Fövqəladə Hallar Nazirliyi

FHN-dən xəbərdarlıq: "Bizimlə pis zarafat edənləri cəza gözləyir"

417
(Yenilənib 18:36 26.10.2017)
Rza Xudiyev: "Biz yanğınlar zamanı təşəkkürlər də alırıq, təhqir də olunuruq"

İradə Cəlil, Sputnik Azərbaycan

BAKI, 26 oktyabr — Sputnik. Çox zaman yanğın hadisələri zamanı, "yanğınsöndürən yanğın bitəndən sonra gəldi", "yanğınsöndürənlər gec gəldi" sözləri ilə qarşılaşırıq. Evi, əmlakı yanan insan üçün hər saniyə bir əsr kimi keçdiyindən, bəzən vətəndaşlar yanğınsöndürənlərə qarşı qərəzli olurlar. Amma bəzi hallarda yanğınsöndürənlərin hadisə yerinə bir qədər gecikmə ilə çatması halları da olur.

Dövlət Yanğından Mühafizə Xidmətinin rəis müavini, daxili xidmət polkovniki Rza Xudiyev
© Sputnik / Irade JELIL
Dövlət Yanğından Mühafizə Xidmətinin rəis müavini, daxili xidmət polkovniki Rza Xudiyev

Fövqəladə Hallar Nazirliyinin (FHN) Dövlət Yanğından Mühafizə Xidmətinin (YMX) rəisi müavini, daxili xidmət polkovniki Rza Xudiyev Sputnik Azərbaycan-a açıqlamasında deyir ki, yanğın avtomobilləri çox sürətlə hərəkət edə bilməz: "Onlar su daşıyan avtomobillərdir. Balaca bir döngəni sürətlə keçmə avtomobilin aşmasına səbəb ola bilər. Aşmaya meylli olan texnikalar arasında yanğın avtomobilləri birinci yer tutur".

"Yəqin ki, yanacaq daşıyan avtomobillərinin silindrik formada olduğunu bilirsiniz. Çünki döngələrdə içəridə olan maye ləngər vurub avtomobili aşıra bilər. Yanğın avtomobillərində sürücü sürəti düzgün seçməsə, avtomobilin aşması ilə nəticələnə bilər. Bu, bizim praktikamızda baş verib. Yanğın avtomobili yanğın yerinə 5-10 dəqiqəyə gedə bilər. Yollarda tıxac olduğunu da bilirsiniz. Biz adi bir yanğına Bakı şəhərində 3, digər şəhər və rayonlarda isə 2 yanğın avtomobili göndəririk" — polkovnik bildirir.

R. Xudiyevin sözlərinə görə, buna baxmayaraq gecikmələr baş verir: "Buna görə də bəzən yanğınsöndürənlər vətəndaşların təhqirlərinə də məruz qalırlar. Kiminsə evi yanır. Bizə məlumat verilir və biz hadisə yerinə 5 dəqiqəyə çatırıqsa, bu 5 dəqiqə evi yanan adam üçün böyük zamandır. Çünki evi yanır. İnsanların illərlə qazandıqları ev-eşik 5 dəqiqəyə yanıb kül olur. Biz onları da başa düşürük. Və baş verən yanğının qarşısını almaq üçün əlimizdən gələni əsirgəmirik".

Xidmət rəisi, YMX-yə yalan çağırışlar edildiyini də qeyd edir: "Çağırış edənlərin telefon nömrələri qeydə alınır və belə çağırışlar təkrarlandığı halda həmin nömrələr hüquq-mühafizə orqanlarına ötürülür. Biz bu il 1278 yalan çağırışa çıxmışıq. Bura siqnalizasiya da aiddir. Elə obyektlər var ki, siqnalizasiya ilə təchiz edilib. Siqnal çalan kimi xəbər gəlir ki, müəyyən ərazidə siqnalizasiya işə düşüb".

"Ancaq onu da deyim ki, siqnalizasiyaların 99 faizi səhvən işə düşə bilir. Bu, texnikadır, texnikada hər şey ola bilər. Amma biz məlumat alan kimi öz avtomobilimizi göndəririk. Ərazinin məsul şəxsi yanğının olmadığını təsdiqləyəndən sonra avtomobillər geri qayıdır. Yaxud da, kimsə zəng vurub, deyir ki, filan yerdə yanğın var. Yanğın avtomobili gedir və görür ki, yanğın yoxdur" — Xudiyev vurğulayır.

Əlavə edir ki, onlar edilən bütün çağırışları qeydə alırlar: "O şəxslər ki, daim bizimlə belə "zarafatlar" edir, onlar məsələnin vacibliyini başa düşmürlər. Onlar başa düşmürlər ki, sənin zənginlə yalan çağırışa avtomobil göndərilir və eyni zamanda başqa yerdə yanğın baş verə bilər, avtomobil yalan çağırışa getdiyinə görə, həqiqi yanğının söndürülməsinə gecikə bilər".

"Zarafat edənlər başa düşməlidirlər ki, yalan çağırış başqa bir yanğının gec söndürülməsinə səbəb ola bilər. Bizə hər gün yüzlərlə belə yalan çağırışlar daxil olur. Biz bütün nömrələri qeydə alırıq. Şəhər nömrələri, mobil nömrələr. Onların danışıqları qeydə alınır və həmin şəxslərin nömrələri məktub şəklində polis idarələrinə təhvil verilir. Onlar polis tərəfindən məsuliyyətə cəlb edilir və cərimə edilirlər" — müsahibimiz diqqətə çatdırır.

417
Teqlər:
məsuliyyət, zarafat, yalan, zəng, çağırış, su, yanacaq, ev, avtomobil, Rza Xudiyev, Dövlət Yanğından Mühafizə Xidməti, YMX, FHN, Fövqəladə Hallar Nazirliyi, yanğınsöndürən, yanğın
Əlaqədar
"Göydələn"də başlayan yanğının görüntüləri
Masallıda yanğın olub
Tarixi məkanda yanğın baş verib
Meşə yanğını sürətlə yayılır, ölənlər və itkin düşənlər var
Ticarət mərkəzində baş verən yanğına görə minlərlə insan təxliyə olundu
Ticarət mərkəzində güclü yanğın
Azərbaycandakı meşə yanğını söndürülüb
(0:27 / 2.55Mb / просмотров видео: 13)

Raket zərbəsinin qurbanları: Bərdə övladlarını son mənzilə yola salır

16
(Yenilənib 18:01 29.10.2020)
İki gün dalbadal raket atəşinə tutulan Bərdədə həlak olmuş dinc sakinlərin dəfn mərasimi keçirilib. Ətraflı – videomuzda.

Sputnik Azərbaycan-ın bölgə müxbiri Bərdə şəhərinin raket atəşinə tutulması zamanı həlak olmuş sakini Allahverdiyev Əsgər Mahir oğlunun dəfn mərasimində olub. Əsgərin 37 yaşı vardı.

Mərmi sanki yağış kimi yağdı… - Bərdə faciəsi xəsarət alanın dilindən - VİDEO >>

2020-ci il oktyabrın 28-də Ermənistan silahlı qüvvələri saat 13 radələrində əhalinin sıx yaşadığı Bərdə şəhərinin mülki obyektləri və infrastrukturuna raket zərbələri endirib. Nəticədə 21 dinc sakin həlak olub, təxminən 70 nəfər yaralanıb. Mülki obyektlərə və nəqliyyat vasitələrinə zərər dəyib. Bütün həlak olanlar və xəsarət alanlar dinc sakinlərdir.

Dərhal evə qaçdım, amma artıq gec idi - Erməni hücumu nəticəsində həlak olan Aysunun atası >>

Xatırladaq ki, oktyabrın 27-də Ermənistan silahlı qüvvələrinin Bərdənin Qarayusifli kəndini artilleriya atəşinə tutması nəticəsində beş dinc sakin, o cümlədən yeddi yaşlı qız həlak olmuş, daha 13 nəfər yaralanmışdı.

16
Mövzu:
Azərbaycan və Ermənistan arasında müharibə
Polis əməkdaşı, arxiv şəkli

Diqqət: Polis nəzarəti gücləndirdi

14
(Yenilənib 17:58 29.10.2020)
Vətəndaşlardan xahiş olunur ki, ön cəbhədə vuruşaraq torpaqlarımızı işğalçılardan təmizləyən əsgər və zabitlərimizin sağlamlığını qorumaq, koronavirusun cəmiyyətimizin müxtəlif təbəqələri arasında yayılmasına imkan verməmək üçün karantin qaydalarına əməl etsinlər.

BAKI, 29 oktyabr — Sputnik. Daxili işlər orqanlarının əməkdaşları arxa cəbhədə həm ölkə ərazisində elan edilən hərbi vəziyyət, həm də koronavirusla mübarizədə yorulmadan xidmətlərini davam etdirirlər.

Daxili İşlər Nazirliyinin (DİN) Mətbuat Xidmətindən Sputnik Azərbaycan-a verilən məlumata görə, infeksiyanın ölkə ərazisində yayılmasının, virusun törədə biləcəyi ağır fəsadların qarşısının alınması məqsədilə elan edilən karantin rejimi qaydaları çərçivəsində polis əməkdaşları tərəfindən nəzarət-profilaktik tədbirlər daha da gücləndirilib. Bu məqsədlə paytaxt Bakı və bölgələrdə polis əməkdaşlarından təşkil edilən mobil qruplar vasitəsi ilə sanitar-karantin qaydalarına əməl edilməsi daim nəzarətdə saxlanılır.

Reydlər zamanı qapalı yerlərdə, ictimai nəqliyyatda, mağazalarda və iaşə obyektlərində polis əməkdaşları tərəfindən insanlar arasında profilaktik söhbətlər aparılaraq onlara sanitar-epidemioloji qaydalara əməl etməyin, sosial məsafənin təmin edilməsinin, eləcə tibbi maskadan istifadənin zəruriliyi barədə məlumatlar verilir. Paytaxtın müxtəlif nöqtələrində, eləcə də mərkəzdən kənar bölgələrdə həyata keçirilən reydlərdə sosial məsafəni gözləməyən, tənəffüs yollarını qoruyan fərdi vasitələrdən istifadə etməyən, dəfələrdə edilən xəbərdarlıqlardan nəticə çıxarmayan şəxslər qanunvericiliyə uyğun olaraq, inzibati məsuliyyətə cəlb olunublar. Paytaxt, eləcə də digər rayon və şəhərlərdə karantin qaydlarına əməl olunmasını təmin etmək məqsədilə polis əməkdaşları tərəfindən nəzarət bundan sonra da mütəmadi olaraq davam etdiriləcək.

Vətəndaşlarımızdan biz daha xahiş olunur ki, ön cəbhədə vuruşaraq torpaqlarımızı qarış-qarış işğalçılardan təmizləyən əsgər və zabitlərimizin sağlamlığını bu qorxunc virusdan qorumaq, eləcə də koronavirusun cəmiyyətimizin müxtəlif təbəqələri arasında yayılmasına imkan verməmək üçün karantin qaydalarına əməl etsinlər. Bunun üçün hər birimizdan yalnız sosial məsafəni gözləmək, tənəffüs yollarını qoruyan fərdi vasitələrdən, yəni maskalardan istifadə etmək və şəxsi gigiyenaya fikir vermək tələb olunur.

Qeyd edək ki, COVID-19 infeksiyasının ölkə ərazisində yayılmasının qarşısının alınması məqsədilə Azərbaycan Respublikasının ərazisində xüsusi karantin rejiminin müddəti 2020-ci il 1 dekabr saat 06:00-dək uzadılıb.

14
Müslüm Maqomayev

Moskvada Müslüm Maqomayevin abidəsi təhqir edildi

0
(Yenilənib 18:45 29.10.2020)
Moskvada iki naməlum şəxs Müslüm Maqomayevin Azərbaycanın Rusiyadakı səfirliyinin inzibati binasının yaxınlığında yerləşən abidəsinə yaxınlaşaraq postamentə üzərində anti-Azərbaycan yönümlü mətn olan lövhəcik yerləşdiriblər və onu zəncirlə bərk-bərk bağlayıblar.

BAKI, 29 oktyabr - Sputnik. Moskvada iki naməlum şəxs Müslüm Maqomayevin Azərbaycanın Rusiyadakı səfirliyinin inzibati binasının yaxınlığında yerləşən abidəsinə yaxınlaşaraq postamentə üzərində anti-Azərbaycan yönümlü mətn olan lövhəcik yerləşdiriblər və onu zəncirlə bərk-bərk bağlayıblar.

Sputnik Azərbaycan Report-a istinadla xəbər verir ki, bu barədə Azərbaycanın Rusiyadakı səfirliyi məlumat yayıb. 

Qeyd olunub ki, lövhəcik aşkar edilən kimi dərhal sökülüb.

"Faktla bağlı səfirlik Moskvanın hüquq-mühafizə orqanlarına müraciət ünvanlayıb və dərhal bütün lazımi tədbirlər görülüb. Bu təxribatı törədənlər müəyyənləşib və Rusiya qanunvericiliyi çərçivəsində ən sərt şəkildə cəzalandırılacaqlar", - bəyanatda deyilir.

0