İŞİD bayrağı, arxiv şəkli

Yoxa çıxmış gənclərimizlə bağlı böyük müəmma çözüldü

1519
(Yenilənib 17:56 26.09.2017)
İŞİD-ə qoşulduqları güman edilən azərbaycanlıların barəsində aparılan araşdırma nəticə verib

BAKI, 26 sentyabr — Sputnik. Yasamal Rayon Polis İdarəsinin 27-ci bölməsinin əməkdaşları maraqlı araşdırma aparıblar. Onlar Türkiyədə itkin düşmüş azərbaycanlı gənclərin axtarışını həyata keçiriblər. Bu barədə Sputnik Azərbaycan-a hüquq-mühafizə orqanlarından məlumat verilib.

Belə ki, 2017-ci il iyulun 13-də polisə, Siyəzən rayonunda anadan olmuş və hazırda Bakıda yaşayan, 1950-ci il təvəllüdlü Hüseynov Salman Qərib oğlu müraciət edib. Kişi bildirib ki, Ruhid adlı bir şəxs onun, 1987-ci il təvəllüdlü oğlu Ayaz Hüseynovu işləmək adı ilə Türkiyəyə aparıb. Bu hadisə iyunun 14-də baş verib.

Ruhid iyulun 10-da Bakıya qayıdıb. Ayazdan isə getdiyi vaxtdan indiyə qədər heç bir xəbər yox imiş. İlkin araşdırma zamanı istintaq orqanlarının əməkdaşları Hüseynovu aparan kişini saxlayıblar. O, Neftçala rayonunun sakini Əlizadə Ruhid Vaqif oğludur.

Məlum olub ki, Ayaz Hüseynov, Ruhid Əlizadənin aldadaraq Türkiyəyə apardığı yeganə şəxs deyil. Polisə oğlunun itkin düşdüyü barədə analoji ərizə ilə başqa bir kişi də müraciət edib. Hər iki cavan oğlan Azərbaycandan bir yerdə çıxıb.

Saxlanılan şəxs bildirib ki, Türkiyəyə gedən hər iki azərbaycanlı bir müddət sonra həmin ölkənin sərhədlərini tərk edib. Amma Əlizadə həmin gənclərin hansı ölkəyə getdiklərini deməyib. İlkin ehtimala görə, itkin düşmüş şəxslər İraq, Suriya, eləcə də qadağan olunmuş "İslam Dövləti" (İŞİD) terror təşkilatının nəzarətində olan hansısa ərazidədirlər. Amma sonuncu versiya təsdiqini tapmayıb.

Əldə edilən məlumatlara görə, itkin düşən azərbaycanlılar namaz qılmırlar. Bu səbəbdən də onların İŞİD-ə qoşulması barədə irəli sürülən hipotez bir qədər şübhə doğurur.

Yasamal rayonunun hüquq-mühafizə orqanlarından Sputnik Azərbaycan-a xəbər veriblər ki, itkin düşən gənclər artıq üzə çıxıblar. Onlar həqiqətən də Türkiyəyə iş dalınca gediblər və hazırda da qardaş ölkədədirlər. Onlar yaxınları ilə əlaqə saxlayıblar. Uzun müddət valideynləri ilə əlaqə saxlamamaları narahatlığa səbəb olub.

Hüquq-mühafizə orqanlarından bildiriblər ki, hazırda itkin düşmüş şəxslərlə bağlı müraciətlərin araşdırılması proseduru bir qədər dəyişib. Əgər əvvəllər 3 gün ərzində yoxa çıxmış adamın axtarışına başlanırdısa, hazırda polisə məlumat vermək üçün 3 gün gözləməyə ehtiyac yoxdur.

"Çünki bu barədə polisə müraciət edilən andan dərhal axtarışlara başlanılır. Qeyd etmək lazımdır ki, itkin düşmüş şəxslərlə bağlı axtarışın elan edilməsi əksər hallarda müsbət nəticə verir" — hüquq-mühafizə orqanlarından bildirilib.

Polis əməkdaşlarının sözlərinə görə, nadir hallarda itkin düşmüş şəxslər cinayətin qurbanı olurlar: "Təcrübə göstərir ki, onlar tez-tez ailədəki fikir ayrılıqları ucbatından evdən gedirlər. Hələ 10 il bundan əvvəl Azərbaycanda itkin düşən şəxslərin sayı min nəfərə çatırdı. İnsanlar qohumlarından ayrılaraq Rusiyaya qazanc dalınca gedirdilər. Bu gün vəziyyət dəyişib. Respublikada xəbərsiz itkin düşmüş şəxslərin sayı 200 nəfər ətrafındadır".

Bakı şəhər Baş Polis İdarəsinin məlumatına görə, ötən il itkin düşən şəxslərdən 13 nəfər tapılmayıb ki, onların da 12-si kişi və biri qadındır. Onların da bir hissəsi ötən il, qalanları isə 2010-2013-cü illərdə itkin düşənlərdir. Bu şəxslərin cinayətin qurbanı olduqları istisna edilmir.

1519
Teqlər:
27-ci bölməsi, Yasamal rayon Polis İdarəsi, ailə, gənc, Türkiyə, hüquq-mühafizə orqanları, İŞİD
Əlaqədar
İŞİD-dən xilas edilən azərbaycanlı uşaqların qohumları tapıldı - VİDEO
İŞİD-ə qoşulan azərbaycanlıların sayı bilindi
İŞİD-lə əlaqəsi olan 36 nəfər həbs edildi
Ağazadə: “İŞİD-dən xilas edilən uşaqlara dəstək olmalıyıq”
İraqdakı azərbaycanlı İŞİD-çilərin ailələrinin taleyi barədə şok təfərrüatlar
Təcili: İŞİD-dən xilas edilən azərbaycanlı uşaqların yaxınları axtarılır - VİDEO
İŞİD təslim olur?
Füzuli rayonunda minaya düşən mülki avtomobil

Füzulidə minaya düşən şəxslərin meyitləri ailələrinə təhvil verilib

61
(Yenilənib 21:42 28.11.2020)
Agentliyin mütəxəssisləri tərəfindən ərazidə aparılmış tədqiqat zamanı 90-BL-558 dövlət qeydiyyat nişanlı “Toyota” markalı avtomobilin 2 ədəd tank əleyhinə minaya düşdüyü məlum olub.

BAKI, 28 noyabr - Sputnik. 2020-ci il 28 noyabr tarixində saat 15:10 radələrində Füzuli rayonunun işğaldan azad olunmuş Aşağı Seyidəhmədli kəndində mülki əhalinin girişi qadağan olunan təhlükəli ərazidə mina hadisəsi baş verib. Bu barədə Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) məlumat daxil olub.

© Azerbaijan National Agency for Mine Action
Füzuli rayonunda minaya düşən mülki avtomobil

ANAMA-dan Sputnik Azərbaycan-a verilən məlumata görə, agentliyin mütəxəssislərindən ibarət əməliyyat-axtarış qrupu dərhal həmin əraziyə göndərilib, aparılmış xilasetmə əməliyyatı zamanı xüsusi təhlükəsizlik zolağı açılaraq Hacıyev Şakir Məhərrəm oğlu, Hacıyev Firuddin Məhərrəm oğlu, Hüseynov Zülfüqar Adışirin oğlu və Adilzadə Zibeydə Şakir qızının meyitləri ərazidən götürülərək aidiyyəti üzrə təhvil verilib.

© Azerbaijan National Agency for Mine Action
Füzuli rayonunda minaya düşən mülki avtomobil

Agentliyin mütəxəssisləri tərəfindən ərazidə aparılmış tədqiqat zamanı 90-BL-558 dövlət qeydiyyat nişanlı “Toyota” markalı avtomobilin 2 ədəd tank əleyhinə minaya düşdüyü məlum olub.

"Agentlik tərəfindən bir daha bildiririk ki, işğaldan azad olunmuş ərazilər mina və partlamamış hərbi sursatlardan (PHS) təmizlənməmiş həmin ərazilərə təhlükəsizlik səbəbindən mülki şəxslərin girişi qəti qadağandır", - ANAMA bildirib. 

61
Teqlər:
mina, Füzuli rayonu, Füzuli, ANAMA
Aktyor Taleh Yüzbəyov, arxiv şəkli

"Əri döymüş gəlini, bir yandan da it qapdı" - Yüzbəyovdan yeni film

26
(Yenilənib 20:51 28.11.2020)
Yüzbəyovun çəkdiyi "Əri döymüş gəlini, bir yandan da it qapdı" və ya "Karantin balladası" qısa zamanda "Youtube" portalında trendə düşüb.

Şahpəri Abbasova, Sputnik Azərbaycan

BAKI, 28 noyabr — Sputnik. Taleh Yüzbəyov yeni filmini təqdim edib. Sputnik Azərbaycan xəbər verir ki, aktyor senaristi və rejissoru olduğu filmi "Youtube" hesabında paylaşıb. Film ailə-məişət mövzusundadır. "Karantin balladası" adlanan film karantin dövründə insanların yaşadığı maddi və mənəvi çətinliklərdən bəhs edir. Yüzbəyov film barədə özünün "Facebook" hesabında bunları deyib:

"Bu videonun senarisini mayda yazıb, karantinə görə ancaq avqustda çəkə bildik. Sentyabrın 28-i paylaşmaq istəyirdik ki, müharibə başladı. İkinci korona dalğasında gecikmiş video olsa da paylaşmaq istədik".

Qeyd edək ki, "Əri döymüş gəlini, bir yandan da it qapdı" və ya "Karantin balladası" qısa zamanda "Youtube" portalında trendə düşüb.

26

"Qafqazın Xirosiması" - fransız kanalı Ağdamı belə adlandırdı

0
(Yenilənib 21:43 28.11.2020)
“Bu şəhər o qədər dağıdılıb ki, bəzən onu “Qafqazın Xirosiması” adlandırırlar. 1980-ci illərin sonlarında 40 min əhalisi olan Ağdam bu gün “ruhlar şəhəri”dir" - France-24.

BAKI, 28 noyabr - Sputnik. “France-24” kanalı işğaldan azad edilmiş Ağdam rayonu haqqında reportaj yayımlayıb.

Sputnik Azərbaycan AZƏRTAC-a istinadla xəbər verir ki, reportajda münaqişəyə son qoyan razılaşmaya əsasən, dekabrın 1-də Laçın rayonunun Azərbaycana təhvil verilməli olduğu bildirilir. Qeyd edilir ki, bununla da Azərbaycan Dağlıq Qarabağın ətrafındakı 7 rayonun hamısını geri qaytarmış olacaq.

Kanalın xüsusi müxbirləri Lüdoviq dö Fuko, Katrin Norestrent və Hüseyn Əsədin Ağdamdan hazırladıqları reportajda deyilir:

“Bu şəhər o qədər dağıdılıb ki, bəzən onu “Qafqazın Xirosiması” adlandırırlar. 1980-ci illərin sonlarında 40 min əhalisi olan Ağdam bu gün “ruhlar şəhəri”dir. Bu gün Ağdamda hələ də qalan yeganə bina məsciddir. Bu şəhər 30 il əvvəl Birinci Qarabağ müharibəsi zamanı böyük strateji əhəmiyyət daşıyırdı. 1993-cü ildə bu şəhərin itirilməsi müharibənin dönüş nöqtəsi oldu. Buranın sakinləri köç etmək məcburiyyətində qaldı. Bu gün məcburi köçkünlər qayıdırlar və dağılmış binaları görürlər”.

Reportajda Ağdam sakini Zülfü Qasımovun bu fikirlərinə də yer verilir: “Belə bir şəhəri bu günə salmaq olarmı? Bu evləri belə dağıtmaq olarmı? Siz bu evlərin keçmişini görsəydiniz bilərdiniz ki, ən müasir evlər, ən yaxşı tikilmiş evlər ancaq Ağdamda olub. Onlar bilirdilər ki, burada yaşamayacaqlar. Onların inamı yox idi ki, burada qalsınlar. Çünki qalmaqları mümkün deyildi. Ona görə də əllərinə düşən hər şeyi dağıdıblar”.

Reportajda qeyd edilir ki, bərpa işlərindən əvvəl təhlükəsizliyi təmin etmək lazımdır. Azərbaycan tərəfindən azad edilmiş digər rayonlar kimi, Ağdam da mina ilə doludur. Hakimiyyət orqanları bu istiqamətdə işə başlayıblar.

ANAMA-nın əməliyyat qərargahının rəhbəri İdris İsmayılov deyir ki, 4500-ə yaxın piyada əleyhinə mina, 2000-ə yaxın tank əleyhinə mina, 750-yə yaxın isə müxtəlif növ bombalar aşkar edilərək zərərsizləşdirilib.

Reportajda, həmçinin Azərbaycanın işğaldan azad edilmiş ərazilərə vurulmuş ziyanı 10 milyardlarla dollar həcmində dəyərləndirdiyi və Ermənistan tərəfindən təzminat almaq üçün məhkəmələrə müraciət edəcəyi diqqətə çatdırılır.

0
Teqlər:
Xirosima faciəsi, Xirosima, Qafqaz, ANAMA, Ağdam şəhəri, Ağdam