Su altında qalmış küçə, arxiv şəkli

Quba sakinləri təşviş içindədirlər

248
Qubada yağan leysan təkcə həyatı iflic etməyib, həm də sakinlərin əsas dolanışıq mənbəyini məhv edib

Leyla Abdullayeva, Sputnik Azərbaycan

BAKI, 9 sentyabr — Sputnik. Quba rayonunda iki gün əvvəl yağan leysanın törətdiyi fəsadları hələ də aradan qaldırmaq mümkün olmayıb.

Sputnik Azərbaycan-ın bölgə müxbirinin verdiyi məlumata görə, elektrik dirəklərinin aşması nəticəsində bir neçə kəndə enerji ötürülməsi dayandırılıb və həmin kəndlər işıqsız qalıb. Hazırda "Azərişıq" ASC-nin Quba rayon şöbəsinin əməkdaşları kəndlərə enerji ötürülməsinin bərpası üçün iş aparır.

Xatırladaq ki, sentyabrın 7-dən 8-nə keçən gün Qubaya son illərin ən güclü yağışı yağıb. Güclü yağıntı nəticəsində Vəlvələçayda suyun səviyyəsi 2 metrə qalxıb.

Güclü sel Quba — Qonaqkənd yolunda qoruyucu beton bəndi dağıdıb. Afurca kəndində 20 ailənin yaşadığı Durahi adlanan yaşayış məntəqənin yolunu sel dağıdıb və nəticədə əhalinin nəqliyyatla gediş-gəlişi mümkünsüzləşib.

Leysan nəticəsində bir neçə ev su altında qalıb. Quba Fövqəladə Hallar Komissiyası selin vurduğu ziyanı dəqiqləşdirir.

Rayon camaatını isə təşvişə salan alma bağlarına dəyən zərərdir. Belə ki, yağan leysan nəticəsində bir sıra ağaclar qırılıb, meyvələr tökülərək yararsız hala düşüb. Əsas dolanışıq mənbəyi alma olan qubalılar məhsul yığımına az qalmış baş verən təbii fəlakətin onları qarşıdan gələn qış mövsümündə ac qoyacağı fikrindədirlər.

248
Teqlər:
təbii f, Afurca, Qonaqkənd, alma, daşqın, təbii fəlakət, meyvə, Quba, Fövqəladə Hallar Nazirliyi, leysan, sel
Əlaqədar
Güclü sel həyatı iflic elədi
Dolu və sel bölgəni iflic etdi: icra başçısı təcili göstəriş verdi
Azərbaycanda sel və daşqın gözlənilir — xəbərdarlıq
Fairmont hotelində saxlanılan şəxslər

DİN məşhur oteldəki əməliyyatla bağlı məlumat yaydı VİDEO

0
(Yenilənib 21:01 05.07.2020)
Səbail RPİ əməkdaşlarının keçirdiyi müvafiq tədbirlərlə yayılan görüntülərdə əks olunan şəxslər müvafiq polis idarəsinə dəvət olunaraq barələrində inzibati tənbeh tədbiri tətbiq olunub

BAKI, 5 iyul – Sputnik. Paytaxtın Səbail rayonunda otellərdən birində xüsusi karantin rejim qaydalarına əməl olunmayan, sosial məsafənin, mövcud preventiv tədbirlərin şərtlərinin pozulması ilə müşayiət olunan görüntülərlə bağlı müvafiq nəzarət-profilaktik tədbir keçirilib.

DİN-in Mətbuat xidmətindən Sputnik Azərbaycan-a verilən məlumata görə, Səbail RPİ əməkdaşlarının keçirdiyi müvafiq tədbirlərlə yayılan görüntülərdə əks olunan şəxslər müvafiq polis idarəsinə dəvət olunaraq barələrində inzibati tənbeh tədbiri tətbiq olunub.

Saxlanılan şəxslərin hər biri ilə profilaktik, izahedici söhbətlər aparılaraq onların diqqətinə çatdırılıb ki, bu əməllər ölkədə tətbiq olunan epidemiya əleyhinə rejimin, sanitariya-gigiyena və karantin qaydalarına zidd olmaqla, insanların həyat və sağlamlığı üçün risk daşıyır. Onlar izahatlarında bu hərəkətlərindən səmimi peşimançılıqlarını ifadə ediblər.

Saxlanılan şəxslər İnzibati Xətalar Məcəlləsinə uyğun olaraq  məsuliyyətə cəlb ediliblər.

0
Azərbaycanın Avroviziya-2013 müsabiqəsindəki təmsilçisi Fərid Məmmədov

Santa-Barbarada olmuşam! Tanınmış azərbaycanlı müğənnidən fərqli paylaşım

5
(Yenilənib 20:57 05.07.2020)
Santa-Barbara şəhərinə səfər edən tanınmış azərbaycanlı ifaçı Fərid Məmmədov imkanı əldən buraxmayıb və uşaqlıq arzusunu həyata keçirib

BAKI, 5 iyul – Sputnik, Kəmalə Əliyeva. Azərbaycanı “Avrovision-2013” mahnı müsabiqəsində təmsil edən tanınmış ifaçı Fərid Məmmədov məşhur “Santa-Barbara” serialının çəkildiyi yerlərdə olub.

Sputnik Azərbaycan xəbər verir ki, Fərid səfəri ilə bağlı fotoları “Instagram” səhifəsində paylaşıb. Fərid etiraf edir ki, uşaqlıda bu serialı çox sevdiyindən, nə zamansa çəkilişlər gedən evi ziyarət etmək qərarına gəlib.

View this post on Instagram

#santabarbara #santabarbaraseries another trip

A post shared by Farid (@thefaridmammad) on

 “Santa-Barbara” tarixdə ən uzun sabun operası (soap opera) sayılır. Ümumilikdə serialın 2137 seriyası çəkilib. “Santa-Barbara” eyniadlı şəhərdə yaşayan Kepvell ailəsinin həyatından bəhs edir.

Fərid Məmmədov Azərbaycanın Əməkdar artisti Aybəniz Həşimovanın yetirməsidir. 2013-cü ildə Azərbaycanı “Avrovision” müsabiqəsində təmsil edəndən sonra xaricdə də tanınmağa başlayıb.

5