Subhan Sadıqov

Azərbaycanda "Ferrari" istehsal olundu, həm "su qiymətinə" satılır

2033
(Yenilənib 16:27 18.10.2017)
Reklam şirkətlərindən biri avtomobilin 1 aylıq kirayəsi üçün 4 min manat verib

İradə Cəlil, Sputnik Azərbaycan

BAKI, 18 oktyabr — Sputnik. Azərbaycanlı gənc boş vaxtlarını avtomobil yığmaqla keçirir. Lap həqiqi avtomobil. Onun yığdığı avtomobillər məşhur dünya brendi olan "Ferrari" markasının "Formula" və "Lotus" avtomobilləridir.

Bu gəncin istedadı haqqında eşidəndə onunla görüşməyi qərara aldım. Subhan bizə yığdığı avtomobillərin Binəqədi qəsəbəsində olduğunu bildirib, bizi Binəqədiyə dəvət elədi.

Subhan Sadıqov Azərbaycan Texniki Universitetini bitirib. Konstruksiya işlərinə marağı onu avtomobil yığmağa gətirib çıxarıb. Və gənc ilk avtomobilini – "Ferrari" markasından olan "Formula" avtomobilini yığmağa başlayıb.

Subhan Sadıqovun yığdığı avtomobil
© Sputnik / Ramil Ibrahimov
Subhan Sadıqovun yığdığı avtomobil

"Formula" avtomobilini 2011-ci ildə yığmağa başlayıb və 2014-cü ildə bitirib. Avtomobilin yığılmasının ona 18 min manata başa gəldiyini bildirən Subhan, 2015-ci ildə yeni bir avtomobil yığmağa başlayıb. Bu dəfə tanıdığı insanlardan biri ona maliyyə dəstəyi olub.

İkinci avtomobil 7 min manata başa gəlib: "İkinci avtomobili bir il müddətinə yığdım. Avtomobilləri satmaq istəsəm də, sənədləri olmadığı üçün sata bilmirəm. Ara-sıra reklam şirkətləri reklam çəkilişləri üçün müraciət edir. Avtomobilə çəkdiyim xərcin 1/4-ni çıxara bilmişəm. "Formula"-nı 35 min manata, "Lotus"-u isə 18 min manata saytlara satışa qoymuşam. Maraqlanan çoxdur, amma alan yoxdur".

S. Sadıqov bildirir ki, hazırda avtomobillər benzin mühərrikiylə çalışır. Amma o istəyir ki, elektriklə işləyən mühərrik düzəltsin: "Avtomobilləri sırf tesla kimi yığmaq istərdim. Amma bunun üçün, ən azı 12 min manat pula ehtiyac var. Hazırda "Formula"-ya BMW mühərriki qoymuşam. Avtomobil 120 at gücündədir, mühərrikin gücü 1,8 lt-dür. Orijinalı 700 at gücündədir".

Subhan Sadıqov özünün yığdığı Ferrari avtomobilinin sükanı arxasında
© Foto S.Sadıqov tərəfindən təqdim olunub
Subhan Sadıqov özünün yığdığı "Ferrari" avtomobilinin sükanı arxasında

"Bütün dəmirlərini özüm kəsib yığmışam, bircə rəngləməyi mən etməmişəm. Avtomobilin yığılmasında "Qazel", "Mercedes", BMW-nin və digər avtomobillərin hissələrindən istifadə edilib. "Formula" avtomobillərində dəmirdən istifadə edilmir. Amma mən bunu sırf dəmirlə yığmışam. Bu avtomobil adi dəmir avtomobillər kimi yığılıb. Mənim hazırladığım avtomobilin çəkisi orijinal "Formula"dan 200 kiloqram çoxdur. Bunun çəkisi 800 kiloqramdır. "Lotus" isə "VAZ 21-07" mühərriki ilə yığılıb" — deyən Sadıqovun sözlərinə görə, yığdığı "Formula" avtomobili 2007-ci ilin modeli əsasında hazırlayıb, avtomobilin rənglənməsi 3000 manata başa gəlib.

DYP-yə avtomobillərə sənəd almaq üçün müraciət edən Subhan deyir ki, avtomobillər "Sport" olduğundan, onlara sənəd verilmir: "Formula" ilə şəhərə çıxmıram. Amma "Lotus"-la çıxmışam. Polislər saxlayır, maraqlanırlar. Biləndə ki, özüm düzəltmişəm, cərimə yazmırlar. Onlara da maraqlı gəlir".

Subhanın sözlərinə görə, hazırda ancaq avtomobildən reklam çəkilişləri zamanı gəlir əldə edir. Belə ki, reklam şirkətlərindən biri ona 1 aylıq kirayə üçün 4 min manat verib. Elə Subhanın da istəyi odur ki, avtomobili reklam çəkilişləri üçün istifadəyə verib gəlir əldə etsin.

Subhan Sadıqovun yığdığı avtomobillər
© Foto S.Sadıqov tərəfindən təqdim olunub
Subhan Sadıqovun yığdığı avtomobillər

Hazırda Subhan Sadıqov kabel televiziyalarından birində çalışır. Deyir ki, yeni avtomobillər yaratmaq fikri olsa da, bunun üçün imkanı yoxdur. Ancaq onun əl işlərinə dəyər verib, sponsorluq etmək istəyən olsa, o, hər markadan avtomobil yığa bilər.

2033
Teqlər:
Subhan Sadıqov, "Lotos", "Formula", "Ferrari", gənc, Azərbaycan, avtomobil
Əlaqədar
Çində ağlasığmaz texnologiya icad edildi
Əsrin böyük icadı, yoxsa bəlası?!
Hər kəsi təəccübləndirən icad
Azərbaycanlı ustanın icadı görənləri heyrətə salır
Saatda 800 ağac əkən pilotsuz uçan aparat icad edilib
Elnur Hüseynov, arxiv şəkli

"Eurovision" ulduzlarından Gəncə terroru barədə klip

29
(Yenilənib 20:03 28.10.2020)
"Say Hallelujah" mahnısına çəkilmiş videoklip Fidan Hüseynovanın rəsmi "Youtube" kanalında təqdim edilib. Sənətçilər klip vasitəsi ilə həqiqəti bütün dünyaya çatdırmağa çalışıblar.

BAKI, 28 oktyabr — Sputnik. "Eurovision" mahnı müsabiqəsinin ulduzları Elnur Hüseynov və Fidan Hüseynova Ermənistanın Gəncədə törətdiyi terror aktları barədə klip çəkiblər. Sputnik Azərbaycan xəbər verir ki, "Say Hallelujah" mahnısına çəkilmiş videoklip Fidan Hüseynovanın rəsmi "Youtube" kanalında təqdim edilib. Sənətçilər klip vasitəsi ilə həqiqəti bütün dünyaya çatdırmağa çalışıblar.

Müğənni kliplə bağlı danışarkən bunları deyib: "Oktyabrın 4, 11 və 17-də Azərbaycanın hərbi əməliyyatlar zonasından kənarda yerləşən, əhalisinin sayına görə ikinci ən böyük şəhəri olan Gəncəyə üç raket hücumu nəticəsində 26 nəfər həlak olub. Həlak olanlar arasında 10 qadın və 6 uşaq var. Daha 138 nəfər yaralanıb. İndi informasiya müharibəsi gedir və hər kəsin öz silahı var: bizim mahnımız ingilis dilində olduğu üçün istədim ki, yenidən o mahnıya qayıdaq və bütün həqiqəti dünyaya çatdıraq. Bu arzumu Fidanın atası Yaqub müəllimə bildirəndə o, mənim ideyamı ürəkdən dəstəklədi".

Rejissor Ülviyyə Könül bildirib ki, bu klipin ərsəyə gəlməsində məqsəd həqiqəti bəşəriyyətə çatdırmaqdır: "Mənim fikrimcə, bu klip çox güclü material yaratmağa kömək edib, çünki bu mövzuya laqeyd qalmaq mümkün deyil".

Layihə müəlliflərinin sözlərinə görə, bu gün dünya birliyi anlamalıdır ki, Ermənistanın terrorçu qoşunları Azərbaycan ərazisində vuruşur, lakin Qarabağın hüdudlarından uzaqlarda dinc əhaliyə qarşı vəhşiliklər törədirlər.

Mahnının sözləri Cəlal Qurbanovundır. Misraları ingilis dilinə tərcümə etmiş şairə Nigar Həsənzadə deyir:

"Bu mahnı doğma Azərbaycanımızın övladlarına, müharibə nəticəsində həyatlarını itirmiş günahsız qurbanlara görə bizim ümumi harayımız və fəryadımızdır. Bu mahnı dünya birliyini həqiqətin gözünün içinə baxmağa, öz ambisiyalarını müvəqqəti də olsa, unutmağa, mənfur erməni diasporunun təsirinə uymamağa və terrorçu ermənilərin bəşəriyyət əleyhinə törətdiyi dəhşətli cinayətlərə görə onları mühakimə etməyə çağırışdır".

29
Mövzu:
Azərbaycan və Ermənistan arasında müharibə
Şəhid general Polad Həşimovun portreti, arxiv şəkli

Türkiyədə general Həşimovun adına park salındı - VİDEO

34
(Yenilənib 20:31 28.10.2020)
Osmanqazi bələdiyyəsinin sədri Mustafa Dündar və Azərbaycanın Türkiyədəki səfirliyinin müşaviri Ruslan Abdullayev mərasimdə çıxış ediblər

BAKI, 28 oktyabr - Sputnik. Ermənistan silahlı qüvvələrinin Tovuz rayonu istiqamətindən ölkəmizə xain hücumları nəticəsində şəhid olan Azərbaycan Silahlı Qüvvələrinin generalı Polad Həşimovun əziz xatirəsi Türkiyədə əbədiləşdirilib.

Sputnik Azərbaycan-ın məlumatına görə, Bursanın Osmanqazi rayonunun Dəmirtaş bölgəsində Polad Həşimovun adı verilən yeni park salınıb.

Parkın açılış mərasimi Azərbaycan və Türkiyənin dövlət himnləri səsləndirilməsi ilə başlayıb. Sonra şəhidlərimizin əziz xatirəsi bir dəqiqəlik sükutla yad olunub, onların ruhuna dualar oxunub.

Osmanqazi bələdiyyəsinin sədri Mustafa Dündar və Azərbaycanın Türkiyədəki səfirliyinin müşaviri Ruslan Abdullayev mərasimdə çıxış ediblər.

34
Əlaqədar
Türkiyədə Polad Həşimovun xatirəsi əbədiləşdirilir
"Təhlükəsizlik baxımından bizim üçün Türkiyənin önəmi qiymətsizdir" – Azərbaycanlı general
"Yeni şəhidlərimiz olmasın" - Polad Həşimovun portretini yaradan rəssam - VİDEO
Əlində Azərbaycan və Türkiyə bayraqlarını tutan kişi

Azərbaycan Prezidenti Türkiyə xalqını təbrik etdi

0
Azərbaycan Respublikasının Prezidenti İlham Əliyev Türkiyə xalqını Cümhuriyyət Bayramı münasibəti ilə təbrik edib.

BAKI, 28 oktyabr - Sputnik. Azərbaycan Respublikasının Prezidenti İlham Əliyev Türkiyə xalqını Cümhuriyyət Bayramı münasibəti ilə təbrik edib.

Sputnik Azərbaycan xəbər verir ki, bu barədə Dövlər başçısı özünün Twitter hesabında yazıb.

"Bir millət, iki dövlət, qardaş Türkiyə xalqını təbrik edirik!”, - deyə İlham Əliyev yazıb.

pic.twitter.com/BLAku1IDrq

— İlham Əliyev (@azpresident) October 28, 2020

0