BAKI, 29 sentyabr — Sputnik. "Narkotik maddədən istifadəyə görə ilk dəfə tutulanlara güzəşt ediləcək. Onlar məhkəmənin qərarı ilə stasionar şəkildə müalicə olunacaqlar".
Sputnik Azərbaycan-ın məlumatına görə, bunu Prezident Administrasiyasının Hüquq-mühafizə orqanları ilə iş şöbəsinin sektor müdiri Vüsal İsayev, parlamentdə "Cinayət Məcəlləsində dəyişikliklər edilməsi haqqında" qanun layihəsinin ictimai müzakirəsi zamanı bildirib.
Onun sözlərinə görə, şəxs sağalacaqsa və tibbi xarakterli qərarlar ləğv olunacaqsa, cinayətdən azad olunacaq: "Bu, narkotik maddələrin istifadəsinə görə ilk dəfə tutulan şəxslərə aiddir. Həmin şəxslər dövlət hesabına müalicə olunacaqlar. Şəxs müalicə olunmaqdan yayınarsa və ikinci dəfə bu fakt qeydə alınarsa, cinayət məsuliyyətinə cəlb olunacaq".
