Tıxac, arxiv şəkli

Bakıda yaşanan sıxıntılı dönəmə müddət qoyuldu: Gələn ilin sonu bitəcək

3959
(Yenilənib 14:02 16.10.2017)
Nəsimi Paşayev: "İşlər qaydasında gedərsə, 2018-in sonuna kimi stansiyanı açmağı planaşdırırıq"

BAKI, 16 oktyabr — Sputnik. Bakıda yollarda tıxacda qalmaq şəhər sakinləri üçün adi hala çevrilib. Günün səhər və axşam vaxtlarında paytaxtın bəzi prospekt və küçələrində sıxlıq müşahidə olunur. Buna isə bir çox səbəblər təsir edir.

Şəhər sakini Zaur Nurməmməd Sputnik Azərbaycan-a ünvanladığı şikayət məktubunda iddia edir ki, Tbilisi prospektində hər gün müşahidə olunan tıxacın yaranma səbəblərindən biri, tikilməkdə olan metroya görə yolun bağlanmasıdır.

"Tbilisi prospektində günün əksər vaxtlarında tıxac olur. Tıxacın bəzi səbəbləri var. Bu səbəblərdən biri də keçmiş "Papanin"-də uzun müddətdir ki, metro stansiyasının qazıntı işləri ilə əlaqədardır" — sakin bildirir.

Nəsimi Paşayev
Sputnik. Sevda Babayeva
Nəsimi Paşayev

Onun sözlərinə görə, uzun illərdir burada qazıntı işləri gedir: "Bu da yolun bağlı olmasına və tıxacın yaranmasına səbəb olur. Çünki mikrorayonlara gedənlər məcbur Tbilisi prospektindən istifadə edirlər. Bu da prospektin yüklənməsinə və bəzi saatlarda tıxacların yaranmasına səbəb olur. Bilmək istəyirik, bu yolun açılışı nə vaxt olacaq? Ümumiyyətlə, yolun açılmasına ümid var?"

"Bakı Metropoliteni" QSC-nin mətbuat xidmətinin rəhbəri Nəsimi Paşayev, məsələ ilə bağlı Sputnik Azərbaycan-a açıqlamasında problemə aydınlıq gətirib. O bildirib ki, "Papanin" deyilən ərazidə Bənövşəyi xəttin 3-cü stansiyası tikilir.

"Şərti adı B3-dür. Yol da ona görə bağlıdır. Stansiya açılanda yol da açılacaq. İşlər qaydasında gedərsə, 2018-in sonuna kimi stansiyanı açmağı planlaşdırırıq" — Paşayev bildirib.

3959
Teqlər:
"Papanin", Tibilisi prospekti, sakin, yol, "Bakı Metropoliteni" QSC, metro, Bakı, tıxac
Əlaqədar
Bu yollarda tıxacdır - DİQQƏT
Zəncirvari qəza Bakıda tıxac yaratdı
Tıxaclara son qoyacaq layihə hazırlanıb
Avtobuslar üçün ayrılmış xüsusi zolaqlar tıxac problemini həll edəcəkmi?
Paytaxt yollarında güclü tıxac yaranıb
Paytaxtda tıxacın qarşısını almaq məqsədilə növbəti addım
Dieqo Armando Maradona

Maradonanın həkimi ittihamlara cavab verdi

14
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

14
Teqlər:
axtarış, ittiham, həkim, ölüm, Dieqo Armando Maradona
Микрофон

Uşaq "Avroviziya"sının qalibi bəlli oldu - VİDEO

16
(Yenilənib 23:14 29.11.2020)
Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər

BAKI, 29 noyabr - Sputnik. Fransanı təmsil edən Valentina Trünel J'imagine mahnısı ilə beynəlxalq "Uşaq Avroviziyası-2020" müsabiqəsinin qalibi olub.

Sputnik Azərbaycan bildirir ki, müsabiqənin finalı Polşada telekörpü formatında keçirilib. Valentina peşəkar münsiflər heyəti və tamaşaçıların səsi ilə 200 xal toplayıb.

İkinci yerə Qazaxıstan təmsilçisi Karakat Başanova, üçüncü yerə isə İspaniyadan Solea layiq görülüblər.

Rusiya təmsilçisi Sofya Feskova 88 xalla 10-cu yeri tutub. Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər.

İştirakçıların nəticələri peşəkar münsiflər heyəti və tamaşaçıların müsabiqənin saytındakı səsverməsi ilə təyin olunub. Böyüklərin "Avroviziya"sından fərqli olaraq, burada tamaşaçılar öz ölkələrinə səs verə bilirdilər. Ancaq bu zaman tamaşaçılar minimum üç bəyəndikləri iştirakçıya səs verməli idilər.

16
Teqlər:
Fransa, final, müsabiqə, Polşa, Uşaq Avroviziyası, uşaqlar