ASAN Xidmət

Səyyar "ASAN xidmət" bu gündən Lökbatan Binədə

38
(Yenilənib 11:15 08.10.2018)
2 – 31 oktyabr tarixlərində Xəzər rayonunun Binə qəsəbəsində səyyar formada kommunal xidmətlər (“Azərişıq”, “Azərsu” ASC və “Azəriqaz” İB) təqdim olunacaq

BAKI, 2 oktyabr — Sputnik. Səyyar "ASAN xidmət" 2 – 16 oktyabr tarixlərində Qaradağ rayonunun Lökbatan qəsəbəsində  vətəndaşlara səyyar formada xidmət göstərəcək.

“ASAN xidmət”in mətbuat xidmətindən Sputnik Azərbaycan-a veriləm məlumata görə, 2 – 31 oktyabr tarixlərində Xəzər rayonunun Binə qəsəbəsində səyyar formada kommunal xidmətlər (“Azərişıq”, “Azərsu” ASC  və “Azəriqaz” İB) təqdim olunacaq.

Bundan başqa səyyar avtobuslar 6 sentyabr – 5 oktyabr Şamaxı, Lənkəran, Quba, Mingəçevirdə, 19 sentyabr – 5 oktyabr Goranboyda, 25 sentyabr – 24 oktyabr Şirvan və Xırdalanda, 29 sentyabr – 18 oktyabr Ucarda vətəndaşların xidmətində olacaqlar. 

Səyyar şəkildə göstərilən xidmətlər Azərbaycan Respublikasının Ədliyyə Nazirliyi, Daxili İşlər Nazirliyi, Əmək və Əhalinin Sosial Müdafiəsi Nazirliyi və Əmlak Məsələləri Dövlət Komitəsi tərəfindən təqdim olunur.

Bu xidmətlərə aşağıdakılar daxildir:

Notariat fəaliyyəti;

Vətəndaşlıq vəziyyəti aktlarının dövlət qeydiyyatı;

Şəxsiyyət vəsiqələrinin verilməsi və dəyişdirilməsi;

Ümumvətəndaş pasportlarının verilməsi və dəyişdirilməsi;

Sürücülük vəsiqələrinin dəyişdirilməsi;

Əmək pensiyalarının təyin edilməsi;

Mənzillər üzərində mülkiyyət hüquqlarının ilkin və təkrar dövlət qeydiyyatına alınması barədə çıxarışların, texniki pasportların verilməsi; 

İlham Əliyev 1 saylı “ASAN Kommunal” Mərkəzinin açılışında iştirak edib
© Official website of President of Azerbaijan Republic

Daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair dövlət reyestrindən arayışların verilməsi;

Fərdi yaşayış evləri üzərində mülkiyyət hüquqlarının təkrar dövlət qeydiyyatına alınması barədə çıxarışların, texniki pasportların verilməsi.

Qeyd edək ki, Səyyar ASAN xidmətin həyata keçirilməsinin əsas məqsədləri dövlət xidmətlərinin vətəndaşlara daha rahat, yeni və innovativ üsullarla təqdim edilməsi, vətəndaşlar üçün əlçatanlığın təmin edilməsi və vətəndaş məmnunluğuna nail olunmasıdır.

38
Teqlər:
Səyyar ASAN xidmət, Ədliyyə Nazirliyi, Daxili İşlər Nazirliyi, Şamaxı, Lənkəran, Xırdalan
Əlaqədar
Səyyar ASAN xidmət bu bölgələrdə
Səyyar ASAN xidmət İsmayıllı və Lerikdə
Səyyar "ASAN qatar" Balakəndə
Səyyar ASAN yenə bölgələrdədir
Səyyar ASAN xidmət yeni məntəqələrdə
Səyyar ASAN xidmət bu qəsəbədə olacaq