Mağaza vitrini

Dükanımın divarındakı tanıdım lövhəsinə görə rüsum ödəməliyəm?

3013
(Yenilənib 18:07 03.08.2017)
Sahibkarları narahat edən məqamlardan birinə aydınlıq gətirildi

Təranə Xudabaxşiyeva, Sputnik Azərbaycan

BAKI, 3 avqust — Sputnik. "Mən fərdi sahibkarlıq obyektimin üzərinə reklam lövhəsi yerləşdirmişəm. Lakinrayon icra hakimiyyətinin nümayəndələri gələrək, obyektimin üzərindəki lövhəyə görə xüsusi rüsum ödəməli olduğumu deyirlər. Bu, nə dərəcədə qanunidir?"

Paytaxtın Binəqədi rayonu ərazisində yerləşən ictimai iaşə obyektlərdən birinin sahibi (öz xahişi ilə ad-soyadını açıqlamırıq), Sputnik Azərbaycan-a müraciətində belə deyir. O, özünə məxsus olan müəssisədə, öz vəsaiti hesabına hansısa lövhənin asılmasına görə, hansısa quruma ödəniş etməməli olduğu qənaətindədir.

Məsələni Sputnik Azərbaycan-a şərh edən Azərbaycan Reklamçılar İttifaqının (ARİ) vitse-prezidenti Tamella Nağıyeva deyib ki, hər hansı idarənin adı, kiçik lövhədə binanın bir hissəsinə, məlumatverici məqsədlə yerləşdirilirsə, bu zaman heç bir ödəniş tələb olunmur: "Məsələn, Rəssamlar İttifaqı haqqında məlumat lövhəsidirsə, buna pul ödənmir. Amma hansısa bir şirkət adını bina üzərinə vurursa, bu zaman mütləq pul ödəməlidir. Çünki, bu, artıq reklamdır".

"Ödənişə gəldikdə isə, Bakı Şəhər İcra Hakimiyyətinin Reklam və İnformasiya İdarəsi mövcuddur. Reklamın qiyməti onun həcminə, uzunluğuna və informasiya daşıyıcılığına görə dəyişir. Bu qiymətləri yalnız Reklam və İnformasiya İdarəsi dəqiq bilir" — ARİ yetkilisi qeyd edib.

Hüquqşünas Elyar Həsənovun Sputnik Azərbaycan-a şərhinə görə, "Reklam haqqında qanun"da reklam yerləşdirməklə bağlı kriteriyalar, ölçülər əksini tapıb: "Müəyyən olunmuş ölçülər daxilində fəaliyyət göstərən obyekt ilə bağlı məlumat lövhəsinin asılması reklam sayılmır. Sahibkar öz obyektinin qarşısında, ölçülər daxilində, məlumatverici bir yazı lövhəsi asırsa, bu, reklam sayılmır. Çünki insanlar bilməlidirlər ki, obyekt nədir və nə kimi fəaliyyət ilə məşğuldur".

Şərab
© Sputnik / Vitaliy Ankov

"Amma şirkət ölçülərdən kənara çıxırsa, daha çox informasiya yükü daşıyan məlumatı divardan asırsa, bu, artıq reklam sayılır. Bu zaman Bakı Şəhər İcra Hakimiyyətinin nəzdində fəaliyyət göstərən Reklam və İnformasiya İdarəsi ilə müqavilə bağlanmalıdır" — Həsənov vurğulayıb.

"Əvvəllər bu İdarənin işçiləri birmənalı olaraq hamıdan pul tələb edirdilər. Standartları, qanunda yazılanı nəzərə almadan deyirdilər ki, "mütləq pul verməlisən". Qanunu bilənlər isə məhkəməyə müraciət edib bu yolla haqlarını tələb edə bilirdilər ki, standartlardan kənara çıxılmadığı üçün pul ödəməli deyillər" — hüquqşünas əlavə edib.

Mövzu ilə bağlı dəfələrlə Bakı Şəhər İcra Hakimiyyəti yanında Reklam və İnformasiya İdarəsi ilə əlaqə saxlasaq da, qurum əməkdaşları müxtəlif araumentlərlə sualımıza konkret cavab verməkdən yayındılar.

3013
Teqlər:
rüsum, lövhə, reklam, dükan
Əlaqədar
Sosial şəbəkələrdəki reklamlar nə dərəcədə effektivdir?
Bəzi xidmətlərin reklamı qadağan olundu
Artıq zəhlətökən reklam "sms"lərindən canınız qurtaracaq
Bu qərar reklam sahəsini dəyişdirəcək
Bu proqram reklamların qarşısını alacaq
Reklamda bunu etmək qadağan edildi
Şirkət diktatorun reklamına görə tənqidə məruz qaldı
Koronavirus testi, arxiv şəkli

TƏBİB Azərbaycanda koronavirus testlərinin bitməsi barədə məlumatlara aydınlıq gətirdi

0
(Yenilənib 19:41 26.11.2020)
Bu problemin aradan qaldırılması məqsədilə, simptomsuz təmaslılardan testlərin götürülməsinə müvəqqəti məhdudiyyət qoyulması qərara alınıb.

BAKI, 26 noyabr - Sputnik. Azərbaycanda koronavirus (COVID-19) ilə əlaqədar aparılan testlərin bitməsi barədə yayılan məlumatlar həqiqəti əks etdirmir.

Bu barədə Sputnik Azərbaycan-a TƏBİB-dən məlumat verilib. 

"Bildiririk ki, ölkəmizdə koronavirusun diaqnozu üçün kifayət qədər test ehtiyatı mövcuddur. Sadəcə olaraq, gün ərzində götürülən testlərin sayı çox olduğundan bu, laboratoriyaların iş gücünə təsir göstərir. Nəticədə, təbii olaraq testin nəticələri bir qədər gecikmiş olur", - TƏBİB bildirib.

Məlumatda o da qeyd olunub ki, bu problemin aradan qaldırılması məqsədilə, simptomsuz təmaslılardan testlərin götürülməsinə müvəqqəti məhdudiyyət qoyulması qərara alınıb.

"Hazırda ölkədə 37 laboratoriya mövcuddur. Bu laborotoriyalarda gündəlik 10 000 testin aparılması nəzərdə tutulurdu, artıq müraciətlərin sayı çox olduğundan gün ərzində laboratoriyalara daxil olan test nümunələri nəzərdə tutulduğundan 2 dəfə (19178 test) artıb", - deyə məlumatda bildirilir. 

0
Teqlər:
test, korona virusu, Koronavirus, epidemiya, COVID-19, Tibbi Ərazi Bölmələrini İdarəetmə Birliyi, TƏBİB
Bakı şəhərinə mənzərə, arxiv şəkli

Azərbaycanın xoşbəxtlər arasında yeri açıqlanıb

11
(Yenilənib 18:34 26.11.2020)
Xoşbəxtlik indeksinə görə, Rusiya bu siyahıda 71, Türkiyə 91, Ermənistan 114, Gürcüstan 115, İran 116-cı yerdə qərarlaşıb.

BAKI, 26 noyabr — Sputnik. Dünya ölkələrinin xoşbəxtlik indeksi açıqlanıb.  

Sputnik Azərbaycan-ın theglobaleconomy.com-a istinadən xəbərinə görə, xoşbəxtlik indeksinə görə, Azərbaycan 5.16 indeksi ilə 150 ölkə sırasında 87-ci olub.

Rusiya bu siyahıda 71, Türkiyə 91, Ermənistan 114, Gürcüstan 115, İran 116-cı yerdə qərarlaşıb.

Qeyd edək ki, xoşbəxtlərin siyahısında ilk üçlükdə ardıcıl olaraq Finlandiya, Danimarka və İsveçrə qərarlaşıb.

11
Teqlər:
Gürcüstan, Ermənistan, Türkiyə, İsveçrə, Danimarka, Finlandiya, Azərbaycan, Rusiya
Fransa Senatının binası, arxiv şəkli

Fransa Senatının Qarabağla bağlı qətnaməsinə Rusiya Dövlət Dumasından reaksiya verildi

0
(Yenilənib 19:47 26.11.2020)
"Natsionalnaya oborona" jurnalının baş redaktoru, hərbi ekspert İqor Korotçenko xatırladıb ki, Fransa əvvəl də balansa riayət etmirdi və açıq şəkildə Ermənistanın maraqlarına lobbiçilik edirdi:

BAKI, 26 noyabr — Sputnik. Fransa Senatı, Fransa hökumətini Azərbaycan ərazisindəki saxta "Dağlıq Qarabağ Respublikası" (DQR) rejiminin "müstəqilliyini" tanımağa çağıraraq, Rusiyanın Dağlıq Qarabağ münaqişəsinin həllinə dair səylərini pozmağa çalışdı. Sputnik Azərbaycan "Vestnik Kafkaza"-ya istinadən xəbər verir ki, bunu Rusiya Dövlət Dumasının MDB İşləri, Avrasiya İnteqrasiyası və Həmvətənlərlə Əlaqələr Komitəsinin rəhbəri Leonid Kalaşnikov bildirib.

"Mən Rusiyanın müharibəni sona çatdırması və münaqişə tərəflərini normal nizamlanma yoluna gətirməsinə görə Fransa, həmçinin ABŞ-dan inciklikdən başqa bir şey gözləmirdim. İşlərin sülhə doğru getdiyini, tərəflərin razılığa gəldiyini görən Paris bu prosesi pozmaq, hər hansı bir gərginlik yaratmaq cəhdlərini bərpa etdi", - deyə Kalaşnikov qeyd edib.

O qeyd edib ki, hazırkı mərhələdə bu cür addımlar tamamilə qeyri-konstruktivdir: "Hazırda bu cür müdaxilələr, xüsusi ilə Minsk Qrupunun həmsədrinin müdaxiləsi sadəcə yolverilməzdir. Bu qətnamə Cənubi Qafqazda heç kimə xeyir verməyəcək".

"Natsionalnaya oborona" jurnalının baş redaktoru, hərbi ekspert İqor Korotçenko xatırladıb ki, Fransa əvvəl də balansa riayət etmirdi və açıq şəkildə Ermənistanın maraqlarına lobbiçilik edirdi:

"İndi isə bu, bir daha təsdiqləndi, artıq Senatda deputat çoxluğu ilə. Hüquqi cəhətdən bu qətnamənin heç bir çəkisi yoxdur, siyasi cəhətdən isə o, Fransanın Dağlıq Qarabağ münaqişəsinin nizamlanmasında öz təsirini bərpa etmək üçün son cəhdi idi. Lakin əməldə bu, Parisin vasitəçilik missiyasından imtinasıdır".

Ekspert vurğulayıb ki, bu qətnamə heç bir halda Rusiya və Türkiyənin Cənubi Qafqazda mövqelərinə təsir etməyəcək: "Ümumiyyətlə, bu, sadəcə Parisin maraqlarına zərbə vuracaq olan axmaq hərəkətdir. Fransanın tərəfdaş və ya rəqib olmasından asılı olmayaraq, Azərbaycanın müvafiq nəticələr çıxaracağı aydındır".

Qeyd edək ki, Fransa Senatı qondarma "Dağlıq Qarabağ Respublikası"nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

Sənədin lehinə 305 senator səs verib. Bir nəfər isə əleyhinə olub. Sənəd tövsiyə xarakteri daşıyır.

Fransa Xarici İşlər Nazirliyi artıq Senatın qərarına münasibət bildirib: Parisin "Dağlıq Qarabağın müstəqilliyi"ni birtərəfli tanıması nə Ermənistana, nə Qarabağ xalqına, nə də Fransanın özünə fayda vermir.

Fransanın Xarici İşlər Nazirliyinin dövlət katibi Jan Batist Lemuanın sözlərinə görə, bu addım Fransa hökumətinin, rəsmi Parisin başqa partnyorlarının siyasətini əks etdirməyəcək.

Xarici İşlər Nazirliyinin dövlət katibi qeyd edib ki, beynəlxalq ictimaiyyət, o cümlədən Ermənistan qondarma Dağlıq Qarabağın müstəqilliyini tanımayıb.

Diplomatın sözlərinə əsasən, bu addım Fransa hökumətinin siyasətini əks etdirmir: "Dağlıq Qarabağ münaqişənin həlli tək tərəfli deyil, iki tərəf arasındakı dialoqdan asılıdır. Bu gün tərəflər həmsədrlərin dialoqu davam etdirmək üçün dəstəyinə ehtiyac duyurlar".

0
Teqlər:
Kalaşnikov, Leonid Kalaşnikov, Rusiya Dövlət Duması, Qarabağ, Fransa Senatının qətnaməsi, Fransa Senatının qərarı, Senat, Fransa