Vedrə bazarı

Burada, yalnız can dərmanı tapa bilməzsiniz...

507
İnsan üçün faydalı olan nə təsəvvür edirsinizsə, burada var

İlham Əhmədov, Sputnik Azərbaycan

BAKI, 4 avqust — Sputnik. Qəbələdə, 20 ildən artıqdır ki, tərəzi olmayan və ancaq ölçü vahidi olaraq vedrə götürülən bazar fəaliyyət göstərir. Bu bazar Qəbələnin Vəndam kəndi ərazisində yerləşən məşhur "Vedrə bazarı"dır.

Sputnik Azərbaycan-ın bölgə müxbiri xəbər verir ki, Qəbələdəki bu bazarın əsas alıcısı Qəbələyə gələn yerli və qonaqlar, turistlərdir. Bu bazarda tərəzidən istifadə olunmur. Meyvə-tərəvəz, çərəzlər – hər şey vedrələrdə satılır.

Bir vedrə almanın çəkisi 3 kiloqram, qiyməti 3 manatdır. Vedrənin çəkisi dəyişsə də, qiymət dəyişmir, yəni bir vedrə alma 4 kiloqram da olsa, qiymət 3 manat olaraq qalır.

Yerli sakinlər bu bazarı başqa adlarla da tanıyırlar. Məsələn, "Düymə bazarı", "Çəkisiz bazar" və s. Qəbələnin Vəndam kəndi ərazisində, dağların ətəyində, Bakı-Qəbələ yolunun düz kənarında yerləşən bu bazarı, bölgəyə yolu düşən hər kəs tanıyır.

Xüsusilə yay aylarında bazar insan əlindən "qaynayır". Havalar soyuduqca, Qəbələyə gələn qonaqların sayı azaldığından, bazarda al-ver də zəifləyir. Yerli sakinlərin əsas gəlir mənbələri bu bazardır.

"Vedrə bazarı"nda çalışan xırda ticarətçilərin dediklərinə görə, Qəbələdə qış-turizm mərkəzləri açılandan sonra, rayona gəlib-gedənlərin sayı artıb. "Alver gedir. Xüsusilə hazırda ərəblərin Qəbələyə axın etmələri ticarətimizə xeyli müsbət təsir göstərib" – satıcılar bildirirlər.

Onların öz dilləri ilə desək, bu rəngarəng, səliqəli bazarda, bircə can dərmanı əksikdir, qalan hər şey var. Müxtəlif növ meyvə, tərəvəz, ev üsulunda bağlanmış xiyar, pomidor, göbələk, qulançar tutması, dağdan yığılan otlar, hazırlanan ədviyyatlar, meyvə qurusu, kənddə yetişən, hazırlanan bir çox məhsullar satılır. Burada nə görürsünüzsə, hamısı əl əməyi, göz nurudur. Hər şeyi təzə-təzə özləri hazırlayırlar.

Bu bazarda təkcə vedrədə satılan meyvə-tərəvəz deyil, qış tədarükləri də var. Müxtəlif növ tutma, bal, doşab, mürəbbə, kompot, balın içinə qatılmış badam, fındıq, qoz… Rəflərə sıra ilə düzülmüş rəngarəng məhsullar yoldan ötənlərin diqqətini cəlb edir.

"Heç nə almayanlar belə, dönüb balonlardakı qırmızı, sarı, narıncı məhsulların nə olduğunu soruşurlar" – deyirlər satıcılar.

Bala qoyulmuş qoz ləpəsi, itburnu çiçəyinin mürəbbəsi, təzyiq üçün dərman, bəkməz, qızılgül suyu, bənövşə çiçəyinin mürəbbəsi, dağ çiyələyi mürəbbəsi, şəkər xəstəliyinin dərmanı olan zirinc suyu – bir sözlə, insan üçün faydalı olan nə təsəvvür edirsinizsə, burada tapa bilərsiniz…

507
Teqlər:
çəki, Vəndam kəndi, vedrə, ölçü vahidi, tərəzi, "Vedrə bazarı", satıcı, alver, tərəvəz, Sputnik Azərbaycan, Qəbələ, meyvə, ticarət
Əlaqədar
Balaca inhisarçılar və ya kiçik bazarlar uğrunda mübarizə
"Sərçə" bazarındakı qətli ikiqat dünya çempionu törədib
"Qara bazar" hərracı gözləmədən qərar verdi
Bakıdakı "Qul bazarı"nda insan dramı yaşanır
"Köhnə bazar"da faciəli olay
Qarabağ klubunun futbolçuları, arxiv şəkli

"Qarabağ" qardaş Türkiyəni seçdi

2
(Yenilənib 17:48 21.10.2020)
Azərbaycanın "Qarabağ" futbol klubunun rəhbərliyi Avropa Liqasının qrup mərhələsinin ev oyunlarının neytral ərazidə keçirilməsi ilə bağlı qərarından apelyasiya şikayəti verib.

BAKI, 21 oktyabr — Sputnik. Azərbaycanın "Qarabağ" futbol klubunun rəhbərliyi Avropa Liqasının qrup mərhələsinin ev oyunlarını keçirmək istədiyi ölkənin adını açıqlayıb.

Sputnik Azərbaycan "Report"a istinadən xəbər verir ki, Avropa Futbol Assosiasiyaları İttifaqının (UEFA) İcraiyyə Komitəsi dünən Azərbaycan və Ermənistanın Dağlıq Qarabağdakı hərbi əməliyyatlarla əlaqədar ölkələrində UEFA-nın himayəsi altında ev oyunlarının keçirilməsinə qadağa qoyulması barədə qərar qəbul edib.

"Qarabağ" klubunun direktoru Emrah Çelikel bəyan edib ki, bu halda komandası ev oyunlarını qardaş Türkiyədə keçirmək istəyir.

"İndi üç neytral ərazi var – Kipr, Macarıstan və Polşa, ancaq bizim alternativ seçim təklif etmək imkanımız var. Avropa Liqasının qrup mərhələsindəki rəqiblərimizi Türkiyənin şəhərlərindən birində qəbul etmək istəyirik", – deyə E.Çelikel bildirib.

Komandanın bu seçimini əsaslandıran klub direktoru qeyd edib ki, Avropa İttifaqı ərazisindəki oyunlar üçün futbolçulara viza almaq lazım gəlir, bu prosedur isə xeyli vaxt tələb edir. Türkiyə ilə Azərbaycan arasında vizasız-gediş gəliş sistemi qüvvədə olduğundan, oyun qardaş ölkənin stadionlarından birində keçirilsə, sənədləşmə işlərinə əlavə vaxt lazım gəlməyəcək.

E.Çelikel klubun UEFA İcraiyyə Komitəsinin qərarından apelyasiya şikayəti verəcəyini də vurğulayaraq bildirib ki, Avropa kuboku oyunlarının Bakıda keçirilməsinə heç bir təhdid yoxdur.

Qeyd edək ki, "Qarabağ" klubu oktyabrın 22-də Avropa Liqasının qrup mərhələsi çərçivəsində ilk oyununu Tel-Əvivdə yerli "Makkabi" klubuna qarşı keçirəcək. Bir həftə sonra isə futbolçularımız Bakıda İspaniyanın "Villarreal" komandasını qəbul etməli idi.

2
Teqlər:
qrup mərhələsi, Avropa Liqası, Türkiyə, Qarabağ futbol klubu
Əlaqədar
UEFA rəhbərliyi Bakının AVRO-2020 siyahısından çıxarılacağını istisna etmir
Yaşıl sahənin adamı: "Gün gələcək, Şuşada Avropa çempionatı keçirəcəyik"
Dünya futbolunun türk ulduzu Azərbaycana dəstəyini ifadə etdi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"

Hikmət Hacıyevdən Paşinyana cavab: Münaqişənin danışıqlar yolu ilə həllini dəstəkləyirik

12
(Yenilənib 18:14 21.10.2020)
Ermənistan baş nazirinin bu açıqlaması iki ölkənin xarici işlər nazirlərinin Rusiyanın təşəbbüsü ilə Moskvaya işgüzar səfərindən dərhal sonraya və ABŞ-ın təşəbbüsü ilə Vaşinqtonda xarici işlər nazirləri səviyyəsində keçiriləcək görüşdən öncəyə təsadüf edir.

BAKI, 21 oktyabr - Sputnik. Ermənistan Baş nazirinin münaqişənin diplomatik həlli yoxdur deyə açıqlaması növbəti dəfə onu nümayiş etdirir ki, Ermənistan danışıqlar yolu ilə münaqişənin həllində tamamilə maraqlı deyildir. Bu açıqlama ilə Ermənistan rəhbərliyi özü etiraf edir ki, Ermənistanın məqsədi Azərbaycanın işğal olunmuş ərazilərini işğal altında saxlamaqdır.  Bununla, rəsmi Yerevanın münaqişənin danışıqlar yolu ilə həlli barədə açıqlamalarının riyakarlıqdan başqa bir şey olmadığı bir daha öz təsdiqini tapmış olur. 

Sputnik Azərbaycan bildirir ki, bunu Azərbaycan Respublikası Prezidentin köməkçisi, Prezident Administrasiyası xarici siyasət məsələləri şöbəsinin müdiri Hikmət Hacıyev deyib.

O qeyd edib ki, Ermənistanın baş naziri məsuliyyətsiz şəkildə və öz siyasi ambisiyaları naminə bütün mülki hakimiyyət orqanlarını, mülki insanları total silahlanmaya çağıraraq hərbi əməliyyatlara sövq edir. Ermənistanın bu rəsmi mövqeyi humanitar atəşkəs rejiminin kimin tərəfindən pozulmasını sübut edir və regionda vəziyyətin daha da gərginləşməsinə xidmət edir.    

Azərbaycanın Gəncə şəhərini SCUD tipli ballistik raketlərlə, digər şəhər və rayonlarının sakinlərini raket və artilleriya ilə daim atəşə tutmaq barədə əmr verən şəxs tərəfindən bu kimi açıqlamanın verilməsi əslində təəccüb doğurmamalıdır.  

Ermənistan baş nazirinin bu açıqlaması iki ölkənin xarici işlər nazirlərinin Rusiyanın təşəbbüsü ilə Moskvaya işgüzar səfərindən dərhal sonraya və ABŞ-ın təşəbbüsü ilə Vaşinqtonda xarici işlər nazirləri səviyyəsində keçiriləcək görüşdən öncəyə təsadüf edir.

Prezident İlham Əliyev tərəfindən beynəlxalq mediaya verdiyi son müsahibələrində və açıqlamalarında Azərbaycanın danışıqlara və münaqişənin diplomatik yollarla həllinə hazırlığını dəfələrlə bəyan etmişdir.    

Azərbaycanın münaqişənin həlli ilə bağlı konstruktiv mövqeyinin fonunda beynəlxalq ictimaiyyət, xüsusilə ATƏT-in Minsk Qrupunun həmsədr ölkələri Ermənistan rəhbərliyinin bu açıqlamasından nəticə çıxarmalıdır. Ermənistan rəhbərliyinin bu açıqlaması eyni zamanda münaqişənin diplomatik yolla həlli istiqamətində beynəlxalq ictimaiyyət tərəfindən atılan addımlara hörmətsizlikdir.  

Azərbaycan Respublikası BMT Təhlükəsizlik Şurasının qətnamələrinə əsasən mövcud yol xəritəsinə uyğun olaraq münaqişənin danışıqlar yolu ilə həllini dəstəkləyir. 

12
Teqlər:
Nikol Paşinyan, diplomatiya, Hikmət Hacıyev, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Paşinyandan etiraf: Azərbaycan bizim kapitulyasiyamızdan başqa heç nəyə razı deyil
Paşinyan: "Hazırkı mərhələdə Qarabağ məsələsinin diplomatik yolla həlli yoxdur"
Paşinyan indi də İranı Qarabağ münaqişəsinin həllinə çəkmək istəyir
Vəziyyətləri qəlizdir - Bütün keçmiş prezidentləri görüşürlər
Ermənistan xarici işlər naziri yenə Moskvaya gedib - son on gündə üçüncü dəfə