Həbsxana qapısına vurulmuş qıfıl, arxiv şəkli

Yaxın qohumu həbsdə yatanlar niyə hüquq-mühafizə orqanlarında işləyə bilməz?

951
(Yenilənib 14:17 17.08.2017)
Abdullayevlər ailəsinə tərcümeyi-halın səmimi yazılmaması və atanın məhkumluq həyatı yaşaması səbəbilə oğlunun xidmətə qəbul edilməsinin mümkün olmadığı barədə məktub gəlir.

İradə Cəlil, Sputnik Azərbaycan

BAKI, 17 avqust — Sputnik. Samux Rayon Alabaşlı kənd sakini Tahir Abdullayev Sputnik Azərbaycan-a müraciət edərək yaşadığı anlaşmazlığı işıqlandırmağımızı xahiş edib.

T. Abdullayevin bildirdiyinə görə, oğlu Ozal Abdullayev mart ayında Daxili Qoşunlarda hərbi xidmətini başa vurub, geri qayıdıb: "Bir müddət işsiz qaldıqdan sonra oğlum Daxili Qoşunlarda xidmət etmək üçün müraciət etdi. Biz müdafiə nazirinin müavini Kərim Vəliyevin qəbulunda olduq. Cənab Vəliyev bizə bildirdi ki, Daxili Qoşunların komandanı general-leytenant Şahin Məmmədovla əlaqə saxlayacaq. Sonra biz cənab Şahin Məmmədovun qəbuluna getdik. Orada bizə bildirdilər ki, general məsələdən xəbərdardır, oğlunuz sənədlərini düzəldib, müraciət etsin. Oğlum sənədlərini düzəldib təqdim etdi. Bizə bildirdilər ki, qəbul ediləcək".

Bir müddət sonra Abdullayevlər ailəsinə tərcümeyi-halın səmimi yazılmaması və Tahir Abdullayevin 1952-ci ildə məhkumluq həyatı yaşaması səbəbilə Ozal Abdullayevin xidmətə qəbul edilməsinin mümkün olmadığı barədə məktub gəlir.

T. Abdullayev redaksiyamıza müraciətində bildirir ki, o 1952-ci ildə məhkumluq həyatı yaşamayıb. Həmin illərdə Abdullayev Gəncə şəhər 15 saylı peşə məktəbində təhsil alıb: "Düzdür, mənim məhkumluq həyatım olub. Mən 1960-cı ildə Goranboy rayonunda erməni öldürmüşəm. Cəzamı da vaxtından əvvəl çəkib gəlmişəm. 1952-ci ildə isə peşə məktəbində təhsil alıb, Şimit adına zavodda təcrübədə olmuşam. Oğluma isə bildiriblər ki, guya mən 1952-ci ildə zorlama maddəsilə (149) məhkum olmuşam. Bu həm mənə böhtan atılması deməkdir, həm də oğlumun bəhanə ilə işə qəbul edilməməsi. Halbuki, elə bir hadisə baş verməyib…"

Məsələyə münasibət bildirən hüquqşünas Fərid Həmidlinin sözlərinə görə, əgər T. Abdullayev deyilən tarixdə məhkumluq həyatı yaşamayıbsa, bunu sübut etmək üçün həmin vaxt təhsil aldığı məktəbin diplomunu təqdim etməli və müvafiq ədliyyə orqanına məsələ ilə bağlı (həmin dövrdə məhkum olub-olmaması ilə bağlı) sorğu göndərməlidir.

Müsahibimiz bildirir ki, ikili vətəndaşlığı, digər dövlətlər qarşısında öhdəlikləri olan şəxslər, din xadimləri, məhkəmənin qanuni qüvvəyə minmiş qərarı ilə fəaliyyət qabiliyyəti olmayan və ya məhdud fəaliyyət qabiliyyətli hesab edilmiş, cinayət törətdiyinə görə əvvəllər məhkum edilmiş, habelə barəsində cinayət işinin icraatına bəraətverici əsaslar olmadan xitam verilmiş, əvvəllər işdə ciddi nöqsanlara, daxili işlər orqanlarında xidmətlə bir araya sığmayan fəaliyyətlə məşğul olmasına, xidmətə tam yararsız olmasına, ləyaqətsiz hərəkətlərə görə daxili işlər və digər hüquq-mühafizə orqanlarından xaric edilmiş şəxslər mülki mühafizə xidmətinə işə qəbul oluna bilməzlər.

Hüquqşünas bildirir ki, işə qəbul qaydalarında xüsusi olaraq yaxın qohumların həbs edilməsi ilə bağlı müddəalar yer almasa da, yaxın – birinci dərəcəli qohumları məhkumluq həyatı yaşayan şəxslər də çox zaman hüquq-mühafizə orqanlarına işə qəbul edilmir. Amma bunu rəsmi şəkildə yazılı surətdə şəxsə təqdim edə bilməzlər: "Əgər işə düzələn tərcümeyi-halında atasının məhkumluq həyatı yaşadığını qeyd etməyibsə, onun qeyri-səmimi olduğunu əsaslandırıb işə götürməyə bilərlər".

951
Teqlər:
məhkumluq, hüquq-mühafizə orqanları, hüquqşünas Fərid Həmidli, Kərim Vəliyev, Ozal Abdullayev, Tahir Abdullayev, Alabaşlı kəndi, Samux, Azərbaycan
Əlaqədar
Millət vəkili: “Həbsdən azad olan insanlara dəyər vermək lazımdır”
Gülər Əhmədova: “Həbsə düşmək həyatın sonu deyil”
Qohumların məhkumluğu şəxsin karyerasının məhvinə səbəb olmamalıdır

Füzuli rayonunun Yuxarı Rəfədinli kəndi - VİDEO

0
Yuxarı Rəfədinli 1993-cü ildə Ermənistan silahlı qüvvələri tərəfindən işğal olunub. 2020-ci il oktyabrın 22-də Azərbaycan Silahlı Qüvvələri kəndi erməni tapdağından azad edib.

BAKI, 5 mart — Sputnik. Müdafiə Nazirliyi Füzuli rayonunun Yuxarı Rəfədinli kəndindən videogörüntülər yayıb.

Sputnik Azərbaycan görüntüləri təqdim edir.

Yuxarı Rəfədinli Qarabağ silsiləsinin ətəyində yerləşir. Keçmiş adı Rəfədinli olub. Ondan yaranmış məntəqə Aşağı Rəfədinli, əvvəlki kənd isə Yuxarı Rəfədinli adlandırılıb. Rəfədinli - kəndin əsasını qoymuş nəslin adıdır.

Kənd 1993-cü ildə Ermənistan silahlı qüvvələri tərəfindən işğal olunub. 2020-ci il oktyabrın 22-də Azərbaycan Silahlı Qüvvələri kəndi erməni tapdağından azad edib.

0
Teqlər:
Azərbaycan Müdafiə Nazirliyi, video, kənd, Azərbaycan, Füzuli, Qarabağ
İmtahan, arxiv şəkli

Buraxılış imtahanlarının sadələşməsi üçün təkliflər hökumətə təqdim edildi

4
Proqram hazırlanarkən ilk növbədə indi 9-cu sinifdə təhsil alan şagirdlərin aşağı siniflərdə keçdikləri dərsliklərlə, hazırda istifadədə olan dərsliklər müqayisə olunmuş və hər iki dərslikdə eyni olan mövzular proqrama daxil edilib.

BAKI, 5 mart — Sputnik. Dövlət İmtahan Mərkəzi ümumi (9 illik) orta təhsil səviyyəsi üzrə buraxılış imtahanı üçün materialların məzmununda və təşkilində sadələşmə aparılması üçün təkliflər hazırlayaraq Nazirlər Kabinetinə təqdim edib. Mərkəzdən Sputnik Azərbaycan-a verilən məlumata görə, 2020-ci il mart ayından etibarən ölkəmizdə COVID-19 pandemiyası ilə bağlı xüsusi karantin rejimi tətbiq edilir. Xüsusi karantin rejiminin qaydalarına uyğun olaraq hələ də ümumtəhsil müəssisələrində tədris prosesi tam olaraq ənənəvi qaydada həyata keçirilmir. Həmçinin ötən ilin sentyabr-noyabr aylarında Vətən müharibəsi baş verdi. 44 gün ərzində müzəffər ordumuz cənab Ali Baş Komandan İlham Əliyevin rəhbərliyi ilə işğal altında olan torpaqlarımızı düşməndən azad etdi. Azərbaycanın ərazi bütövlüyü təmin edildi.

Baş vermiş hadisələrlə əlaqədar bəzi bölgələrdə təlim-tədris prosesində müəyyən fasilələr yaranmışdır. Dövlət İmtahan Mərkəzi tərəfindən Təhsil Nazirliyinin mütəxəssisləri ilə birgə razılıq əsasında mövcud vəziyyət nəzərə alınaraq ümumi (9 illik) orta təhsil səviyyəsi üzrə buraxılış imtahanı üçün materialların məzmununda və təşkilində sadələşmə aparılması üçün təkliflər hazırlanaraq Nazirlər Kabinetinə təqdim edilib.

Nəzərdə tutulan dəyişikliklərlə bağlı, yəni ümumi (9 illik) orta təhsil səviyyəsi üzrə buraxılış imtahanının bir mərhələdə keçirilməsi, imtahan proqramı və yeni imtahan modeli 2020-ci ilin dekabrında "Abituriyent" jurnalının xüsusi buraxılışında dərc olunaraq ictimaiyyət məlumatlandırılıb.

Jurnalda qeyd olunduğu kimi, proqramda əsas hissə kimi 5-ci sinifdən başlayaraq 9-cu sinfin 1-ci yarımilində keçilmiş materiallar götürülür. Tədris prosesində 2-ci yarımildə keçilməsi planlaşdırılan mövzular üzrə tapşırıqlar isə 5-8-ci siniflər üzrə tərtib olunacaq.

Proqram hazırlanarkən ilk növbədə indi 9-cu sinifdə təhsil alan şagirdlərin aşağı siniflərdə keçdikləri dərsliklərlə, hazırda istifadədə olan dərsliklər müqayisə olunmuş və hər iki dərslikdə eyni olan mövzular proqrama daxil edilib. Aşağı sinif dərsliklərinə yeni daxil edilmiş və çıxarılmış mövzular proqrama salınmayıb. Beləliklə, demək olar ki, proqramda verilmiş mövzuların hamısı tədris prosesində keçilib.

Nazirlər Kabinetinin 2016-cı il 12 dekabr tarixli 498 nömrəli Qərarı ilə təsdiq edilmiş "Ümumi təhsil pilləsində təhsilalanların yekun attestasiyasının aparılması Qaydaları"nda dəyişiklik edilməsi haqqında Nazirlər Kabinetinin 4 mart 2021-ci il tarixli qərarı ilə ümumi orta təhsil səviyyəsi üzrə buraxılış imtahanının bir mərhələdə keçirilməsi, imtahanda şagirdlərə tədris dili fənnindən 30, xarici dil fənnindən 30 və riyaziyyat fənnindən 25 olmaqla, ümumilikdə 85 tapşırığın verilməsi təsdiq edilib.

DİM-in səriştəsizliyi və yaxud imtahanda biznes maraqları>>

Xatırladırıq ki, Dövlət İmtahan Mərkəzi və Təhsil Nazirliyinin mütəxəssisləri hazırki vəziyyəti bir daha təhlil edərək tapşırıqların formasını daha da sadələşdiriblər. Əvvəlcədən elan olunduğu kimi, "Abituriyent" jurnalının xüsusi buraxılışında verilən modeldən fərqli olaraq yeni təqdim olunan imtahan modelinə əsasən, imtahanda yazılı cavab tələb edən açıq tipli tapşırıqlar istifadə olunmayacaq. İmtahanda iştirakçılara qapalı tipli tapşırıqlar və kodlaşdırıla bilən seçim və hesablama formalı açıq tipli tapşırıqlar təqdim olunacaq.

Məlumat üçün qeyd edək ki, Dövlət İmtahan Mərkəzi tərəfindən yaxın vaxtlarda otk.az portalı vasitəsilə yeni imtahan modelinə uyğun sınaq imtahanı keçiriləcək.

Yeni imtahan modeli aşağıdakı kimidir:

http://dim.gov.az/news/6346/

4