İmza atan adam

Qurban getməmək üçün rəsmi orqana sığınasan, orda da başına gələ...

624
(Yenilənib 20:24 10.10.2017)
"Dəfələrlə şahid olmuşam ki, notariat işçilərinin vəzifələrini düzgün yerinə yetirməmələri səbəbindən vətəndaşlara ziyan dəyib"

Təranə Xudabaxşiyeva, Sputnik Azərbaycan

BAKI, 10 oktyabr — Sputnik. Müasir dövrdə insanlar bir-birləri ilə işbirliyi qurarkən, bunu notariat kontoru vasitəsi ilə həll etməyi üstün tuturlar. Səbəb isə sadədir. Çünki insanlar bu idarədən verilən sənədlərin arxasında dövlət zəmanəti durduğunu bilir və bu səbəbdən də daha arxayın iş görür.

Amma təəssüf ki, vətəndaşların bel bağladıqları bu orqan da qüsursuz deyil. Bəzən anlaşılmazlıqdan və ya notariat kontorunun işçilərinin səhvi səbəbindən vətəndaşlara maddi və ya mənəvi zərbə dəyir. Bəs belə olanda, vətəndaşa dəyən maddi və mənəvi ziyanı kim ödəməlidir?

Sputnik Azərbaycan-a açıqlama verən vəkil Elyar Həsənov bildirir ki, belə hallara tez-tez rast gəlinir: "Öncə onu qeyd edim ki, notariat qiymətləri əhalinin orta aylıq əmək haqqına görə çox bahadır. Eyni zamanda, notariat kontoru işçilərinin səhvlərinə də tez-tez rast gəlirik. Sənədlərdə və müqavilələrdə səhv edən notariat işçilərinə görə hər hansı maddi və mənəvi ziyana düşən vətəndaşın hüququ var ki, ona dəyən zərəri məhkəmə yolu ilə notariat kontorundan alsın".

Vəkil qeyd edir ki, məhkəmələr bu məsələlərə o qədər də ciddi yanaşmır: "Vətəndaşlar hüquqlarını tələb etsələr, onlara dəymiş ziyanı ala bilərlər. Əks halda onlara dəyən ziyanı ödəməyəcəklər".

"Notariat kontorlarının sığorta hesabları olur. Onlar sığorta ödəyir ki, sabah notariatda hər hansı problem olanda, özləri vətəndaşa dəymiş ziyanı ödəyə bilsinlər" – deyə Elyar Həsənov əlavə edib.

Həsənovun sözlərinə görə, bizdə notariat işçilərinin məhkəməyə verilməsi praktikası yox səviyyəsindədir: "Mən vəkil olaraq dəfələrlə şahid olmuşam ki, notariat işçilərinin vəzifələrini düzgün yerinə yetirməmələri səbəbindən vətəndaşlara ziyan dəyib. Təəssüflər olsun ki, bəzən məhkəmələr də notariat kontorunun məsuliyyətdən yayınmasına göz yumurlar. Bir sözlə, qanunvericilikdə bu hallar var, amma praktikada demək olar ki, inkişaf eləməyib".

Hüquqşünas Asif Abdullayev də Sputnik Azərbaycan-a danışır ki, belə hallar baş verərsə və notariatda çalışanların səhvləri nəticəsində vətəndaşa ziyan dəyərsə, notariat kontoru dəymiş ziyanı ödəməlidir: "Vətəndaş məhkəməyə müraciət edərək ona dəyən maddi ziyanı tələb edə bilər və idarə mütləq vətəndaşa dəyən ziyanı ödəməlidir. O ki qaldı mənəvi ziyana, bunu artıq məhkəmə müəyyən etməlidir. Həqiqətən belə hal aşkarlanarsa, notariat kontoru bu ziyanı da ödəməyə məcburdur".

624
Teqlər:
mənəvi, maddi, ziyan, imza, notariat kontoru, müqavilə, zərər, vətəndaş, qanun
Əlaqədar
Bakı sakinlərinə təklif olunan kompensasiya narazılığa səbəb olub
Bağlanan "Bank Standard"ın əmanətçilərinə 460 mln. manat kompensasiya veriləcək
Paytaxtda qasırğadan 15 nəfər zərər çəkib
Təbiət hadisəsi ciddi zərər vurub
Suqovşan

Su ehtiyatlarının qiymətləndirilməsi sahəsində dönüş yaranır

3
(Yenilənib 12:39 30.11.2020)
Ramiz Məmmədov suvarma sahəsində qabaqcıl, müasir təcrübəyə malik yerli və xarici ölkə fermerlərinə həsr olunmuş müntəzəm televiziya verilişlərinə ehtiyac olduğunu vurğulayıb.

BAKI, 30 noyabr — Sputnik. Azərbaycan Milli Elmlər Akademiyasının akademiki H.Ə.Əliyev adına Coğrafiya İnstitutunun direktoru, akademik Ramiz Məmmədovun ölkənin su təminatı ilə vəziyyətinə aydınlıq gətirən məqaləsi dərc edilib. AMEA-dan Sputnik Azərbaycan-a verilən məlumata görə, Azərbaycanın şirin su ekosistemləri: problemlər və gözləntilər" adlı məqalədə bu ilin yay-payız aylarında Kür çayında yaranmış vəziyyətlə əlaqədar aparılan tədqiqat işlərinin nəticələr yer alıb. Şirin su ilə bağlı problemlərin hələ bir müddət davam edəcəyini proqnozlaşdıran akademik bununla əlaqədar iqtisadiyyatın strateji sahələrinin strukturunda dəyişikliyə ehtiyac olduğunu diqqətə çatdırıb.

Qeyd olunub ki, Türkiyənin təcrübəsindən yararlanaraq, respublikamızın intellektual bazası hesabına "elm-bilik" mərkəzlərinin yaradılması ilə daha az şirin su işlədən emaledici sənayenin, xüsusilə yüksək texnologiyaya əsaslanan sahələrin inkişafını sürətləndirmək olar. Bundan başqa, suvarma sahəsində qabaqcıl, müasir təcrübəyə malik yerli və xarici ölkə fermerlərinə həsr olunmuş müntəzəm televiziya verilişlərinə ehtiyacın olduğu vurğulanıb.

Alim həmçinin bildirib ki, Tərtər çayı üzərindəki Suqovuşan, Araz çayı üzərindəki Xudafərin, Köndələnçaydakı Kaskad su anbarları, bir sıra çaylarımız, vaxtilə qazılmış yüzlərlə subartezian quyuları, İranla müştərək tikilməsi nəzərdə tutulmuş Qız qalası hidroqovşağı su ehtiyatlarının qiymətləndirilməsi və istifadəsi sahəsində bir dönüş yaradacaq.

3
Teqlər:
Kür çayı, təcrübə, Suqovuşan, su
Tibb işçisi Dövlət Gömrük Komitəsinin hospitalında, arxiv şəkli

Bakıda bu rayon koronavirusa yoluxma liderdir

4
(Yenilənib 12:35 30.11.2020)
Sonrakı yerlərdə 12,7 faizlə Xətai, 11,6 faizlə Yasamal, 11,3 faizlə Sabunçu, 8,4 faizlə Suraxanı, 8,3 faizlə Nəsimi, 8 faizlə Nərimanov, 7,3 faizlə Nizami, 6,3 faizlə faizlə Qaradağ, 6,3 faizlə Xəzər, 4,8 faizlə Səbail, 0,3 faizlə Pirallahı rayonları qərarlaşıb.

BAKI, 30 noyabr — Sputnik. Azərbaycanda COVİD-19 virusuna yoluxanların 53,5 faizi Bakıdadır. Sputnik Azərbaycan-ın koronavirusinfo.az saytına istinadən xəbər verir ki, paytaxt daxilində ən çox yoluxma yenə də 14,7 faizlə Binəqədi rayonundadır.

Sonrakı yerlərdə 12,7 faizlə Xətai, 11,6 faizlə Yasamal, 11,3 faizlə Sabunçu, 8,4 faizlə Suraxanı, 8,3 faizlə Nəsimi, 8 faizlə Nərimanov, 7,3 faizlə Nizami, 6,3 faizlə faizlə Qaradağ, 6,3 faizlə Xəzər, 4,8 faizlə Səbail, 0,3 faizlə Pirallahı rayonları qərarlaşıb.

Tibbi Ərazi Bölmələrini İdarəetmə Birliyi (TƏBİB) koronavirus infeksiyasının qlobal pandemiya elan olunduğunu və virusun geniş yayılma tendensiyasının davam etdiyini nəzərə alaraq, bir daha vətəndaşları diqqətli olmağa, Ümumdünya Səhiyyə Təşkilatının tövsiyələrinə riayət etməyə, əhalinin sağlamlığının etibarlı qorunması və təhlükəsizliyinin təmin edilməsi məqsədilə Nazirlər Kabineti yanında Operativ Qərargahın qəbul etdiyi qərarlara və müəyyənləşdirdiyi qaydalara tam əməl etməyə çağırır.

4
Teqlər:
Yasamal rayonu, Binəqədi rayonu, Xətai rayonu, Koronavirus, COVID-19