Elçin Musayev

"Allah eləsin, ona heç araba lazım olmasın..."

568
(Yenilənib 18:00 06.10.2017)
Dərdli ana: "İldən-ilə yaşı çoxalır, sinirləri ölür, 5 il necə gözləyə bilərəm?"

İlham Mustafa, Sputnik Azərbaycan

BAKI, 6 oktyabr — Sputnik. Elçin Musayev Tovuz rayonunun Aşağı Mülkülü kəndində yaşayır. Əksər insanlar kimi, o da bütün əzaları sağlam olaraq dünyaya gəlib. Lakin 21 yaşında baş verən bədbəxt hadisə nəticəsində yerimə qabiliyyətini itirib.

Qış üçün ot tədarükü görərkən ot tayasının üstündən yıxılan Elçin, onurğa sütununu zədələyib. O, həyatının bir ilini yataqda keçirməyə məcbur olub. Amma bütün ömrünü yataqda keçirmək fikri ilə barışmayıb.

© Sputnik / Ilham Mustafa
Həyat onu çətin sınağa çəkib

Saç qırxmağı öyrənərək, valideynlərinin köməyilə kiçik bərbərxana açıb. O, burada həm bərbərlik edir, həm də çayçılıq edərək, gələn qonaqlara çay dəmləyir. Əlil arabasına məhkum olan gənc, çətinliklə də olsa, hər iki işin öhdəsindən gəlməyə çalışır.

Daim evdə oturmağın çox darıxdırıcı olduğunu deyən Elçin, işləyərək, müalicəsi üçün tələb olunan dərmanları almağa çalışır. Lakin günü-gündən artan qiymətlərin qarşılığında çox çətinlik çəkir. Artıq 9 ilə yaxındır yeriyə bilməyən gəncin ayaqlarında yataq yaraları yaranıb. Bunların da müalicəsini etmək ona o qədər də asan başa gəlmir.

Hazırkı durumu haqda Sputnik Azərbaycan-a danışan Elçin, yeriməyə ümidini üzmədiyini deyir: "Ayaqlarımda hissiyyat var. Yerimə qurğusundan tutaraq, addımlaya bilirəm. Həkimlər yeriməyim üçün ciddi müalicə almalı olduğumu deyirlər. Lakin bunun üçün imkanım yoxdur. Saç qırxıb, çay satmaqla bunun öhdəsindən gələ bilmərəm".

Elçinin anası Laçın xanım onu bir çox həkimlərin yanına aparsa da, imkanı olmadığından müalicəsini davam etdirə bilməyib. Hətta Bakıdakı Respublika Əlillərin Bərpa Mərkəzində olsa da, onu orada qəbil etmədiklərini deyir.

"Mənə dedilər ki, "burada növbəyə düşmək üçün, azı 5 il gözləməlisən". İldən-ilə yaşı çoxalır, sinirləri ölür. 5 il necə gözləyə bilərəm?" — qadın danışır.

Dərdli ananın sözlərinə görə, rəsmi qurumlardan da heç bir kömək görməyib: "Yıxılandan 1 il sonra bir araba verdilər. Elə araba idi ki, oğlumun gününün çoxu, elə onu təmir eləməyə gedirdi. Sağ olsunlar yaxşı insanlar. Hazırda işlətdiyi arabanı Bakıda yaşayan bir kəndçimiz alıb bağışladı. Neçə ildir onu istifadə edir. Allah eləsin, ona heç araba lazım olmasın, özü qalxıb yerisin".

Elçin Musayev 5 il öncə uşaqlıqdan sevdiyi qızla ailə həyatı qurub. Bütün ev işlərində həyat yoldaşı ona dəstək olur. Hələ övladları olmasa da, öz körpəsini qucağına alacağı, yeriyə biləcəyi günün uzaqda olmadığına çox inanır. Bunun üçün isə onun köməyə ehtiyacı var.

568
Teqlər:
Respublika Əlillərin Bərpa Mərkəzi, onurğa sütunu, əlil arabası, Aşağı Mülkülü kəndi, Elçin Musayev, ayaq, Tovuz rayonu, ailə, gənc, ana, qadın
Əlaqədar
Azərbaycan hökumətindən əlillərə müjdə
Əlilliyi olan sürücülərin qayda pozmaq üçün hansı imtiyazları var?
Dünya bu uşağın qarşısında üzüqaradır
Bakıdakı "Qul bazarı"nda insan dramı yaşanır
Kasıblar məhəlləsində insanlıq dramı yaşanır
Netflix şirkətinin loqosu, arxiv şəkli

Çağatay Ulusoyun "Netflix"dəki filmindən ilk treyler - VİDEO

9
(Yenilənib 23:01 02.03.2021)
Filmdə kağız və karton toplayaraq yaşayan, səhhəti vaxt ötdükcə pisləşən Mehmet tərk edilən bir uşaq tapır. Onun həyatına girən Ali Mehmetə öz uşaqlığını xatırladır.

BAKI, 2 mart — Sputnik. Türkiyəli aktyor Çağatay Ulusoyun baş rolu oynadığı növbəti "Netflix" filmi "Kağıttan hayaller"in ilk treyleri yayımlanıb.

Sputnik Azərbaycan xəbər verir ki, 12 martda yayımlanacaq ekran işi 190-dan çox ölkədə, 204 milyondan çox istifadəçiyə göstəriləcək.

Filmdə kağız və karton toplayaraq yaşayan, səhhəti vaxt ötdükcə pisləşən Mehmet tərk edilən bir uşaq tapır. Onun həyatına girən Ali Mehmetə öz uşaqlığını xatırladır.

9
Formula-1 üzrə Azərbaycan Qran-prisi, arxiv şəkli

Ciddi məhdudiyyət: Bakıda "Formula-1"də azarkeşlər yerli TV olmayacaq

5
(Yenilənib 22:58 02.03.2021)
Azərbaycan Qran-prisinin təşkilatçıları bu il paytaxtımızda "kral yarışları"nın necə keçiriləcəyindən danışıblar.

BAKI, 2 mart — Sputnik, Teymur Tuşiyev. "Formula 1"in Azərbaycan Qran-prisinin reqlamentində bir sıra dəyişikliklər baş verib. Sputnik Azərbaycan xəbər verir ki, bu barədə Baku City Circuit (BCC) əməliyyat şirkətinin brifinqində məlumat verilib.

"Formula 1" Azərbaycan Qran-prisi bu ilin 4-6 iyun tarixlərində Bakı küçələrində təşkil olunacaq. Keçən il yarış koronavirus pandemiyası səbəbindən baş tutmamışdı. Epidemiya əleyhinə tədbirlərlə əlaqədar olaraq, yarışın Bakı mərhələsi tamaşaçısız keçiriləcək, buna görə stendlərin və əyləncə zonasının inşası nəzərdə tutulmur və konsertlər də təxirə salınır. Bundan başqa, həftəsonları mükafatlandırma mərasimləri sadələşdirilmiş formada, yarış iştirakçıları üçün mətbuat konfransları isə onlayn keçiriləcək.

Azərbaycan Qran-prisinin təşkilatçıları azarkeşlər olmasa da yarışın Bakıda keçirilməsinin vacibliyini vurğulayıblar.

"Bu qədər ciddi məhdudiyyətləri nəzərə alsaq, ortaya belə bir sual çıxa bilər: bu şəraitdə yarışı keçirməyin nə mənası var? Bildiyiniz kimi, "Formula 1" yarışları ölkənin turizm potensialını nümayiş etdirir, buna görə də onun keçirilməsi böyük əhəmiyyət daşıyır ", – deyə BCC-dən bildirilib.

Yeri gəlmişkən, BCC-nin Azərbaycan Qran-prisini keçirməkdən imtina etməməsinin daha bir səbəbi əks halda təşkilatçıların cərimə ödəməli olmasıdır. Cərimənin məbləği isə açıqlanmayıb.

Məhdudiyyətlər KİV nümayəndələrindən də yan keçməyib. Sosial məsafəyə riayət olunması qaydalarına görə, mətbuat mərkəzində jurnalistlər üçün yerlərin sayının 400-dən 150-yə endirilməsi nəzərdə tutulub. Həmin yerlər xarici və yerli jurnalistlər arasında bərabər şəkildə bölünəcək. Bununla belə, yerli telekanallar və radiolar Azərbaycan Qran-prisi üçün akkreditasiya əldə edə bilməyəcəklər.

Təşkilatçılar treklərin hazırlanması ilə bağlı əsas işlərin bu ilin may ayında yerinə yetiriləcəyi, bununla əlaqədar paytaxtın bəzi küçələrində nəqliyyatın hərəkətinin məhdudlaşdırılacağını də bildiriblər.

Eyni zamanda, qeyd ediblər ki, könüllülərdən müraciətlərin qəbulu artıq başa çatıb. Bu prosesə start veriləndən sonrakı 60 saat ərzində könüllülərdən təxminən yeddi min ərizə daxil olub. Marşallardan da ərizə qəbulu yekunlaşıb.

Qeyd edək ki, bu il marşalların sayı 150 nəfər artırılacaq.

5
Teqlər:
Formula-1 yarışı, Formula 1
Erməni pasportu

Doğulduğu yer - Azərbaycan? Qarabağ ermənisinin pasportu Ermənistanda qalmaqal yaradıb

381
(Yenilənib 00:01 03.03.2021)
"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam" - Arsen Karapetyan.

BAKI, 2 mart - Sputnik. Qarabağda doğulan Ermənistan vətəndaşlarının yeni pasportlarında doğum yeri hissəsinə “Azərbaycan” yazılmağa başlanılıb.

Sputnik Ermənistan xəbər verir ki, bu barədə Yerevan Ağsaqqallar Şurasının “Mənim addımım” fraksiyasından olan keçmiş üzvü, memar Arsen Karapetyan öz Facebook hesabında yazıb. 

Karapetyan qeyd edib ki, dostu 80-ci illərin ortalarında Ağdərədə (Mardakertdə) anadan olub. Daha sonra isə Rusiyada yaşayıb və hazırda Ermənistan vətəndaşlığı almaq üçün müraciət edib. Onun pasportunda doğum yeri kimi isə Azərbaycan göstərilib.

"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam. Nədir bu?", - deyə Karapetyan sosial şəbəkədə yazıb.

Məsələ ilə bağlı Ermənistan polisinin pasport və viza şöbəsinin rəis müavini Məryəm Gevorkyan açıqlama verib.

"Bu vətəndaş Sovet İttifaqı dövründə anadan olub, Azərbaycan SSR-də anadan olub. Ermənistan Respublikasının pasportu səyahət sənədidir, beynəlxalq standartlara uyğundur, ona görə keçmiş SSRİ ölkələri üçün kodlar yoxdur. Başqa sözlə, əgər bir insan keçmiş SSRİ-nin bir ölkəsində anadan olubsa, onun doğulduğu yer pasporta ölkənin indiki adı ilə qeyd olunur, yəni Gürcüstan SSRİ deyil, Gürcüstan", - deyə Məryəm Gevorkyan bildirib.

O əlavə edib ki, "bu, köhnə təcrübədir". 

Qeyd edək ki, Arsen Karapetyan şərh bölümündə dostunun doğulduğu yerin "Azərbaycan SSR" kimi göstərildiyi Rusiya pasportunu da yerləşdirib. 

381