В Баку сгорел Mercedes Gelandewagen

"Gelandewagen" qəzasının yeni detalları ortaya çıxdı

937
(Yenilənib 14:49 09.08.2017)
Nail Allahverdiyevin qurbanları hələ uzun müddət ölüm-dirim mübarizəsi aparmalı olacaqlar

BAKI, 9 avqust — Sputnik. Avqustun 3-də baş vermiş və iki nəfərin ölümü ilə nəticələnən ağır yol-nəqliyyat hadisəsinin qurbanları — Türkiyə vətəndaşları Mütəllib və Songün Tekiş cütlüyünün müalicəsi Ankarada davam etdiriləcək. Bu barədə Spurnik Azərbaycan-a Baku Medical Plaza klinikasının baş həkimi Lalə Şəkərova məlumat verib.

Şəkərova qeyd edib ki, vəziyyətləri orta-ağır qiymətləndirilən pasientlərin qohumlarının israrı ilə əlaqədar olaraq onların müalicəsi Türkiyədə davam etdirilir. Pasientlər avqustun 8-də Ankaraya aparılıb. Onlar travma aldıqları üçün uzun müddət müalicə almalı olacaqlar. Mütəllib Tekiş hazırda reanimasiya şöbəsindədir. Onun həyat yoldaşı isə yenidən əməliyyat edilib və vəziyyəti stabilləşdiyindən stasionar müalicəyə buraxılıb.

Qeyd edək ki, onlar avqustun 3-də axşam saat 21:30 radələrində Heydər Əliyev prospektindəki Azərbaycan Dövlət Rəssamlıq Akademiyasının binası qarşısında baş vermiş və Azərbaycanda böyük rezonans doğurmuş qəzanın qurbanlarıdır. Qəza Azərbaycanın baş nazirini müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənovun nəvəsi Nail Allahverdiyevin idarə etdiyi Mercedes Gelandewagen markalı avtomobillə 99 FS 777 dövlət nömrə nişanlı Mazda markalı avtomobilin yarışı zamanı baş vermişdi. Yüksək sürətlə hərəkət edən Gelandewagen-in sürücüsü qarşıdakı maşına dəyərək idarəetməni itirmiş, əsas yoldan ikinci dərəcəli yola çıxmış, səkidə dayanan 3 piyadanı vurmuş və nəticədə maşın yanmışdı. 

Qəza nəticəsində iki nəfər — avtomobilin sərnişini və piyada ölüb. Daha iki piyada — Türkiyə vətəndaşları olan Tekiş cütlüyü isə ağır bədən xəsarətləri ilə Bakıdakı klinikalara çatdırılıb.

Ekspertizanın ilkin rəyinə görə, Allahverdiyev hadisə zamanı həmin yolda maksimal sürət 90 km/saat olduğu halda avtomobili 150 km/saat sürətlə sürürmüş. Yol-nəqliyyat hadisəsi baş verəndən sonra Allahverdiyev taksiyə oturaraq hadisə yerindən dərhal uzaqlaşıb.

Daxili İşlər Nazirliyi hadisə baş verən zaman Mercedes Gelandewagen-in sükanı arxasında onun sahibi Nail Allahverdiyevin olduğunu müəyyən edib. Bazar günü isə Mazda markalı avtomobilin sürücüsü Mirməhəmməd İsmayılov saxlanılıb. Nərimanov rayon məhkəməsi onunla bağlı inzibati həbs qərarı seçib. Allahverdiyev də elə həmin gün saxlanılıb. Xətai rayon məhkəməsi onun haqqında 4 aylıq həbs qətimkan tədbiri seçib. Faktla bağlı araşdırma davam edir.

937
Mövzu:
Bakıda dəhşətli "Gelandewagen" qəzası (10)
Şenol Günəş, arxiv şəkli

Günəş Türkiyə millisinin AVRO-2020-də uğursuz çıxışına görə üzr istəyib

3
Baş məşqçi bildirib ki, Avropa çempionatının açılış oyununda İtaliya komandasına böyük hesabla məğlubiyyət türk futbolçularına pis təsir edib.

 

Futbol üzrə Türkiyə millisinin baş məşqçisi Şenol Günəş komandasının Avropa çempionatndakı çıxışına görə üzr istəyib.

Bazar günü türklər qrup mərhələsinin son turunda İsveçrə komandası ilə oynayacaqlar. İki oyundan sonra Türkiyə millisinin xalı yoxdur. Turnirdə mübarizəni davam etdirmək üçün yeganə variant öz qruplarında üçüncü yeri tutmuş dörd komanda siyahısına düşməkdir.

"Biz komanda daxilində fəlsəfəni dəyişməli, ona qalib ruhunu aşılamalıyıq. İlk iki oyunda bizdə bu qətiyyən hiss olunmurdu. Mən bizə qarşı deyilən bütün tənqidlərə hörmətlə yanaşıram, oyunçularımız da özlərindən narazıdırlar. Həyatda hər zaman istədiyiniz kimi olmur. Əminəm ki, futbolçularımız bu vəziyyətdən çıxacaq və yeni oyuna hazır olacaqlar. Biz bura yaxşılardan biri olmaq üçün gəldik, lakin bunu edə bilmədik. Sözsüz ki, biz məyusuq və bizə azarkeşlik etmiş hər bir kəsdən üzr istəyirik", – deyə Günəş mətbuat konfransında bildirib.

Xatıqladaq ki, ilk turda Türkiyə millisi İtaliya komandasına (0:3), ikinci turda isə Uels komandasına məğlub olub (0:2).

"Romadakı ilk oyunun pis təəssüratları bizə çox təsir etdi. Biz həm oyunda,həm də nəticədə özümüzə inamı itirdik. Meydanda gördüklərimiz bizi həvəsdən saldı. Uels yığması ilə oyunun birinci hissəsində də eyni şey oldu. Biz iki oyundan sonra belə bir vəziyyətə düşəcəyimizi təsəvvürümüzə də gətirməzdik. Biz Türkiyədə insanların bizə nə qədər etimad etdiyini bilirik, lakin onların gözləntilərini doğrulda bilmədik", - deyə baş məşqçi bildirib.

3
Игровой момент матча ЕВРО-2020 между сборными Венгрии и Франции

Fransa yığması AVRO-2020-nin oyununda Macarıstan komandası ilə heç-heçə edib

4
(Yenilənib 19:18 19.06.2021)
Budapeşt şəhərində keçirilmiş qarşılaşma hələlik Avropa çempionatında ən çox azarkeşin izlədiyi görüş olub.

Futbol üzrə Fransa yığması Avropa çempionatının qrup görüşündə Macarıstan millisi ilə heç-heçə oynayıb.

F qrupunda ikinci tur qarşılaşması Budapeştdə keçirilib və 1:1 hesabı ilə başa çatıb. Meydan sahiblərində qolu birinci hissəyə əlavə olunmuş vaxtda Attila Fiola vurub. Fransızların cavab topunu 66-cı dəqiqədə Antuan Qrizmann vurub. Oyunu 55 998 azarkeş izləyib, bu AVRO-2020-nin hələlik ən çox azarkeş tərəfindən izlənilən oyunudur.

Oyunun birinci hissəsində Macarıstan yığmasının oyunçusu Adam Soloi isti vurmasından əvəz olunub.

Birinci turda Fransa yığması Almaniyaya qalib gəlib - 1:0, Macarıstan isə Portuqaliya komandasına məğlub olub - 0:3. Almaniya və Portuqaliya yığmalarının oyunu bu gün Münhendə keçiriləcək.

Üçüncü turda Fransa Budapeştdə Portuqaliya ilə, Macarıstan isə Münhendə Almaniya ilə qarşılaşacaq. Oyunlar iyunun 23-də baş tutacaq.

4