Əzizov Vidadi, onun nümayəndəsi Fəxrəddin Məmmədov mətbuat konfransı

Keçmiş MTN əməkdaşları adamını bankın qarşısından oğurlayıblar

606
(Yenilənib 15:17 22.09.2017)
Xaricdən ölkəyə pul köçürən biznesmeni Milli Təhlükəsizlik Nazirliyinin əməkdaşları izləyirmişlər

BAKI, 21 sentyabr — Sputnik. Vətəndaş Vidadi Əzizov iddia edir ki, keçmiş MTN polkovniki Mirəziz Əsgərovdan zərər görüb. O, məhkəmənin Mirəziz Əsgərovun barəsində çıxardığı qərardan narazıdır. Bununla bağlı Vidadi Əzizovun nümayəndəsi Fəxrəddin Məmmədov bu gün mətbuat konfransı keçirib.

Sputnik Azərbaycan xəbər verir ki, zərərçəkmiş və mülki iddiaçı Əzizov Vidadi Əsgər oğlunun nümayəndəsi Fəxrəddin Məmmədov deyib ki, V. Əzizov 1990-cı illərin əvvəllərindən sahibkarlıq fəaliyyəti ilə məşğul olur: "Azərbaycanda ilk sahibkarlardan biridir. Əsasən xarici iqtisadi fəaliyyətlə məşğul olub. Bundan sonra, 2007-ci ildə sahibkarlıq fəaliyyətini, məcburiyyət qarşısında qalıb xarici ölkələrdə davam etdirib. Çünki o illərdə Azərbaycanda sahibkarların fəaliyyətinə imkan verilmirdi. 2007-ci ildən Azərbaycanı tərk edərək Türkiyədə, Rusiyada, İranda, Ukraynada, Birləşmiş Ərəb Əmirlikərində və s. ölkələrdə iqtisadi fəaliyyətlə, əsasən də brokerlik, yəni, ticarət nümayəndəliyi fəaliyyəti ilə məşğul olub. Azərbaycan Respublikası Mülki Məcəlləsində də brokerlik fəaliyyəti Azərbaycanda yol verilən qanuni iqtisadi fəaliyyət növüdür".

Onun sözlərinə görə, hüquqlarını müdafiə etdiyi şəxs 2012-ci ildə öz ölkəsində fəaliyyət göstərmək qərarına gəlib: "Odur ki, 2012-ci ilin aprel ayının əvvəllərində 1 milyon dollar pulunu Dubay şəhərindən "Zaminbank"ın Bakı filialına köçürüb. İki gündən sonra özü gəlib ki, bankdan pulunu götürsün. Qayda-qanunla köçürülmüş puldur. Əgər Vidadi Əzizov o pulu hər hansı bir qeyri-qanuni yolla əldə etmiş olsaydı, o dövlətlərdə məsuliyyətə cəlb olunardı".

"Vidadi Əzizov pulunu almağa gələndə, keçmiş Milli Təhlükəsizlik Nazirliyinin əməkdaşları onu izləyirmişlər. Pulu götürüb bankdan çıxanda 30-40 maskalı şəxs onu tutub. Əməliyyata da rəhbərlik edən keçmiş Milli Təhlükəsizlik Nazirliyinin Baş Əks-kəşfiyyat İdarəsinin birinci idarəsinin şöbə rəisi polkovnik Mirəziz Əsgərov olub. Mirəziz Əsgərov şəxsən özü hadisə yerində olub, 30-40 əməliyyatçıya da bu şəxs rəhbərlik edib. Əzizov Vidadi Əsgər oğlunu pulu ilə birlikdə aparıblar. Özünü 8-9 saat saxladıqdan sonra, pulu qaytarmamaq şərti ilə buraxıblar" — nümayəndə qeyd edib.

F. Məmmədovun sözlərinə görə, istintaq orqanı Mirəziz Əsgərovu bu cinayətinə görə Cinayət Məcəlləsinin 7 maddəsi ilə ittiham edib: "Vidadi Əzizovun, ümumilikdə 715 min ABŞ dolları pulunu əlindən alıblar. Bunların hamısı məhkəmədə də təsdiq olunub. Məhkəmə bu 7 maddənin hamısını təsdiqləyib. Biz gözləyirdik ki, dövlət ittihamçısı buna ən azı 14 il cəza istəyəcək, amma, 5 il cəza istədi. Mirəziz Əsgərova ümumilikdə 4 il azadlıqdan məhrumetmə cəzası verilib".

"Cəza ilə razılaşmamışıq və apellyasiya şikayəti vermişik. Eyni zamanda, verdiyimiz mülki iddia da təmin olunmayıb. 5 ildə əldən çıxan gəlir ilə birlikdə cəmi 1 milyon 39 min dollar iddiamız vardı. İddiamız da qəbul olunmuşdu. Ancaq son məhkəmə hökmündə göstərildi ki, bu pulun mənbəyi, mənşəyi hələ müəyyən deyil, bunlar da araşdırılsın, odur ki, mülki iddia təmin edilməsin. Biz ilk gündən — 2012-ci ilin aprel ayının 7-dən başlayaraq şikayətlər etmişik. İlk şikayəti Vidadi Əzizovun həyat yoldaşı edib. Sonuncu şikayətimiz 2015-ci ilin sentyabr ayının 17-də olub. 3 ildə 124 şikayət olub. Tələbimiz, xahişimiz budur ki, Mirəziz Əsgərova layiq olduğu cəzanı məhkəmə versin. Mütəşəkkil dəstənin digər üzvləri cinayət məsuliyyətinə cəlb edilsinlər. Vidadi Əzizova vurulmuş maddi ziyan dövlət hesabına ödənilsin. 1 milyon 39 min ABŞ dolları pul ödənilməlidir" — Məmmədov vurğulayıb.

606
Teqlər:
MTN polkovniki Mirəziz Əsgərov, Vətəndaş Vidadi Əzizov, iddia, şikayət, pul
Əlaqədar
DTX-dan MTN-lə əməkdaşlıq etmiş şəxslərlə bağlı mühüm açıqlama
Zərərçəkmiş: MTN-də dedilər ki, 300 min verməsən, qadınlar üzümə duracaqlar
MTN generallarının həbs müddəti uzadıldı
"MTN-çilərin işi" məhkəməyə göndərildi
MTN-in qurbanı olmuş biznesmen həqiqətləri ortaya çıxardı
"MTN işi" üzrə saxlanılanlardan ikisi azadlığa buraxıldı
Bakıda buludlu hava, arxiv şəkli

Sabah meteohəssas insanlar üçün yaxşı gün olacaq

3
Tibbi-meteoroloji proqnoza görə, dekabrın 6-da Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir

BAKI, 5 dekabr — Sputnik. Sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Sputnik Azərbaycan Milli Hidrometeorologiya Xidmətinin verdiyi məlumata istinadla xəbər verir ki, gecə və səhər zəif duman olacaq. Mülayim şimal-şərq küləyi əsəcək. Havanın temperaturu Bakıda və Abşeron yarımadasında gecə 5-7, gündüz 7-9 dərəcə isti olacaq. Atmosfer təzyiqi normadan yüksək 772 mm civə sütunu təşkil edəcək, nisbi rütubət gecə 70-80, gündüz 50-55 faiz olacaq.

Dekabrın 6-da Azərbaycanın rayonlarında arabir yağış, dağlıq və dağətəyi rayonlarda qar yağacağı, ayrı-ayrı yerlərdə intensiv olacağı gözlənilir. Bəzi yerlərdə duman olacaq. Mülayim şərq küləyi əsəcək. Havanın temperaturu gecə 2-6, gündüz 6-9 dərəcə isti, dağlarda gecə 5-10 dərəcə şaxta, gündüz 0-5 dərəcə şaxta olacaq.

Tibbi-meteoroloji proqnoza gəldikdə isə, dekabrın 6-da Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

3
Teqlər:
hava proqnozu, qar, külək, şaxta, yağış, buludlu hava
Gəncədə vəziyyət

Vətən müharibəsində dünyasını dəyişmiş mülki şəxslərə şəhid statusu verildi

8
(Yenilənib 12:19 05.12.2020)
Ümumilikdə, 206 nəfərdən 196 nəfərinə Prezidentin təqaüdü, 151 nəfərinə müavinət, 40 nəfərinə pensiya təyin edilib.

BAKI, 5 dekabr — Sputnik. Vətən Müharibəsi zamanı erməni terroru nəticəsində həlak olan 94 mülki şəxsə şəhid statusu verilib. Bu barədə Sputnik Azərbaycan-a Əmək və Əhalinin Sosial Müdafiəsi Nazirliyindən məlumat verilib.

Bildirilib ki, nazirliyin tabeliyindəki Dövlət Sosial Müdafiə Fondu tərəfindən onların ailə üzvlərinin şəhid ailə üzvləri üçün nəzərdə tutulan hüquqları təmin olunub.

Belə ki, erməni terroru nəticəsində şəhid olan mülki şəxslərin ailələrinin 206 üzvünə müvafiq sosial təminat növləri üzrə aylıq ödənişlər təyin olunub. Onların böyük əksəriyyətinə hüquqlarına uyğun olaraq həm Prezidentin təqaüdü, həm də pensiya (və ya müavinət) təyinatı aparılıb. Ümumilikdə, 206 nəfərdən 196 nəfərinə Prezidentin təqaüdü, 151 nəfərinə müavinət, 40 nəfərinə pensiya təyin edilib.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb, kəndlərin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görüb.

2020-ci il noyabrın 10-da Azərbaycan, Rusiya və Ermənistan liderlərinin Qarabağ üzrə üçtərəfli bəyanatı imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.
Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) isə Kəlbəcər rayonu Azərbaycana qaytarılıb. Dekabrın 1-də Laçın rayonu Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.
Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

8
Teqlər:
ƏƏSMN, status, şəhid, həlak olan, mülki əhali, müharibə, Azərbaycan, Qarabağ
Ermənistanın sabiq prezidenti Robert Köçəryan

Ermənistanın sabiq prezidenti Türkiyəyə qarşı tələ qurduqlarını etiraf etdi

0
(Yenilənib 12:32 05.12.2020)
Ermənistanın ikinci prezidenti olmuş Köçəryan rəsmi İrəvan hökumətinin Dağlıq Qarabağ müharibəsini başlamaq üçün bütün imkanlarından yararlandığını deyib

BAKI, 5 dekabr — Sputnik. Ermənistanın sabiq prezidenti Robert Köçəryan: "Türkiyəni birbaşa müharibəyə cəlb etmək üçün çalışdıq, amma bacarmadıq", - deyə etiraf edib.

Sputnik Azərbaycan-ın Türkiyə mediasına istinadən xəbərinə görə, Ermənistanın ikinci prezidenti olmuş Köçəryan rəsmi İrəvan hökumətinin Dağlıq Qarabağ müharibəsini başlamaq üçün bütün imkanlarından yararlandığını deyərək Türkiyəni də bu müharibəyə cəlb etmək istədiklərini, lakin buna müvəffəq ola bilmədiklərini bildirib. "Fəaliyyətləri ilə Azərbaycana beynəlxalq legitimlik qazandırdılar", - deyə Koçaryan əlavə edib.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb, kəndlərin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görüb.

2020-ci il noyabrın 10-da Azərbaycan, Rusiya və Ermənistan liderlərinin Qarabağ üzrə üçtərəfli bəyanatı imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.
Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) isə Kəlbəcər rayonu Azərbaycana qaytarılıb. Dekabrın 1-də Laçın rayonu Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.
Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

0
Teqlər:
müharibə, Türkiyə, etiraf, Robert Koçaryan, Ermənistan, Azərbaycan, Qarabağ
Mövzu:
Azərbaycan və Ermənistan arasında müharibə