Həbsxana

Bakıda həbsdən qaçmış zek, kazinoda tanışlıq və...

673
(Yenilənib 20:56 31.10.2017)
Sürücü maşını rayonun mərkəzi hissəsinə, oradan da Poylu kəndinə doğru sürüb

BAKI, 31 oktyabr — Sputnik. Ağstafa rayon Polis İdarəsinin əməkdaşları oktyabrın 23-də həbsxana tipli vaqondan qaçmış, kriminal aləmdə "Qoca" ləqəbi ilə məşhur olan 1980-ci il təvəllüdlü "qanuni oğru", Hacıqabul rayon sakini Məmmədov Etibar Ələkbər oğlunu saxlaya bilməyib.

Bunu Sputnik Azərbaycan-a hüquq-mühafizə orqanlarından məlumat verilib.

Hadisə üç gün bundan əvvəl Kür çayı üzərindən keçən körpüdə, Poylu stansiyası yaxınlığında "Ceyrançöl" adlanan ərazidə, polis postunda baş verib. Həbsxanadan qaçan məhbusun Ağstafa ərazisində olduğu barədə məlumat alan asayiş keşikçiləri gücləndirilmiş iş rejimi çərçivəsində yolun sözügedən hissəsindən keçən hər bir avtomobili yoxlayıblar. 

Polis yoxlamaq üçün avtomobili dayandırıb. Polis əməkdaşları taksi sürücüsünün sənədlərini yoxladıqdan sonra sərnişinlərdən birinin özünü şübhəli apardığını görüb onun da sənədlərini tələb ediblər. Bu vaxt "Opel" markalı avtomobilin sürücüsü qaza basaraq ərazidən uzaqlaşmağa çalışıb. Polis qaçan avtomobili təqib etməyə başlayıb. Sürücü maşını rayonun mərkəzi hissəsinə, oradan da Poylu kəndinə doğru sürüb. Ara yollardan birində dalana dirəndiyindən yolu davam etdirə bilməyib və maşını saxlayaraq qaçmağa çalışıb. Lakin o, tezliklə saxlanıb. Maşındakı sərnişin Etibar Məmmədov isə qaçaraq aradan çıxıb.

Xatırladaq ki, məhbusların qaçışı oktyabrın 23-də səhər tezdən Biləcəri dəmiryolu stansiyasında baş verib. Qaçan məhbuslar – 1980-cı il təvəllüdlü Hacıqabul rayon sakini Məmmədov Etibar Ələkbər oğlu və 1983-cü il təvəllüdlü, kriminal aləmdə "Abdulla" adı ilə məşhur olan Şirvan sakini Ağami Əli Rasim oğludur. Onlar Lənkəran rayonundan Bakıya etap olunarkən qatardan tullanıblar. Cinayətkarlar konvoyun yatmasından istifadə edərək qaçıblar.

Ağami və Məmmədov ağır cinayətlər üzrə Lənkəranda keçirilən məhkəmə prosesindən sonra Bakıdakı istintaq təcridxanasına qaytarılırmışlar. Hər iki məhbus 2015-ci ilin noyabrında Şirvan rayonunda ikiqat qətl törətməkdə günahlandırılır. Həmin ilin 5 noyabrında Şirvan şəhərindəki Ələkbərov küçəsində yerləşən kafedə, 1983-cü il təvəllüdlü Nəciyev Elvin Zamanəli oğlu və 1990-cı il təvəllüqdlü Sarıbalayev Zaur Vəfadar oğlu Makarov tapançasından açılan atəş nəticəsində qətlə yetiriliblər. 

Tapança ilə silahlanmış gənclər kafeyə narkotik maddələrin qanunsuz dövriyyəsi ilə bağlı pul vəsaitlərini müzakirə etmək üçün gəliblər. Danışıqlarda razılaşmayan Nəciyev tapança ilə Sarıbalayevi sinəsindən vurub. Kişi hadisə yerindəcə ölüb. Bunu görən Ağami Makarov markalı tapança ilə Nəciyevi yaralayıb. Nəciyev Şirvan xəstəxanasına çatdırılsa da, həkimlər onun həyatını xilas edə bilməyiblər. Hadisə yerindən qaçan Ağami və Məmmədov fakt üzrə günahlandırılan şəxslər kimi saxlanılıblar.

Qeyd edək ki, E. Məmmədov Cinayət Məcəlləsinin 234.4.3-cü (külli miqdarda narkotik vasitələrin satışı), Ə. Ağami isə Cinayət Məcəlləsinin 120.2.2-ci (xuliqanlıq niyyəti ilə adam öldürmə) və 228-ci (qanunsuz olaraq odlu silah saxlama) maddələri ilə ittiham olunaraq həbs olunublar.

Qətlə yetirilən Elvin Nəciyev kriminal aləmdə "Krıtıy Elvin" adı ilə tanınıb. Zaur Sarıbalayev isə kriminal aləmdə "Masallı Mamed" və "Qoca" ləqəbi ilə tanınan, oğru dünyasında nüfuz sahibi Etibar Hacıqabulinskinin yaxın adamı olub. Məlum cinayətdən sonra Əli Ağaminin qardaşı Zaur Ağami də bir müddət təqib olunub. 

Ağami oktyabrın 26-da Şirvan rayonu ərazisində saxlanıb.

Polis əməkdaşları Opel-in sürücüsü ilə yanaşı hadisə zamanı avtomobildə olan gənc qadın Günay Atakişiyevanı da saxlayıb. Onlar Məmmədovun gizlənməsinə yardım ediblər. Ehtimala görə, onlar Məmmədovu qeyri-leqal yolla Gürcüstan ərazisinə keçirməyə çalışıblar. Atakişiyeva bildirib ki, Məmmədovla Tbilisidəki kazinolardan birində tanış olub.

Hazırda Atakişiyeva və hələlik adı açıqlanmayan Opel markalı avtomobilin sürücüsü Bakıdakı istintaq təcridxanasındadırlar. Saxlanılan şəxslərlə bağlı üç ay müddətinə həbs qətimkan tədbiri seçilib. Polisin ərazi üzrə bölmələrinin əməkdaşları qaçan məhbusun axtarışlarını davam etdirilər. Ehtimal var ki, Məmmədov hal-hazırda Ağstafa şəhəri ərazisində gizlənir və gecələr hərəkət etdiyi istisna edilmir.

Artıq məlum olduğu kimi, hadisə ilə bağlı daha bir qadın – Fədayə Laçın adı ilə səhnəyə çıxan müğənni Fədayə Məmmədova da cinayət məsuliyyətinə cəlb edilib. Baş prokurorluq oktyabrın 30-da Məmmədova haqqında Nəsimi rayon məhkəməsinin qərarı ilə üç aylıq həbs qətimkan tədbiri seçildiyini bildirib. Əldə edilən məlumata görə, müğənni çox yaxın münasibətlərdə olduğu Etibar Məmmədovu həbsdən qaçdıqdan sonra gizlədib. 

Saxlanılan şəxslərin hamısı haqqında AR Cinayət Məcəlləsinin 304.2.1-ci (mühafizə altında olan şəxsə qaçmağa yardım etmə, qabaqcadan əlbir olan bir qrup şəxs tərəfindən törədildikdə) maddəsi ilə cinayət işi başlanılıb.

Xatırladaq ki, Məmmədov və Ağami xüsusi təhlükəli cinayətkarlar hesab olunur. Məmmədovun ilk dəfə adam öldürməsi və həbsdən qaçışı 1997-ci ildə Bakı uşaq koloniyasından olub. Onda o, altı yeniyetmə ilə birlikdə Fəxrəddin adlı nəzarətçini boğaraq qaçıb. Lakin tezliklə Məmmədovla cinayət ortaqları saxlanılıb və 10 il müddətinə azadlıqdan məhrumetmə cəzasına layiq görülüblər. Məmmədov cəzasını 2 saylı cəzaçəkmə müəssisəsində çəkib.

Əlavə edək ki, Məmmədov və Ağaminin qaçışı ilə əlaqədar olaraq Penitensiar Xidmətin 3 əməkdaşı cinayət məsuliyyətinə cəlb edilib, 11 əməkdaşı isə işdən qovulub.

673
Teqlər:
Nəciyev Elvin, Sarıbalayev Zaur, Əli Ağami, Etibar Məmmədov, Poylu stansiyası, Ağstafa
Əlaqədar
Qaçan məhbuslarla bağlı şok xəbər: tanınmış müğənni həbs olundu
Qaçan məhbuslardan biri yaxalandı
Qaçan məhbuslar "Lotu Quli"nin adamlarıdır?
Azərbaycanda qaçan məhbuslarla bağlı ilginc faktlar üzə çıxdı
İmtahan, arxiv şəkli

Nazirlikdən imtahanlarla bağlı açıqlama

10
(Yenilənib 22:45 15.01.2021)
Nicat Məmmədlinin sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib.

BAKI, 15 yanvar — Sputnik. "Pandemiyadan sonra – ola bilər ki, yaz, yaxud da daha sonrakı semestrdə ənənəvi imtahan sessiyasına keçəcəyik". Sputnik Azərbaycan-ın məlumatına görə, bunu Təhsil Nazirliyinin Elm, ali və orta ixtisas təhsili şöbəsininn müdiri Nicat Məmmədli deyib. Onun sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib. "İmtahanların təşkilində güzəştlərin olması ilə bağlı təkliflər edilir. Amma hazırkı pandemiya dövrü bizdən təhsilə daha məsuliyyətli yanaşmağı tələb edir".

Şöbə müdiri bildirib ki, ötən ilin dekabrında imtahan sessiyasının keçirilməsi haqqında əmr imzalanıb: "Sessiya imtahanları onlayn qaydada 4 həftə ərzində keçiriləcək. Əslində keçən ilin son semestrindən dərslər onlayn keçirilir. Bu, bütün təhsil sistemi üçün bir çağırışdır. Əsas vacib məsələ bir çox hallarda imtahanların formalarının keçirilməsi idi. Bundan əvvəl imtahanlar daha çox yazılı şəkildə keçirilirdi".

10
Bakıda avtomobil tıxacı, arxiv şəkli

Dünyada yollar, məsafələr qısaldılsa da, Azərbaycanda əksinədir

35
(Yenilənib 22:25 15.01.2021)
Hazırda orta hesabla 6 saatı yola sərf etdiyimizi nəzərə alsaq, aylıq olaraq bu rəqəmin azı 120 saat olduğunu deyə bilərik. Bu isə o deməkdir ki, gündəlik olaraq ictimai nəqliyyatdan istifadə edən şəxslər təkcə son 5 ayda 600 saatını yola sərf edib.

Nigar İsgəndərova, Sputnik Azərbaycan

BAKI, 15 yanvar — Sputnik. Bu gün dünyanın bir çox ölkələri məhz yolları, məsafələri qısaltmaq, xüsusən də işçi qrupun rahatlığı üçün müəyyən planlar üzərində çalışırlar. Lakin Azərbaycanda bu müddət azalmaq əvəzinə daha da artırılır. Pandemiyadan öncə getdiyimiz yarım saatlıq yol bu gün 2 saatlıq yola çevrilib. Ümumiyyətlə, pandemiyadan əvvəl də Azərbaycanda bənzər mənzərə müşahidə edilirdi. Bu isə xüsusən gündəlik olaraq işə gedən şəxslər üçün böyük problemə səbəb olur. Yəni, qısa məsafəni hər iki istiqamət üçün qət edən şəxs gününün 4-5, indiki halda isə hətta 6-7 saaatını da yolda keçirmiş olur. Bəs nə etməli?

Öncə dünya ölkələrinin təcrübəsinə nəzər yetirək. Bu gün əksər ölkələrdə artıq şəhərin mərkəzində avtobusların hərəkəti məhdudlaşdırılır. Belə ki, müəyyən məsafədən gələn şəxslər şəhərin mərkəzində avtomobilini park edərək mərkəzdən lazım olan ünvana ya velosiped, ya da ki, ictimai nəqliyyatdan istifadə etməklə çatmış olur. Belə olan halda həm əlavə yanacağa qənaət edilmiş olur, həm havanın çirklənməsinin qarşısı alınır, həm şəhər mrəkəzi sərnişin və piyadalar üçün daha uyğun bir vəziyyətə gəlir, həm də avtomobillərin olmaması səbəbi ilə əlaqədar olaraq tıxaclar yaranmır və beləcə məsafə daha da qısaldılmış olur. 

Sputnik Azərbaycan bu problemlərin həlli barədə nəqliyyat üzrə ekspert Hüseyn Abdullayevlə söhbətləşib. "Azərbaycanda avtobus marşrut xətlərinin planlaşdırılmasında böyük problemlər var. Ümumiyyətlə, heab edirəm ki, Bakının avtobus-marşrut şəbəkəsi yenidən müasir prinsiplərlə qurulmalıdır. Vaxt itkisinə səbəb olan nüanslar aradan qaldırılmalıdır. Avtobuların yollarda gecikməsinin qarşısını almaq üçün müəyyən addımlar atılmalı, ayrıca zolaqlar salınmalı, dəhlizlərdə avtobuslara üstünlük verilməlidir. Bir sözlə ümumilikdə nəqliyyat infrastrukturu ilə bağlı islahatlar aparılmalıdır" - ekspert deyib.

"Magistral avtobus xətlərinin də köməkçi avtobus xətləri olmalıdır. İyerarxiyalı sistemdə mütləqdir ki, bir nəqliyyatdan digər nəqliyyat xəttinə keçid mümkün qədər tez baş versin. Bunun üçün bu marşrutlar hamısı qısa intervalla işləməlidir. Bundan başqa, insanlar böyük məsafələr qət etməməli və hər mübadilə üçün əlavə gediş haqqı ödəməməlidirlər. Lakin qeyd edim ki, Azərbaycanda nəqliyyat sistemində bir pərakəndəlik var, avtobus, metro və dəmiryolu xətti ilə ayrılıqda müəyyən qurumlar məşğul olurlar. Əsas dəhlizlərdə isə avtobuslara üstünlük verilmir", - deyə eskpert bildirir.

Xarici təcrübədən danışdıqda isə, o qeyd edir ki, avtobus marşrutları, həm də digər nəqliyyat növəri arasında konkret iyerarxiya olmalıdır: "Yəni, müəyyənləşir ki, bu xətlərdən hansılar magistral, hansılar köməkçi nəqliyyat yollarıdır. Əsas magistral marşrut xətlərinə sərnişinlərin çıxışını təmin etməkdir", - deyə ekspert əlavə edib.

Millət vəkili Fazil Mustafa isə fərqli fikirdədir. Bu barədə Sputnik Azərbaycan-a danışan millət vəkili belə bir infrastrukturun qurulmasının mümkünsüzlüyündən bəhs edir: "Hazırda yollarda yaranan sıxlıq ilk növbədə metro ilə bağlıdır. Bu səbəbdən əksəriyyət minik avtomobilindən istifadə etmək məcburiyyətində qalır. Məktəblər açılmasa da, şəhərdə fəlakətli səviyyədə tıxaclar var. Pandemiya şəraitində yaranan vəziyyət təbiidir. Çünki avtobuslar da riskli olduğundna insanlar şəxsi avtomobillərə üstünlük verirlər. Bu səbəbdən hələlik çıxış yolu haqda danışmaqda çətinlik çəkirəm. Amma düşünürəm ki, tədricən metronun açılmasını görməliyik. Çünki nəqliyyatda hədsiz yüklənmə var".

Millət vəkili heab edir ki, şəhərin mərkəzinə çatmamış avtomobillərin park edilməsi təcrübəsini Azərbaycanda tətbiq etmək çətin olar: "Düşünürəm ki, bunun heç faydası da olmayacaq. Çünki bizdə normal elektrik qatarı yoxdur. Bu təcrübə yalnız düzgün infrastrukturun qurulduğu şəhərlər üçün keçərlidir. Bizdə isə düzgün infrastruktur qurulmayıb, şəhərsalmanın prinsipləri pozulub. Xaricdə belədir ki, məktəbəqədər yaşda olan uşaqlar üçün xüsusi avtobuslar var. Bizdə məktəbəqədərlər 25 faiz təşkil etsə də, heç bunu da təmin edə bilmirik".

Bir sözlə, hazırda gündəlik hesabla 6 saatı yola sərf etdiyimizi nəzərə alsaq, aylıq olaraq bu rəqəmin azı 120 saat olduğunu deyə bilərik. Bu isə o deməkdir ki, gündəlik olaraq ictimai nəqliyyatdan istifadə edən şəxslər təkcə son 5 ayda 600 saatını yola sərf edib. 

Qeyd edək ki, pandemiyadan öncə isə gündəlik olaraq işə gedib-gələn və bir qədər şəhərin mərkəzindən kənarda qalan şəxslər 4 saatını yola sərf edirlər. Yəni, aylıq olaraq bu 80 saat, illik olaraq isə 960 saatdır.

Hələlik isə ümid təkcə metronun açılmasına qalır...

35
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

0
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

0