Yaşayış binası, arxiv şəkli

Mənzil sahibləri üçün yenilik: pulu belə ödəyəcəklər

8631
(Yenilənib 18:03 05.10.2017)
"Azəristiliktəhcizat"ın tərkibində daxil olan və isti su ilə təchiz olunan 270-ə yaxın yaşayış binası sayğac ilə təmin olunacaq

Təranə Xudabaxşiyeva, Sputnik Azərbaycan

BAKI, 5 oktyabr — Sputnik. Azərbaycanda istilik sayğacları quraşdırılacaq. Sputnik Azərbaycan xəbər verir ki, bu barədə "Azərbaycan Respublikasında kommunal xidmətlərin (elektrik və istilik enerjisi, su və qaz) inkişafına dair Strateji Yol Xəritəsi"nin yarımillik monitorinq və qiymətləndirmə hesabatında deyilib.

Azəristiliktəchizat ASC-nin Abonent və müştəri xidmətlərinin rəisi Rafiq Əliyev
© Photo : AZƏRTAC
"Azəristiliktəchizat" ASC-nin Abonent və müştəri xidmətlərinin rəisi Rafiq Əliyev

Hesabatda "Azəristiliktəchizat" ASC-nin qarşısında əsasən 3 mühüm problemin durduğu bildirilib. Buraya büdcə təşkilatları üçün müəyyən olunmuş istilik təchizatına tələbat limitlərinin onların faktiki istehlakından çox aşağı olması, istilik təchizatı tariflərinin mənzillərin ümumi sahəsinə deyil, yaşayış sahəsinə tətbiq edilməsi nəticəsində subyektin iri həcmdə maliyyə itkiləri ilə üzləşməsi və istilik təchizatı tariflərinin həddən artıq aşağı olmaqla mövcud xərcləri qarşılaya bilməməsi məsələləri daxildir. Büdcə təşkilatlarının istilik təchizatı üzrə faktiki istehlaklarının onlar üçün müəyyən olunmuş limitlərdən çox olduğunu isbat etməyin ən yaxşı yolu bu müəssisələr üçün istilik sayğaclarının quraşdırılmasında görüb.

Belə olan halda mənzillərdə sayğacların necə quraşdırılacağı, hansı binalara tətbiq olunacağı, nə vaxtdan layihəyə start veriləcəyi kimi suallar yaranır. Yaxın gələcəkdə baş verəcək bütün yeniliklər barədə Sputnik Azərbaycan-a "Azəristiliktəchizat" ASC-nin Abonent və müştəri xidmətlərinin rəisi Rafiq Əliyevlə məlumat verib.

- Rafiq bəy, mənzillərimizə sayğaclar necə quraşdırılacaq və aylıq abunə haqları necə hesablanacaq?

— Prezident İlham Əliyev tərəfindən Azərbaycan Respublikasında kommunal xidmətlərin (elektrik və istilik enerjisi, su və qaz) inkişafına dair "Strateji Yol Xəritəsi" təşkil olunanda orada nəzərdə tutulan tədbirlərdən biri də istilik və isti su sayğaclarının quraşdırılması idi. Çünki mənzillərə, sosial obyektlərə verilən isti suyu və istiliyi ölçən sayğac olmadığı üçün hesablamalar mənzillərin kvadrat metrinə görə, büdcə təşkilatlarında isə binaların tikinti həcminə görə hesablanırdı. Bundan başqa, mənzillərə verilən isti suya görə mənzildə yaşayan adam sayına görə hər ay 2 kub suyun pulu yazılırdı.

Biz qazanxanalarda temperaturu ətraf mühitin temperaturundan asılı olaraq tənzimləyirik. Daha yüksək temperatur daha çox enerji sərfiyyatı deməkdir. Sayğacın olması enerji sərfiyyatını daha dəqiq hesablamağa kömək edəcək və mənzil sahibləri buna uyğun pul ödəyəcəklər.

- Sayğacların quraşdırılması yeni sistemin qurulması deməkdir, yoxsa bu sayğacları köhnə istilik sistemlərinə də quraşdırmaq mümkün olacaq?

— Sosial obyektlərdə, məktəb, bağça və digər yerlərdə sayğac quraşdırmaq çox asandır. Çünki bir obyekt olduğu üçün sayğac ümumi sərfiyyatı hesablayacaq. Amma SSRİ dövründə tikilən çoxmənzilli yaşayış binaları ilə bağlı məsələ fərqlidir. Onlarda sistem elə quraşdırılıb ki, dayaqlar hər otaqdan keçir. Belə yerlərdə bu gün sayğac quraşdırmaq qeyri-mümkündür. Bir sözlə, bu gün köhnə binalarda isti suya sayğac quraşdırmaq mümkündür, amma istilik sistemlərinə sayğac quraşdırmaq qeyri-mümkündür.

Belə olan halda bir çıxış yolu qalır. Bina mülkiyyətçiləri ilə müqavilələr bağlamaq. Bu halda binanın girişində Enerji Təchizatı Təşkilatı tərəfindən sayğac qoyulur və həmin binada istifadə olunan istiliyin ümumi sərfiyyatı hesablanır. Daha sonra bina sahibi özü aylıq məbləği binada yerləşən mənzillər arasında bölür. Hələlik bina mülkiyyətçiləri tam formalaşmadığından, bu gün bunu da tətbiq edə bilmirik.

Ona görə də, çoxmənzilli yaşayış binalarında istilik sayğaclarının tətbiqi hələlik real görünmür. Amma isti su sayğaclarının tətbiqi realdır. Biz çalışacağıq ki, "Azəristiliktəhcizat"ın tərkibində daxil olan və isti su ilə təchiz edilən 270-ə yaxın yaşayış binası sayğac ilə təmin olunsun.

- Sayğac quraşdırıldıqdan sonra vətəndaş istilik sistemindən istifadədən imtina edə bilər?

— Əlbəttə. Hər bir vətəndaş mənzilindən keçən istilik sisteminin dayaqları qalmaq şərti ilə mənzilini qızdıran radiatorları söndürür və bizə müraciət edir. Çünki dayaqlar qonşulara istiliyin getməsini təmin edir. İşçilərimiz mənzilə gələrək ora istilik verilməməsini aktlaşdırır və orada yaşayan vətəndaşa istilikdən istifadə qadağan olunur.

- Sayğacların quraşdırılmasına nə vaxtdan başlanacaq?

— Biz hökumətə müraciət etmişik ki, sayğaclar pilot layihə olaraq büdcə təşkilatlarının bir neçə binasına quraşdırılsın. Güman edirəm ki, sayğacların quraşdırılmasına gələn ildən start veriləcək.

8631
Teqlər:
istilik sayğacları, "Azəristiliktəchizat" ASC, Sputnik Azərbaycan, su, Rafiq Əliyev, bina, mənzil, qaz, Azərbaycan
Əlaqədar
Elektrik sayğaclarının yanmasının səbəblərinə aydınlıq gətirildi
"Azəriqaz" sayğaclarda balansın artırılmasına limit tətbiq edib
Maliyyə hesabatı, arxiv şəkli

Şəhid ailələri qazilərə ödəniləcək müavinətlərlə bağlı açıqlama verildi

16
(Yenilənib 19:52 01.12.2020)
Talıbov deyib ki, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri məlumatsızlıqdan irəli gəlir.

BAKI, 1 dekabr - Sputnik. Azərbaycanın ərazi bütövlüyü uğrunda döyüşlərdə şəhid olmuş qəhrəmanlarımızın ailələri və bu döyüşlərdə sağlamlığını itirmiş insanlarımız cənab Prezidentin tapşırığına uyğun olaraq hərtərəfli sosial təminat sistemi ilə əhatə olunublar.

Sputnik Azərbaycan xəbər verir ki, bu barədə Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsinin müdiri Fazil Talıbov məlumat verib.

Onun sözlərinə görə, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri isə məlumatsızlıqdan irəli gəlir. Onlar digər sosial ödənişlərlə (pensiya, müavinət) və sosial proqramlarla da əhatə olunurlar:

- Şəhidin vərəsələrinə sığorta ödənişi (11 min manat) verilir.
- Müharibə əlillərinə sığorta ödənişi (I dərəcə əlilliyi olan şəxslərə 8800 manat, II dərəcə əlilliyi olan şəxslərə 6600 manat, III dərəcə əlilliyi olan şəxslərə 4400 manat) ödənilir.

Əlavə olaraq, şəhid ailəsi üzvlərinə və müharibə əlillərinə:
- Əmək stajından asılı olaraq pensiya və ya müavinət ödənilir (orta məbləğ 400 manat);
- Onların əmək pensiyasının sığorta hissəsinə əlavə (55-110 manat) ödənilir;
- Prezidentin aylıq təqaüdü (210-300) ödənilir;
- Şəhid ailələrinin üzvlərinin və müharibə əlillərinin övladları və özləri təhsil haqqı ödəməkdən azad olunur;
- Protez və reabilitasiya vasitələri ilə pulsuz təmin olunurlar;
- Sanator-kurort müalicəsi üçün ildə 1 dəfə pulsuz göndərişlərlə təmin olunurlar;
- Aktiv məşğulluq proqramlarında (özünüməşğulluq, ödənişli ictimai işlər və s.) onlara üstünlük verilir;
- Onların məşğulluğunun təmin edilməsi üçün bütün işəgötürənlər üçün (dövlət və özəl) məcburi kvota müəyyən edilib;
- Şəhid ailəsi üzvləri və müharibə əlilləri üçün vergi, əmək qanunvericiliyində və s. üçün bir sıra güzəştlər də nəzərdə tutulub.

Ən önəmlisi isə mənzil şəraitinin yaxşılaşdırılmasına ehtiyacı olan şəhid ailələri və Qarabağ müharibəsi əlillərinə mənzillər və fərdi evlər, habelə müharibə əlillərinə avtomobillər dövlət tərəfindən təqdim edilir. İndiyədək bu kateqoriyadan olan şəxslərə 9000-ə yaxın mənzil və fərdi ev, habelə 7000-ədək avtomobil verilmişdir. Bu proqram hazırda uğurla davam etdirilir.

Beləliklə, şəhid ailələri və müharibə əlilləri mənzil və avtomobil təminatı, habelə birdəfəlik sığorta ödənişi ilə yanaşı, orta hesabla aylıq əsasda 700 manat sosial ödəniş alırlar. Bu ödənişlərin daha da təkmilləşdirilməsi, onların sosial müdafiəsinin daha da yaxşılaşdırılması istiqamətində mütəmadi iş aparılır.

16
Dəniz piyadaları döyüşlərdən daimi dislokasiya məntəqəsinə qayıdıb

Dəniz piyadaları döyüşlərdən daimi dislokasiya məntəqəsinə qayıdıb

12
(Yenilənib 19:03 01.12.2020)
Hərbi Dəniz Qüvvələrinin komandanı kontr-admiral Sübhan Bəkirov nümayiş etdirdikləri bacarıq və peşəkarlığa görə onlara Müdafiə Nazirliyinin rəhbərliyi adından təşəkkür edib.

BAKI, 1 dekabr — Sputnik. Vətən müharibəsində yüksək peşəkarlıq nümayiş etdirən Azərbaycan Hərbi Dəniz Qüvvələrinin dəniz piyadaları öz missiyalarını başa vuraraq hərbi hissəyə geri qayıdıb.

Müdafiə Nazirliyindən Sputnik Azərbaycan-a verilən məlumata görə, əvvəlcə xalqımızın ümummilli lideri Heydər Əliyevin, ölkəmizin müstəqilliyi və ərazi bütövlüyü uğrunda canından keçən şəhidlərin xatirəsi bir dəqiqəlik sükutla yad edilib. Hərbi orkestrin müşayiəti ilə dövlət himni ifa olunub.

© AR Ministry of Defence
Dəniz piyadaları döyüşlərdən daimi dislokasiya məntəqəsinə qayıdıb

Hərbi Dəniz Qüvvələrinin komandanı kontr-admiral Sübhan Bəkirov nümayiş etdirdikləri bacarıq və peşəkarlığa görə onlara Müdafiə Nazirliyinin rəhbərliyi adından təşəkkür edib.

12
Teqlər:
dəniz, Müdafiə Nazirliyi
Mövzu:
Azərbaycan və Ermənistan arasında müharibə

Azərbaycanda hansı yol hərəkəti qaydaları daha çox pozulur

0
(Yenilənib 19:23 01.12.2020)
Ölkə üzrə ən çox hansı yol hərəkəti qaydalarının daha çox pozulması ilə bağlı statistika açıqlanıb. Siyahıda birinci yeri icazə verilən sürət həddinin aşılması ilə əlaqədar qayda pozuntuları tutur.
İnfoqrafika: Azərbaycanda yol hərəkəti qaydalarının pozulması ilə bağlı statistika
© Sputnik / Elnur Salayev

Azərbaycanın yol polisi əməkdaşları bu ilin yanvar-sentyabr ayları ərzində ölkə yollarında sürücülərin yol hərəkəti qaydalarını pozması ilə bağlı təxminən üç milyon fakt qeydə alıblar. Dövlət Statistika Komitəsinin verdiyi məlumata görə, qayda pozuntularının üçdə biri icazə verilən sürət həddinin aşılması ilə əlaqədardır.

İkinci yeri nəqliyyat vasitəsini düzgün saxlamamaq və ya səhv yerə park etməklə bağlı cərimələr tutur - 20,7%. Üçüncü yerdə isə yol işarələri və ya nişanlarının tələblərinə əməl etməməklə bağlı qayda pozuntuları durur.

Qeyd etmək lazımdır ki, koronavirus pandemiyası 2020-ci il üzrə yol hərəkəti qayadalarının pozulması statistikasına da öz təsirini göstərib. Tutulan protokolların 4.1%-i nəqliyyatda sanitar-gigiyena və karantin rejimini pozanların payına düşür.

Ümumilikdə sürücülər qayda pozuntuları ilə bağlı dövlət xəzinəsini 93,2 milyon manat həcmində cərimə ödəməli olublar.

Yol hərəkəti qaydalarının pozulması halları ilə bağlı statistika Sputnik Azərbaycan-ın İnfoqrafikasında daha geniş şəkildə öz əksini tapıb.

0