Bijuteriya, arxiv şəkli

Paytaxtda lombard işçisi əhaliyə həyasızcasına fırıldaq gəlirmiş

182
(Yenilənib 17:28 17.09.2017)
Xəbərdarlıq: Lombard işçiləri vətəndaşların girov qoyduqları zinət əşyalarını onların saxta analoqları olan bijuteriyalarla əvəz edə bilərlər

BAKI, 15 sentyabr — Sputnik. Bizim dövrümüzdə qızıl-zinət əşyalarını keyfiyyətli bijuteriyadan ayırmaq kifayət qədər çətindir. Hətta Bakı polisinin təcrübəsində elə hallara rast gəlinib ki, mənzilləri qarət edən şəxslər zərgərlik məmulatları ilə yanaşı səhvən sadə bijuteriyaları da aparıblar.

Oğrular zinət əşyalarını ayırmağı bacarmasalar da, fırıldaqçılar bahalı zinət əşyalarını saxta bijuteriyalarla əvəz edərək bundan kapital qazanmaq üçün istifadə edirlər. Lombard işçiləri arasında növbəti dələduzluq faktı Bakının Nərimanov rayonunda 17-ci polis bölməsinin ərazisində aşkarlanıb.

Belə ki, "102" xidmətinə 1991-ci il təvəllüdlü şəhər sakini Qəhrəman Mustafayevdən şikayət daxil olub. O bildirib ki, 2016-cı ilin dekabrından 2017-ci ilin sentyabrına qədər Fətəli xan Xoyski küçəsindəki 138 nömrəli binada yerləşən lombardın işçisi, Lənkəran sakini, 1990-cı il təvəllüdlü Abbasov Elnur Çingiz oğlundan bahalı zərgərlik məmulatları alıb. 

Yalnız bu yaxınlarda Mustafayev aldadıldığını bilib. Sən demə, Abbasov qızıl zinət əşyaları ilə birlikdə adi bijuteriyaları da sırıyıb və beləliklə, Mustafayevə məxsus 20 min manatı mənimsəyib. Fırıldaqçılıq faktı Mustafayev bijuteriyaları zərgərə əsl qızıl zinət əşyaları kimi satarkən üzə çıxıb.

Hazırda faktla bağlı araşdırma aparılır. Abbasov hələlik saxlanılmayıb.

Polis hər ehtimala qarşı lombardlara qızıl əşyalarını girov qoyan vətəndaşları ayıq olmağa çağırıb. Vətəndaşlara pul müqabilində girov qoyduqları qızıl-zinət əşyalarını lombarddan geri alarkən diqqətli olmaq, onları zərgərdə yoxladaraq saxtalaşdırılmadığını dəqiqləşdirmək tövsiyə edilir. "Bilmək olmaz, lombard işçiləri vətəndaşların girov qoyduqları zinət əşyalarını onların saxta analoqları olan bijuteriyalarla əvəz edə bilərlər" — deyə hüquq mühafizəçiləri xəbərdarlıq edib.

182
Teqlər:
Nərimanov rayon Polis İdarəsi, Qəhrəman Mustafayev, Bakı
Əlaqədar
Valideynlərə xəbərdarlıq: "Övladlarınızı fırıldaqçılardan qoruyun"
İmtahanda fırıldaq işlətmək istəyən dörd müəllim faş edilib
Fırıldaqçılar buna da əl atdılar: müqəddəs dəyərlər ələ salındı
Təhsil sistemində böyük fırıldaq: gizlinlər aşkara çıxır
Sakinlərə xəbərdarlıq: böyük fırıldaqla üzləşəcəksiniz

"Lotu Quli"nin məzarı üstündə atışma olub, 1 nəfər ölüb

9
Silahlı insident nəticəsində bir azərbaycanlı başından güllələnib. O, aldığı güllə yarasından hadisə yerində ölüb.

BAKI, 19 yanvar - Sputnik. İstanbulun Esenyurt rayonunda "Lotu Quli" ləqəbli kriminal avtoritet Nadir Səlifovun məzarı üstündə silahlı insident olub.

APA-nın verdiyi xəbərə görə, silahlı insident nəticəsində bir azərbaycanlı başından güllələnib. Güllələnən şəxsin Əli Həşimov olduğu bildirilir. O, aldığı güllə yarasından hadisə yerində ölüb.

Onu vuran digər azərbaycanlı Kənan adlı şəxs isə xəstəxanaya çatdırılıb.

Məlumata görə, hadisə borc üstündə baş verib.

Hadisədə şübhəli bilinən 3 nəfər saxlanılıb.

9
 Передача денег из рук в руки, фото из архива

Hökumətdən 190 manatlıq birdəfəlik ödəmə ilə bağlı açıqlama

9
(Yenilənib 18:40 19.01.2021)
Ötən il dekabrın 30-da ƏƏSMN tərəfindən ölkədə karantin rejiminin sərtləşdirilməsi ilə bağlı işsiz və karantin rejimində gəlirini itirən qeyri-formal işləyən aztəminatlılara cari ilin yaşayış minimumu həcmində birdəfəlik ödəmə vəsaitlərinin köçürülməsi başa çatdırılıb

BAKI, 19 yanvar - Sputnik. Nazirlər Kabineti işsiz və xüsusi karantin rejimində gəlirini itirən qeyri-formal işləyən şəxslərə birdəfəlik ödəmə (190 manat) vəsaitlərinin yanvar ayı üçün verilib-verilməyəcəyi ilə bağlı məsələyə aydınlıq gətirib.

Hökumətdən “Report”a bildirilib ki, 2020-ci il 14 dekabr saat 00:00-dan 2021-ci il 18 yanvar saat 00:00-dək bütün ölkə üzrə sərtləşdirilmiş xüsusi karantin rejimi tətbiq edilmışdi.

“Bu müddət bir ayı əhatə edib. Bununla əlaqədar olaraq da ötən il dekabrın 30-da Əmək və Əhalinin Sosial Müdafiəsi Nazirliyi tərəfindən ölkəmizdə xüsusi karantin rejiminin sərtləşdirilməsi ilə əlaqədar işsiz və xüsusi karantin rejimində gəlirini itirən qeyri-formal işləyən aztəminatlılara cari ilin yaşayış minimumu həcmində birdəfəlik ödəmə (190 manat) vəsaitlərinin köçürülməsi başa çatdırılıb”, - Nazirlər Kabinetdən vurğulanıb.

9

Kəlbəcər rayonunun Çopurlu kəndindən videogörüntülər

0
Üçtərəfli bəyanatın şərtlərinə əsasən Kəlbəcər rayonu 2020-ci il noyabrın 25-də Azərbaycana qaytarılıb.

Müdafiə Nazirliyi Kəlbəcər rayonunun Çopurlu kəndindən videogörüntülər paylaşıb. Sputnik Azərbaycan həmin görüntüləri təqdim edir.

0