Gənclər və idman nazirinin müavini İntiqam Babayevin çıxışı

Nazir müavini: "Sənədlər kağız üzərində qalmamalıdır"

32
(Yenilənib 19:09 21.09.2017)
“Yeni Azərbaycan Partiyası” Gənclər birliyi və Qazaxstanın “Jas Otan”, eyni zamanda, Azərbaycan Respublikası Tələbə Gənclər Təşkilatları İttifaqı və Qazaxıstan Gənclər Konqresi arasında əməkdaşlıq haqqında memorandum imzalanıb

BAKI, 21 sentyabr — Sputnik. Bu gün Qazaxıstanın Aktau şəhərində Xəzəryanı Gənclər Forumu çərçivəsində Qazaxıstan-Azərbaycan gəncləri günlərinə start verilib.

Ş. Yesenova adına Xəzər Dövlət Mühəndislik və Texnologiyalar institutunda baş tutan tədbirdə Azərbaycanı  gənclər və idman nazirinin müavini İntiqam Bababyevin rəhbərlik etdiyi nümayəndə heyəti təmsil edib.

Qazaxıstanın Dini məsələr və vətəndaş cəmiyyəti İnstitutunun gənclər siyasəti üzrə departamentinin direktoru Qabidulla Ospankulov hər iki ölkənin tarixi köklərə sığınan dostluq, qardaşlıq münasibətlərindən söz açaraq, Azərbaycan nümayəndə heyətinin Qazaxıstanda olmasından məmnunluq hissi duyduğunu bildirib, səmimiyyətlə hər kəsi salamlayıb.

Daha sonra söz Azərbaycanın gənclər və idman nazirinin müavini İntiqam Babayevə verilib. Nazir müavini bu tədbirin Azərbaycan tərəfi üçün sadəcə formal xarakter daşımadığını, tarixi, mədəniyyəti, adətləri bir kökə sığınan qardaş ölkəyə edilən dostluq səfəri olduğunu söylədi.

Babayev bütün dünyada gənclər siyasənin düzgün şəkildə aparılmalı olduğunu, məhz bugünün gənclərinin sabahın inamı olduqlarını diqqətə çatdırıb. Nazir müavini Prezident İlham Əliyev tərəfindən bir neçə gün bundan öncə “Azərbaycan gəncliyi 2017-2021-ci illərdə Dövlət Proqramı”nın imzalandığını və bununla da, bu sahədə daha böyük imkanların yaradıldığını diqqətə çatdırıb. Çıxışının sonunda nazir müavini tədbir çərçivəsində imzalanacaq memorandumların kağız üzərində qalmamalı olduğunu bildirib, bu sənədlərdən irəli gələrək əlaqələrin daha möhkəm inkişafına zəmin yaradacığına əmin olduğunu diqqətə çatdırıb.

Sonda “Yeni Azərbaycan Partiyası” Gənclər  birliyi və Qazaxstanın “Jas Otan”, eyni zamanda, Azərbaycan Respublikası Tələbə Gənclər Təşkilatları İttifaqı və Qazaxıstan Gənclər Konqresi arasında əməkdaşlıq haqqında memorandum imzalanıb.

Rəsmi tədbirin sonunda, Azərbaycan milli musiqi alətləri, əl işləri, milli yeməklərindən ibarət sərgi təqdim olunub. Tədbirin ilk hissəsi konsert proqramı ilə başa çatıb.

Daha sonra Azərbaycan nümayəndə heyətinin “Nazarbayev intellektual məktəbi” nə tanışlıq səfəri təşkil edilib, eyni zamanda, Azərbaycandan gələn qonaqlar üçün mədəniyyət proqramları nümayiş edilib.

32
Teqlər:
Ş. Yesenova adına Xəzər Dövlət Mühəndislik və Texnologiyalar institutu, İntiqam Babayev, Qabidulla Ospankulov, Prezident İlham Əliyev, Azərbaycan
Əlaqədar
Yeni gənclər klubu yaradılıb
Gənclər "Yasəmən ağacı"nı təqdim etdilər
Gənclər günü
Gənclər hansı şərtlərlə ipoteka əldə edə bilərlər?
Avtomobillərin utilizasiyası, arxiv şəkli

Köhnə avtomobillər üçün utilizasiya proqramı hazırlanır

2
Nazirlik rəsmisi hesab edir ki, utilizasiya proqramı icra edildikdən sonra artıq avtomobil parkının yenilənməsi istiqamətində nəzərəçarpacaq nailiyyətlər əldə ediləcək.

BAKI, 19 yanvar — Sputnik. Azərbaycanda köhnə avtomobillərin utilizasiyası proqramı hazırlanıb.

Sputnik Azərbaycan xəbər verir ki, bu barədə Ekologiya və Təbii Sərvətlər Nazirliyinin Ekoloji siyasət şöbəsinin müdiri Rasim Səttarzadə "Ekspert saatı"nda deyib. O bildirib ki, "Azərbaycanda yol hərəkəti təhlükəsizliyinin təmin olunması üzrə Dövlət Proqramı"nda köhnə avtomobillərin utilizasiya proqramının hazırlanması və icra olunması nəzərdə tutulur. R.Səttarzadə artıq proqramın razılaşdırma prosesinin son mərhələsində olduğunu söyləyib.

Nazirlik rəsmisi hesab edir ki, utilizasiya proqramı icra edildikdən sonra artıq avtomobil parkının yenilənməsi istiqamətində nəzərəçarpacaq nailiyyətlər əldə ediləcək.

2
Bakıda qarlı hava, arxiv şəkli

BNA-dan sürücülərə xəbərdarlıq

1
(Yenilənib 17:22 19.01.2021)
Qarlı və şaxtalı hava şəraitinin davam etdiyi günlərdə ictimai nəqliyyatdan istifadəyə üstünlük verilməsini tövsiyə edilir.

BAKI, 19 yanvar — Sputnik. Bakı Nəqliyyat Agentliyi (BNA) hava şəraitinin kəskin dəyişməsi ilə bağlı verilən proqnozlarla bağlı sürücü və sərnişinlərə müraciət edib.

Agentlikdən Sputnik Azərbaycan-a verilən məlumatda bildirilir ki, gözlənilən kəskin hava şəraiti ilə əlaqədar çovğun olacağı, gecə saatlarında yolların buz bağlayacağı ehtimal edilir: "Hava şəraitinin dəyişməsi ilə bağlı sürücülərdən, xüsusən enişli və yoxuşlu yollarda yarana biləcək qəzalar və digər xoşagəlməz halların qarşısının alınması üçün diqqətli olmaları tövsiyə edilir. Sürücülərə tövsiyə edirik ki, sürət həddinə əməl etməklə yanaşı, meteoroloji amillər nəzərə alınmaqla digər hərəkət iştirakçılarına qarşı anlayışla davransınlar. Ümumilikdə isə məlum qarlı və şaxtalı hava şəraitinin davam etdiyi günlərdə ictimai nəqliyyatdan istifadəyə üstünlük verilməsini tövsiyə edirik. Sərnişinlərdən avtobus dayanacaq pavilyonlarında gözləyərkən diqqətli olmaları, dayanacaq məntəqəsinin ərazisindən kənarda avtobusa minib-düşməmələri xahiş edilir. Həmçinin Nəqliyyat Mübadilə Mərkəzlərinin ərazisində eyni qaydalara riayət edilməlidir. Eyni zamanda, piyadalar yolu qarşı tərəfə keçərkən mütləq qaydada piyada keçidlərindən istifadə etmələrini tövsiyə edirik".

1