Londonda Qarabağ futbol klubuna dəstək fləşmobu

Britaniya paytaxtında "Qarabağ"sevərlərdən möhtəşəm aksiya

201
(Yenilənib 11:10 13.09.2017)
Fləşmob Londonun mərkəzindəki "London Eye" çarxının yaxınlığında baş tutub

BAKI, 12 sentyabr — Sputnik. Londonda "Çelsi"-"Qarabağ" oyunundan əvvəl Azərbaycanın turizm potensialının təbliğatı məqsədilə fləşmob keçirilib. Bu barədə Sputnik Azərbaycan-a Milli Turizm Təbliğatı Bürosunun mətbuat katibi Kənan Quluzadə məlumat verib.

Onun sözlərinə görə, Azərbaycan Mədəniyyət və Turizm Nazirliyi, Milli Turizm Təbliğatı Bürosu və XİN-in dəstəyi ilə "Qarabağ"ın Çempionlar Liqasının qrup mərhələsindəki oyunlarından əvvəl London, Roma və Madriddə fləşmoblar keçiriləcək.

"Fləşmob Londonun mərkəzindəki məşhur "London Eye" çarxının yaxınlığında baş tutub. Fləşmob "Qarabağ" klubuna dəstək, həm də ölkəmizin turizm potensialının təbliği məqsədilə keçirilib" — Quluzadə deyib.

Londonda Qarabağ futbol klubuna dəstək fləşmobu
© Photo : Milli Turizm Təbliğat Bürosunun mətbuat xidməti
Londonda "Qarabağ" futbol klubuna dəstək fləşmobu

Fləşmobda onlarla gənc iştirak edib. Fləşmob Azərbaycan milli rəqslərinin sədaları altında keçirilib.

Fləşmob keçirilən ərazinin üzərində "AZERBAIJAN.TRAVEL & #VISIT BAKU" sözləri yazılmış "Qarabağ" FK-nın 10x20 ölçüdə futbolkası olub.

Quluzadə bildirib ki, oktyabrın 31-də Madriddə və dekabrın 5-də Romada da analoji tədbirlər olacaq.

Onun sözlərinə görə, "Qarabağ"ın bu qrup mərhələsində Bakıdakı ilk oyunundan əvvəl sentyabrın 27-də paytaxtda bayram tədbirlərinin keçirilməsi nəzərdə tutulur.

 

201
Mövzu:
"Qarabağ" Çempionlar Liqasının qrup mərhələsində (12)
Əlaqədar
İngiltərədəki səfirimiz "Qarabağ"-ın futbolçuları ilə görüşüb
"İstəyirəm ki, "Qarabağ" qrupun ilk sensasiyasını yaratsın"
"Qarabağ"a taktiki yox, psixoloji motivasiya lazımdır"
"Çelsi"nin baş məşqçisi "Qarabağ"la oyuna çıxaracağı heyəti açıqladı
"Qarabağ" "döyüş"ə hazırdır
Bakıda alternativ qaz xətləri yaradılır

Bakıda alternativ qaz xətləri yaradılır

0
Son 17 il ərzində adları çəkilən qəsəbələrdə aparılan tikinti işləri, yol çəkilişləri zamanı "Aşağı Şağan" qaz xəttinin çox hissəsi torpaq altına düşdüyündən korroziyaya uğrayıb.

BAKI, 4 iyul — Sputnik. Bakı şəhərində bir sıra ərazilərdə mövcud qaz xətlərinə alternativ xətlərin çəkilməsinə diqqət ayrılıb.

"Azəriqaz" İstehsalat Birliyindən verilən məlumata görə, bu cür üsuldan istifadə etməklə müəyyən ərazilərdə hər hansı texniki problemlər aradan qaldırılarkən qaz təchizatının dayandırılmasını minimuma endirməyə çalışacaq.

Dairəvi sistem kimi çalışacaq bu xətlər qəza hadisələrinin təsirindən yaranan təchizatdakı dayandırmaların əhatə dairəsini azaldacaq. Hazırda Xəzər rayonu ərazisində 219 mm diametrində olan 5800 metr uzunluqda "Aşağı Şağan" qaz xəttinin 2500 metrlik hissəsi əsaslı təmir olunur. 2003-cü ildə istifadəyə verilən bu xətlə qaz alan Buzovna, Şağan, Şüvəlan və Mərdəkan qəsəbələrinin təqribən 19 min abonenti tez-tez təchizatdakı problemlərdən narahatlıqlarını ifadə edirdilər. Bu xəttin böyük bir hissəsi torpaq altında qalıb, dirəklərdən düşmüş vəziyyətdədir.

© Photo : AzeriGas Production Union
Bakıda alternativ qaz xətləri yaradılır

Son 17 il ərzində adları çəkilən qəsəbələrdə aparılan tikinti işləri, yol çəkilişləri zamanı "Aşağı Şağan" qaz xəttinin çox hissəsi torpaq altına düşdüyündən korroziyaya uğrayıb. Onu da qeyd edək ki, haqqında danışılan qaz xətti Sabunçu rayonunda hər hansı səbəbdən qaz verilişində fasilə yaranarsa, alternativ xətt kimi istifadə ediləcək. Belə ki, fasilələr zamanı bu rayonda Bilgəh, Pirşağı və Kürdəxanı qəsəbələrinin təqribən 15 min abonentinin ehtiyaclarını "Aşağı Şağan" qaz xətti ilə ödəmək mümkün olacaq.

0
Heroin, arxiv şəkli

Bakı sakini karantin zamanı da öz əməlindən qalmırmış

5
Saxlanılan zaman onun qaçaqmalçılıq yolu ilə ölkəyə külli miqdarda narkotik maddə gətirdiyi məlum olub.

BAKI, 4 iyul — Sputnik. Bakıda karantin rejimini pozan şəxsdə narkotik maddə aşkarlanıb.

Sputnik Azərbaycan-ın məlumatına görə, Qasımov Rəşad Ramiz oğlu hüquq-mühafizə orqanları tərəfindən karantin qaydalarını pozduğu üçün saxlanılıb.

Saxlanılan zaman onun qaçaqmalçılıq yolu ilə ölkəyə külli miqdarda narkotik maddə gətirdiyi məlum olub.

O, saxlanılan zaman hüquq-mühafizə orqanının əməkdaşlarına zor tətbiq edib.

R.Qasımov barəsində Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması xəstəliklərin yayılmasına səbəb olduqda və ya xəstəliklərin yayılması üçün real təhlükə yaratdıqda), 206.4-cü (qaçaqmalçılıq) , 234.4.3-cü (narkotik maddələrin qanunsuz dövriyyəsi, külli miqdarda törədildikdə), 315.2-ci (hakimiyyət nümayəndəsinə qarşı müqavimət göstərmə və ya zor tətbiq etmə), 318.2ci (dövlət sərhədini qanunsuz olaraq keçmə) maddələri ilə ittiham verilib.

Nəsimi rayon Məhkəməsində istintaq orqanının təqdimatı əsasında R.Qasımov barəsində 4 aylıq həbs qətimkan tədbiri seçilib.

5