Abşeron Gənclər Şəhərciyindən bir görünüş

Nəhəng şəhərciyin sakinləri elementar problemdən əziyyət çəkirlər

939
Burada 5 min mənzil, minlərlə sakin var, lakin...

BAKI, 28 iyul — Sputnik. Xırdalan şəhəri Abşeron Gənclər Şəhərciyinin bir qrup sakini Sputnik Azərbaycan-ın redaksiyasına müraciət edib. Sakinlər bildirirlər ki, Şəhərcikdə 5 minə yaxın mənzil var və burada minlərlə sakin yaşayır.

"Buna baxmayaraq, bu boyda Şəhərcikdə bir dənə bankomat fəaliyyət göstərir ki, o da "Beynəlxalq Bank"a məxsusdur. Üstəlik Şəhərciyin yanında bir orta məktəb, bir uşaq bağçası, yaxınlıqda digər müəssisələr fəaliyyət göstərir. Həmin məktəb və bağçaların işçilərinin maaşı "Kapital Bank"a məxsus bankomatlardan çıxarılır. Nə Şəhərcikdə, nə də yaxınlıqda "Kapital Bank"a məxsus bankomat olmadığı üçün bu insanlar ciddi sıxıntı yaşayırlar" — deyə sakinlər vurğulayırlar.

Müraciət müəllifləri Sputnik Azərbaycan vasitəsi ilə digər bankların, xüsusilə "Kapital Bank"ın rəhbərliyindən xahiş edirlər ki, Şəhərcik ərazisinə ən azı bir bankomat quraşdırılsın: "Razılaşın ki, kiçik rayonun əhalisi qədər əhalisi olan Abşeron Gənclər Şəhərciyi üçün cəmi bir bankomatın fəaliyyət göstərməsi məntiqsizdir. Ayrıca, həmin bankomatda da bəzi vaxtlarda pul olmadığını, yaxud qarşısında böyük növbə yaşandığını da qeyd etsək, vəziyyətimizin nə dərəcədə acınacaqlı olduğunu təssəvvür edə bilərsiniz".

Məsələ ilə bağlı "Kapital Bank"ın mətbuat xidməti ilə əlaqə saxladıq. Oradan bildirdilər ki, xeyli sayda insan "Kapital Bank"dan əmək haqqı və pensiya aldığı üçün, Banka belə müraciətlər tez-tez gəlir: "Bununla bağlı Bankın müvafiq struktur bölmələri rəy bildirdikdən sonra orada bankomatın qoyulub-qoyulmayacağı ilə bağlı qərar verilir. O ki qaldı Abşeron Gənclər Şəhərciyinə, çalışacağıq ki, sakinlərin rahatlığını təmin etmək üçün tezliklə Abşeron Gənclər Şəhərciyində bankomat quraşdıraq".

939
Teqlər:
Sputnik Azərbaycan, bankomat, sakin, Abşeron Gənclər Şəhərciyi, Xırdalan, bank
Əlaqədar
Yeni hərbi şəhərciklər istifadəyə verildi
Bakıda çadır şəhərciyi: orada 150 ailə yaşayır
Cəbhəboyu zonada yeni hərbi şəhərciyin açılışı olub
Ali Baş Komandan hərbi şəhərciyin açılışında iştirak edib
Elmi mərkəzdə seysmoqraf, arxiv şəkli

Azərbaycanda zəlzələ olub - bu dəfə Kür qırağı silkələnib

0
Zəlzələ yerli vaxtla saat 12:16-da Cəlilabad stansiyasından 63 km şərqdə Neftçala rayonunda qeydə alınıb. Zəlzələnin maqnitudası 3,5, dərinliyi 40 km olub.

BAKI, 25 noyabr — Sputnik. Neftçala rayonunda zəlzələ olub.

Sputnik Azərbaycan-ın Respublika Seysmoloji Xidmət Mərkəzinə istinadən xəbərinə görə, zəlzələ yerli vaxtla saat 12:16-da Cəlilabad stansiyasından 63 km şərqdə Neftçala rayonunda qeydə alınıb. Zəlzələnin maqnitudası 3,5, dərinliyi 40 km olub.

Zəlzələ hiss olunmayıb.

0
Köhnə avtobus, arxiv şəkli

Bakıda dizel yanacağı ilə işləyən sərnişin avtobusları istismardan çıxarılacaq

2
(Yenilənib 15:28 25.11.2020)
BNA: "Gələcək planlarda isə həmçinin, elektrik enerjisi ilə işləyən avtobusların gətirilməsi də nəzərdə tutulur".

BAKI, 25 noyabr — Sputnik. Yaxın gələcəkdə Bakı şəhərinin sərnişindaşımasında istismarda olan dizel yanacaqlı avtobuslar kənarlaşdırılacaq. Sputnik Azərbaycan-ın məlumatına görə, bunu "Caspian Energy Club"ın təşkilatçılığı ilə keçirilən "Online Baku City Forum"da çıxış edən Bakı Nəqliyyat Agentliyinin (BNA) Yol hərəkətinin təşkili şöbəsinin müdiri Tərlan Səfərov deyib.

Onun sözlərinə görə, hazırda dövlət sifarişi ilə ölkəyə avtobus gətirən sahibkarlara avtobusların CNG yanacağı ilə işləyən, mütləq ekoloji təmiz olması tapşırılır: "Gələcək planlarda isə həmçinin, elektrik enerjisi ilə işləyən avtobusların gətirilməsi də nəzərdə tutulur".

2
Teqlər:
sərnişin avtobusu, sərnişin, BNA