İlanlarla dostluq edən Mirhəsən Abıyev

Azərbaycanda ilanlarla dostluq edən qeyri-adi insan

3946
(Yenilənib 18:02 07.09.2017)
Uzunluğu 206 sm olan, ən zəhərli sürünənlərdən sayılan boz rəngli Qafqaz gürzəsi 12 ildir Mirhəsən Abıyevin ailə üzvünə çevrilib

Ramil İbrahimov, Sputnik Azərbaycan

BAKI, 7 sentyabr — Sputnik. 55 yaşlı Mirhəsən Abıyev Ağdamın Quzanlı qəsəbəsində yaşayır. Nə qədər qəribə səslənsə də, uşaqlıqdan ilan saxlamağa marağı olub. Həmyaşıdları köpək, quş bəsləyəndə, o, günlərini ilanlarla oynamaqla keçirib.

Sputnik Azərbaycan-a danışan Mirhəsən Abıyev deyir ki, yaşca ondan böyüklər ilanlardan qorxub qaçanda, o, bu qorxunun səbəbini anlamayıb: "8-9 yaşım olardı, at arabasında yer düzəltmişdim, orada gürzə saxlayırdım. Bir pişik yaxınlaşıb ilana cırmaq atdı. Gürzə pişiyi dişləyib öldürdü. Ondan sonra başa düşdüm ki, ilan adamı vurub öldürə bilər, ona görə qorxurlar".

O, iddia edir ki, seyid nəslindəndir, amma ilanların seyidlərə toxunmadığı haqqında dolaşan rəvayətlərə etibar etmir. Elə buna görə də, dünyanın ən zəhərli heyvanı ilə qurduğu dostluq münasibətində "cəddinin" köməyindən çox ilana olan xoş rəftarına güvənir.

Müsahibimizin sözlərinə görə, heyvan özünə qarşı təhlükə hiss etməməlidir: "Əks halda, özünü qorumaq üçün mütləq hücum edəcək".

Atalar "ilanın ağına da lənət, qarasına da" desələr də, uzunluğu 206 sm olan, ən zəhərli sürünənlərdən sayılan boz rəngli Qafqaz gürzəsi, 12 ildir Mirhəsən Abıyevin demək olar ki, ailə üzvünə çevrilib. Dediyinə görə, ailəsi də onun bu zəhərli sürünəni evdə bəsləməsini normal qəbul edir. İlan əsasən gəmiricilər və ölmüş quşlarla qidalanır.

  • İlanlarla dostluq edən Mirhəsən Abıyev
    İlanlarla dostluq edən Mirhəsən Abıyev
    © Sputnik / Ramil Ibrahimov
  • İlan
    İlan
    © Sputnik / Ramil Ibrahimov
  • İlanlarla dostluq edən Mirhəsən Abıyev
    İlanlarla dostluq edən Mirhəsən Abıyev
    © Sputnik / Ramil Ibrahimov
  • İlanlarla dostluq edən Mirhəsən Abıyev
    İlanlarla dostluq edən Mirhəsən Abıyev
    © Sputnik / Ramil Ibrahimov
  • İlanlarla dostluq edən Mirhəsən Abıyev
    İlanlarla dostluq edən Mirhəsən Abıyev
    © Sputnik / Ramil Ibrahimov
1 / 5
© Sputnik / Ramil Ibrahimov
İlanlarla dostluq edən Mirhəsən Abıyev

"Azərbaycanda 30-a yaxın ilan növü var. Onun 7-si yarımzəhərlilər sinfinə aiddir. Əslində gürzələri öldürmək düz deyil. Getdikcə nəsli tükənir. Məsələn, artıq buynuzlu gürzəyə rast gəlmək olmur" – deyə Mirhəsən Abıyev bildirir.

Həmsöhbətimiz gürzələrin mart ayının sonlarına doğru, yəni cütləşmə dövründə aqressiv olduğunu deyir. Lakin Mirhəsən Abıyev ilanı sakitləşdirməyin də çarəsini tapıb: "Rezin boruya ilan qabığı taxıram, əlimlə hərəkət etdirirəm, guya başqa erkək ilandır, döyüşmək istəyir. Qabıqdakı qoxu ilan qoxusu olduğuna görə, müqavimət göstərir, başqa bir ilan hesab edir, əlimdən alıb yıxır, gücünü göstərir ki, mən səndən güclüyəm. Ondan sonra sakitləşir".

Müsahibimiz ölçüsü kiçik, qızılı rəngdə olan, xalq arasında rənginə görə "qızıl ilan" adlandırılan ilanla bağlı danışılanları əfsanə adlandırır: "Həmin əfsanəyə görə, bu ilanlar yeddi qardaşdır, birini öldürdükdə, digərləri onun intiqamını almağa çalışır. Əslində bu ilanlar həddindən artıq qorxaq və zəhərsizdir. Cəld hərəkət etməyinin səbəbi də qaçaraq təhlükədən xilas olmaq refleksindən irəli gəlir".

© Sputnik / Ramil Ibrahimov
İlanlarla dostluq edən qeyri-adi insan

O, qeyri-adi xüsusiyyəti hesabına tez-tez həmyerlilərinin köməyinə çatır. Belə ki, qəsəbə sakinləri evdə, şəxsi təsərrüfatlarında ilana rast gələndə Mirhəsən Abıyevə ehtiyac duyurlar. Çağırılmamış qonaqları ram edə bilən Mirhəsən, ilanları öldürməyin əleyhinə olduğundan, onları yaxalayaraq təbiətə buraxır.

Uzun illərdir ilanlarla dostluq edən Mirhəsən Abıyev təcrübələrinə əsasən bu qənaətə gəlib ki, dünyadakı bütün canlılar bir-birinə ziyan vermədən birlikdə, hətta bir damın altında belə, yaşaya bilərlər, yetər ki niyyətiniz xoş olsun. "Şirin dil ilanı belə yuvasından çıxarar" misalında olduğu kimi.

3946
Teqlər:
Quzanlı qəsəbəsi, Mirhəsən Abıyev, gürzə, Sputnik Azərbaycan, zəhər, Ağdam, ilan
Əlaqədar
Azərbaycanda daha bir ilan sancması
Azərbaycanda qorxunc qəsəbə: soyuducunun içində də ilanlar dolaşır
Gecə atasını qarşılamağa gedən oğlanı ilan sancdı
Deputatdan açıqlama: İki gündür şəhərlərdə ilanlar dolaşır...
İlanlar bu bölgənin əhalisinə qənim kəsilib
İlanla kənd sakini arasında amansız mübarizə
Məktəb, arxiv şəkli

Uşaqlar hansı yaşdan etibarən maska taxmalıdırlar?

4
Rusiyanın Paster adına Epidemiologiya və Mikrobiologiya Elmi Tədqiqat İnstitutunun mütəxəssisləri belə hesab edirlər ki, 12 yaşdan başlayaraq uşaqlarda virusa qarşı həssaslıq yaranır.

BAKI, 24 oktyabr — Sputnik. Bütün dünyadan koronavirus epidemiyası yayıldığı gündən bu yana hansı yaşdan etibarən uşaqların maska taxmalı olduqları məsələsi də ən çox müzakirə olunan mövzulardan biridir. Rusiyalı ekspert bu suala dəqiq cavab verib.

Sputnik Azərbaycan RİA Novosti-yə istinadən bildirir ki, mütəxəssislər 12 yaşdan etibarən bütün uşaq və yeniyetmələrin maska taxmasını tövsiyə edirlər. Rusiyanın Paster adına Epidemiologiya və Mikrobiologiya Elmi Tədqiqat İnstitutunun mütəxəssisi belə hesab edir ki, bu yaşdan başlayaraq uşaqlarda virusa qarşı həssaslıq yaranır. Mütəxəssisin sözlərinə görə, bununla belə, uşaqlar COVID-19 virusunun aktiv daşıyıcıları hesab olunmurlar. Müşahidələr göstərir ki, bu virus əksər hallarda uşaqlara böyüklərdən yoluxur.

4
Koronavirus modeli, arxiv şəkli

Koronavirus daha tez öldürməyə başlayıb

22
Alimlər eyni zamanda SARC –CoV-2 –nin mutasiya edə bildiyini də təsdiqləyib. Onların fikrincə, mutasiya xəstəliyin ağırllaşmasına səbəb olmasa da, sürətlə yayılmasına səbəb ola bilər.

BAKI, 24 oktyabr — Sputnik. Koronavirus pandemiyasının ikinci dalğasında virusun ağırlaşmış formasında olan xəstələr birinci dalğa ilə müqayisədə daha tez ölür.

Sputnik Azərbacan Rusiya mətbuatına istinadla xəbər verir ki, bu barədə Britaniyanın fövqəladə hallar üzrə elmi məsləhət qrupunun hesabatında deyilir.

Alimlər bütün ölkə üzrə xəstəxanalarda olan 76700 sakinin məlumatlarını təhlil edərək bu nəticəyə gəlib.

Belə ki, avqustun 1-nə olan dövr ərzində koronavirusn əlamətləri müşahidə edilən gündən etibarən ağırlaşaraq ölümlə nəticələnmə 13 gün ərzində baş verirdi. Hazırda bu dövr qısalıb və ölümlə nəticələnmə bir həftəyə baş verir.

Alimlərin fikrincə, bu neqativ dinamika xəstəliyin müalicəsinin inkişafı ilə əlaqəlidir. Belə ki, hazırda həkimlər daha çox xəstənin həyatını xilas edə bilir. Xəstəlikdən ölənlər isə digər sağlamlıq problemləri olan zəif orqanizmi olan şəxslərdir.

Alimlər eyni zamanda SARC–CoV-2–nin mutasiya edə bildiyini də təsdiqləyib. Onların fikrincə, mutasiya xəstəliyin ağırllaşmasına səbəb olmasa da, sürətlə yayılmasına səbəb ola bilər.

22