BAKI, 11 oktyabr — Sputnik. Türkiyə xarici işlər naziri Mövlud Çavuşoğlu ilə ABŞ-ın dövlət katibi Reks Tillerson arasında telefon danışığı olub.
"Report"un verdiyi məlumata görə, tərəflər Türkiyə ilə ABŞ arasında vizaların verilməsinin qarşılıqlı olaraq dayandırılmasını müzakirə ediblər.
Telefon danışığı yarım saat çəkib.
Xatırladaq ki, ABŞ-ın İstanbuldakı Baş Konsulluğunun bir əməkdaşının casusluqda ittiham olunaraq həbs olunmasından sonra iki ölkə qarşılıqlı olaraq viza müraciətlərini müddətsiz təxirə salıb.
