Топление сливочного масла

Azərbaycanda kərə yağı probleminə son qoyulur

181
(Yenilənib 10:36 07.11.2017)
Kərə yağı və digər süddən hazırlanmış yağlar üçün tətbiq edilən gömrük idxal rüsumları 3 dəfə azaldılır

BAKI, 7 noyabr — Sputnik. Azərbaycana idxal edilən kərə yağı və digər süddən hazırlanmış yağlar üçün tətbiq edilən gömrük idxal rüsumları 3 dəfə azaldılır.

Sputnik Azərbaycan APA-ya istinadən xəbər verir ki, Nazirlər Kabineti bununla bağlı “Azərbaycan Respublikasının ərazisinə gətirilən mallar üzrə gömrük idxal rüsumlarının dərəcələri”ndə müvafiq dəyişiklik edib.

İndiyə qədər Azərbaycana idxal edilən kərə yağı və digər süddən hazırlanmış yağlar üçün tətbiq edilən gömrük idxal rüsumları bu malların gömrük dəyərinin 15 faizi həcmində olub. Qərara əsasən, kərə yağı və digər süddən hazırlanmış yağlar üçün tətbiq edilən gömrük idxal rüsumları bu malların gömrük dəyərinin 5 faizi həcmində müəyyənləşib.

Bu qərar dərc edildiyi gündən 30 gün sonra qüvvəyə minir və 2019-cu il dekabrın 31-dək qüvvədədir.

181
Teqlər:
idxal rüsumları, kərə yağı, gömrük, süd, qərar
Əlaqədar
Kərə yağı niyə bahadır - gömrükdən açıqlama
Təmiz kərə yağını necə tanımaq olar?
Yağın qiyməti barədə daha bir rəsmi açıqlama
Bu yağ zeytun yağından daha faydalıdır
Bu yağ 7 növ xəstəliyə tam çarədir

Azərbaycanın Baş naziri Moskvaya dəvət olundu

4
Mixail Mişustin Əli Əsədovu Rusiya Federasiyasına rəsmi səfərə dəvət edib. Dəvət minnətdarlıqla qəbul edilib.

BAKI, 20 aprel - Sputnik. Bu gün Rusiya Federasiyası Hökumətinin sədri Mixail Mişustin Azərbaycan Respublikasının Baş naziri Əli Əsədova telefonla zəng edib.

Sputnik Azərbaycan bildirir ki, bu barədə Nazirlər Kabinetinin mətbuat xidmətinin məlumatında deyilir. Telefon danışığı əsnasında Azərbaycanla Rusiya arasında ticarət dövriyyəsinin artmasından və qarşılıqlı tədarük olunan məhsul çeşidinin genişlənməsindən məmnunluq ifadə edilib.

Hacıqabul sənaye məhəlləsində "GAZel-NEXT" və "GAZon NEXT" kommersiya yük maşınlarının yığım istehsalı zavodunun istismara verilməsi məmnuniyyətlə vurğulanıb. Həmçinin qarşılıqlı maraq doğuran bir sıra digər məsələlər müzakirə olunub.

Mixail Mişustin Əli Əsədovu Rusiya Federasiyasına rəsmi səfərə dəvət edib. Dəvət minnətdarlıqla qəbul edilib.

4
Teqlər:
rəsmi səfər, dəvət, Əli Əsədov, Mixail Mişustin, Azərbaycan, Rusiya
Zabrat gölü

Bakıda göllərin təmizlənməsinə sahibkarları cəlb edəcəklər

3
(Yenilənib 21:41 20.04.2021)
"Əsas məqsədimiz bu gölləri təmizləmək üçün sahibkarların, bu sahəyə marağı olan iş adamlarının həmin ərazilərdə müvafiq infrastruktur sahələrinin yaradılmasına cəlb etməkdir".

BAKI, 20 aprel — Sputnik. Azərbaycanda bəzi göllərin çirkli olmasının səbəbi tullantı sularının düzgün idarə olunmamasıdır. Sputnik Azərbaycan-ın məlumatına görə, bunu Ekologiya və Təbii Sərvətlər Nazirliyinin "Ekspert saatı"nda Dövlət Ekoloji Ekspertiza Agentliyinin sədri Mirsalam Qənbərov deyib.

Onun sözlərinə görə, təkcə Abşeron yarımadasında irili-xırdalı, quruyan və mövcud olan 800-dən çox göl və gölməçə var: "Bütün ərazilərdə yenidən monitorinq aparılıb, ilkin qiymətləndirmə hazırlanıb. Əsas məqsədimiz bu gölləri təmizləmək üçün sahibkarların, bu sahəyə marağı olan iş adamlarının həmin ərazilərdə müvafiq infrastruktur sahələrinin yaradılmasına cəlb etməkdir. Eyni zamanda, proqramda nəzərdə tutulan göllərin təmizlənməsinin həyata keçirilməsidir. Hesab edirəm ki, yaxın zamanda göllərin təmizlənməsi işlərinin şahidi olacağıq".

3
Teqlər:
sahibkar, təmizlənmə, göl, Bakı
ABŞ Dövlət Departamenti, arxiv şəkli

ABŞ Dövlət Departamenti Rusiyanı "təcavüzkar" adlandırdı

0
(Yenilənib 23:14 20.04.2021)
Ned Prays təsdiq edib ki, Vaşinqtonda "RF-in Ukraynaya qarşı davam edən aqressiv hərəkətlərindən narahatdırlar". 

BAKI, 20 aprel - Sputnik. ABŞ Dövlət Departamenti Rusiya-Ukrayna sərhədindəki vəziyyət kontekstində Rusiyanı "təcavüzkar" kimi nəzərdən keçirir və Kiyevin gərginliyi təhrik edəcək addımlar atmasının hansısa əlamətini görmür. 

Sputnik Azərbaycan RİA Novosti-yə istinadən bildirir ki, bunu Amerikanın diplomatik idarəsinin rəsmi nümayəndəsi Ned Prays söyləyib.

"İcazə verin, fikrimi aydın izah edim: bu situasiyada Rusiya aqressordur. Biz Ukraynanın təxribatla məşğul olması, yaxud gərginlik yaratdığının hansısa əlamətini sezməmişik. Bizim gördüyümüz  Rusiyanın dezinformasiya kampaniyasıdır: əslində Kremlin gördüyü işləri Ukraynanın boynuna atmaq", - Prays brifinqdə deyib.

O təsdiq edib ki, Vaşinqtonda "RF-in Ukraynaya qarşı davam edən aqressiv hərəkətlərindən narahatdırlar". 

Son günlər qərb ölkələri Rusiya ilə Ukrayna sərhədində baş verən gərginlikdən narahatlıqlarını ifadə edirlər. Rusiya Prezidentinin sözçüsü Dmitri Peskov isə bəyan edib ki, Rusiya öz ordusunu öz ərazisi daxilində və öz bildiyi kimi hərəkət etdirir. Onun sözlərinə görə, bu heç kimə təhdid yaratmır və heç kimi narahat etməməlidir.

0