskarlarının sayı durmadan artmaqdadır. Və hər gün onlarla insan müxtəlif mövzularda tattoların çəkilməsi üçün müraciət edir. Tatto vurdurmaq üçün daha çox 15-30 yaş gənclər müraciət edir. 30-50 yaşlılar arasında isə daha əvvəl vurdurduğu tattoların silinməsi və ya yenidən çəkilməsi üçün müraciət edənlər üstünlük təşkil edir.

Usta Vüsal bildirir ki, ən kiçik tattoların vurulması 20-30 dəqiqəyə, böyük tattoların vurulması isə bəzən aylarla çəkə bilər. Tattonun çəkilməsi məbləğinə gəldikdə isə usta bildirir ki, ən kiçik tatto 15-25 manata vurulur. Bəzi böyük işlər var ki, onlar qiyməti bir neçə min manata da çata bilər: "Ən kiçik 3D və rəngli tattolar 200-250 manatdan aşağı olmur. Bəzən tattoların baha vurulduğunu bildirirlər. Ancaq onu da qeyd edim ki, biz tatto vurmaq üçün xüsusi iynələr, boyalar alırıq. Onlar da heç də ucuz başa gəlmir. Boyalarımız təbii boyalar olmalıdır ki, insanlarda müxtəlif xəstəliklərin yaranmasına səbəb olmasın. Hər müştəri üçün ayrıca iynə və başlıq çıxarılmalıdır. Bununla yanaşı, tatto prosesi zamanı mən özümü və müştərini xəstəliklərdən qorumaq üçün gigiyenik tədbirlər görməliyəm".

Usta bildirir ki, tatto üçün daha çox Almaniya və İsveç istehsalı olan boyalardan istifadə edilməlidir: "Tatto vurdurmaq istəyirsinizsə, ilk öncə ustaların çalışdığı studiyaların gigiyenik vəziyyəti, ustanın qaydalara riayət etməsi, alətlərin steril olması çox önəmlidir. Bu gün evlərdə tatto vuran insanlar da var. İşin hansı vəziyyətdə olacağı barədə heç nə demirəm. Şəxsən mən tatto vurdurmaq üçün hansısa evə getməzdim. Bu gün ən əsası məsələ sağlamlıqdır".

*Hər bir müştəri tatto vurdurmaq üçün müraciət etdiyi salonun təmizliyinə fikir verməlidir.

*Tatto vurdurulan zaman müştərinin uzandığı kosmetik oturacaq xüsusi şəkildə izolyasiya edilməlidir.

*Usta bütün işləri əlcək geyinərək etməlidir.

*Proses zamanı istifadə edilən iynə və iynə başlığı müştərinin qarşısında açılmalıdır.

*Boya müştərinin gözü qarşısında açılmalı və birdəfəlik qaba tökülməlidir.

*Tatto sərin aylarda vurdurulmalıdır. Çünki isti aylarda tatto boyaları tez keyfiyyətini itirir. Yayda tatto vurdurmaq məsləhət deyil.

*Yayda tatto vurdurulubsa, 20 gün günəş şüasından qorunmalıdır.

Qeyd edək ki, tatto vurdurma əməliyyatı çox cüzi ağrı ilə müşahidə edilir. Yəni bəzilərinin dediyi kimi, ağrılı və qanlı prosedur deyil. Tatto vurulduqdan sonra üzəri streclə sarınır. 2 saat sonra strec açılır və yerinə ustanın məsləhət gördüyü krem çəkilir. Tatto bir həftə ərzində qabıq bağlayır və sağalır.

464
Teqlər:
tatto ustası, Hepatit, Tatuaj, QİÇS, gözəllik
Əlaqədar
"Bədəninə tatu vurdurmaq istəyən qadınların sayı kişiləri keçib"
Tatu-nun səbəb olduğu qorxunc xəstəlik açıqlandı
Bu döymənin köməyi ilə smartfonu idarə etmək və informasiya göndərmək olar
Fransız polisinə saç uzatmağa və döymə etdirməyə icazə verilib
ABŞ-da etirazlar

Benksi etirazını bildirdi: “Kimsə qapını sındırmalı olacaq”

5
(Yenilənib 23:43 06.06.2020)
Onun sözlərinə görə, Floydun başına gələn hadisələr aşağı mərtəbədə yaşayan insanların başına su axıdan boruya bənzəyir

BAKI, 6 iyun — Sputnik. Britaniyalı məşhur küçə rəssamı Benksi Minneapolisdə afroamerikalı Corc Floydun polis tərəfindən öldürülməsindən sonra ABŞ-da başlanan etirazlara həsr etdiyi işini göstərib.

Sputnik Azərbaycan bildirir ki, o, şəkli özünün Instagram səhifəsində yerləşdirib.

Şəkildə rəssam qara insanın matəm portretini və onun üst tərəfindən asılmış, bir qırağı şamdan od alan Amerika bayrağını təsvir edib.

“Rəngli (qara) insanlar sistemə görə uğursuzluğa düçar olublar. Ağ sistemə görə”, - Benksi paylaşımında yazıb.

Onun sözlərinə görə, Floydun başına gələn hadisələr aşağı mərtəbədə yaşayan insanların başına su axıdan boruya bənzəyir.

Посмотреть эту публикацию в Instagram

Публикация от Banksy (@banksy)

“Bu düzgün olmayan sistem onların həyatını məşəqqətə çevirir, ancaq (boruları) təmir etmək – onların vəzifəsi deyil. Heç kim onları yuxarıdakı mənzilinə buraxmayacaq”, - yazan rəssam əlavə edib ki, bu, “ağ adamların problemidir” və buna görə istənilən halda kimsə “yuxarı qalxıb qapını sındırmalı olacaq”.

Mayın 25-də Minneapolisdə polis əməkdaşları afroamerikalı Corc Floydu həbs ediblər. Bu zaman onu yerə yıxıblar, polis zabitlərindən biri dizi ilə onun boynunu sıxıb. Floyd dəfələrlə nəfəs ala bilmədiyini desə də, buna əhəmiyyət verməyiblər. Nəticədə Floyd reanimasiyada dünyasını dəyişib. Bundan sonra ABŞ-da kütləvi etiraz və iğtişaşlar başlayıb.

5
Əlaqədar
İrqçilər yaddan çıxdı. Amerikadakı etirazlar necə soyğunlara çevrildi
Mən Corc Floydam: ABŞ-da başlayan etirazlar bütün dünyanı bürüyüb
Biz şokdayıq: azərbaycanlılar ABŞ-dakı iğtişaşlardan danışdılar
Amerika tənəzzülünün xronikası: uşaqlara polisə nifrət etmək öyrədilir
Yaşlı kişini ölümcül hala salan polislərə həmkarlarından dəstək - VİDEO
Bakıda küçədə tibbi maskada olan insanlar, arxiv şəkli

Koronavirusdan qorunmaq barədə sənəd: kontakt linzanı vasitə saymırlar

38
(Yenilənib 22:13 06.06.2020)
Standart tədbirlərin tələb olunduğu digər aspektlər (məsələn, təhlükəsiz inyeksiya, əl gigiyenası) bu sənəddə vurğulanmayıb

BAKI, 6 iyun — Sputnik. Tibbi Ərazi Bölmələrini İdarəetmə Birliyi (TƏBİB) koronavirus pandemiyası dövründə tövsiyə olunan fərdi qoruyucu vasitələri (PPE) açıqlayıb. Sputnik Azərbaycan-ın məlumatına görə, TƏBİB-in tövsiyəsində bildirilir ki, COVID-19 infeksiyasına yoluxduğu şübhələnilən xəsətəyə birbaşa müdaxilə edən və ya xəstəylə eyni məkanı paylaşan EMS klinisistləri Standart Ehtiyat Tədbirlərinə əməl etməli və PPE vasitələrindən istifadə etməlidirlər.

Tövsiyə edilən PPE vasitələrinə aiddir:

N-95 və ya daha yüksək səviyyəli respirator və ya üz maskası (respirator olmadıqda).

Aerozol generasiya edən prosedurları həyata keçirən zaman üz maskasının yerinə N-95 respirator və ya daha yüksək səviyyədə qoruyan respiratorlardan istifadə edilməlidir.

Gözlərin qorunması (yəni üzün ön və yan tərəflərini tam əhatə edən gözlüklər və ya birdəfəlik istifadə olunan üz qalqası). Şəxsi gözlük və kontakt linzalar adekvat göz qoruyucuları sayılmır.

Tək dəst birdəfəlik xəstə müayinə əlcəyi. Əlcəklər və izolyasiyaedici xalat yırtılıbsa və ya çox çirkləndiyi halda dəyişdirilməlidir.

Xalat çatışmazlığı olduqda, aerozol generasiya edən prosedurlarda, spreylərin istifadə edildiyi prosedurlarda və patogenlərin əldən-ələ və EMS klinisistlərinin geyimlərinə ötürülməsinə səbəb olan yüksək təmaslı xəstə baxımı fəaliyyətlərində iştirakları zamanı işçilər xüsusilə diqqətli olmalıdırlar (məs. xəstəni xərəyə yerləşdirən zaman).

Təchizat zənciri bərpa edildikdə, uyğun analizdən keçmiş təcili tibbi yardım həkimləri, COVID-19-un araşdırıldığı və ya şübhələnildiyi xəstələrlə kontakta girən zaman təkrarən respiratorlardan istifadə etməyə başlamalıdırlar.

Sürücülər xəstəyə birbaşa qulluq göstərirlərsə (məsələn, xəstələri xərəyə yerləşdirirlərsə), tövsiyə olunan bütün PPE vasitələrini geyinməlidirlər. Xəstə baxımını tamamladıqdan sonra və nəqliyyat vasitəsinin sürücüyə məxsus təcrid olunmuş hissəsinə girməzdən əvvəl sürücünün PPE-ni çıxarıb atması və bölmənin təmizliyini qorumaq üçün əl gigiyenasını yerinə yetirilməlidir.

Nəqliyyat vasitəsində təcrid edilmiş (qapalı) sürücü bölməsi yoxdursa, sürücü üz qalqasını və ya gözlükləri, xalat və əlcəkləri çıxarıb əl gigiyenasını yerinə yetirməlidir. Nəqliyyat zamanı respiratordan və ya üz maskasından istifadə edilməlidir.

Bütün personal işləyərkən üzlərinə toxunmaqdan çəkinməlidir.

Tibb müəssisəsinə çatdıqda, xəstə müəssisəyə daxil edildikdən sonra, EMS klinisistləri PPE vasitələrindən azad olmalı və əl gigiyenasını yerinə yetirməlidir. İstifadə olunmuş PPE-nin utilizasiyası rutin prosedurlara uyğun olaraq həyata keçirilməlidir.

Standart tədbirlərin tələb olunduğu digər aspektlər (məsələn, təhlükəsiz inyeksiya, əl gigiyenası) bu sənəddə vurğulanmayıb. Lakin "İzolyasiya Ehtiyat Tədbirlərinə dair Təlimata", həmçinin Səhiyyə Müəssisələrində infeksiyanın qarşısının alınmasına yönəlik xüsusi təlimatlara istinad etmək tələb olunur.

38
Mövzu:
Dünyanı cənginə almış bəla
Əlaqədar
Bakıda koronavirusa yoluxma ən çox bu rayondadır
Britaniyanın keçmiş kəşfiyyat rəhbəri: koronavirus Çin laboratoriyasında yaranıb
Hava və koronavirus arasında əlaqə varmı? Akademik izah edir
Koronavirusa yoluxanların sayı durmadan artır
Azərbaycanda millət vəkilinin yaxın qohumu koronavirusdan öldü