Vahidə Nuriyevanın sözlərinə görə, qızı Aybəniz 2008-ci ildə Əmirağa Əliyev adlı şəxslə ailə həyatı qurub

İraqda tapılan körpənin nənəsi ortaya çıxdı: "Qızıma başqa çarə buraxmayıblar"

1520
(Yenilənib 19:51 27.09.2017)
Balaca Xədicənin nənəsi olduğunu iddia edən qadın Sputnik Azərbaycan-a üz tutdu

İradə Cəlil, Sputnik Azərbaycan

BAKI, 27 sentyabr — Sputnik. Dünyanın bəlasına çevrilən İŞİD küləyi zaman-zaman Azərbaycanın da üzərindən əsir. Hələ bir müddət əvvələ qədər tez-tez həmvətənlərimizin İŞİD sıralarına qoşulması, bu terror təşkilatının bəşəriyyətə zidd ideyaları naminə döyüşmək üçün müxtəlif yollarla Suriyaya, İraqa gedib çıxması xəbərlərini eşidirdik. Demək olar ki, mütəmadi olaraq növbəti azərbaycanlının Suriya və İraqda ölüm xəbərini alırdıq.

Amma güc strukturlarının gördükləri tədbirlər nəticəsində son vaxtlar belə məlumatların sayı xeyli azalıb. Buna baxmayaraq, bir zamanlar terror şəbəkəsinin yalanına aldanaraq vətənini tərk edənlərin acı xəbərləri hələ də ara-sıra gəlməkdədir. Bəzi insanlar ağılsızcasına, onları gözləyən dəhşətlərin fərqinə varmadan öz körpə uşaqlarını da götürüb İŞİD-in nəzarətindəki ərazilərə gediblər. Özlərinin və uşaqlarının həyatını təhlükəyə atıblar…

Vahidə Nuriyeva
© Sputnik / Irade JELIL
Vahidə Nuriyeva

Bu günlərdə redaksiyamıza kiçik Xədicənin nənəsi olduğunu iddia edən xanım da müraciət edib. Onu redaksiyaya dəvət etdik. Vahidə xanım, qızının, onun ailəsinin şəkillərini də gətirmişdi. O, ümid edir ki, balaca Xədicə onun nəvəsi ola bilər. Olmasa da, bəlkə qızı (əgər sağdırsa) onun səsini eşidər, narahat olduğundan xəbər tutar. Vahidə xanımın dediyinə görə, Xədicə Azərbaycandan kənarda doğulduğu üçün onu ancaq göndərilən şəkillərdə görüblər.

Qızının baldızı Xəyalə Fərzalıyeva Türkiyədə yaşadığı üçün qızı və kürəkəni də ora köçmək istəyirmişlər
© Sputnik / Irade JELIL
Qızının baldızı Xəyalə Fərzalıyeva Türkiyədə yaşadığı üçün qızı və kürəkəni də ora köçmək istəyirmişlər

Xatırladaq ki, RT telekanalının əməkdaşları bir müddət öncə Bağdaddakı sığınacaqda iki yaşlı Xədicə və üç yaşlı Abdullanı çəkiblər. Valideynləri onları "İslam dövləti"nin nəzarətində olan ərazilərə aparıblar. Uşaqlar özləri haqqında heç nə deyə bilmirlər. Amma Abdullanın danışığından da aydın görünür ki, onlar azərbaycanlı uşaqlardır. Sputnik Azərbaycan süjetdən dərhal sonra həmin uşaqlarının yaxınlarının axtarışına başlamışdı. Artıq Azərbaycanın İraqdakı səfirliyinin konsulu Zəbi Axundov İraqda uşaq evində saxlanılan, adı Abdulla olduğu deyilən azərbaycanlı uşağa baş çəkib və onunla söhbət etməyə çalışıb. Verilən məlumata görə, artıq həmin azyaşlının Azərbaycanda babası və digər qohumları müəyyənləşib. Azyaşlının valideynlərinin kimliyinin və Azərbaycanda olan şəxslərlə yaxın qohumluq əlaqələrinin dəqiqləşdirilməsi ilə onun Azərbaycana gətirilməsi və qohumlarına təhvil verilməsi üçün İraqdakı Azərbaycan səfirliyinin bu ölkənin müvafiq dövlət qurumları ilə rəsmi yazışmaları və təmasları davam etdirir.

Vahidə Nuriyevanın sözlərinə görə, qızı Aybəniz 2008-ci ildə Əmirağa Əliyev adlı şəxslə ailə həyatı qurub: "Aybəniz mənim ikinci qızımdır. Çox gənc yaşlarında ailə həyatı qurub. Normal ailələri vardı. Qızımın həyat yoldaşından, ailəsindən çox razı idim. Ad günləri keçirirdik, gedib günlərlə onlarda qalırdım. Oğlanın valideynləri olmadığı üçün bir ana kimi həmişə məni çağırırdı. Böyük qızını da mən böyütmüşdüm. Böyük qızı Sara 2010-cu ildə dünyaya gəlmişdi. O uşağa 4 yaşına kimi mən baxmışam. Sonra iki qızı – Məryəm və Əsnad da dünyaya gəldi".

Vahidə xanımın sözlərinə görə, qızının baldızı Xəyalə Fərzalıyeva Türkiyədə yaşadığı üçün qızı və kürəkəni də ora köçmək istəyirmişlər. Əmirağa və Aybəniz 3 il əvvəl Türkiyəyə köçürlər. Vahidə Nuriyeva əvvəlcə qızı ilə tez-tez danışa bilsə də, sonradan qızının zəngləri azalır.

Ana qızı ilə sonuncu dəfə 6-7 ay öncə danışıb. Həmin vaxt qızı İraqda olduğunu deyib
© Sputnik / Irade JELIL
Ana qızı ilə sonuncu dəfə 6-7 ay öncə danışıb. Həmin vaxt qızı İraqda olduğunu deyib

"Qızımın öz nömrəsi yox idi. Həmişə kiminsə telefonundan yazar, zəng edərdi. Özüm dəfələrlə həmin nömrələrə yazsam, zəng etsəm də, səhv düşdüyümü deyirdilər. Düşünürdüm ki, bir qədər pul düzəldib, gedib onları görərəm. Amma imkanım olmadı. 2016-cı ilin mart ayında bir qızı da dünyaya gəldi. Dedim, "ay qızım, 3 qızın var idi, neyləyirdin uşağı?" Dedi ki, "ana, oğlan istəyirdim, qız oldu, buna da şükür olsun". Uşağın adını Xədicə qoydular" — müsahibimiz danışır.

V. Nuriyeva deyir ki, qızı ailə həyatı qurduqdan 4-5 il sonra hicab taxmağa başlayıb. Aybənizin baldızı da hicablı olub. Buna görə də, Vahidə xanım qızına heç nə deməyib, heç bir zaman da düşünməyib ki, qızının yoldaşı kiməsə qoşula bilər: "Mədəni, sakit, eyni zamanda, yeyib-içən oğlan idi. Onlara gedəndə canını qurban etməyə hazır idi. Onun dinə bağlanacağını ağlıma belə, gətirə bilməzdim".

Qızı Türkiyədə yaşadığı müddətdə ara-sıra anasında zəng edir, uşaqlarının şəkillərini göndərirmiş. Amma Xədicə dünyaya gəldikdən sonra qızının zəngləri tamamilə kəsilib.

Ana qızı ilə sonuncu dəfə 6-7 ay öncə danışıb. Həmin vaxt qızı İraqda olduğunu deyib: "Qızım Mosulda avtomobil qəzasına düşmüşdü. Məktəb avtobusu dərəyə yuvarlandığı üçün böyük nəvəm Sara qəzada ölüb. Qızım isə ağır yaralanıb. 3 dəfə əməliyyat olunub. Ayaqları işləmirdi. Deyirdi ki, "ana, gəzə bilmirəm, həkimlər deyirlər ki, 1 ilə ancaq ayağa duracam ". Qızımın diz qapağı bağlanmırdı. Dediyinə görə, bütün qohumları ilə Tel-Afərdə yaşayırmışlar".

Qızımın yoldaşının vəhabi olduğunu düşünməmişdim. Amma baldızının yoldaşı dindar idi
© Sputnik / Irade JELIL
"Qızımın yoldaşının vəhabi olduğunu düşünməmişdim. Amma baldızının yoldaşı dindar idi"

Vahidə xanımın sözlərinə görə, qızının baldızının iki oğlu var. Böyüyü Yusif Azərbaycanda dünyaya gəlib, kiçiyi isə Xədicə ilə eyni vaxtda doğulub, adını Üveys qoyublar: "Qızımın yoldaşının vəhabi olduğunu düşünməmişdim. Amma baldızının yoldaşı dindar idi. Elə baldızının yoldaşı da İraqa öz qardaşıyla bir yerdə gedib. Nə qədər ki, kürəkənimin anası sağ idi, rahat idim. Anası öləndə qızı ilə oğlunu bir-birinə tapşırmışdı".

"Qızımın yoldaşı bacısını çox istəyirdi, onun sözündən çıxmazdı. Ola bilər ki, elə bacısının təsiri altına düşsün. Qızımın da çarəsi yox idi. 3-4 uşaqla nə edə bilərdi ki? Ola bilsin, görüb ailəsi o yoldadır, bu da qəbul edib. Yəni, mən belə düşünürəm" — həmsöhbətimiz əlavə edir.

V. Nuriyeva deyir ki, videogörüntülərdə balaca Xədicəni görəndə ürəyinə gəlib ki, onun nəvəsi ola bilər: "Sizin saytın yaydığı videolarda Xədicəmi gördüm. Düşündüm ki, əgər qızım, onun baldızı sağ olsaydı, uşaq ortalıqda qalmazdı. Bütün ümidlərim qırıldı. Düşünürəm, yəqin ki, qızım da, yoldaşı da ölüb. Qızımın baldızının Azərbaycanda olan qohumları ilə əlaqə saxladım. Onlar da xəbərsizdirlər. Oğlum sizin videonu görəndə dedi ki, "ana, bu, bizim uşaqdır, dayanma get". Mən də, "bu da bir ümiddir", deyib sizin yanınıza gəldim. Qızımın yoldaşının adı Əmirağadır, amma İraqda onu dindarlar Hamza çağırırmışlar".

V. Nuriyeva deyir ki : Sizin saytın yaydığı videolarda Xədicəmi gördüm. Düşündüm ki, əgər qızım, onun baldızı sağ olsaydı, uşaq ortalıqda qalmazdı.
© Sputnik / Irade JELIL
V. Nuriyeva deyir ki : "Sizin saytın yaydığı videolarda Xədicəmi gördüm. Düşündüm ki, əgər qızım, onun baldızı sağ olsaydı, uşaq ortalıqda qalmazdı."

Vahidə xanım danışır ki, kürəkəninin qardaşları Aybənizin və ərinin Türkiyəyə getmələrini istəmirlərmiş: "Onlar həmişə mənim qızıma yaxşı baxıblar. Hətta deyirdilər ki, "sən getmə, biz sənə də, uşaqlarına da baxarıq". Düşünürəm ki, onlar qardaşlarının yanlış yola düşə biləcəyini anlayırmışlar".

"Nə qızımdan, nə ailəsindən xəbərim var. Əgər mənim oğlum bu yola düşsəydi, özüm keçərdim qarşısına, qoymazdım harasa getsin. Bu yola düşsəydi, heç onu övlad kimi də qəbul etməzdim. Amma qız ailəsindən asılıdır, əri nə desə, onu etməyə məcburdur" — deyir qadın.

V. Nuriyeva balaca Xədicənin onun nəvəsi olduğuna əmindir və tezliklə ona qovuşacağı günü gözləyir: "O, mənim nəvəmdir! Yəqin ki, analiz edəcəklər. Kaş ki, mənim nəvəm olaydı, balamdan bir yadigar qalaydı…"

1520
Teqlər:
Vahidə Nuriyeva, Xədicə, Abdulla, nəvə, nənə, Bağdad, qız, İraq, körpə, ana, Azərbaycan, uşaq, İŞİD
Əlaqədar
İŞİD-dən xilas edilən azərbaycanlı uşaqların qohumları tapıldı - VİDEO
İŞİD-ə qoşulan azərbaycanlıların sayı bilindi
İŞİD-lə əlaqəsi olan 36 nəfər həbs edildi
Ağazadə: “İŞİD-dən xilas edilən uşaqlara dəstək olmalıyıq”
İraqdakı azərbaycanlı İŞİD-çilərin ailələrinin taleyi barədə şok təfərrüatlar
Təcili: İŞİD-dən xilas edilən azərbaycanlı uşaqların yaxınları axtarılır - VİDEO
Ağlayan qız

Dövlət məişət zorakılığının səbəblərini araşdırmağa başlayıb

3
(Yenilənib 16:42 13.04.2021)
Sorğuda iştirak edənlərin, cins, yaş kateqoriyası, təhsil səviyyəsi öyrənilməklə məişətdə zorakılığa məruz qalıb-qalmadıqları, zorakılıq şahidi olub-olmadıqları öyrənilir

BAKI, 13 aprel — Sputnik. Ailə, Qadın və Uşaq Problemləri üzrə Dövlət Komitəsi məişət zorakılığının səbəblərini araşdırmaq üçün onlayn sorğuya start verib. Bu barədə komitədən Sputnik Azərbaycan-a verilən məlumatda bildirilib.

Sorğuda iştirak edənlərin, cins, yaş kateqoriyası, təhsil səviyyəsi öyrənilməklə məişətdə zorakılığa məruz qalıb-qalmadıqları, zorakılıq şahidi olub-olmadıqları öyrənilir. Eyni zamanda zorakılığa məruz qalarkən hansı quruma üz tutduqları, bu kimi arzuolunmaz halların aradan qaldırılması üçün təkliflər öyrənilir.

Məişət zoraklığı ilə bağlı xəbərlərin KİV-də işıqlanmasına ehtiyac olub-olmadığı da öyrənilir.

Qeyd edək ki, sorğuda iştirak edərək şərh vermək istəyənlər bu linkə keçid edə bilərlər: https://tr.surveymonkey.com/r/CT57RNB

3

Cənubi Qafqazda bir ilk Azərbaycanda gerçəkləşir - VİDEO

14
(Yenilənib 15:35 13.04.2021)
Azərbaycan paytaxtını turistlər üçün maraqlı olan bölgələrlə birləşdirən yolda yeraltı tunel və ən uzun asma körpü tikilir. İşlərin gedişatını Sputnik Azərbaycan-ın videosunda izləyin.

Əhalinin rahat gediş-gəlişində xüsusi əhəmiyyətə malik Bakı-Şamaxı-Muğanlı-İsmayıllı-Qəbələ avtomobil yolunun Muğanlı-İsmayıllı-Qəbələ hissəsinin yenidən qurulması istiqamətində işlər davam edir. Ölkəmizdə ilk dəfə olaraq məhz bu yolda asma körpü və yeraltı tunel çəkilir. Sözügedən avtomobil yolu paytaxtımızı İsmayıllı, Qəbələ, Oğuz, Şəki, Qax, Zaqatala və Balakən rayonları ilə birləşdirən ən qısa yol olacaq.

Sürücü Cəlal Eyyubov Sputnik Azərbaycan-a deyir ki, qışda həmin yolda sürüşmə çox olur: "Yollar buz bağlayır, sürücülər üçün, yolu yaxşı bilməyən insanlar üçün narahatlıq yaradır. Yayda da çox sıxlıq olur. Yay aylarında gəlib-gedən insanlar çox olur, yol isə dardır, ona görə də çox sıxlıq yaranır".

Digər sürücü Zabit Əzizov da bu qənaətdədir ki, əgər bu yol yenidən təmir olunarsa, inkişafımıza böyük təsiri olar: "Azərbaycanda ilk dəfə asma körpünün olması həm turist cəlb edəcək, həm də ölkənin prespektivli inkişafına böyük təsir edəcək. Asma körpünün qurulması tezliklə başa çatdırılsa, daha yaxşı olar. Tunel də bizdə birinci dəfə olacaq. Bizim bölgə turist bölgəsi olduğu üçün bunların olması daha çox turist cəlb edəcək".

Lahiyə rəhbəri Zahir Həsənovun sözlərinə görə, Muğanlı-İsmayıllı-Qəbələ avtomobil yolunun 4.5-ci kilometrliyində, Ağsu çayı üzərində tikilən asma körpünün ümumi uzunluğu 1135 metr, hündürlüyü çay səviyyəsindən 76.5 metr, asma qüllələrin hündürlüyü isə 142 metr olacaq:

"Eyni zamanda yol 4 hərəkət zolağından ibarətdir. Körpünün bu parametrlərdə layihəndirilməsində əsas məqsəd mövcud Muğanlı-İsmayıllı avtomobil yolunda olan dolamacların sayının minimuma endirmək və bu yolda baş verə biləcək sürüşmələrin qarşını mümkün qədər almaqdır".

Yol ilk 2 km-lik ərazidə Muğanlı qəsəbəsinə çatmamış mövcud lokal sürüşmə sahəsindən əvvəl başlanıb, sözügedən qəsəbədən və qəsəbədən sonrakı enişdə aktiv sürüşmə sahəsindən yan keçməklə layihələndirilib. Nəticədə yolun Ağsu çayınadək olan hissəsində trassa 1.1 km, Ağsuçaydan sonrakı hissədə yeni Ağsuçay körpüsü və tunel hesabına 1.4 km qısalır. Qeyd edilən körpünün tikintisi və Muğanlı-İsmayıllı-Qəbələ avtomobil yolunun yenidən qurulması işləri tamamlandıqdan sonra bu region üzrə insanların rahat gediş-gəlişinin təmin edilməsi ilə yanaşı, turizm və kənd təsərrüfatının da inkişafına böyük töhfə verəcək.

Qeyd edək ki, respublikanın mühüm turizm bölgələrinə gedən və ilk dəfə ötən əsrin 70-ci illərində salınmış bu yolun yenidən qurulması Prezident İlham Əliyevin verdiyi tapşırığa əsasən layihələndirilib.

14

Azərbaycanda ipoteka: insanlar ev almaq üçün hansı üsula üstünlük verirlər

0
(Yenilənib 17:41 13.04.2021)
İpoteka artıq bütün dünyada olduğu kimi, Azərbaycanda da adi bank xidmətinə çevrilib. Bəs azərbaycanlılar bu üsulla ev almağa necə yanaşırlar? Bu sualın cavabı Sputnik Azərbaycan-ın növbəti infoqrafikasında.
İnfoqrafika: İpoteka kreditləri
© Sputnik / Elnur Salayev

Hazırda əmlak qiymətləri ilə insanların illik gəlirləri arasında fərq çox böyük olduğundan, əksəriyyət vəziyyətdən çıxış yolunu ipoteka kreditində görür. Bu metodun Azərbaycanda da məşhur olub-olmadığını müəyyənləşdirmək məqsədilə potensial ev alıcıları arasında sorğu keçirilib.

Kreditlə daşınmaz əmlak almaq normal hal sayılsa da, sən demə, Azərbaycanda hələ də əsla ipoteka krediti götürmək istəməyən insanlar var. Sorğunun nəticəsinə görə, belələrinin sayı 11 faiz təşkil edir.

O da maraqlıdır ki, rəyi soruşulanların yalnız 5,6%-i ipoteka ilə ev almağa ümid edir. Ailəli insanların neçə faizinin valideynləri ilə birgə yaşadığı, eləcə də ipoteka krediti götürməyin qəti əleyhinə olanların faiz göstəriciləri də Sputnik Azərbaycan-ın xüsusi infoqrafikasında öz əksini tapıb.

0