Kimsəsiz qalmış uşaqlar

Təcili: İŞİD-dən xilas edilən azərbaycanlı uşaqların yaxınları axtarılır - VİDEO

3190
(Yenilənib 16:04 23.09.2017)
İŞİD-dən təmizlənən ərazidə tapılan 3 yaşlı azərbaycanlı oğlan: "Papa, mama ölüb"

BAKI, 20 sentyabr — Sputnik. Bəzən azərbaycanlılar bir-birilərinə ritorik suallar ünvanlayırlar: Axı Yaxın Şərqdə, İraqda, Suriyada olanlardan mənə nə?!

Əlbəttə, özünü bir dünya vətəndaşı deyil, 86 600 km²-lik (20%-i işğal olunub) əraziyə malik Azərbaycan vətəndaşı hesab edənlərə başqa ölkələrdə baş verənlərin elə də dəxli yoxdur. Amma inkişaf etmiş müasir dünyada belə bir anlayış var ki, zorakılıq, qətllər, insan hüquqlarının pozulması heç bir dövlətin, fərdin daxili işi, şəxsi məsələsi deyil.

Əgər uzaqda baş verən zorakılığın, qətliamın, terrorun qarşısı alınmazsa, o, sərhədlərinə qədər gələr, sənin doğmalarını, əzizlərini də öz ağuşuna alar. Necə ki, özünü "İraq-Şam İslam Dövləti" (İŞİD) adlandırmış terror şəbəkəsi, nəzarətsiz qalmış İraq ərazilərində və Bəşər Əsəd rejiminə tabe olmayan Suriya torpaqlarında silahlı paramilitar terror qruplaşmaları tərəfindən qurulsa da (3 yanvar 2014-cü il tarixində "müstəqilliyini", 29 iyun 2014-cü il tarixində isə yeni "Xilafət" yarandığını elan edib-m.), qısa müddətə bütün dünyaya qorxu yaymağa nail oldu.

Başda Türkiyə olmaqla, qonşu dövlətlərdə, eləcə də bütün Avropada terror xofunu yaratdı. Minlərlə insan həlak oldu, milyonlarla adam qaçqın düşdü. Nə qədər uşaq nə baş verdiyindən və gələcəyindən xəbərsiz bir şəkildə öldü, nə qədəri də ata-ana sevgisini görmədən sığınacaqlarda, uşaq evlərində böyüyəcək.

İŞİD-in bu qorxunc şər maşınının təkərlərinin izləri zaman-zaman Azərbaycanda da görünməkdədir. Biz tez-tez həmvətənlərimizin İŞİD sıralarına qoşulduğunu, onun naminə döyüşmək üçün müxtəlif yollarla Suriyaya, İraqa gedib çıxdığını eşidirik. Bəzən insanlar ağılsızcasına, onları gözləyən dəhşətlərin fərqinə varmadan öz körpə uşaqlarını da götürüb İŞİD-in nəzarətindəki ərazilərə gedirlər. Özlərinin və uşaqlarının həyatını təhlükəyə atırlar.

Bəzən özləri, bəzənsə uşaqları bu ağılsız savaşın qurbanına çevrilirlər. Bəzənsə özləri ölür, azyaşlı körpələri isə ya İŞİD barbarlarının əlində məhv olur, ya da yad sığınacaqlarda kimliklərindən xəbərsiz yaşamağa davam edirlər. O uşaqlar keçmişlərindən və gələcəklərindən xəbərsiz bir halda, taleyin ümidinə buraxılırlar.

Bu yazının içərisində izləyəcəyiniz videodakı iki körpə də, valideynlərinin məsuliyyətsiz davranışları ucbatından uzaq ölkədə kimsəsiz qalmış uşaqlardandır. Onlar müharibədə doğmalarını itirərək valideyn himayəsindən məhrum olublar və Bağdaddakı uşaq sığınacağında məskunlaşıblar.

RT telekanalının əməkdaşları iki yaşlı Xədicə və üç yaşlı Abdullanı həmin sığınacaqda çəkiblər. Valideynləri onları "İslam dövləti"nin nəzarətində olan ərazilərə aparıblar. Uşaqlar özləri haqqında heç nə deyə bilmirlər. Amma, danışığından da aydın görünür ki, bu qardaş-bacı azərbaycanlı uşaqlardır.

"Biz bu kadrları Bağdaddakı sığınacaqda çəkmişik. Onları bu sığınacağa sentyabrın 12-də Təl-Afərdən gətiriblər. Onların şəkillərini mənə əvvəlcə Ziyad Səbsəbi (Ramzan Kadırovun Federasiya Şurasındakı nümayəndəsi. O, İŞİD-in nəzarət etdiyi ərazilərdəki bütün uşaqları toplayaraq Rusiya Federasiyasına göndərir-m.) göndərmişdi" – deyə telekanalın əməkdaşı Sputnik Azərbaycan-a bildirib.

Onun bizə təqdim etdiyi videodan da göründüyü kimi, müxbir uşaqlardan rus dilində "Sonuncu dəfə ata və ananı nə vaxt görmüsən?" (Когда в последний раз видел папу и маму?) sualına Abdulla "papa-mama ölüb" deyə cavab verib. "Bəs nənə, baba? Onları görmüsən?", "Sənin yaşadığın şəhər necə adlanır?" suallarına isə Abdulla başını yelləyərək "bilmirəm" cavabı verib.

Bundan əlavə, balaca Abdulla ətrafdakı digər uşaqlarla Azərbaycan dilində danışır, onlara nəsə anlatmaq, soruşmaq istəyir. Həm də çox sərrast azərbaycanca…

Telekanalın əməkdaşları xahiş edirlər ki, əgər bu videodakı uşaqları tanıyan varsa, onlara xəbər versinlər. Sputnik Azərbaycan bu uşaqları və ya qohumlarını tanıyanlardan info@sputnik.az, novosti@sputnik.az ünvanlarına, eləcə də Sputnik Azərbaycan-ın "Facebook" (və ya bu) ünvanlarına, habelə redaksiyanın saytda göstərilən şəhər telefonları vasitəsi ilə də məlumat verməyi xahiş edir.

Biz bu uşaqları xilas edə, ölkəmizə gətirib doğmalarına təhvil verə, yaxud da öz ölkəmizdəki uşaq evlərində böyümələrinə kömək edə bilərik!

3190
Teqlər:
azərbaycanlılar, İraq, Suriya, terror, uşaq, İŞİD
Mövzu:
İŞİD-dən xilas edilən azərbaycanlı uşaqların taleyi (6)
Əlaqədar
İŞİD təslim olur?
İki yüz nəfər İŞİD yaraqlısı eyni anda öldürüldü
İŞİD "Taliban"a qarşı: 30 nəfər həlak oldu
İŞİD-in Rusiya-Türkiyə toqquşması planının qarşısı alındı
İŞİD-ə qoşulan alman qız əsgərlərin əlinə belə keçdi
İŞİD yenə ortalığı "qan gölü"nə döndərdi
İsfəndiyar İgidovun fotosu

Qələbə Gününü özünə ad günü kimi seçən qəhrəman

374
İsfəndiyar İgidovun doğum ili 1921-ci olsa da, ay və gün rəsmi sənədlərdə təxmini göstərilib. Lakin İsfəndiyar İgidov sağlığında hər may ayının 9-nu özünün ad günü kimi qeyd edib.

İlham Mustafa, Sputnik Azərbaycan

BAKI, 8 may — Sputnik. Faşizm üzərində Qələbədə böyük pay sahiblərindən biri də Qazax rayon Hüseynbəyli kənd sakini İsfəndiyar İgidov olub. 1939-cu ildə hərbi xidmətə yollanan İ.İgidov ilk döyüş təcrübəsini Sovet-Fin müharibəsində qazanıb. Sonra isə Moskvadan Berlinədək uzanan şərəfli döyüş yolu keçib. Bu dövr ərzində 3 dəfə ağır yaralanıb, hətta bir dəfə evinə “qara kağız” - ölüm xəbəri də göndərilib. Lakin hər dəfə yaralarını sağaltdıqdan sonra cəbhəyə yollanıb. İlk olaraq kəşfiyyatçı, sonralar tankçı və topçu kimi qələbəyə öz payını qatıb. Cəbhədə göstərdiyi şücaətlərə görə “Birinci dərəcəli vətən müharibəsi”, “Qırmızı ulduz”, Moskvanın, Leninqradın, Stalinqradın müdafiəsinə görə, Keniqsberqin, Ukraynanın alınması və Almaniya üzərində qələbəyə görə 25 orden və medallarla təltif edilib.

© Sputnik / Ilham Mustafa
İsfəndiyar İgidovun məzarı

İ.İgidovun keçdiyi döyüş yolu haqda Sputnik Azərbaycan-ın bölgə müxbirinə onun oğlu Ayaz İgidov danışıb. O, atasının faşizm üzərində Qələbə münasibətilə 1945-ci il iyunun 24-də Moskvada keçirilən ilk qələbə paradında iştirak edən 9 azərbaycanlıdan biri olduğunu söyləyib:

“Atamın qəhrəmanlıqları haqda hələ müharibə vaxtı onlarla qəzet və jurnalda materiallar dərc edilib. Müharibədən gələndən sonra isə haqqında kitab yazılıb, bir neçə kitabda ondan bəhs olunub. Özü haqda yazılan qəzetlərin, kitabların hamısını saxlayırdı. Bütün bu xidmətlərinə görə Leninqrad (Sankt-Peterburq) şəhərinin fəxri vətəndaşı titulunu alıb. Bundan başqa, ona SSRİ-nin istənilən yerinə pulsuz uça bilməsi üçün 205 nömrəli vəsiqə verilmişdi. Qələbənin 40, 45, 50, 55 illiklərində paradlarda iştirak etmişdi. Lakin çox istəsə də səhhətinə görə 2000-ci ildəki paradda iştirak edə bilmədi. Moskvadan ona hərbi forma göndərmişdilər. Bütün medallarının hamısını özü öz əlləri ilə düzmüşdü. Bu gün də o formanı olduğu kimi saxlayırıq”, - deyə o məlumat verib.

  • İsfəndiyar İgidovun ailə üzvləri
    © Sputnik / Ilham Mustafa
  • İsfəndiyar İgidovun fotosu
    © Sputnik / Ilham Mustafa
  • İsfəndiyar İgidovun fotosu
    © Sputnik / Ilham Mustafa
  • İsfəndiyar İgidovun fotoları
    © Sputnik / Ilham Mustafa
  • İsfəndiyar İgidovun hərbi forması
    © Sputnik / Ilham Mustafa
  • İsfəndiyar İgidovun məzarı
    © Sputnik / Ilham Mustafa
1 / 6
© Sputnik / Ilham Mustafa
İsfəndiyar İgidovun ailə üzvləri

A.İgidov atasının müharibədən qayıtdıqdan sonra da fəal həyat tərzi keçirdiyini, ölənə kimi müxtəlif işlərdə çalışıdığını deyib: “Mən hərbi xidməti Leninqradda keçmişəm. Orada atama görə hərbi hissənin ən seçilən əsgərlərindən biri olmuşam. Xidmətdə olduğum müddətdə atam 13 dəfə Leninqrada gəlmişdi. Hər gəlişində şəhərin qarnizon komandiri çıxıb onu aeroportda qarşılayırdı. Baxmayaraq ki, o, 1-ci dərəcəli Vətən müharibəsi əliliydi, dünyanın hər yerinə eləcə gedirdi. 60 ildən çox ağciyərində, bədənin müxtəlif yerlərində qəlpələrlə yaşamışdı. Buna baxmayaraq, həmişə müxtəlif işlərdə çalışmışdı”, - deyə o bildirib.

İsfəndiyar İgidov 2004-cü ildə 83 yaşında vəfat edib. Onun doğum ili 1921-ci olsa da, ay və gün rəsmi sənədlərdə təxmini göstərilib. Lakin İsfəndiyar İgidov sağlığında hər may ayının 9-nu özünün ad günü kimi qeyd edib. Dünyasını dəyişərkən isə övladlarına bu ənənəni pozmayaraq hər mayın 9-u ona sağlığındakı kimi ad günü keçirmələrini vəsiyyət edib. Bu gün də ailə onun vəsiyyətinə əməl edərək 9 mayı həm atalarının doğum günü, həm böyük Qələbə Günü kimi qeyd edirlər.

374
İstilik sistemi

Şuşada istilik təchizatı sisteminin tikintisinə 1 milyon manat ayrılıb

9
Maliyyə Nazirliyinə bu Sərəncamın 1-ci hissəsində göstərilən məbləğdə maliyyələşməni təmin etmək, Nazirlər Kabinetinə isə bu Sərəncamdan irəli gələn məsələləri həll etmək tapşırılıb.

Azərbaycan Respublikasının Prezidenti İlham Əliyev Şuşa şəhərində istilik təchizatı sisteminin layihələndirilməsi, tikintisi və quraşdırılması ilə bağlı tədbirlər haqqında Sərəncam imzalayıb.

Sərəncama əsasən, Şuşa şəhərində növbəti istilik mövsümündə 31 binanın isitmə və isti su ilə təmin edilməsi üçün qazanxanaların, binadaxili sistemlərin layihələndirilməsi, tikintisi və quraşdırılması məqsədilə Azərbaycan Respublikasının 2021-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan “Azəristiliktəchizat” Açıq Səhmdar Cəmiyyətinə ilkin olaraq 1 milyon manat vəsait ayrılıb.

Maliyyə Nazirliyinə bu Sərəncamın 1-ci hissəsində göstərilən məbləğdə maliyyələşməni təmin etmək, Nazirlər Kabinetinə isə bu Sərəncamdan irəli gələn məsələləri həll etmək tapşırılıb.

9
Taxıl biçini, arxiv şəkli

Taxıl biçini başlayacaq - Kombaynlara GPS qoşulur

0
(Yenilənib 23:29 08.05.2021)
May ayının sonundan etibarən Azərbaycanda taxıl biçininə başlanılacaq. Hazırda biçinə cəlb ediləcək kombaynlar üzərində sazlama işləri aparılır.

BAKI, 8 may — Sputnik. May ayının sonundan etibarən Azərbaycanda taxıl biçininə başlanılacaq. Bununla əlaqədar "Aqroservis" ASC tərəfindən biçinə hazırlıq işlərinin əsas mərhələsinə start verilib.

Sputnik Azərbaycan xəbər verir ki, hazırda biçinə cəlb ediləcək kombaynlar üzərində sazlama işləri aparılır. Bütün rayonlar üzrə mövcud kombaynlara texniki baxış keçirilir, nasaz vəziyyətdə olan texnikalarda təmir işləri həyata keçirilir.

Həmçinin, biçin zamanı düzgün dislokasiya planının qurulması üçün kombaynlar GPS nəzarət sistemi ilə təchiz edilir. Bu innovativ nəzarət sistemi biçin zamanı düzgün dislokasiya yaradılması, operativliyin təmin edilməsi, prosesə nəzarət edilməsi və şəffaf idarəetmə mexanizminin qurulmasına imkan yaradır.

Qeyd edək ki, taxıl biçininə hazırlıqların ilkin mərhələsində cari ildə taxıl biçininin itkisiz və mütəşəkkil həyata keçirilməsi məqsədilə kombaynları idarə edəcək mexanizatorlara ödənişsiz təlimlər keçirilib. Müxtəlif markalı kombaynlar üzrə ümumlikdə 263 mexanizator təlimlərdə iştirak edib. Təlimlərdə yüksək nəticə əldə edən mexanizatorlar sertifikat ilə təmin ediliblər.

0