Qadınların sosial-psixoloji böhrandan çıxmasına və inkişafa hədəflənməsinə dəstək layihəsi çərçivəsində Beyləqan rayonunda görüş

Qadınlara çağırış: maddi cəhətdən asılı olmamağa çalışın

1958
(Yenilənib 20:52 13.10.2017)
Ülkər Abdullayeva: Peşələrə yiyələnmiş, öz ayaqları üstündə duran, maddi ehtiyaclarını ödəyən, ömrünü mənasız intriqalara, nəticəsiz mübarizələrə sərf etməyən qadın intihar haqqında düşünməyəcək.

BAKI, 13 oktyabr — Sputnik. "Qadın Liderliyi Uğrunda" İctimai Birliyi (QLUB) "Qadınların sosial-psixoloji böhrandan çıxmasına və inkişafa hədəflənməsinə dəstək" layihəsi çərçivəsində Beyləqan rayonunun xanımları ilə görüş təşkil edib.

"Qadınların sosial-psixoloji problemləri və onların həlli yolları" mövzusuna həsr olunan görüşdə qadınların problemləri ilə yanaşı, öz rifahını yaxşılaşdırmaq istiqamətində görəcəyi işlər də müzakirə olunub.

Qadınların sosial-psixoloji böhrandan çıxmasına və inkişafa hədəflənməsinə dəstək layihəsi çərçivəsində Beyləqan rayonunda görüş
© Sputnik / Shahperi Abbasova
"Qadınların sosial-psixoloji böhrandan çıxmasına və inkişafa hədəflənməsinə dəstək" layihəsi çərçivəsində Beyləqan rayonunda görüş

Sputnik Azərbaycan-a İB-dən verilən məlumata görə, QLUB sədri Ülkər Abdullayeva son illərdə ölkəmizdə maliyyə-iqtisad sahəsində yaranmış çətinliklərin vətəndaşların sosial vəziyyətinə təsir etdiyini deyib. Bildirib ki, insanlar daha çox banklara olan borclarını ödəyə bilməməkdən, gəlirlərinin azalmasından şikayətlənirlər. Bu vəziyyət ailənin əsas yükünü çəkən qadınlara daha çox təsir edir.

"Statistikaya nəzər salanda görürük ki, ölkədə intihar edən qadınların sayı getdikcə artır. Onların yaşı və hər birini intihara sürükləyən səbəblər başqa-başqadır. Lakin köklərini araşdıranda məlum olur ki, sosial problemlər, bundan doğan stress intihara aparıb çıxarır. İnsanlar içində çabaladıqları problemlərdən çıxış yolu tapmayanda, köməksiz qaldıqda, dəstək görmədikdə, başa düşülmədikdə, haqlı-haqsız qınaqlara məruz qaldıqda tək çarəni canına qıymaqda görürlər. Vətəndaş cəmiyyətləri ona görə mövcuddurlar ki, bu cür insanların ümid yeri ola bilsinlər. Biz deyirik ki, intiharı seçmə, bizi seç, qapımızı döy ki, sənə yardım edə bilək" – deyə Ü.Abdullayeva bildirib.

O, qeyd edib ki, qadın nə qədər güclü, iradəli olsa, inkişafa hədəflənsə, problemlərin öhdəsindən ağıllı və daha az itki ilə çıxmağın yollarını düşünsə, bir o qədər stressdən, neqativ niyyətlərdən uzaq olacaq. "Peşələrə yiyələnmiş, öz ayaqları üstündə dura bilən, maddi ehtiyaclarını çalışaraq ödəyən, ömrünü mənasız intriqalara, nəticəsiz mübarizələrə sərf etməyən qadın heç vaxt intihar haqqında düşünməyəcək. Əməksevər qadın daim cəmiyyətdə özünü lazımlı insan hesab edir. O, yorulmadan, usanmadan mübarizə aparır, qarşısına çıxan maneələri inamla dəf edir" – deyə QLUB sədri bildirib. O, qadınları bir-birinin əlindən tutmağa, yardımlaşmağa, özlərini inkişaf etdirməyə, maddi cəhətdən müstəqil olmağa çağırıb. Beyləqan rayonunda qadınların bir neçə istiqamətdə öz biznesini yaratmaq imkanlarını qeyd edib.

Tədbirdə qadın məsələləri üzrə ekspert Aynur Zamanova, Beyləqan şəhəri N.Allahverdiyev adına 1 saylı tam orta məktəbin direktoru, YAP Beyləqan rayon təşkilatı Qadınlar Şurasının sədri Gülbəniz Cəfərova çıxış edərək mövzu barədə fikirlərini bölüşüblər. Onlar gələcəkdə sosial-psixoloji problemlərin məngənəsinə düşmək üçün ailə və məktəbdə qız uşaqlarının təhsilinə, tərbiyəsinə, peşəyönümlü olmasına diqqət yetirməyin vacibliyini vurğulayıblar. Bu cür motivasiya xarakterli tədbirlərdən ruhi qida və zövq aldıqlarını deyən xanımlar, sosial-psixoloji böhrandan çıxmaq üçün maarifləndirmənin böyük rolu olduğunu bildiriblər. Qeyd ediblər ki, qadınların böhran vəziyyətində müraciət edəcəkləri ictimai institutlar olarsa, problemlər daha asan çözülə bilər.

Sözügedən layihə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirilib. Layihənin məqsədi həssas qadın qruplarının sosial-psixoloji böhrandan çıxmasına yardım göstərmək və motivasiya yolu ilə onları inkişafa istiqamətləndirməkdir.

1958
Teqlər:
sosial-psixoloji problemlər, qadınlar, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası, intihar, "Qadın Liderliyi Uğrunda" İctimai Birliyi, Ülkər Abdullayeva, Beyləqan
Əlaqədar
Qadınların sosial-psixoloji problemləri müzakirə edilib
Qadınların sosial-psixoloji problemləri: zorakılıqdan, qətldən, intihardan çıxış yolu var?
Qadınların sosial-psixoloji problemlərinin artmasının səbəbləri və mənbələri
Maliyyə hesabatı, arxiv şəkli

Şəhid ailələri qazilərə ödəniləcək müavinətlərlə bağlı açıqlama verildi

19
(Yenilənib 19:52 01.12.2020)
Talıbov deyib ki, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri məlumatsızlıqdan irəli gəlir.

BAKI, 1 dekabr - Sputnik. Azərbaycanın ərazi bütövlüyü uğrunda döyüşlərdə şəhid olmuş qəhrəmanlarımızın ailələri və bu döyüşlərdə sağlamlığını itirmiş insanlarımız cənab Prezidentin tapşırığına uyğun olaraq hərtərəfli sosial təminat sistemi ilə əhatə olunublar.

Sputnik Azərbaycan xəbər verir ki, bu barədə Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsinin müdiri Fazil Talıbov məlumat verib.

Onun sözlərinə görə, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri isə məlumatsızlıqdan irəli gəlir. Onlar digər sosial ödənişlərlə (pensiya, müavinət) və sosial proqramlarla da əhatə olunurlar:

- Şəhidin vərəsələrinə sığorta ödənişi (11 min manat) verilir.
- Müharibə əlillərinə sığorta ödənişi (I dərəcə əlilliyi olan şəxslərə 8800 manat, II dərəcə əlilliyi olan şəxslərə 6600 manat, III dərəcə əlilliyi olan şəxslərə 4400 manat) ödənilir.

Əlavə olaraq, şəhid ailəsi üzvlərinə və müharibə əlillərinə:
- Əmək stajından asılı olaraq pensiya və ya müavinət ödənilir (orta məbləğ 400 manat);
- Onların əmək pensiyasının sığorta hissəsinə əlavə (55-110 manat) ödənilir;
- Prezidentin aylıq təqaüdü (210-300) ödənilir;
- Şəhid ailələrinin üzvlərinin və müharibə əlillərinin övladları və özləri təhsil haqqı ödəməkdən azad olunur;
- Protez və reabilitasiya vasitələri ilə pulsuz təmin olunurlar;
- Sanator-kurort müalicəsi üçün ildə 1 dəfə pulsuz göndərişlərlə təmin olunurlar;
- Aktiv məşğulluq proqramlarında (özünüməşğulluq, ödənişli ictimai işlər və s.) onlara üstünlük verilir;
- Onların məşğulluğunun təmin edilməsi üçün bütün işəgötürənlər üçün (dövlət və özəl) məcburi kvota müəyyən edilib;
- Şəhid ailəsi üzvləri və müharibə əlilləri üçün vergi, əmək qanunvericiliyində və s. üçün bir sıra güzəştlər də nəzərdə tutulub.

Ən önəmlisi isə mənzil şəraitinin yaxşılaşdırılmasına ehtiyacı olan şəhid ailələri və Qarabağ müharibəsi əlillərinə mənzillər və fərdi evlər, habelə müharibə əlillərinə avtomobillər dövlət tərəfindən təqdim edilir. İndiyədək bu kateqoriyadan olan şəxslərə 9000-ə yaxın mənzil və fərdi ev, habelə 7000-ədək avtomobil verilmişdir. Bu proqram hazırda uğurla davam etdirilir.

Beləliklə, şəhid ailələri və müharibə əlilləri mənzil və avtomobil təminatı, habelə birdəfəlik sığorta ödənişi ilə yanaşı, orta hesabla aylıq əsasda 700 manat sosial ödəniş alırlar. Bu ödənişlərin daha da təkmilləşdirilməsi, onların sosial müdafiəsinin daha da yaxşılaşdırılması istiqamətində mütəmadi iş aparılır.

19
Dəniz piyadaları döyüşlərdən daimi dislokasiya məntəqəsinə qayıdıb

Dəniz piyadaları döyüşlərdən daimi dislokasiya məntəqəsinə qayıdıb

12
(Yenilənib 19:03 01.12.2020)
Hərbi Dəniz Qüvvələrinin komandanı kontr-admiral Sübhan Bəkirov nümayiş etdirdikləri bacarıq və peşəkarlığa görə onlara Müdafiə Nazirliyinin rəhbərliyi adından təşəkkür edib.

BAKI, 1 dekabr — Sputnik. Vətən müharibəsində yüksək peşəkarlıq nümayiş etdirən Azərbaycan Hərbi Dəniz Qüvvələrinin dəniz piyadaları öz missiyalarını başa vuraraq hərbi hissəyə geri qayıdıb.

Müdafiə Nazirliyindən Sputnik Azərbaycan-a verilən məlumata görə, əvvəlcə xalqımızın ümummilli lideri Heydər Əliyevin, ölkəmizin müstəqilliyi və ərazi bütövlüyü uğrunda canından keçən şəhidlərin xatirəsi bir dəqiqəlik sükutla yad edilib. Hərbi orkestrin müşayiəti ilə dövlət himni ifa olunub.

© AR Ministry of Defence
Dəniz piyadaları döyüşlərdən daimi dislokasiya məntəqəsinə qayıdıb

Hərbi Dəniz Qüvvələrinin komandanı kontr-admiral Sübhan Bəkirov nümayiş etdirdikləri bacarıq və peşəkarlığa görə onlara Müdafiə Nazirliyinin rəhbərliyi adından təşəkkür edib.

12
Teqlər:
dəniz, Müdafiə Nazirliyi
Mövzu:
Azərbaycan və Ermənistan arasında müharibə

Azərbaycanda hansı yol hərəkəti qaydaları daha çox pozulur

0
(Yenilənib 19:23 01.12.2020)
Ölkə üzrə ən çox hansı yol hərəkəti qaydalarının daha çox pozulması ilə bağlı statistika açıqlanıb. Siyahıda birinci yeri icazə verilən sürət həddinin aşılması ilə əlaqədar qayda pozuntuları tutur.
İnfoqrafika: Azərbaycanda yol hərəkəti qaydalarının pozulması ilə bağlı statistika
© Sputnik / Elnur Salayev

Azərbaycanın yol polisi əməkdaşları bu ilin yanvar-sentyabr ayları ərzində ölkə yollarında sürücülərin yol hərəkəti qaydalarını pozması ilə bağlı təxminən üç milyon fakt qeydə alıblar. Dövlət Statistika Komitəsinin verdiyi məlumata görə, qayda pozuntularının üçdə biri icazə verilən sürət həddinin aşılması ilə əlaqədardır.

İkinci yeri nəqliyyat vasitəsini düzgün saxlamamaq və ya səhv yerə park etməklə bağlı cərimələr tutur - 20,7%. Üçüncü yerdə isə yol işarələri və ya nişanlarının tələblərinə əməl etməməklə bağlı qayda pozuntuları durur.

Qeyd etmək lazımdır ki, koronavirus pandemiyası 2020-ci il üzrə yol hərəkəti qayadalarının pozulması statistikasına da öz təsirini göstərib. Tutulan protokolların 4.1%-i nəqliyyatda sanitar-gigiyena və karantin rejimini pozanların payına düşür.

Ümumilikdə sürücülər qayda pozuntuları ilə bağlı dövlət xəzinəsini 93,2 milyon manat həcmində cərimə ödəməli olublar.

Yol hərəkəti qaydalarının pozulması halları ilə bağlı statistika Sputnik Azərbaycan-ın İnfoqrafikasında daha geniş şəkildə öz əksini tapıb.

0