Bağban Tahir Qurbanovun ixtira etdiyi qurğu

Vəhşilərin basqınına məruz qalan rayonumuzda ilginc müdafiə taktikası

1081
(Yenilənib 17:57 28.09.2017)
Azərbaycanda maraqlı yenilik: həm təbiətdən qoruyur, həm təbiətdəki yırtıcılardan

İlham Mustafa, Sputnik Azərbaycan

BAKI, 28 sentyabr — Sputnik. Qazax rayon Xanlıqlar kənd sakini Tahir Qurbanov, bir neçə ildir ki, özünə məxsus pay torpağında üzüm bağı salıb. Tək olmasına baxmayaraq, etdiyi ixtiralar 1,5 ha-lıq təsərrüfatında onun köməyinə yetişir.

Qazax rayon Xanlıqlar kənd sakini Tahir Qurbanov
© Sputnik / Ilham Mustafa
Qazax rayon Xanlıqlar kənd sakini Tahir Qurbanov

O, öz təsərrüfatında avtomatlaşdırılmış otbiçən və kükürdsəpəndən istifadə edir. Bağbanın maraqlı ixtiralarından biri də yetişmiş üzüm bağını quşlardan və yırtıcı heyvanlardan qorumaq üçün istifadə etdiyi səs qurğusudur.

Tahir kişinin ixtira etdiyi qurğunun əsasında, yellənən zaman müxtəlif cür səslər çıxaran bu tənəkə qutular durur
© Sputnik / Ilham Mustafa
Tahir kişinin ixtira etdiyi qurğunun əsasında, yellənən zaman müxtəlif cür səslər çıxaran bu tənəkə qutular durur

Sadə formalı, lakin çox səmərəli olan qurğunu düzəltməzdən əvvəl, bağban bütün sahəyə ip çəkərək onlardan müxtəlif növ tənəkə qutular asıb. Sahənin kənarında dayanaraq əli ilə ipləri işə salan Tahir kişi, onu əvəz edəcək avtomatlaşmış qurğu yaratmağı qərarlaşdırıb. Yararsız avtomobillərin üzərindən çıxmış iki şüşəsilən əldə edən bağban, onları dirəyə bərkidərək iplərin bir ucunu mühərrikə birləşdirib.

Qurğunu işə salan mühərrik
© Sputnik / Ilham Mustafa
Qurğunu işə salan mühərrik

Akkumulyator vasitəsilə işə düşən qurğunun fasilələrlə işləməsi üçün isə ona tənzimləyici rele əlavə edib. Beləliklə, hər bir dəqiqədən bir avtomatik olaraq işə düşən qurğu vasitəsilə iplər dartılır və o, müxtəlif səslər çıxarır. Bu səsdən qorxan canlılar isə sahəyə girməyə cürət eləmir.

Kustar üsulla düzəldilmiş qurğunun zahiri görünüşü bir az qəribə olsa da, praktik əhəmiyyəti böyükdür
© Sputnik / Ilham Mustafa
Kustar üsulla düzəldilmiş qurğunun zahiri görünüşü bir az qəribə olsa da, praktik əhəmiyyəti böyükdür

Artıq neçə ildir bu qurğudan istifadə edən T. Qurbanov, Sputnik Azərbaycan-a onun səmərəliliyi haqda danışıb: "Məhsul yetişəndə quşlar və çaqqallar məhsula divan tuturdu. Ziyanvericilərin qarşısını almaqla maraqlandıqda, mənə Türkiyə istehsalı olan qurğu almağı məsləhət gördülər. Aldım gətirib, bir il ondan istifadə elədim".

Üzüm tənəkləri
© Sputnik / Ilham Mustafa
Bağbanın ixtira etdiyi qurğu məhsuldarlığa çox müsbət təsir göstərib

"Partlayış səsi ilə ziyanvericilərdə qorxu yaradan bu qurğu, sahənin yaşayış evlərinə yaxınlığı səbəbindən qonşularda da narahatlığa səbəb olurdu. Eyni zamanda, səsə öyrəşən canlılarda da ona qarşı alışqanlıq yaradırdı və yenə sahələrə hücum edirdilər" — fermer danışır.

Üzüm salxımları
© Sputnik / Ilham Mustafa
Üzüm salxımları

Və o, vəziyyətdən çıxış yolunu özü qurğu hazırlamaqda görür: "Nəticədə öz qurğumu hazırladım. Mənim düzəltdiyim bu qurğuda isə müxtəlif növ qutular asıldığından, çox qarışıq səslər çıxarır və buna qarşı canlılarda öyrəncəlik yaranmır, həm də narahatlığa səbəb olan səs də çıxarmır".

Tahir Qurbanovun kustar üsulla hazırladığı soyuducu
© Sputnik / Ilham Mustafa
Tahir Qurbanovun kustar üsulla hazırladığı soyuducu

Təsərrüfatçının səmərələşdirici ixtiraları bununla bitmir. O, məhsulu qışadək xarab olmadan saxlamaq üçün, həyətində kustar üsulla soyuducu da hazırlayıb. Bunun üçün xüsusi, pəncərəsiz bina tikən sənətkar, soyutmaq üçün tikiliyə iki kondisioner birləşdirib.

Buna təsərrüfatçının bəzən məhsulunu satmaqda çətinlik çəkməsi səbəb olub. O, artıq, becərdiyi məhsulu soyuducuya yığır, tələbat artdıqda isə satışa çıxarır.

1081
Teqlər:
Tahir Qurbanov, Xanlıqlar kəndi, qurğu, sahə, Qazax rayonu, ərazi, üzüm, partlayış, ixtira, məhsul, torpaq
Əlaqədar
Məşhur olmaq istəyən Yevlax sakinindən qeyri-adi ixtira
Arıqlamaq üçün möcüzəvi üsul ixtira olundu
Möhtəşəm ixtira: artıq sizi aldada bilməyəcəklər
İxtiraçısına fayda verməyib milyardların işini yüngülləşdirən kəşf
 Bıçaq əlində kişi, arxiv şəkil

Azyaşlı oğlunun gözü qarşısında arvadını qətlə yetirdi

3
Digah qəsəbə sakini 1985-ci il təvəllüdlü Əyyubova Sanara Möhübbət qızına çoxsaylı bıçaq xəsarətlərinin yetirilməsi barədə rayon prokurorluğuna məlumat daxil olub

BAKI, 31 oktyabr — Sputnik. Oktyabrın 30-da saat 12 radələrində Abşeron rayonu, Digah qəsəbə sakini 1985-ci il təvəllüdlü Əyyubova Sanara Möhübbət qızına çoxsaylı bıçaq xəsarətlərinin yetirilməsi barədə rayon prokurorluğuna məlumat daxil olub.

Abşeron rayon prokurorluğundan Sputnik Azərbaycan-a verilən xəbərə görə, dərhal prokurorluq əməkdaşları tərəfindən hadisə yerinə və meyitə baxış keçirilib, digər zəruri prosessual hərəkətlər yerinə yetirilib. 

Aparılmış araşdırmalarla zərərçəkmişin əri 1978-ci il təvəllüdlü Hüseynov Rafiq İman oğlunun şəxsi münasibətlər zəminində aralarında yaranmış mübahisə zamanı azyaşlı oğlunun gözü qarşısında bıçaqla xəsarətlər yetirməklə Sanara Əyyubovanı qəsdən öldürməsinə əsaslı şübhələr müəyyən edilib.

Faktla bağlı Abşeron rayon prokurorluğunda Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

Rafiq Hüseynov şübhəli şəxs qismində tutularaq istintaqa cəlb olunub.

Hazırda iş üzrə zəruri istintaq tədbirləri davam etdirilir.

3
Teqlər:
bıçaq zərbəsi, bıçaqlanma, bıçaq, qətl hadisəsi, qətl, prokurorluq, Bakı
(1:09 / 8.84Mb / просмотров видео: 12)

Təki vətən sağ olsun: Ağdamın cəbhə kəndlərinin pambıq yığımı

13
(Yenilənib 13:34 31.10.2020)
Builki pambıq yığımı qoşunların qarşıdurma xəttində gedən döyüş əməliyyatları ucbatından xeyli gecikib. Amma bu, kəndlini narahat etmir. Ətraflı videomizda.

Ağdamın kəndlərində sakinlərin əsas məşğuliyyəti kənd təsərrüfatı məhsullarının istehsalıdır. Təsərrüfat sahiblərinin bir hissəsi də pambıq əkib becərir. Builki yığım mövsümü müharibə vaxtına düşüb. Buna baxmayaraq, fermerlər sahələrdə yığım işlərini həyata keçirirlər.

Təsərrüfat sahibi  Şahmar Rzayev Ağdamın cəbhə kəndlərinin ərazisində 50 hektara qədər pambıq əkib. Yüksək məhsul becərən fermer yığımı davam etdirir. sahələrdən 45 sentinerdən yuxarı məhsul əldə olunacağını deyir. Bunun üçün bütün aqrotexniki qaydalara əməl edib.

Günortaya qədər Ağdama 130-dan artıq mərmi düşüb – VİDEO >>

Düşmənin ağ qızıl tarlalarını ağır artilleriyadan atəşə tutmasına baxmayaraq, rayon ərazisində fəaliyyət  göstərən pambıq qəbulu və emalı məntəqələri kəndlinin məhsulunu sahələrdən toplayır. Bütün xərcləri isə həmin şirkətlər öz hesabına reallaşdırır.

Əgər Ermənistan silahlı qüvvələri terror aktlarından əl çəksə, soyuq havalar gəlmədən pambıq sahələrdən toplanacaq. Əslində havanın qeyri-sabit keçməməsi də bu işi sürətləndirəcək.

13
Mövzu:
Azərbaycan və Ermənistan arasında müharibə
 Smerç raketin fraqmetləri

Ermənistanın atdığı raketlərin buraxılışı peykdən müşahidə edilir

0
Lakin bu, açıq-aydındır, çünki ballistik raketlərin buraxılışı peyk vasitəsilə müşahidə edilir. Beləliklə, Minsk qrupunun üç həmsədr ölkəsi, əlbəttə ki, bunu kimin etdiyini bilirlər

BAKI, 31 oktyabr — Sputnik. "Mən bunu dəfələrlə demişəm. Biz bu gün dayanmağa hazırıq".

Sputnik Azərbaycan-ın verdiyi xəbərə görə, bunu Prezident İlham Əliyev Almaniyanın ARD televiziya kanalına müsahibəsində deyib. Dövlət başçısı jurnalistin "Bu müharibə nə qədər davam edəcək?" sualına belə cavab verib:

"Bu, Ermənistandan asılıdır. Mən bunu dəfələrlə demişəm. Biz bu gün dayanmağa hazırıq. Yeri gəlmişkən, bizim üç dəfə atəşkəsə razı olmağımız faktı hərbi toqquşmaları dayandırmaq və bu məsələni danışıqlar masasında, siyasi yolla həll etmək iradəmizi nümayiş etdirir. Lakin Ermənistan üç dəfə atəşkəsi kobud şəkildə pozmuşdur.

Oktyabrın 10-da humanitar atəşkəs elan olunmuşdu. Növbəti gün onlar Ermənistan ərazisindən Gəncəyə ballistik raket atdılar. Yəqin ki, siz bunun səbəb olduğu dağıntıları görmüsünüz və 10 mülki şəxs öldürülmüşdür. Onlar deyirlər ki, bunu onlar etməyiblər. Lakin bu, açıq-aydındır, çünki ballistik raketlərin buraxılışı peyk vasitəsilə müşahidə edilir. Beləliklə, Minsk qrupunun üç həmsədr ölkəsi, əlbəttə ki, bunu kimin etdiyini bilirlər.

İkinci dəfə onlar eyni şeyi etdilər. Onlar atəşkəs elan olunduqdan 2 dəqiqə sonra onu pozdular. Üçüncü dəfə isə onlar dünən Tərtər şəhərinə kasetli raket atanda bunu etdilər. Dörd nəfər öldürülmüşdür, onların arasında yeddi yaşlı bir qız var.

Beləliklə, bunu onlar ediblər. Bunu bizim etdiyimizə dair heç bir sübut yoxdur. Bizim etdiyimiz bunun əksidir. Mən demişdim ki, biz eyni qaydada cavab verməyəcəyik. Biz onlara döyüş meydanında cavab verəcəyik. Biz şəhərlərə, mülki şəxslərə hücum etmirik, yalnız döyüş meydanında cavab veririk. Əlbəttə, biz özümüzü müdafiə etməliyik. Əgər onlar hücum edirlərsə, əgər onlar itirdikləri mövqeləri geri almaq istəyirlərsə, biz sakit dura bilmərik. Biz özümüzü müdafiə etməliyik. Biz nə qədər çox müdafiə olunuruqsa, daha çox əraziləri azad edirik".

0
Əlaqədar
İlham Əliyev: "Beş rayonun, demək olar ki, hamısı işğaldan azad edilib"
Prezident:"Bu, bizimlə Ermənistan arasında olan döyüşdür, hər kəs ondan uzaqda durmalıdır"
İlham Əliyev: Erməni tərəfi cəsədlərin və hərbi əsirlərin dəyişdirilməsindən imtina edib
İlham Əliyev: "Bizim cavabımız sərt idi, amma onlar buna layiq idilər"