Qapanlı kənd tam orta məktəbinin hərbi hazırlıq fənn otağındakı əl qumbaraları

"Şagirdlər həyətlərindən topladıqları mərmiləri məktəbə gətirirlər ki..."

319
(Yenilənib 12:05 28.09.2017)
"Hər bir şagird səhər dərsə gələndə çalışır ki, dünən atılan silah barədə nəsə bir məlumat öyrənsin"

Ramil İbrahimov, Sputnik Azərbaycan

BAKI, 26 sentyabr — Sputnik. Çingiz İsayev 1988-ci ildə Estoniyada ali hərbi məktəbi bitirib. 1992-ci ilə qədər keçmiş SSRİ-nin silahlı qüvvələrinin tərkibində, Rusiya və Qazaxıstanda xidmət edib. Xocalıda törədilən soyqırımdan sonra, Birinci Qarabağ Müharibəsinin ağır vaxtlarında Sovet ordu sıralarını tərk edərək Azərbaycana gəlib, yeni formalaşan Azərbaycan Ordusunda zabit kimi xidmətə başlayıb. Həmin vaxtdan da Ağdam və Tərtər rayonları istiqamətindəki döyüşlərdə aktiv iştirak edib.

Mayor Çingiz İsayev
© Sputnik / Ramil Ibrahimov
Mayor Çingiz İsayev

Sputnik Azərbaycan-a danışan İsayev deyir ki, 10 il Azərbaycan Ordusunda xidmət keçəndən sonra ordudan tərxis olunub. Amma sevdiyi peşəsindən uzaq qalmaq istəmir. "Vətənə xidmət ömür boyu olmalıdır" deyən müharibə veteranı, yiyələndiyi hərbi bilikləri, gənc nəslə ötürməyi özünə borc bilir.

Mayor Çingiz İsayevə görə, hələ müharibə bitməyib və qələbə üçün vətənə hərbçi lazımdır. Bu səbəbdən də, əvvəlcə Tərtərin İsmayılbəyli kənd orta məktəbində, daha sonra isə birbaşa təmas xəttində yerləşən Qapanlı kənd orta məktəbində gənclərin hərbi xidmətə hazırlıq fənni üzrə dərs deyərək peşəsini davam etdirir.

"Mən bu gün öz işimi hərbi xidmətin davamı kimi düşünürəm. Uzun illər döyüşlərdə olan bir hərbçi kimi bu gün də cəbhədən uzaq qala bilməzdim. Bəlkə də elə buna görə, tale, peşəmi yenidən davam etdirmək üçün məni cəbhə xəttinə yaxın yerləşən Qapanlı kəndinə gətirib çıxarıb. Burada işləmək də mənim üçün fəxrdir" – o bildirir.

14 ildir ekstremal şəraitdə şagirdlərə təhsil verməyə alışmış həmsöhbətimiz deyir ki, vaxtaşırı cəbhədə baş verən toqquşmalar dərs prosesinə birbaşa təsir edir. "Uşaq psixologiyası fərqlidir" deyən təcrübəli pedaqoqun sözlərinə görə, bütün bunlar bəzi şagirdlərdə qorxu hissi, bəzilərində isə düşmənə nifrət hissini gücləndirir: "Bəlkə də cəbhə xəttinin yaxınlığında yaşamaq, təhsil almaq buradakı şagirdlərin hərbi peşəyə olan marağının daha da artmasına səbəb olur".

Qapanlı kənd tam orta məktəbinin binası
© Sputnik / Ramil Ibrahimov
Qapanlı kənd tam orta məktəbinin binası

"Mən bir məsələni qeyd edim ki, artıq 10 ilə yaxındır, bizim məktəbin məzunlarından hər il ən azı bir nəfər ali hərbi məktəbə daxil olur. Həyətlərindən topladıqları güllələri gətirirlər çox vaxt, soruşurlar ki, "müəllim, bu, nə gülləsidir, nə qədər məsafəyə uçur güllə". Maraqlanırlar silah-sursatla" — Çingiz müəllim qeyd edir qeyd edir.

Dediyinə görə, hər bir şagird səhər dərsə gələndə çalışır ki, dünən atılan silah barədə nəsə bir məlumat öyrənsin: "Burada həm hərbi peşəni, həm də belə şəraitlərdə necə davranmaları lazım gəldiyini öyrətməyə çalışıram".

Təcrübəli hərbçi bir sıra çatışmazlıqlara da toxunur. Bəzi əyani vəsaitlərin və təlim silahlarının çatışmadığından gileylənir: "Mən bir hərbçi kimi düşünürəm ki, təlim silahları olsa, şagirdlərə silahın hissələri barədə praktiki olaraq məlumat verə bilərik. Əlbəttə ki, maketlər üzərində. Nəzəri tərəfini öyrədirik. Amma əyani vəsaitlər daha çox olsa yaxşı olar".

Mayor Çingiz İsayev
© Sputnik / Ramil Ibrahimov
Mayor İsayev: Müharibə hələ bitməyib

Çingiz müəllimin ən böyük arzusu dinc şəraitdə şagirdlərinə təhsil verməkdir. Ötən il dərs dediyi 15 nəfər 11-ci sinif şagirdindən 6-sı ali məktəbə daxil olub. Onların da biri hərbi akademiyaya girib. Ancaq o, bunu nə şagirdləri, nə də çalışdığı məktəb üçün ciddi uğur hesab etmir. 15 ildir şəxsiyyət yetişdirən Ç. İsayevə görə, ciddi uğura aparan yol mərmi səslərindən uzaq dinc şəraitdə təhsil almaqdan keçir. Ona görə də, şagirdlərinə ilk növbədə dinclik lazımdır.

319
Teqlər:
Çingiz İsayev, mərmi, kənd, dərs, şagird, məktəb, hərbçi, müəllim, uşaq
Əlaqədar
Ön cəbhədə təxribat törədilib
"Biz, cəbhədə bu vəhşiliyə son qoymalıyıq"
Gecə təmas xəttində silah səsləri eşidilib
Koronavirusa yoluxanan xəstələrin müalicə aldığı hospital, arxiv şəkli

COVID-19-la bağlı dəhşətli proqnoz: iki milyon insan ölə bilər

13
(Yenilənib 23:42 25.09.2020)
Eyni zamanda Rayan qeyd edib ki, xəstəxanaya yatırılan xəstələr arasında ölüm göstəriciləri azalır. Onun sözlərinə görə, insanların bundan belə də ölməməsi üçün bəşəriyyətin əvvəlki 9 aydan özünə dərs götürməsi gərəkdir.

BAKI, 25 sentyabr — Sputnik. Ümumdünya Səhiyyə Təşkilatı (ÜST) effektiv vaksin əldə edilib bəşəriyyət üçün əlçatan olana qədər COVID-19-dan 2 milyondan çox insanın öləcəyini istisna etməyib.

Sputnik Azərbaycan RİA Novosti-yə istinadən bildirir ki, bu barədə ÜST-ün səhiyyə sahəsində fövqəladə hallar üzrə proqramının direktoru Maykl Rayan mətbuat konfransında deyib.  

“Sözsüz ki, bunu təsəvvür etmək çətindir, ancaq bu, mümkün ola bilər. Çünki biz 9 ay ərzində bir milyon insan itirmişik. Yaxın 9 ay ərzində vaksinin peyda olacağına da ayıq başla yanaşırıq”, - Rayan effektiv vaksin əldə edilib bəşəriyyət üçün əlçatan olana qədər COVID-19-dan 2 milyondan çox insanın öləcəyi ehtimalı ilə bağlı suala cavab verərkən söyləyib.

Onun sözlərinə görə, hazırda problemlər var, xüsusən bunlar peyvəndin maliyyələşdirilməsi, istehsalı və qiymətləndirilməsi ilə bağlıdır.

Eyni zamanda Rayan qeyd edib ki, xəstəxanaya yatırılan xəstələr arasında ölüm göstəriciləri azalır. Onun sözlərinə görə, insanların bundan belə də ölməməsi üçün bəşəriyyətin əvvəlki 9 aydan özünə dərs götürməsi gərəkdir.

13
Teqlər:
vaksin, peyvənd, ölüm, ÜST, dünya, Koronavirus, epidemiya, COVID-19
Mövzu:
Dünyanı cənginə almış bəla
Əlaqədar
Şagirdlər koronavirusa harada yoluxublar? Nazirlikdən cavab
Türkiyədə dəhşət saçan ağcaqanadlar Azərbaycana gələ bilər, amma virus gətirməyəcək
Moskva meri distant iş rejiminə keçməyə çağırıb: Soyuqlar yaxınlaşır, xəstəlik artacaq
Rus virusoloq amerikalı həmkarını təkzib etdi: Denge ilə SARS-CoV-2 qohum deyillər
Təəccüblü kəşf: bu xəstəliyə yoluxmaq koronavirusa qarşı immunitet yaradır
Bakıda restoranların fəaliyyəti

Cərimələr effekt verir - Agentlik rəsmisi belə deyir

5
(Yenilənib 21:48 25.09.2020)
"Çünki cərimə tətbiq edilən obyektlərdə təkrar yoxlamalar zamanı uyğunsuzluq hallarının pozulmasında azalmalar var" - AQTA rəsmisi

Nigar İsgəndərova, Sputnik Azərbaycan

BAKI, 25 sentyabr — Sputnik. "Böyük Britaniyada pandemiya dövründə inzibati cərimələrin tətbiq olunmasından öncə və tətbiqindən sonrakı rəqəmlər ölkədə yoluxma sayının 40-60 faizədək azalmasını aşkara çıxardı. Bizdə xəbərdarlıq, maarifləndirmə olduğu halda eyni obyektdə təkrar nöqsanlar aşkarlanır. Lakin cərimə tətbiqindən sonra sahibkarlıq obyektində təkrar uyğunsuzluq hallarına rast gəlinmir".

Sputnik Azərbaycan-ın xəbərinə görə, pandemiya şəraitində mehmanxanalarda, eləcə də kafe və restoranlarda xidmətin təşkili ilə bağlı həyata keçirilən nəzarət tədbirləri haqda Azərbaycan Qida Təhlükəsziliyi Agentliyinin sədr müşaviri Elxan Mikayılov danışıb.

O bildirib ki, cərimələrin tətbiqi həmin sahibkarlıq subyektlərini daha məsuliyyətli çalışmağa vadar edir: "Çünki cərimə tətbiq edilən obyektlərdə təkrar yoxlamalar zamanı uyğunsuzluq hallarının pozulmasında azalmalar var".

"Biz KİV-dən istifadə etməklə çox geniş təbliğat işləri görürük. Bu posterləri bütün sahibkarlıq subyektlərinə elektron şəkildə göndəririk. Biz iki həftə ərzində mehmanxanalarda apardığımız monitorinqlərdə yalnız maarifləndirmə işləri gördük. Növbəti mərhələdə isə nəzarətə başladıq və tələblərə əməl etməyənlər cərimələndilər", - E.Mikayılov əlavə edib.

O bildirib ki, daha çox aşkarlanan faktlar sırasında insanların bir masa ətrafında daha çox cəmlənməsi, işçilərin maskalardan düzgün istifadə etməməsi, müştərilərin maskasız hərəkəti yer alır: "Biz ehtiyat maskalarının verilməməsi halları ilə də rastlaşırıq. Bundan başqa, bəzi ictimai-iaşə mərkəzlərində dezinfeksiya ilə bağlı problemlərlə qarşılaşırıq".

5
Teqlər:
qaydalar, Koronavirus, epidemiya, COVID-19, karantin, maska, sahibkarlıq subyektləri, cərimələr, AQTA
Əlaqədar
Toyla yasın fərqi "olar-olmaz" məsələsində gündəmə gəldi
Toyuq əti ilə bağlı şok məlumat - Ayaqqabı boyası ilə boyanırmış
Ekspert: “Dönərxanalar mənşəyi bilinməyən ətlərdən istifadə edir”
Otellərin mətbəx, restoran və barlarında hansı qaydalara əməl edilməlidir?
Ölkəmizə milyonlar gətirəcək məhsulun xaricə ixracını əngəlləyən qurumun adı açıqlandı