Abdulla

Gündəmi silkələyən azərbaycanlı uşağın yeni görüntüləri: Abdulla atasını şəkildən tanıdı

3847
(Yenilənib 14:28 04.10.2017)
Balaca Abdulla Azərbaycana - nənə-babasının yanına gəlmək istəyir

BAKI, 3 oktyabr — Sputnik. Xəbər verdiyimiz kimi, bu yaxınlarda Bağdaddakı sığınacaqlardan birində, Rusiyanın RT telekanalının əməkdaşları azərbaycanlı uşaqlar – 2 yaşlı Xədicə və 3 yaşlı Abdullanın görüntülərini çəkiblər. Sputnik Azərbaycan bu uşaqlar barədə məlumatları yaydıqdan sonra, Azərbaycanın Xarici İşlər Nazirliyi və İraqdakı diplomatik korpusumuzun nümayəndəliyi də uşaqların taleyi ilə yaxından maraqlanmağa başlayıblar.

Sözügedən uşaqların valideynlərinin bir müddət əvvəl Azərbaycanı tərk edərək "İslam dövləti" terror təşkilatına (İŞİD) qoşulduğu ehtimal edilir.

RT əməkdaşları bu gün Sputnik Azərbaycan-a Abdullanın növbəti görüntülərini təqdim ediblər. Yeni görüntülərdə sığınacaqda məskunlaşmış türk qız, Abdulladan atasının harada olduğunu soruşur. Abdulla "atam ölüb" — deyə cavab verir. O, nənə-babasının (atasının ana-atasının) Azərbaycanda olduğunu, onları görmək istədiyini deyir.

Abdulla atası ilə
© Photo : Russia Today
Abdulla atası ilə

Abdulla eyni zamanda, qardaşının olduğunu bildirib: "Adı Berakdır, Xədicədən (sığınacaqda onunla birlikdə olan, əvvəllər onun bacısı olduğu zənn edilən (bu fakt təsdiqini tapmayıb) 2 yaşlı azərbaycanlı qız uşağı-red.) balacadır. Berak anamın yanındadır".

"Qardaşın öldümü?" sualına Abdulla "yox, ölmədi" deyə cavab verib. Amma qardaşının harada olduğuna dair suallara o, təzadlı cavablar verib: "Qardaşım, biz getdiyimiz yerdə, su içdim e, oradadır. Adamların yanında. Adamlar götürüb aparmış olarlar, oğurlayıblar. Oğurlayıblar sonra…". Abdulla kim olduqlarını bilmədiyi adamların, qardaşını apardıqlarını təkrarlayıb.

Qaldığı sığınacaqda vəziyyətinin yaxşı olduğunu deyən Abdulla, ona "deyir, səni buradan Baksa (çox güman ki, Bakını nəzərdə tutur-red.) yollayırıq" deyən oğlana başı ilə müsbət cavab verir.

Daha sonra Abdulla iki qardaşının olduğunu, bacısınınsa olmadığını bildirir. Onun dediklərindən belə anlaşılır ki, onun bir dörd yaşlı, bir də özündən kiçik qardaşı var. Ata-anasının harada olduğunu bilmədiyini deyən balaca oğlan, bura "təyyar"la (təyyarəni nəzərdə tutur — red.) gəldiyini deyir. O, əvvəlcə ata-anasının Türkiyədə olduğunu, sonra isə anasının Azərbaycanda, evdə olduğunu deyir.

Daha sonra anasının evin içində öldüyünü bildirir. Qardaşını əsgərlərin apardığını qeyd edir. Başının əxilər (vəhhabilər bir-birilərini "əxi" (qardaş) deyə çağırırlar — red.) tərəfindən qırxıldığını deyir. Abdulla bir daha anasının harada olduğu soruşulduqda, onun evin içində öldüyünü bildirir.

Abdulla, ona mobil telefonda şəkil göstərən adama "sənsən, bu" deyə gülümsəyir.

RT əməkdaşlarının bildirdiklərinə görə, Azərbaycanın İraq səfirliyinin nümayəndələri Abdullanı sığınacaqda ziyarət ediblər. Ona atası olduğu ehtimal edilən adamın şəklini göstəriblər. Abdulla şəkildəki adamın atası olduğunu təsdiqləyib. Həmin şəkildə Abdulla saqqalı bir kişi ilə görüntülənib.

Xatırladaq ki, RT-nin əməkdaşları balaca Abdullanı və Xədicəni Bağdaddakı sığınacaqlardan birində çəkiblər. Onların əldə etdikləri məlumata görə, bu balaca mələklər sığınacağa sentyabrın 12-də İŞİD-dən azad edilmiş Təl-Afərdən gətirilib.

Onların tapıldığı yerdən çəkilən videogörüntülərdə Abdulla "Bombanı haradan gətirdiz?" sualına cavabında deyib: "Gətirmədik e, anamda idi. Anam onu çəkdi, yerə qoydu, bunlar da (əli ilə hərbçini göstərir — red.) partlatdı. Qan idi anam. Kafirlər atdı. Düşdü, çıxdı, yandı, əlim də yara oldu. Anam ölüb. Yandı anam".

Qeyd edək ki, bir neçə gün əvvəl Azərbaycanın Bağdaddakı konsulu Zəbi Axundov Abdullaya baş çəkib. Oğlanın Azərbaycanda babası və digər qohumları müəyyənləşib. Azyaşlının valideynlərinin kimliyinin və Azərbaycanda olan şəxslərlə yaxın qohumluq əlaqələrinin dəqiqləşdirilməsi, onun Azərbaycana gətirilməsi və qohumlarına təhvil verilməsi üçün İraqdakı Azərbaycan səfirliyinin bu ölkənin müvafiq dövlət qurumları ilə rəsmi yazışmaları və təmasları davam etdirir.

İraq sığınacağındakı azərbaycanlı körpələrlə bağlı məlumatlar yayılandan sonra Bakı şəhər sakini Vahidə Nuriyeva redaksiyamıza müraciət edərək Xədicənin onun nəvəsi olduğunu iddia edib. O, Xədicənin daha əvvəlki məlumatlarda bildirildiyi kimi Abdullanın bacısı olmadığını deyib. Nuriyeva Bağdad sığınacağındakı 2 yaşlı Xədicənin onun qızı Aybənizin dördüncü qızı olduğunu güman edir.

3847
Teqlər:
RT telekanalı, Abdulla, baba, nənə, Sputnik Azərbaycan, Bağdad, İraq, Rusiya, ana, ata
Əlaqədar
Axtarışda olan azərbaycanlıların siyahısı İraq hökumətində
İraqda tapılan azərbaycanlı uşaqların gözyaşardıcı videosu yayıldı
Ağazadə: “İŞİD-dən xilas edilən uşaqlara dəstək olmalıyıq”
İraqdakı azərbaycanlı İŞİD-çilərin ailələrinin taleyi barədə şok təfərrüatlar
İŞİD-ə qoşulan azərbaycanlıların sayı bilindi
İŞİD-dən xilas edilən azərbaycanlı uşaqların qohumları tapıldı - VİDEO
Bıçaq

Qətl hadisəsi ilə bağlı məhkəmə qərarı verildi

2
(Yenilənib 16:47 13.04.2021)
Pünhan Hüseynov Cinayət Məcəlləsinin 221.3, 29, 120.2.2, 120.2.2 və 120.2.10 maddələri ilə təqsirləndirilən şəxs qismində cəlb edilərək barəsində məhkəmənin qərarı ilə həbs qətimkan tədbiri seçilib.

BAKI, 13 aprel — Sputnik. 11 avqust 2020-ci il tarixdə İmişli rayonu, Göbəktala kəndi ərazisində 1985-ci il təvəllüdlü Amid Əmirahovun öldürülməsi, 1990-cı il təvəllüdlü Səbuhi Əmirahovun isə öldürülməsinə cəhd edilməsi faktı üzrə Cinayət Məcəlləsinin müvafiq maddələri ilə İmişli rayon prokurorluğunda cinayət işi başlanaraq istintaq aparılıb. Bu barədə İmişli rayon prokurorluğundan Sputnik Azərbaycan-a verilən məlumatda bildirilib.

Qeyd olunub ki, istintaqla 1984-cü il təvəllüdlü Pünhan Hüseynovun həmin gün saat 20 radələrində kənd ərazisində yerləşən kafelərin birində alkoqol sərxoşluğu vəziyyətində əsaslı səbəb olmadan, ictimai qaydanı kobud surətdə pozan hərəkətlər edib, Səbuhi Əmirahova bıçaqla xəsarətlər yetirib qəsdən öldürməyə cəhd etməsinə, sonuncunun qohumu Amid Əmirahova isə bıçaqla bədən xəsarətləri yetirərək öldürməsinə, həmçinin ətrafdakı şəxslərə müxtəlif dərəcəli bədən xəsarətləri yetirməsinə və  nəqliyyat vasitələrinə ziyan vurmasına əsaslı şübhələr müəyyən edilib.

Pünhan Hüseynov Cinayət Məcəlləsinin 221.3 (silah qismində istifadə olunan əşyalar tətbiq etməklə xuliqanlıq etmə), 29, 120.2.2 (xuliqanlıq niyyətilə qəsdən adam öldürməyə cəhd), 120.2.2 (xuliqanlıq niyyətilə qəsdən adam öldürmə) və 120.2.10 (təkrarən qəsdən adam öldürmə) maddələri ilə təqsirləndirilən şəxs qismində cəlb edilərək barəsində məhkəmənin qərarı ilə həbs qətimkan tədbiri seçilib.

Cinayət işi üzrə müvafiq ekspertizalar təyin edilib, hadisə yerinə və meyitə baxış keçirilib, maddi sübutlar götürülüb, şahidlər dindirilib və digər zəruri prosessual hərəkətlər yerinə yetirilib.

Hazırda cinayət işi üzrə istintaq yekunlaşdırılaraq, baxılması üçün aidiyyəti üzrə Lənkəran Ağır Cinayətlər Məhkəməsinə göndərilib.

2
 Tovuzun Aşağı Öysüzlü kəndinin məktəbində

Bölgələrdəki məktəblərlə bağlı hansı qərar veriləcək? Nazirlik açıqladı

9
(Yenilənib 16:32 13.04.2021)
"Hazırda hansısa bölgədə yerləşən məktəblərdə yoluxma faizinin daha yüksək olduğunu söyləmək mümkün deyil".

Zülfiyyə Quluyeva, Sputnik Azərbaycan

BAKI, 13 aprel — Sputnik. Son günlər bölgələrdə yerləşən təhsil ocaqlarında koronavirusa yoluxma hallarının qeydə alınması rayonlarda da təhsilin distant formaya keçəcəyinə dair məlumatların yayılmasına səbəb olub. Xəbərlərə görə, Bakı, Abşeron, Sumqayıt, Gəncə, Şəkidən sonra koronavirusa yoluxma qeydə alınan məktəblərin yerləşdiyi rayonlarda da təhsilin distant formaya keçəcəyi bildirilir.

Qeyd edək ki, bir neçə gün öncə koronavirusa yoluxmaya görə bir sıra bölgələrdə əyani tədris dayandırılıb.

Ağdamda 7 məktəb koronavirusa görə distant tədrisə keçib. Ağdam rayon Gigiyena və Epidemiologiya Mərkəzinin direktoru Rəhman Məmmədov deyib ki, rayonun Birinci Yüzbaşılı, Alıbəyli, Əfətli, Mahrızlı, Baharlı-2, Dörd yol-2 və 150 saylı orta məktəblərdə əyani tədris prosesi müvəqqəti olaraq dayandırılıb. Həmin məktəblərdə müəllim və şagirdlərdən bəzilərinin COVID-19 testi pozitiv çıxıb. Eyni zamanda Əhmədağalı kənd tam orta məktəbində 2 sinif, Qaradağlı tam orta məktəbində 1 sinif, 87 saylı tam orta məktəbdə 1 sinif, 97 saylı tam orta məktəbdə 1 sinif fəaliyyətini dayandırıb. Tovuz, Qazax, Mingəçevir, Şəmkir rayonlarında da koronavirusa yoluxmaya görə ənənəvi tədrisi dayandırılan məktəblər var.

Təhsil üzrə ekspert Kamran Əsədov Sputnik Azərbaycan-a açıqlamasında bildirib ki, hazırda şagird sıxlığı yüksək olan məktəblərdə əyani tədris dayandırılıb. Yoluxma qeydə alınan digər bölgələrdə isə şagird sıxlığı çox deyil:

"Bakıda 440 min şagird var. 1,6 milyon şagirdin yarısı bağlanan məktəblərdə yerləşir. Digər rayonlarda şagird sayı çox aşağıdır. Sıxlıq, demək olar ki, o qədər də çox deyil. Bundan əlavə, bölgələrdə intensivlik aşağıdır. Odur ki, virusa yoluxma qeydə alınan rayonlarda təhsili tam dayandırmağa ehtiyac yoxdur. Məktəblərdə tədrisin dayandırılması lokal xarakter daşımalıdır".

K.Əsədov bildirir ki, koronavirusa yoluxma qeydə alınan məktəblərdə ənənəvi təhsilin tam dayandırılması bölgələrdə təhsildən yayınmaya yol açır: "Əgər bölgələrdə bir neçə məktəbdə yoluxmaya görə rayon üzrə təhsil dayandırılsa, şagirdlər üçün problemlər yaranacaq. Çünki rayonların çoxunda alternativ təhsil almaq imkanı çox aşağıdır. Dərslər distanta keçərsə, bölgələrdə dərsə qoşulanların sayı azalır. Ona görə də bölgələrdə tədrisin dayandırılmasına ehtiyac yoxdur".

Ekspert deyir ki, hazırda virusa yoluxma Ağdam, Tovuz, Kürdəmir və Ucar rayonlarındakı təhsil müəssisələrində rast gəlinir: "Elə rayonlar var ki, oradakı ümumtəhsil müəssisələrində ümumiyyətlə virusa yoluxma yoxdur".

Təhsil Nazirliyinin mətbuat katibi Cəsarət Valehov Sputnik Azərbaycan-a açıqlamasında bildirib ki, bölgələrdəki məktəblərdə koronavirusa yoluxma barədə rayon gigiyena və epidemiologiya mərkəzləri tərəfindən mütəmadi məlumat verilir. C.Valehov bölgələrdəki koronavirusa yoluxma qeydə alınan məktəblərdə tədrisin lokal dayandırıldığını söyləyib:

"Koronavirusa yoluxma qeydə alınan məktəblərdə tədris həmin bölgə üzrə yox, yoluxma olan məktəblər üzrə distant formaya keçir".

C.Valehov deyib ki, hazırda hansısa bölgədə yerləşən məktəblərdə yoluxma faizinin daha yüksək olduğunu söyləmək mümkün deyil. Bütün bölgələr üzrə ümumtəhsil ocaqlarında virusa yoluxma qeydə alınır. Əgər yoluxma halları çoxdursa, məktəb müvəqqəti distant formaya keçir.

9
Teqlər:
Təhsil Nazirliyi, yoluxma, bölgələr, təhsil, distant, məktəb
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Yaşadığı ünvanı tərk edən koronavirus xəstəsi

Xəstəliyi qəsdən yayan şəxslər saxlanılıb

0
(Yenilənib 16:49 13.04.2021)
Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə 3 nəfər barəsində cinayət işi başlanılıb. Hazırda istintaq araşdırmaları davam etdirilir.

BAKI, 13 aprel — Sputnik. Daxili işlər orqanlarının əməkdaşları tərəfindən aprelin 12-də respublika ərazisində 8 nəfər aktiv koronavirus xəstəsi ictimai yerlərdə aşkar edilərək saxlanılıb.

Daxili İşlər Nazirliyinin mətbuat xidmətindən Sputnik Azərbaycan-a verilən məlumata görə, polis əməkdaşları onlarla izahedici söhbətlər aparıb, tibbi prosedurları gözləməklə yaşadıqları evə qaytarıb, bu barədə müvafiq səhiyyə qurumları məlumatlandırılıb.

Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə 3 nəfər barəsində cinayət işi başlanılıb. Hazırda istintaq araşdırmaları davam etdirilir.

Bir daha vətəndaşlarımızdan koronavirusla əlaqədar tətbiq edilmiş xüsusi karantin rejimindən irəli gələn bütün tələb və qadağalara ciddi riayət etmələrini xahiş edirik.

0