Qazaxda restavrasiya olunmuş yaşayış binası

Bu rayonda çoxmənzilli binalar tanınmaz hala salınıb

296
(Yenilənib 12:44 21.08.2017)
Yararsız hala düşmüş, dam örtüyü sıradan çıxmış, dəhliz və blokları acınacaqlı vəziyyətdə olan 80-dən artıq çoxmənzilli binada işlər yekunlaşıb

İlham Mustafa, Sputnik Azərbaycan

BAKI, 21 avqust — Sputnik. Son bir il ərzində Qazax günü-gündən gözəlləşərək, Respublikanın ən inkişaf etmiş, abad və gözəl rayonlarından birinə çevrilməkdədir. Rayon ictimaiyyəti bu inkişafı, ötən ilin mayında rayon icra hakimiyyətinin başçısı təyin edilən Rəcəb Babaşovun işgüzarlığı və bacarığı ilə əlaqələndirir.

Sakinlərin Sputnik Azərbaycan-a danışdıqlarına görə, məhz Babaşovun gəlişindən sonra, qısa zamanda Qazaxda illərlə görülməmiş və yarımçıq qalmış işlər görülməyə başlayıb. Buna əyani misal olaraq fermer təsərrüfatının yaradılması, xalçaçılıq müəssisənin yenidən tikilməsi, bərbad halda olan Kosalar, Çaylı, Hüseyinbəyli kəndlərinin yol infrastrukturunun yenidən qurulması, Şəhidlər Xiyabanının əsaslı təmiri, 2013-cü ildə söküldükdən sonra inşası dayandırılan Mərkəzi Xəstəxananın inşasına yenidən başlanması və rayon ictimaiyyətinin rəğbətlə qarşıladığı bir çox işləri sadalamaq olar.

Bütün bunlara əlavə olaraq onu da demək olar ki, bu rayonda köhnə binalar tamamilə tanınmaz hala salınıb. Belə ki, bir neçə ay öncə olduqca yararsız hala düşmüş, dam örtüyü sıradan çıxmış, dəhliz və blokları miskin bir görkəm bağışlayan, balkonları və fasad hissəsi acınacaqlı vəziyyətdə olan 80-dən artıq çoxmənzilli binanın əsaslı şəkildə təmirinə başlanıb və böyük bir qismində işlər artıq yekunlaşıb.

  • Qazax rayon icra hakimiyyətinin başçısı Rəcəb Babaşov sakinlərlə görüşüb
    Qazax rayon icra hakimiyyətinin başçısı Rəcəb Babaşov sakinlərlə görüşüb
    © Sputnik / Ilham Mustafa
  • Qazax rayon icra hakimiyyətinin başçısı Rəcəb Babaşov sakinlərlə görüşüb
    Qazax rayon icra hakimiyyətinin başçısı Rəcəb Babaşov sakinlərlə görüşüb
    © Sputnik / Murad Orujov
  • Qazax rayon icra hakimiyyətinin başçısı Rəcəb Babaşov sakinlərlə görüşüb
    Qazax rayon icra hakimiyyətinin başçısı Rəcəb Babaşov sakinlərlə görüşüb
    © Sputnik / Ilham Mustafa
  • Qazax rayon icra hakimiyyətinin başçısı Rəcəb Babaşov sakinlərlə görüşüb
    Qazax rayon icra hakimiyyətinin başçısı Rəcəb Babaşov sakinlərlə görüşüb
    © Sputnik / Ilham Mustafa
  • Qazax rayon icra hakimiyyətinin başçısı Rəcəb Babaşov sakinlərlə görüşüb
    Qazax rayon icra hakimiyyətinin başçısı Rəcəb Babaşov sakinlərlə görüşüb
    © Sputnik / Ilham Mustafa
  • Qazax rayon icra hakimiyyətinin başçısı Rəcəb Babaşov sakinlərlə görüşüb
    Qazax rayon icra hakimiyyətinin başçısı Rəcəb Babaşov sakinlərlə görüşüb
    © Sputnik / Ilham Mustafa
  • Qazax rayon icra hakimiyyətinin başçısı Rəcəb Babaşov sakinlərlə görüşüb
    Qazax rayon icra hakimiyyətinin başçısı Rəcəb Babaşov sakinlərlə görüşüb
    © Sputnik / Ilham Mustafa
  • Qazax rayon icra hakimiyyətinin başçısı Rəcəb Babaşov sakinlərlə görüşüb
    Qazax rayon icra hakimiyyətinin başçısı Rəcəb Babaşov sakinlərlə görüşüb
    © Sputnik / Ilham Mustafa
  • Qazax rayon icra hakimiyyətinin başçısı Rəcəb Babaşov sakinlərlə görüşüb
    Qazax rayon icra hakimiyyətinin başçısı Rəcəb Babaşov sakinlərlə görüşüb
    © Sputnik / Ilham Mustafa
1 / 9
© Sputnik / Ilham Mustafa
Qazax rayon icra hakimiyyətinin başçısı Rəcəb Babaşov sakinlərlə görüşüb

Qazax Rayon İcra Hakimiyyətindən Sputnik Azərbaycan-a verilən məlumata görə, Prezident İlham Əliyevin 20 oktyabr 2016-cı il tarixli Sərəncamına uyğun olaraq, 24 çoxmənzilli binada təmir işləri aparılıb və uğurla başa çatdırılıb. Bundan əlavə isə, daha 15 çoxmənzilli binada da təmir işləri görülərək sakinlərin istifadəsinə verilib.

"Həmçinin, dövlət proqramına uyğun olaraq, təmiri nəzərdə tutulmuş 34 çoxmənzilli binada da təmir işləri tam başa çatdırılib. Əlavə olaraq 7 binanın təmir olunması nəzərdə tutulub ki, onlardan 5-də hazırda işlər davam etdirilir. 2 binada isə təmir işlərinə yaxın günlərdə başlanacaq" — qurumdan bildirilib.

Əlavə olunub ki, təmir işləri çərçivəsində binaların dam örtüyündə, fasad hissəsində, dəhliz və bloklarda təmir işləri görülüb: "Eyni zamanda, binaların giriş hissəsinə dəmir qapılar qoyulub. Təmir edilən binaların həyətlərinə işıq çəkilib. Əlavə olaraq çınqıl döşənərək hamarlanıb".

İcra başçısı Rəcəb Babaşov bu günlərdə, təmir işləri ilə məşğul olan aidiyyatı təşkilatların rəhbərləri, ictimaiyyət və KİV nümayəndələri ilə birlikdə, təmir işləri ilə tanış olmaq üçün şəhərdəki çoxmənzilli binalarda olub. İş prosesi ilə yaxından maraqlanan icra başçısı bütün binalara baş çəkib. Təmir işləri ilə yaxından tanış olaraq aidiyyatı qurumların rəhbərlərinə öz tapşırıq və tövsiyələrini verib.

Təmir edilən binaların sakinləri ilə də görüşən R. Babaşov, onların da arzu və təkliflərini dinləyib. Sakinlər də öz növbəsində aparılan təmir işləri ilə əlaqədar əziyyəti keçən hər kəsə öz minnətdarlıqlarını bildirib, 50-60 ildir yaşadıqları və heç vaxt ümumi təmir olunmayan binalarının, sanki yenidən inşa olunduğunu söyləyiblər.

296
Teqlər:
Rəcəb Babaşov, Sputnik Azərbaycan, təmir, icra başçısı, Qazax, bina, rayon
Əlaqədar
Qazax-Tovuz istiqamətində atışma
Dilbaz atları Qazax rayonunun simvollarından biridir
Qazax rayonu ərazisindəki mövqelərimiz atəşə tutulub
Minbir dərdin dərmanı: Qazax rayonunun müalicəvi isti suyu
Prezident Qazax rayonuna səfərə gedib
Qazax-Kosalar avtomobil yolu açıldı
Qarpız satışı, arxiv şəkli

Dünyanın ən böyük giləmeyvəsi: Qarpız kəsdim, yeyən yox...

4
(Yenilənib 19:33 11.07.2020)
Qarpızdan zəhərlənməmək üçün onu alanda diqqətlə seçmək lazımdır. Seçim isə heç də düşünüldüyü qədər çətin deyil

İradə Cəlilova, Sputnik Azərbaycan

BAKI, 12 iyul — Sputnik. Bir tərəfdən yayın istisi və koronavirus pandemiyası ilə əlaqədar tətbiq edilən karantin rejimi, digər tərəfdən istirahət arzuları… Bu il insanların rayonlara səfər etmək, təbiət qoynuna çəkilərək dincəlmək, sərinləmək arzuları puç oldu. Bakı sakinləri heç “qulaqlarının dibində olan” dənizdə də suya baş vurub sərinləyə bilmirlər.

Yeganə yol isə bazardan, mağazadan, nəhayət, yol kənarından qarpız alıb sərinləməkdir. Amma bəzən bu arzumuz da ürəyimiz də qala bilir.

© Sputnik / Irade JELIL
Qarpız satışı

Bəzən, xüsusən də qarpızın yetişməyə başladığı ilk vaxtlar aldığımız bu giləmeyvə dadsız və ağ çıxır. Yaxud, qarpız alıb, bəh-bəhlə yeyirik, heç iki saat keçmir ki, gözümüzdən gəlir, zəhərlənirik.

Çünki yaxşı qarpız seçməyin də öz yolları var. Sputnik Azərbaycan xəbər verir ki, bu gün mağazalarla yanaşı yol kənarlarında da qarpız-yemiş satılır. Qiymətlər müxtəlif olsa da, satıcılar alıcı qıtlığı yaşamırlar. Onların dediklərinə görə, pandemiya bağlı çox adam evdə olduğu üçün meyvə-tərəvəzə də tələbat artıb.

Satıcı Qabil Səlimov deyir ki, qarpız alarkən əvvəlcə saplağına fikir vermək lazımdır. Yaxşı qarpızın saplağı quru, yəni qəhvəyi rəngdə olmalıdır. Qarpızın üzərində xəfif ağarma olmalıdır. Üzərində ağarma hiss edilən qarpış yetişmiş qarpızdır. Qarpızın üzərində olan yaşıl xətlərin rəngi açıqdırsa qarpız yetişmiş hesab edilir.

Satıcı deyir ki, uzun və oval formada olan qarpızlar sulu, dairəvi və balaca olan qarpızlar isə şirin olur: "Çox zaman yanlışlıqla deyirlər ki, yekə qarpızlar sulu və şirin olur. Bu belə deyil. Yaxşı qarpız ağır olmalıdır. Yüngül qarpız içini yemiş qarpızdır".

© Sputnik / Irade JELIL
Qarpız satışı

Həzm prosesini rahatlaşdıran, bağırsaq problemlərini aradan qaldıran və güclü sidikqovucu xüsusiyyətə malik olan qarpız bəzən zəhərlənməyə də səbəb ola bilər. Buna səbəb isə yetişdirilərkən azotlu gübrələrin səhv formada istifadəsi ola bilər. Bu zaman qarpızda nitratın səviyyəsi artır. Nitratın çox olması isə insan orqanizmi üçün zərərlidir və zəhərlənməyə səbəb ola bilər.

Qarpızın qabığa yaxın hissəsi çox sarıdırsa, deməli qarpızın tərkibində nitrat çoxdur. Belə qarpız zəhərlənməyə səbəb ola bilər. İçində böyük boşluğu olan qarpız da sağlamlıq üçün təhlükəlidir.

Qarpız yetişdirənlər qeyd edirlər ki, giləmeyvəni kəsən kimi yemək olmaz. Əvvəlcə kiçik bir parçasını suya salmaq lazımdır. Əgər suyun rəngi çəhrayı rəngə boyanırsa, bu qarpızın tərkibində nitratın çox olmasının əlamətidir.

Terapevt Məlahət Abbasova Sputnik Azərbaycan-a açıqlamasında bildirib ki, qarpız yedikdən 2 saat sonra ürək bulanma, qusma, ishal, baş gicəllənmə, mədə sancıları, hərarətin artması və s. əlamətlər müşahidə edilirsə, dərhal həkimə müraciət etmək lazımdır.

© Sputnik / Irade JELIL
Qarpız satışı

"Qarpız zəhərlənməsi zamanı ağırlaşmalar müşahidə edilə bilər. Çünki qarpızın tərkibində olan nitritlər hemoqlobinin yerinə keçir. Bu zaman oksigen çatışmazlığı fonunda hipoksiya meydana gələ bilər. Hipoksiya zamanı dərinin rəngində göyərmə və solğunlaşma, baş gicəllənməsi və halsızlıq, bədən hərarətinin azalması, nəbzin sürətinin azalması və s. əlamətlər müşahidə edilir. Nitritlər təkcə hüceyrələrin oksigen təminatını azaltmır, eyni zamanda damarları genişlədərək, hipoksiyanı ağırlaşdırır" – deyə həkim bildirib.

© Sputnik / Irade JELIL
Qarpız satışı

Onun sözlərinə görə, göz ağının saralması, qaraciyərə dəyən xəsarətlər qarpız zəhərlənməsinin ən ağır fəsadlarındandır. Qarpız yedikdən sonra ağızda acılıq yaranırsa, bu qaraciyərin zərər görməsinə işarədir.

Qarpızdan zəhərlənməmək üçün seçim zamanı diqqətli olmaq lazımdır. Çünki bəzən qarpız zəhərlənməsi ölümlə də nəticələnə bilər.

4
Siqaret, arxiv şəkli

ÜST köməyə gəlir?! Siqaret çəkən koronavirus xəstələrinə yardım ediləcək

0
(Yenilənib 01:39 12.07.2020)
  Müraciət edən şəxslərə müxtəlif terapiya imkanları təqdim ediləcək, xüsusi mobil tətbiq vasitəsilə məsləhət və tövsiyələr veriləcək

BAKI, 12 iyul — Sputnik.  Ümumdünya Səhiyyə Təşkilatı (ÜST) COVID-19 xəstəliyinin nikotin istifadəçiləri üçün ağır fəsadlarını nəzərə alaraq, nikotin asılılığına qarşı kampaniyaya start verib. Sputnik Azərbaycan-ın məlumatına görə, kampaniyanın məqsədi dünyada ümumi sayı 1,3 milyard nəfərə çatan nikotin istifadəçilərini bu vərdişdən əl çəkməyə, eləcə də terapiya imkanlarından yararlanmağa sövq etməkdir.

ÜST-nin Baş direktoru Tedros Qebreyesus bildirib ki, koronavirus pandemiyası siqaretdən əl çəkmək üçün əsl fürsət rolunu oynaya bilər. Statistik araşdırmalara görə, siqaret çəkənlərin 60 faizi bu vərdişi tərgitmək arzusundadır və beynəlxalq qurum onları bu istiqamətdə dəstəkləyəcək. Müraciət edən şəxslərə müxtəlif terapiya imkanları təqdim ediləcək, xüsusi mobil tətbiq vasitəsilə məsləhət və tövsiyələr veriləcək.

Kampaniyaya İordaniyada start veriləcək və yaxın aylarda dünyanın digər ölkələrində də təqdim ediləcək. İordaniya gənclər arasında nikotin aludəçilərinin həddən çox olmasına görə seçilib.

0
Mövzu:
Dünyanı cənginə almış bəla