Azərbaycan Prezidentinin İctimai-siyasi məsələlər üzrə köməkçisi Əli Həsənov

Prezidentin köməkçisi: "Yaxşı ki, indi o telekanal yoxdur"

169
(Yenilənib 13:06 07.10.2017)
Əli Həsənov: "Bir telekanalın rəhbəri MTRŞ sədrinə yazmışdı ki, milli-mənəvi dəyərlərin nə olduğunu yazın, altına imza qoyub, mənə göndərin"

BAKI, 6 oktyabr — Sputnik. "Son 10 ildə telekanallarda süni reytinqə qaçmaq və saxta sorğular müəyyən problemlər yaradıb. İlk növbədə KİV və telekanal rəhbərləri bilməlidirlər ki, onlar cəmiyyətə nümunə təqdim edirlər. Azərbaycan cəmiyyətinə heç nə verməyəcək insanları tez-tez efirə çıxarmağın heç bir faydası yoxdur".

Sputnik Azərbaycan xəbər verir ki, bu gün "Azərbaycan ədəbi dilinin qorunmasında və inkişafında KİV-in rolu" mövzusunda keçirilən konfransda, Azərbaycan prezidentinin İctimai-siyasi məsələlər üzrə köməkçisi Əli Həsənov belə deyib. O, konfransda faydalı müzakirələrin aparılıdığını bildirib.

"Bütün sahələr üzrə əsas vəzifələrimiz, hədəflərimiz ortaya qoyuldu. Mən tamamilə razıyam ki, bu, tək KİV-in məsələsi deyil. Gündəmdə Azərbaycan dilinin saflığı məsələsi durursa, valideyndən, dayədən tutmuş, orta və ali məktəblər də daxil olmaqla, QHT və KİV-in də öz rolu var" — Həsənov vurğulayıb.

"Söhbət 3-5 aparıcıdan getmir. Aparıcı ora gələnə qədər hansı mərhələləri keçir? Hər kəs anlamalıdır ki, Azərbaycan dilini yaşatmaq üçün bir coğrafi ərazi var, o da bu ərazidir. Azərbaycan dilini yaşada biləcək bir toplum var, o da Azərbaycanda və xaricdə yaşayan azərbaycanlılardır. Hər kəs bu məsələyə məsuliyyətlə yanaşmalıdır. Aparıcılar dilimizi yaxşı bilməklə yanaşı, niyə gözəl fiziki göstəriciləri də olmasın?! Yaxşı olar ki, aparıcılar həm də zəngin intellektə malik olsunlar" — o, əlavə edib.

Prezidentin köməkçisi televiziyaların tərkibində akademiyaların yaradılmasını da vacib sayıb: "AzTV-də, İctimai Televiziyada Azərbaycan dili ilə bağlı maarifləndirici verilişlər olmalıdır. Nuşirəvan Məhərrəmli bu məsələni son illər tez-tez qaldırır, monitorinqlər keçirir. Bu da bəzilərinin xoşuna gəlmir. Bir telekanalın rəhbəri MTRŞ sədrinə yazmışdı ki, milli-mənəvi dəyərlərin nə olduğunu yazın, altına imza qoyub, mənə göndərin. Yaxşı ki, indi o telekanal yoxdur".

"Arif Rəhimzadə Moskvada açıqlama vermişdi, identifikasiya aparmışdı ki, türk dili və Azərbaycan dili fərqlidir. O başqa məsələdir ki, Azərbaycan dili türk dili qrupuna daxildir. Lakin bu, Türkiyə əleyhinə məsələ kimi qabardıldı, Arif Rəhimzadə bu sözünə görə bir telekanalda bir aparıcı tərəfindən tənqid olundu. Yaxşı ki, indi o aparıcı və o telekanalın rəhbəri yoxdur" — Ə. Həsənov bildirib.

169
Teqlər:
prezidentin köməkçisi, dil, telekanal, Əli Həsənov, Azərbaycan
Əlaqədar
Əli Həsənov: "Prezident sərəncamında sadalanan nöqsanlar hələ də aradan qaldırılmayıb"
MTRŞ sədri: "Efirdən ləhcə ilə danışmaq olmaz"
"Ana dilinin normalarını pozanlar cərimə edilməlidir"
Azərbaycan Türkiyə bayrağları, arxiv şəkli

Azərbaycan Türkiyəyə jest etdi, qardaş ölkə cavabsız qoymadı

16
(Yenilənib 12:01 29.10.2020)
"Türkiyə Cümhuriyyətinin elan edilməsinin 97-ci ildönümündə Can Qardaşımızı Cümhuriyyət Bayramı münasibətilə ürəkdən təbrik edir, səmimi qəlbdən hər zaman azad və firavan yaşamasını diləyirik"

Eldar Tanrıverdiyev, Sputnik Azərbaycan

BAKI, 29 oktyabr — Sputnik. Azərbaycan Xarici İşlər Nazirliyi (XİN) qardaş Türkiyə Respublikasını Cümhuriyyət Bayramı münasibətilə təbrik edib. Sputnik Azərbaycan xəbər verir ki, təbrik mesajı qurumun rəsmi "Twitter" hesabında yerləşdirilib.

"Türkiyə Cümhuriyyətinin elan edilməsinin 97-ci ildönümündə Can Qardaşımızı Cümhuriyyət Bayramı münasibətilə ürəkdən təbrik edir, səmimi qəlbdən hər zaman azad və firavan yaşamasını diləyirik. Dünyaya örnək qardaşlığımız var olsun!" – deyə məlumatda bildirilir.

Qardaş ölkə Türkiyənin cavabı da özünü gecikdirməyib. Belə ki, Türkiyə XİN ölkələr arasında qardaşlıq münasibətinin bundan sonra davam edəcəyini bildirib.

16
Azərbaycan və Ermənistan bayraqları, arxiv şəkli

Azərbaycan Ermənistanın XİN rəhbərlərinin görüşü təxirə salındı

61
(Yenilənib 12:07 29.10.2020)
ATƏT-in Minsk qrupunun həmsədrlərinin də iştirakı ilə Azərbaycan və Ermənistan XİN rəhbərlərinin görüşü cümə günü İsveçrənin Cenevrə şəhərində baş tutacaq.

BAKI, 29 oktyabr — Sputnik. Azərbaycan və Ermənistan Xarici İşlər Nazirləri Ceyhun Bayramov və Zöhrab Mnatsakanyanın bu günə planlaşdırılan görüşü təxirə salınıb. Sputnik Azərbaycan xəbər verir ki, bunu adı çəkilməyən mənbə RİA Novosti-yə deyib.

Mənbə bildirib ki, ATƏT-in Minsk qrupunun həmsədrlərinin də iştirakı ilə Azərbaycan və Ermənistan XİN rəhbərlərinin görüşü cümə günü İsveçrənin Cenevrə şəhərində baş tutacaq.

61
BMT

BMT Ərdoğanın təhqiramiz karikaturalarının yayılmasını pislədi

0
(Yenilənib 12:17 29.10.2020)
Ali nümayəndə, həmçinin qeyd edib ki, ifadə azadlığından bütün dini inanclara və ehkamlara hörmət edilmək şərti ilə istifadə olunmalıdır

BAKI, 29 oktyabr — Sputnik. Birləşmiş Millətlər Təşkilatı (BMT) Fransanın "Charlie Hebdo" jurnalınının Məhəmməd Peyğəmbərdən sonra Türkiyə Prezidenti Rəcəb Tayyib Erdoğanın da təhqiramiz karikaturalarını dərc etməsinə münasibət bildirib. Sputnik Azərbaycan-ın Türkiyənin TRT Haber saytına istinadən yaydığı məlumata görə, BMT-nin Sivilizasiyalar İttifaqının Ali nümayəndəsi Migel Anxel Moratinos yazılı açıqlamasında bütün dinlərə və inanclara qarşılıqlı hörmət etməyə, qardaşlıq və sülh mədəniyyətinin təbliğinə çağırıb.

Bu cür təxribatçı hərəkətlərin dinləri, inancları və ya etnik mənsubiyyətləri səbəbindən günahsız mülki insanlara qarşı zorakılıq hallarının artmasına gətirib çıxardığını vurğulayan Moratinos bildirib ki, dini atributları və müqəddəs simvolları təhqir etmək cəmiyyətdə kin və zorakılığı çoxaldır.

Ali nümayəndə, həmçinin qeyd edib ki, ifadə azadlığından bütün dini inanclara və ehkamlara hörmət edilmək şərti ilə istifadə olunmalıdır.

Qeyd edək ki, Türkiyə Prezidenti Rəcəb Tayyib Ərdoğan Fransanın "Charlie Hebdo" jurnalını məhkəməyə verib.

Xatırladaq ki, 7 yanvar 2015-ci il tarixində silahlı şəxslər Charlie Hebdo-nun Parisdəki binasına basqın edərək 12 nəfəri öldürmüşdü. Əl-Qaidə təşkilatı Əlcəzair mənşəli Şərif və Səid Kouaçi qardaşlarının təşkil etdiyi hücumun məsuliyyətini öz üzərinə götürmüşdü. Təşkilatdan bildirilmişdi ki, Məhəmməd peyğəmbərin karikaturalarını dərc etdiyi üçün jurnalın əməkdaşlarından bu yolla intiqam alınıb.

 

0
Əlaqədar
"Charlie Hebdo" Ərdoğanın təhqiramiz karikaturalarını yayımladı
Hacıyev: "Charlie Hebdo" jurnalının Ərdoğanı hədəfə almasını kəskin şəkildə qınayırıq"
Ərdoğan "Charlie Hebdo"nu məhkəməyə verdi