Mirələm Musazadə

Hər kəsi əfsunlayan Bakı sakini bir möcüzə gözləyir

1814
(Yenilənib 18:07 20.09.2017)
Paytaxt sakinlərini göz yaşına boğan gənc: "Bir səhv bütün həyatımı məhv elədi"

İradə Cəlil, Sputnik Azərbaycan

BAKI, 20 sentyabr — Sputnik. Bu günlərdə yolum "8-ci km bazarı"na düşmüşdü. Yeraltı keçiddən keçəndə həzin bir səs məni özünə çəkdi. İki gənc qarşılarına kiçik çanta qoyub, gitarada mahnı ifa edirdi. Dinləyicilər isə hərə öz büdcəsinə uyğun çantalarına pul atırdılar.

Əvvəlcə dayanıb gəncin ifasında "Kaman ayrılıq nəğməsi çalır" mahnısını dinlədim. Sonra yaxınlaşıb söhbətləşdik. Adı Mirələmdir — Mirələm Musazadə. Sözlərinə görə, 1992-ci ildə Lənkəran rayonunun Veravul kəndində dünyaya gəlib. Atası, o, uşaq olarkən anasından ayrılıb. Balaca Mirələm anasının himayəsində böyüyüb.

"Anam danışır ki, körpəlikdən musiqisevər olmuşam. Deyir ki, guya ilk dəfə "Əllərim bomboş" mahnısı oxumuşam. 5 yaşında anam məni Lənkəran musiqi məktəbinə qoyub" — danışır.

Sonralar ailəsi Bakıya köçən gənc ifaçı, İncəsənət Gimnaziyasında təhsil almağa başlayıb. Mirələmin yeganə arzusu müğənni olmaq olub. Buna görə də, məktəbdə yaşıdlarından fərqlənməyə çalışıb: "Vokaldan bizə Tükəzban İsmayılova dərs verirdi. O, dünyasını dəyişdikdən sonra Yalçın Rzazadə bizə dərs keçməyə başladı. Ailəmizdə həmin dövrlərdə güclü maddi sıxıntılar var idi. Bu səbəbdən də təhsilim zəifləyirdi. Musiqiyə heç marağım qalmamışdı".

Mirələm 2009-cu ildə gimnaziyanı bitirib. 2011-ci ildə isə hərbi xidmətə yola düşüb: "Böyük qardaşım ağır xəstə idi. Vərəm dispanserində yatırdı. Vəziyyəti çox pisləşdiyi üçün dözməyib, qardaşımı görmək üçün qaçdım. İki gün sonra yenidən hərbi hissəyə qayıtdım. Elə həmin gündən də hərbi hissə komandirləri ilə problemlər yaşamağa başladım".

"Zaman keçdikdə, vəziyyət dözülməz hal alırdı. Heç nə düşünə bilmirdim. Mənim üçün gələcək deyilən bir şey yox idi. Və yenidən hərbi hissədə dalaşıb, qaçdım. 2013-cü ildə Fizuli rayon Hərbi Məhkəməsinin qərarına görə, 3 il 6 ay müddətinə azadlıqdan məhrum edildim. Bu, mənim həyatda ən böyük səhvim idi. O səhv mənim bütün həyatımı məhv elədi. 2015-ci ilin noyabr ayında şərti azadlığa çıxdım" — həmsöhbətimiz deyir.

Mirələm həbsdən çıxandan sonra bir neçə yerdə çalışıb. Ancaq həbsxanada olması onun bütün gələcəyini məhv edib: "Toylara da dəvət edən yoxdur. İstəyərəm, toya gedim. Mən pul üçün oxumuram ki! Mən içimdən gəldiyi üçün oxuyuram".

Buna görə, indi ümidi ancaq səsinədir. Deyir ki, heç vaxt pul qazanmağa görə oxumayıb. Ancaq vəziyyət elə gətirib ki, iki aydır keçiddə mahnılar oxuyur…

Günə 20-30 manat qazanan gənc ifaçının böyük arzuları var. Amma onun öz arzularının həyata keçəcəyinə inamı yoxdur. Bəlkə də səsinə hüzn gətirən də onun ümidsizliyidir. Deyir ki, bu günə kimi ona söz verənlərin heç biri, sözünə əməl etməyib.

"Bəzən gəzirəm, dolanıram, hər şeydən bezib gəlib başlayıram oxumağa. O zaman daha ürəkdən oxuyuram. Bu günə kimi dinləyicilərdən biri mənə 10 manat verib. Başqaları nəyə gücləri çatdı, verirlər" — o, əlavə edir.

Dediyinə görə, çalışır ki, onun musiqi ifa etdiyi yerə çox adam yığılmasın: "Bilirsiniz də, buna icazə yoxdur. Heç yadımdan çıxmır, bir müddət əvvəl bir qadın pilləkəndə oturub, "Ayrılıq nəğməsi" nə qulaq asıb ağlayırdı. Belə dinləyiciləri görəndə daha da həvəslənirəm".

Sevdiyi qız da var gənc ifaçının. Danışır ki, o qız üçün hər zaman "Ala gözlüm" mahnısı ifa edir. Mirələmin arzusu Türkiyəyə getmək, müsabiqələrdə iştirak etməkdir. Amma bu arzusunu reallaşdıracağına inana bilmir. Arzularının həyata keçməsi üçün isə deyir ki, möcüzəyə ehtiyacı var. Kimsə bu gənc ifaçının möcüzəsini reallaşdıra bilər…

1814
Teqlər:
Mirələm musazadə, yeraltı keçid, "8-ci km bazarı", gitara, ifa, musiqi, səs, mahnı
Əlaqədar
Azərbaycanda fenomen böyüyür
Bakı küçələrində atalı-analı yetimlər: yavrum, qızım, adın nədir...?
Bakıda küçəyə atılmış azyaşlı uşaqlara kimsə sahib çıxmır
Netflix şirkətinin loqosu, arxiv şəkli

Çağatay Ulusoyun "Netflix"dəki filmindən ilk treyler - VİDEO

9
(Yenilənib 23:01 02.03.2021)
Filmdə kağız və karton toplayaraq yaşayan, səhhəti vaxt ötdükcə pisləşən Mehmet tərk edilən bir uşaq tapır. Onun həyatına girən Ali Mehmetə öz uşaqlığını xatırladır.

BAKI, 2 mart — Sputnik. Türkiyəli aktyor Çağatay Ulusoyun baş rolu oynadığı növbəti "Netflix" filmi "Kağıttan hayaller"in ilk treyleri yayımlanıb.

Sputnik Azərbaycan xəbər verir ki, 12 martda yayımlanacaq ekran işi 190-dan çox ölkədə, 204 milyondan çox istifadəçiyə göstəriləcək.

Filmdə kağız və karton toplayaraq yaşayan, səhhəti vaxt ötdükcə pisləşən Mehmet tərk edilən bir uşaq tapır. Onun həyatına girən Ali Mehmetə öz uşaqlığını xatırladır.

9
Formula-1 üzrə Azərbaycan Qran-prisi, arxiv şəkli

Ciddi məhdudiyyət: Bakıda "Formula-1"də azarkeşlər yerli TV olmayacaq

5
(Yenilənib 22:58 02.03.2021)
Azərbaycan Qran-prisinin təşkilatçıları bu il paytaxtımızda "kral yarışları"nın necə keçiriləcəyindən danışıblar.

BAKI, 2 mart — Sputnik, Teymur Tuşiyev. "Formula 1"in Azərbaycan Qran-prisinin reqlamentində bir sıra dəyişikliklər baş verib. Sputnik Azərbaycan xəbər verir ki, bu barədə Baku City Circuit (BCC) əməliyyat şirkətinin brifinqində məlumat verilib.

"Formula 1" Azərbaycan Qran-prisi bu ilin 4-6 iyun tarixlərində Bakı küçələrində təşkil olunacaq. Keçən il yarış koronavirus pandemiyası səbəbindən baş tutmamışdı. Epidemiya əleyhinə tədbirlərlə əlaqədar olaraq, yarışın Bakı mərhələsi tamaşaçısız keçiriləcək, buna görə stendlərin və əyləncə zonasının inşası nəzərdə tutulmur və konsertlər də təxirə salınır. Bundan başqa, həftəsonları mükafatlandırma mərasimləri sadələşdirilmiş formada, yarış iştirakçıları üçün mətbuat konfransları isə onlayn keçiriləcək.

Azərbaycan Qran-prisinin təşkilatçıları azarkeşlər olmasa da yarışın Bakıda keçirilməsinin vacibliyini vurğulayıblar.

"Bu qədər ciddi məhdudiyyətləri nəzərə alsaq, ortaya belə bir sual çıxa bilər: bu şəraitdə yarışı keçirməyin nə mənası var? Bildiyiniz kimi, "Formula 1" yarışları ölkənin turizm potensialını nümayiş etdirir, buna görə də onun keçirilməsi böyük əhəmiyyət daşıyır ", – deyə BCC-dən bildirilib.

Yeri gəlmişkən, BCC-nin Azərbaycan Qran-prisini keçirməkdən imtina etməməsinin daha bir səbəbi əks halda təşkilatçıların cərimə ödəməli olmasıdır. Cərimənin məbləği isə açıqlanmayıb.

Məhdudiyyətlər KİV nümayəndələrindən də yan keçməyib. Sosial məsafəyə riayət olunması qaydalarına görə, mətbuat mərkəzində jurnalistlər üçün yerlərin sayının 400-dən 150-yə endirilməsi nəzərdə tutulub. Həmin yerlər xarici və yerli jurnalistlər arasında bərabər şəkildə bölünəcək. Bununla belə, yerli telekanallar və radiolar Azərbaycan Qran-prisi üçün akkreditasiya əldə edə bilməyəcəklər.

Təşkilatçılar treklərin hazırlanması ilə bağlı əsas işlərin bu ilin may ayında yerinə yetiriləcəyi, bununla əlaqədar paytaxtın bəzi küçələrində nəqliyyatın hərəkətinin məhdudlaşdırılacağını də bildiriblər.

Eyni zamanda, qeyd ediblər ki, könüllülərdən müraciətlərin qəbulu artıq başa çatıb. Bu prosesə start veriləndən sonrakı 60 saat ərzində könüllülərdən təxminən yeddi min ərizə daxil olub. Marşallardan da ərizə qəbulu yekunlaşıb.

Qeyd edək ki, bu il marşalların sayı 150 nəfər artırılacaq.

5
Teqlər:
Formula-1 yarışı, Formula 1
Erməni pasportu

Doğulduğu yer - Azərbaycan? Qarabağ ermənisinin pasportu Ermənistanda qalmaqal yaradıb

375
(Yenilənib 00:01 03.03.2021)
"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam" - Arsen Karapetyan.

BAKI, 2 mart - Sputnik. Qarabağda doğulan Ermənistan vətəndaşlarının yeni pasportlarında doğum yeri hissəsinə “Azərbaycan” yazılmağa başlanılıb.

Sputnik Ermənistan xəbər verir ki, bu barədə Yerevan Ağsaqqallar Şurasının “Mənim addımım” fraksiyasından olan keçmiş üzvü, memar Arsen Karapetyan öz Facebook hesabında yazıb. 

Karapetyan qeyd edib ki, dostu 80-ci illərin ortalarında Ağdərədə (Mardakertdə) anadan olub. Daha sonra isə Rusiyada yaşayıb və hazırda Ermənistan vətəndaşlığı almaq üçün müraciət edib. Onun pasportunda doğum yeri kimi isə Azərbaycan göstərilib.

"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam. Nədir bu?", - deyə Karapetyan sosial şəbəkədə yazıb.

Məsələ ilə bağlı Ermənistan polisinin pasport və viza şöbəsinin rəis müavini Məryəm Gevorkyan açıqlama verib.

"Bu vətəndaş Sovet İttifaqı dövründə anadan olub, Azərbaycan SSR-də anadan olub. Ermənistan Respublikasının pasportu səyahət sənədidir, beynəlxalq standartlara uyğundur, ona görə keçmiş SSRİ ölkələri üçün kodlar yoxdur. Başqa sözlə, əgər bir insan keçmiş SSRİ-nin bir ölkəsində anadan olubsa, onun doğulduğu yer pasporta ölkənin indiki adı ilə qeyd olunur, yəni Gürcüstan SSRİ deyil, Gürcüstan", - deyə Məryəm Gevorkyan bildirib.

O əlavə edib ki, "bu, köhnə təcrübədir". 

Qeyd edək ki, Arsen Karapetyan şərh bölümündə dostunun doğulduğu yerin "Azərbaycan SSR" kimi göstərildiyi Rusiya pasportunu da yerləşdirib. 

375