Qutab, arxiv şəkli

Azərbaycan buğlama qutabdan milyonlarla gəlir əldə edə bilər

403
(Yenilənib 18:05 25.09.2017)
İlk növbədə peşəkar aşbazların hazırlanmasına investisiya qoyulmalıdır ki, onlar Azərbaycan yeməklərini düzgün və gözəl formada hazırlayıb təqdim etməyi bacarsınlar

BAKI, 24 sentyabr — Sputnik. Nəhayət, milli mətbəximizin populyarlaşması üçün elə üsullar var ki, onlar təkcə qurmanları sevindirməklə qalmaz, həm də Azərbaycana külli miqdarda gəlir gətirə bilər.

Azərbaycan Milli Kulinariya Assosiasiyasının prezidenti Tahir Əmiraslanov yerli gündəlik yeməklərin hesabına necə pul qazanmağın yollarını Sputnik Azərbaycan-a anladıb.

Onun sözlərinə görə, gündəlik qidalanma yeyinti sənayesi ilə tandemdə olmalıdır. İlk növbədə peşəkar aşbazların hazırlanmasına investisiya qoyulmalıdır ki, onlar Azərbaycan yeməklərini düzgün və gözəl formada hazırlayıb təqdim etməyi bacarsınlar. 

Məktəb yeməkxanasında şagirdlər, arxiv şəkli
© Sputnik / Kirill Kallinikov

Əmiraslanovun sözlərinə görə, bu gün Azərbaycanda sözügedən sahədə peşəkar kadrların hazırlanması üçün məktəblər praktiki olaraq yox səviyyəsindədir. Eyni zamanda gələcək aşbazların təcrübə keçməsi üçün lazımi texniki avadanlıq yoxdur. Məhz buna görə də, xaricdəki məşhur restoranlarda Azərbaycan aşbazlarına rast gəlmək mümkün deyil.

Milli mətbəximizin xaricdə təbliğ olunmasının ikinci mərhələsi Azərbaycan restoranlar şəbəkəsinin qurulmasıdır.

"Vaxtilə prezident Heydər Əliyevin imzaladığı 596 saylı fərmanda dövlət və özəl sektor tərəfindən xaricdə Azərbaycan restoranlar şəbəkəsinin yaradılması nəzərdə tutulurdu. Ümummilli liderin məqsədlərindən biri Azərbaycan məhsullarının dünya bazarına çıxarılması idi" — deyə kulinar bildirib.

Əmiraslanov Fransa, Çin, Türkiyə təcrübəsini müsal gətirərək deyib ki, bu gün onların restoranlar şəbəkəsinə dünyanın bütün guşələrində rast gəlmək mümkündür. 

Üçüncü mərhələdə isə, malların sənaye üsuli ilə kütləvi istehsalına başlanması siyasəti populyarlaşdırılmalıdır. Amma görünür bu proses elə də sadə deyil. Əmiraslanovun sözlərinə görə, bunun üçün əvvəlcə xörəkləri yaxşı öyrənmək, sonra müvafiq texnologiyanın hazırlanması və patentin alınması lazımdır.

Məhsulların bazara çıxarılması prosesinin çətin olmasına baxmayaraq, bu, Azərbaycana yaxşı gəlir gətirə bilər.

"Qida məhsullarının satışı nə deməkdir? Biz xaricdən hansısa ərzaq məhsullarını alanda pul ödəyirik. Bu isə valyutanın qeyri-effektiv xərclənməsidir. Biz satışdan ciddi gəlir əldə edə bilmərik. İqtisadiyyatın daha effektiv istiqaməti var: istehsala və ixracata üstünlük verməliyik. Biz uzun illərdir Azərbaycan məhsullarının dünya bazarına çıxarılması sistemini qurmaq üçün mübarizə aparırıq. Onları sənaye bazası əsasında öyrənmək lazımdır" — deyə kulinar bildirib.

Əmiraslanov qeyd edib ki, artıq bu istiqamətdə ilkin addımlar atılıb. Misal üçün, Moskvada Azərbaycan paxlavası gözəl satılır. MDB ölkələrində Azərbaycan dolmasının və düşbərənin dondurulmuş şəkildə satışına rast gəlmək mümkündür. Bununla yanaşı, Azərbaycanın hər bir yeməyi ölkənin vizit-kartı olmalıdır. Bunun üçün maliyyə və düzgün strategiya lazımdır. Misal üçün, bu gün hamı istəyir özbək plovunun, fransız şərabının, holland və İsveçrə pendirinin, İtaliya krevetkasının, Norveç balığının dadına baxsın. 

Mütəxəssisin sözünə qüvvət verərək bildirək ki, əcnəbilər Azərbaycanın bir çox milli xörəklərini dadmaq üçün ölkəmizə gələ bilərlər. Çünki bu xörəklərin hazırlanmasında yerli və təbii məhsullardan istifadə edilir. Mal, qoyun əti, tərəvəzlər, kərə yağı təbii yolla hazırlanır. Azərbaycan təkcə ətsevənlər üçün deyil, vegeterianlar üçün də əsl cənnətdir. Bir neçə il əvvəl kənd yerlərində tez-tez hazırlanan göyərti qutabı dünyanın ən sağlam yeməyi seçilmişdi. Yerli paxlava isə heç də türk paxlavasından geri qalmır.

Cənub-şərqi Anadolu İxracatçı Birliklərinin (GAIB) rəhbəri Abdulkadir Çıkmazın sözlərinə görə, Türkiyə 2016-cı ildə dünyanın 13 ölkəsinə 136 ton paxlava ixrac edib ki, bundan da 1,5 milyon gəlir əldə edilib. Paxlava ABŞ, BƏƏ, İsveçrə və Çin kimi ölkələrə də ixrac edilib. Artıq 2017-ci ilin 8 ayı ərzində paxlava ixracatı ilə bağlı göstəricilər ötən ilin bütöv göstəricilərinə çatıb.

Mümkündür ki, dünya Azərbaycanın təkcə paxlavasını deyil, digər ənənəvi şirniyyatlarını da sevsin. Şəkərburanı da rahat şəkildə ixrac etmək olar. Bu məhsul uzun müddət xarab olmadan qalır. Xatırladaq ki, Novruz bayramı dövründə şəkərbura bir neçə həftə xonçada qalır, lakin öz təravətini itirmir. 

Qarabağın göyərti kətəsinin resepti
© Sputnik / Kamilla Əliyeva

Doyumlu xörəklərə gəlincə, buğlamanı xatırlada bilərik. Bu, tərəvəz və ədviyyatla bişirilmiş ət xörəyidir. Bu yeməyin ixrac edilməsi üçün yeni texnologiya fikirləşməyə ehtiyac yoxdur. Buğlamanı konserv bankalarında bişmiş ət kimi saxlamaq olar. Belə qablaşdırma onu daşımaq üçün də rahatdır.

Eyni fikirləri içkilər haqqında da demək olar. Bu gün Qusar rayonunda yerli itburnu və heyvadan içkilər hazırlanır. Bunun üçün xammal meşələrdən toplanır. Bu meyvələr ekoloji cəhətdən son dərəcə təmizdir və immuniteti möhkəmlətməyə kömək edir.

Bu baxımdan Azərbaycanda turizmin inkişafı ilə yanaşı qida sənayesinin də inkişafına təkan vermək lazımdır.

403
Teqlər:
Azərbaycan, Fransa, Çin, Türkiyə, Qusar rayonu, Tahir Əmiraslanov, Azərbaycan Milli Kulinariya Assosiasiyası, Qida hazırlanması, buğlama, qutab
Əlaqədar
Kabab xoşlayırsansa, onu bişirməyi də bacarmalısan
Ləzzətli quzu kababının resepti ilə tanış olun
Lənkəranda bişirilən turşu kabab
Qarabağın göyərti kətəsinin resepti
Azərbaycan qonaqpərvərliyi: Yeni il masasının şahı - plov
“Üzeyir sənətinin gənclik sədaları” layihəsinin növbəti konserti

"Üzeyir sənətinin gənclik sədaları"

8
(Yenilənib 22:24 24.09.2021)
Xəzər Universitetinin Kamera orkestri ilə solistlərinin də qatıldığı "Xəzər dalğası" adlı layihə maraqla qarşılanıb.

BAKI, 24 sentyabr — Sputnik. XIII Beynəlxalq Musiqi Festivalı çərçivəsində "Üzeyir sənətinin gənclik sədaları" layihəsinin növbəti konserti baş tutub.

Mədəniyyət Nazirliyindən Sputnik Azərbaycan-a verilən məlumata görə, Xəzər Universitetinin Kamera orkestri ilə solistlərinin də qatıldığı "Xəzər dalğası" adlı layihə maraqla qarşılanıb. Orkestrin bədii rəhbəri Zülfiyyə Sadıqova, dirijoru Orxan Həşimovdur.

Konserti ön sözlə açan bəstəkar, respublikanın Xalq artisti Sərdar Fərəcov 13 il ərzində keçirilən bu festivalın əhəmiyyətindən danışıb. Festivala artıq yeddinci ildir ki, qatılan Xəzər Universitetinin iştirakının gözəl ənənə olduğunu vurğulayıb.

Xəzər Universitetinin Fikrət Əmirov adına konfrans-konsert mərkəzində keçirilən tədbirin solist iştirakçıları sırasında respublikanın əməkdar artistləri - müğənni tenor Fərid Əliyev, zurna və balaban ifaçısı Şirzad Fətəliyev, beynəlxalq müsabiqə laureatları Məhsəti Cabbarova və Yuliya Behbudova olublar.

Konsertdə Nikolay Rimski-Korsakovun "Seyrələn uçan buludlar", Frans Leqarın "Cuditta" operasından Cudittanın mahnısı, Leo Delibin "İspan mahnısı", Tomazo Albinoninin "Adajio", Sərdar Fərəcovun "Elegiya", Ü.Hacıbəylinin "Arşın mal alan" musiqili komediyasından Gülçöhrənin ariyası və digər əsərlər səslənib. Tədbir Fikrət Əmirovun "1001 gecə" baletindən "Şəhrizadın bayramı" rəqs nömrəsi ilə tamamlanıb.

8
Qəssab əti mağazaya aparır, arxiv şəkli

İmişli sakini iylənmiş əti daşıyarkən yaxlandı

16
(Yenilənib 21:48 24.09.2021)
Avtomobilin yük yerində baytarlıq ekspertizasından keçməyən, kəskin qoxuya malik, orqanoleptik göstəricilərinə görə texniki normativ hüquqi aktların tələblərinə cavab verməyən 120 kq iribuynuzlu heyvana məxsus ət aşkarlanıb.

BAKI, 24 sentyabr — Sputnik. Azərbaycan Respublikasının Qida Təhlükəsizliyi Agentliyi (AQTA) Daxili İşlər Nazirliyinin əməkdaşları ilə birgə aparılan reyd zamanı İmişli rayonu ərazisində yaşayan vətəndaş İbrahimov Bəxtiyar Hacıəhməd oğluna məxsus 30-BJ-945 dövlət qeydiyyat nişanlı minik avtomobilinə baxış keçirib. Bu barədə agentlikdən Sputnik Azərbaycan-a verilən məlumatda bildirilib.

Baxış zamanı avtomobilin yük yerində baytarlıq (baytarlıq-sanitariya) ekspertizasından keçməyən, kəskin qoxuya malik, orqanoleptik göstəricilərinə görə texniki normativ hüquqi aktların tələblərinə cavab verməyən 120 kq iribuynuzlu heyvana məxsus ət aşkarlanıb.

Müayinələrin aparılması üçün ətdən götürülən nümunələr Azərbaycan Qida Təhlükəsizliyi İnstitutunun müvafiq laboratoriyalarına təqdim olunub. Təyin olunan müvafiq ekspertizalarla aşkar olunan ətin istehlak üçün tam yararsız və insan sağlamlığına ciddi təhlükə mənbəyi olması təsdiqini tapıb. Aşkar olunan faktla bağlı qanunvericiliyin tələbləri çərçivəsində istehlaka yararsız ümumi çəkisi 120 kq ət məhv edilib, araşdırmalar davam etdirilir.

Qeyd edək ki, bir müddət öncə Tərtərdə istehlaka yararsız 176 kq ət aşkarlanaraq məhv edilmişdi.

16
Pianoçu Vurğun Vəkilov

Səməd Vurğunun nəticəsi şah əsərləri ifa edib

0
(Yenilənib 22:24 24.09.2021)
V.Vəkilov ölkəmizi İtaliya, Yaponiya, Rusiya, Bolqarıstan, Koreya Respublikası, Çin və digər ölkələrdə keçirilən müsabiqələrdə də təmsil edib. Onun adı Azərbaycanın gənc istedadlarının "Qızıl kitabı"na daxil edilib.

BAKI, 24 sentyabr — Sputnik. Üzeyir Hacıbəyli XIII Beynəlxalq Musiqi Festivalı davam edir. Sentyabrın 23-də festival çərçivəsində Azərbaycan Milli İncəsənət Muzeyində istedadlı pianoçu, Xalq şairi Səməd Vurğunun nəticəsi, "École normale de musique de Paris-Alfred-Cortot" ali musiqi məktəbinin tələbəsi Vurğun Vəkilovun konserti olub.

Sputnik Azərbaycan xəbər verir ki, konsertdə klassik musiqinin şah əsərləri səslənib. Pianoçunun çıxışı böyük maraqla qarşılanıb.

Qeyd edək ki, V.Vəkilov 2004-cü ildə Bülbül adına Orta İxtisas Musiqi Məktəbinin birinci sinfinə gedib. İstedadlı pianoçu 2008-ci ildə Azərbaycanın ümummilli lideri Heydər Əliyevin anadan olmasının 85 illiyinə həsr olunan Gənc İfaçıların Birinci Respublika Müsabiqəsinin qalibi olub. V.Vəkilov ölkəmizi İtaliya, Yaponiya, Rusiya, Bolqarıstan, Koreya Respublikası, Çin və digər ölkələrdə keçirilən müsabiqələrdə də təmsil edib. Onun adı Azərbaycanın gənc istedadlarının "Qızıl kitabı"na daxil edilib.

0