Oğuz rayonunun Qarabaldır kənd ümumi orta məktəbində dərs prosesi

Yeni məktəblər istifadəyə verilib

92
(Yenilənib 17:46 20.09.2017)
Qəbələ və Oğuzda yeni tikilən modul tipli məktəblər istifadəyə verilib

İlham Əhmədov, Sputnik Azərbaycan

BAKI, 20 sentyabr — Sputnik. Sentyabrın 20-də Qəbələ və Oğuz rayonlarında yeni inşa edilən məktəblərə baxış məqsədilə mediatur təşkil edilib. Təhsil ekspertlərinin iştirak etdiyi mediaturun məqsədi bu bölgədə inşa edilən modul tipli məktəblər haqqında media nümayəndələrinə məlumat vermək və onları həmin məktəblərlə tanış etmək olub.

Sputnik Azərbaycan-ın bölgə müxbiri xəbər verir ki, nümayəndələr əvvəlcə Qəbələ rayonunun Seyidqışlaq kənd ümumi orta məktəbində olublar. Onlara məlumat verilib ki, 80 şagird yerlik məktəb 10 sinif otağı, 1 müəllimlər otağı, kitabxana və digər yardımçı otaqlardan ibarətdir. Rayonda daha bir modul tipli məktəb Cığatelli kəndində istifadəyə verilib. 56 şagird yerlik ümumi orta məktəb 7 sinif otağı, 1 müəllimlər otağından ibarətdir. Səfər çərçivəsində media nümayəndələri Qəbələ rayonunun Aydınqışlaq kəndində əsaslı təmir olunan yeni məktəb binasının açılış mərasiminə də qatılıblar. Tədbirdə rayon icra hakimiyyəti başçısının müavini, Təhsil Nazirliyinin məktəbəqədər və ümumi təhsil şöbəsinin müdir müavini Firudin Həmzəyev, rayon ictimaiyyətinin nümayəndələri iştirak ediblər. Bildirilib ki, 1978-ci ildə tikilən və bu il əsaslı təmir olunan məktəbdə 24 sinif otağı, 2 laboratoriya və müəllimlər otağı istifadəyə verilib. Təhsil ocağında 364 şagirdin təlim-tərbiyəsi ilə 52 müəllim məşğul olur. 

Nümayəndələr sonra Oğuz rayonunun Qarabaldır kənd ümumi orta məktəbində olublar. Ümumilikdə 80 şagird yerlik modul tipli ümumi orta məktəbdə 10 sinif otağı, kitabxana, müəllimlər otağı və digər yardımçı otaqlar istifadəyə verilib. Rayonun Xalxalqışlaq kəndində də modul tipli məktəb istifadəyə verilib. 20 şagird yerlik ibtidai məktəb 5 sinif otağından ibarətdir. Daha sonra media nümayəndələri Yemişənli kəndində istifadəyə verilən modul tipli məktəbə baş çəkiblər. 80 şagird yerlik məktəbdə 10 sinif otağı, kitabxana, müəllimlər otağı istifadəyə verilib.

Qeyd edək ki, ilin sonunadək 44 rayon əhatə olunmaqla, 100 azkomplektli və qəzalı vəziyyətdəki kənd məktəbinin modul tipli məktəblərlə əvəz edilməsi nəzərdə tutulur. Modul tipli məktəblər Balakən, Sabirabad, Şəki, Quba, Qusar, Neftçala, Kürdəmir, Ağdaş, İsmayıllı, Tovuz, Göygöl, Tərtər, Göyçay, Qəbələ, Oğuz və digər rayonlarda inşa olunub. Modul tipli məktəblərin üstünlüyü onların azməsrəfli olması ilə yanaşı, qısa müddət ərzində istənilən relyefdə quraşdırılması, asan daşınması, sinif otaqlarının sayının şagirdlərin sayına uyğun olaraq rahatlıqla azaldılıb-artırılmasıdır. Modul tipli məktəblərin tikintisində əsasən yerli istehsal məhsullarından istifadə edilir.

92
Teqlər:
Qarabaldır kəndi, Seyidqışlaq kəndi, Qəbələ rayonu, Oğuz rayonu
Əlaqədar
Məktəb binasının uçması nəticəsində 22 uşaq həlak oldu
Cabbarov: “Çinin məktəblərimizə İKT dəstəyini yüksək qiymətləndiririk”
Bilik günü: məktəblilər və müəllimlər təbrik qəbul edirlər
Yeni dərs ili: məktəbliləri hansı yeniliklər gözləyir
Məktəblərdə rus sektoru qadağan olundu
Rusiya millisinin hücumçusu Artyom Dzyuba (ön planda) və Belçika millisinin müdafiəçisi Tobi Alderveyreld

Rusiya millisinin futbolçuları AVRO-2020-nin startında Belçikaya uduzdular

5
(Yenilənib 01:10 13.06.2021)
Romelu Lukakunun dublu və Tom Menyenin qolu sayəsində belçikalılar AVRO-2020-də ilk oyunu qazanaraq B qrupunun lideri oldular.

Rusiya millisinin futbolçuları Avropa çempionatının qrup mərhələsindəki start oyununda Belçika komandasına uduzublar.

Sankt-Peterburqda keçirilən B qrupunun oyunu belçikalıların 3:0-lıq qələbəsi ilə yekunlaşıb.

Romelu Lukaku dubl edib (10-cu və 88-ci dəqiqələr), bir qol da Tom Menye (34-cü dəqiqədə) vurub. 

Rusiya turnirdəki növbəti matçını Sankt-Peterburqda iyunun 16-da Finlandiyaya qarşı keçirəcək. Belçikalılar bir gün sonra Kopenhagendə Danimarka millisi ilə oynayacaqlar.

 

5
Danimarka yığmasının yarımmüdafiəçisi Kristian Erikssen və Finlandiya millisinin havbeki Qlen Kamara AVRO-2020 matçında

Kristian Erikssen AVRO-2020-də Finlandiya ilə Danimarka oyununun ən yaxşısı seçildi

159
(Yenilənib 00:28 13.06.2021)
Avropa çempionatının təşkilat komitəsi oyun zamanı huşunu itirən futbolçunu dəstəkləmək qərarına gəlib.

Danimarkalı yarımmüdafiəçi Kristian Erikssen futbol üzrə Avropa çempionatının Finlandiya ilə Danimarka arasında keçirilən oyununun ən yaxşı futbolçusu seçilib. Bu barədə UEFA-nın saytında bildirilir.

Rusiya millisinin B qrupundakı rəqiblərinin oyunu şənbə günü Kopenhagendə başlayıb və 1:0 hesabı ilə finlərin xeyrinə başa çatlb.

Birinci taymın lap sonunda danimarkalıların yarımmüdafiəçisi Kristian Erikssen meydançada huşunu itirib. Bir neçə dəqiqə ərzində həkimlər ona ilkin yardım göstərib, ürəyini bilvasitə masaj ediblər. Sonra 29 yaşlı futbolçunu pərdəli xərəkdə tribunaların altındakı otağa aparıblar. Komandalar da onun ardınca gediblər.

Bir qədər sonra UEFA bəyan edib ki, oyunçu klinikadadır, özünə gəlib, vəziyyəti sabitdir. Matç təxminən iki saat sonra, Bakı vaxtı ilə 22:30-da davam etdirilib.

159