Azərbaycan Respublikasının Xarici İşlər Nazirliyi

İraqda valideynləri öldürülən körpələrimizin aqibəti necə olacaq? - XİN-dən cavab

527
(Yenilənib 20:08 20.09.2017)
Azərbaycan XİN: Bağdadda qalan körpələrimizi geri qaytarmağa çalışırıq

BAKI, 20 sentyabr — Sputnik. Azərbaycanın İraqdakı səfirliyinin əməkdaşları, artıq Bağdaddakı sığınacaqlardan birində, İŞİD beynəlxalq terror təşkilatına qoşulmuş azərbaycanlı döyüşçülərin uşaqlarının olduğunu bilirlər. Bu barədə Sputnik Azərbaycan-a Xarici İşlər Nazirliyinin (XİN) mətbuat xidmətinin rəhbəri Hikmət Hacıyev məlumat verib.

Sputnik Azərbaycan-ın verdiyi məlumata görə, Bağdaddakı sığınacaqlardan birində 3 yaşlı Abdulla və 2 yaşlı Xədicə adlı iki uşaq var. Bu uşaqların valideynləri hərbi əməliyyatlar zamanı həlak olublar. RT telekanalının əməkdaşları Abdulla və Xədicəni həmin sığınacaqda tapıb çəkiblər. Uşaqlar özləri haqqında heç nə bilmirlər. Onları sığınacağa sentyabrın 12-də Təl-Afərdən gətiriblər.

Hikmət Hacıyevin sözlərinə görə, hazırda səfirliyin əməkdaşları Bağdaddakı əlaqədar orqanlarla danışıqlar aparırlar və uşaqların Azərbaycana qaytarılmasını təşkil etməyə çalışırlar. "Bu barədə hər hansı nəticə olan kimi sizə məlumat verəcəyik" – deyə Hikmət Hacıyev bildirib.

Rəsmi məlumatlara görə, 900-dək Azərbaycan vətəndaşı radikal təşkilatların təsiri altında Suriya və İraqdakı terrorçulara qoşulub. Bu rəqəmləri 2017-ci ilin martında Dövlət Təhlükəsizliyi Xidmətinin rəisi, general-leytenant Mədət Quliyev açıqlayıb.

Onun sözlərinə görə, bu şəxslərin əksəriyyəti hərbi əməliyyatlar zamanı öldürülüb, 84 nəfərsə geri qayıdaraq Azərbaycanda cinayət məsuliyyətinə cəlb edilib. Radikal islamçıların 151 tərəfdarı isə silahlı qruplaşmalara qoşulduğuna görə Azərbaycan vətəndaşlığından məhrum edilib.

527
Teqlər:
Bağdad, İraq, XİN, Azərbaycan, uşaq
Mövzu:
İŞİD-dən xilas edilən azərbaycanlı uşaqların taleyi (6)
Əlaqədar
İŞİD təslim olur?
İŞİD yenə ortalığı "qan gölü"nə döndərdi
İŞİD-ə qarşı böyük zəfər: baş nazir qələbəni elan etdi
Mosul İŞİD-dən tam təmizləndi
 Tovuzun Aşağı Öysüzlü kəndinin məktəbində

Bölgələrdəki məktəblərlə bağlı hansı qərar veriləcək? Nazirlik açıqladı

3
(Yenilənib 16:32 13.04.2021)
"Hazırda hansısa bölgədə yerləşən məktəblərdə yoluxma faizinin daha yüksək olduğunu söyləmək mümkün deyil".

Zülfiyyə Quluyeva, Sputnik Azərbaycan

BAKI, 13 aprel — Sputnik. Son günlər bölgələrdə yerləşən təhsil ocaqlarında koronavirusa yoluxma hallarının qeydə alınması rayonlarda da təhsilin distant formaya keçəcəyinə dair məlumatların yayılmasına səbəb olub. Xəbərlərə görə, Bakı, Abşeron, Sumqayıt, Gəncə, Şəkidən sonra koronavirusa yoluxma qeydə alınan məktəblərin yerləşdiyi rayonlarda da təhsilin distant formaya keçəcəyi bildirilir.

Qeyd edək ki, bir neçə gün öncə koronavirusa yoluxmaya görə bir sıra bölgələrdə əyani tədris dayandırılıb.

Ağdamda 7 məktəb koronavirusa görə distant tədrisə keçib. Ağdam rayon Gigiyena və Epidemiologiya Mərkəzinin direktoru Rəhman Məmmədov deyib ki, rayonun Birinci Yüzbaşılı, Alıbəyli, Əfətli, Mahrızlı, Baharlı-2, Dörd yol-2 və 150 saylı orta məktəblərdə əyani tədris prosesi müvəqqəti olaraq dayandırılıb. Həmin məktəblərdə müəllim və şagirdlərdən bəzilərinin COVID-19 testi pozitiv çıxıb. Eyni zamanda Əhmədağalı kənd tam orta məktəbində 2 sinif, Qaradağlı tam orta məktəbində 1 sinif, 87 saylı tam orta məktəbdə 1 sinif, 97 saylı tam orta məktəbdə 1 sinif fəaliyyətini dayandırıb. Tovuz, Qazax, Mingəçevir, Şəmkir rayonlarında da koronavirusa yoluxmaya görə ənənəvi tədrisi dayandırılan məktəblər var.

Təhsil üzrə ekspert Kamran Əsədov Sputnik Azərbaycan-a açıqlamasında bildirib ki, hazırda şagird sıxlığı yüksək olan məktəblərdə əyani tədris dayandırılıb. Yoluxma qeydə alınan digər bölgələrdə isə şagird sıxlığı çox deyil:

"Bakıda 440 min şagird var. 1,6 milyon şagirdin yarısı bağlanan məktəblərdə yerləşir. Digər rayonlarda şagird sayı çox aşağıdır. Sıxlıq, demək olar ki, o qədər də çox deyil. Bundan əlavə, bölgələrdə intensivlik aşağıdır. Odur ki, virusa yoluxma qeydə alınan rayonlarda təhsili tam dayandırmağa ehtiyac yoxdur. Məktəblərdə tədrisin dayandırılması lokal xarakter daşımalıdır".

K.Əsədov bildirir ki, koronavirusa yoluxma qeydə alınan məktəblərdə ənənəvi təhsilin tam dayandırılması bölgələrdə təhsildən yayınmaya yol açır: "Əgər bölgələrdə bir neçə məktəbdə yoluxmaya görə rayon üzrə təhsil dayandırılsa, şagirdlər üçün problemlər yaranacaq. Çünki rayonların çoxunda alternativ təhsil almaq imkanı çox aşağıdır. Dərslər distanta keçərsə, bölgələrdə dərsə qoşulanların sayı azalır. Ona görə də bölgələrdə tədrisin dayandırılmasına ehtiyac yoxdur".

Ekspert deyir ki, hazırda virusa yoluxma Ağdam, Tovuz, Kürdəmir və Ucar rayonlarındakı təhsil müəssisələrində rast gəlinir: "Elə rayonlar var ki, oradakı ümumtəhsil müəssisələrində ümumiyyətlə virusa yoluxma yoxdur".

Təhsil Nazirliyinin mətbuat katibi Cəsarət Valehov Sputnik Azərbaycan-a açıqlamasında bildirib ki, bölgələrdəki məktəblərdə koronavirusa yoluxma barədə rayon gigiyena və epidemiologiya mərkəzləri tərəfindən mütəmadi məlumat verilir. C.Valehov bölgələrdəki koronavirusa yoluxma qeydə alınan məktəblərdə tədrisin lokal dayandırıldığını söyləyib:

"Koronavirusa yoluxma qeydə alınan məktəblərdə tədris həmin bölgə üzrə yox, yoluxma olan məktəblər üzrə distant formaya keçir".

C.Valehov deyib ki, hazırda hansısa bölgədə yerləşən məktəblərdə yoluxma faizinin daha yüksək olduğunu söyləmək mümkün deyil. Bütün bölgələr üzrə ümumtəhsil ocaqlarında virusa yoluxma qeydə alınır. Əgər yoluxma halları çoxdursa, məktəb müvəqqəti distant formaya keçir.

3
Teqlər:
Təhsil Nazirliyi, yoluxma, bölgələr, təhsil, distant, məktəb
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Ağlayan qız

Dövlət məişət zorakılığının səbəblərini araşdırmağa başlayıb

4
(Yenilənib 16:42 13.04.2021)
Sorğuda iştirak edənlərin, cins, yaş kateqoriyası, təhsil səviyyəsi öyrənilməklə məişətdə zorakılığa məruz qalıb-qalmadıqları, zorakılıq şahidi olub-olmadıqları öyrənilir

BAKI, 13 aprel — Sputnik. Ailə, Qadın və Uşaq Problemləri üzrə Dövlət Komitəsi məişət zorakılığının səbəblərini araşdırmaq üçün onlayn sorğuya start verib. Bu barədə komitədən Sputnik Azərbaycan-a verilən məlumatda bildirilib.

Sorğuda iştirak edənlərin, cins, yaş kateqoriyası, təhsil səviyyəsi öyrənilməklə məişətdə zorakılığa məruz qalıb-qalmadıqları, zorakılıq şahidi olub-olmadıqları öyrənilir. Eyni zamanda zorakılığa məruz qalarkən hansı quruma üz tutduqları, bu kimi arzuolunmaz halların aradan qaldırılması üçün təkliflər öyrənilir.

Məişət zoraklığı ilə bağlı xəbərlərin KİV-də işıqlanmasına ehtiyac olub-olmadığı da öyrənilir.

Qeyd edək ki, sorğuda iştirak edərək şərh vermək istəyənlər bu linkə keçid edə bilərlər: https://tr.surveymonkey.com/r/CT57RNB

4