Tənha qadın, arxiv şəkli

Azərbaycanda hər kəs o qadınlardan uzaq durmağa çalışır

642
(Yenilənib 14:05 27.07.2017)
"İşəgötürənlər belə qadınları işlə təmin etmirlər və bunun qarşısını almaq mümkün deyil"

Təranə Xudabaxşiyeva, Sputnik Azərbaycan

BAKI, 27 iyul — Sputnik. Azərbaycanda körpəsi olan və ya azyaşlı uşaqları olan qadınlar iş tapmaqda çətinlik çəkirlər. Daha doğrusu, iş tapırlar, amma işə qəbul zamanı həmin qadının azyaşlı uşağının olduğunu bilən işəgötürən müxtəlif bəhanələrlə onunla müqavilə bağlamaqdan imtina edir.

Belə halların baş verməməsi üçün, qadınlar əksər hallarda işəgötürənə uşaqlarının olmadığını deyərək yalan danışmaq məcburiyyətində qalırlar. Sputnik Azərbaycan problemin səbəb və həllini peşəkarlardan soruşub.

Sosioloq Əhməd Mansurov bildirib ki, cəmiyyətdə belə bir problemlər var və bu, kifayət qədər çoxluq təşkil edir: "Bu problem ondan qaynaqlanır ki, işəgötürən şəxs kadr potensialını yox, işə götürdüyü adamın şəxsi həyatını qiymətləndirir. Çünki xüsusilə azyaşlı uşaqları olan valideynlər tez-tez işə gecikir və icazələr alırlar. Bunlar da işəgötürənə sərf eləmir".

"Eyni zamanda, işəgötürənlər işçiləri daha çox istismar etməyə çalışır. Amma onlar azyaşlı qadınları istismar edə bilmirlər. Əslində isə müdir şərait yaratmalıdır ki, körpəsi olan qadınlar işdən daha tez getsinlər. Bu da onlara qətiyyən sərf eləmir" — mütəxəssis qeyd edib.

"İş yerlərində mütəmadi olaraq bu problem yarandığından, işəgötürənlər təcrübəyə əsaslanaraq körpəsi olan qadınları işə götürmək istəmirlər. Sadəcə xanımlar işə qəbul zamanı işə diqqət ayıracağını sübut etməlidir ki, işəgötürən ona inansın və işlə təmin eləsin" – deyə sosioloq əlavə edib.

Millət vəkili Aytən Mustafayeva Sputnik Azərbaycan-a açıqlamasında qeyd edib ki, işəgötürən əvvəlcədən işə qəbul etdiyi şəxsin qarşısında şərtlərini qoyur: "İşəgötürən müqavilə əsasında işçini işə götürür. Bu zaman qadın iş şərtləri ilə razı olursa, uşağına yeni iş rejimi şəraitində necə baxacağını nəzərə almalıdır. İşəgötürəni də anlamaq lazımdır. Axı işəgötürənə də işçi lazımdır. Qadın hər dəfə icazə alarsa, işin öhdəsindən gələ bilməyəcək və işəgötürənin işləri ləngiyəcək. Bu da heç bir müdirə sərf eləmir".

"İşəgötürmə müqavilə ilə olur. Təbii ki, işçi müqavilə şərtlərini pozarsa, işəgötürən müqaviləni poza bilər" — millət vəkili bildirib.

Vətəndaşların Əmək Hüquqlarının Müdafiə Liqasının sədri Sahib Məmmədov isə iddia edir ki, bu halların baş verməsi azyaşlı uşaqları olan qadınlara qarşı ayrı-seçkilikdir: "Belə qadınların hüquq və imtiyazları var. İşəgötürənə belə şəxslər sərf eləmir. Çünki bu halda hüquq və imtiyazların təmin edilməsi işəgötürənin öhdəsinə düşür".

"Məsələn, körpəsi olan qadınlar natamam iş rejimində işləməlidirlər, uşaq 3 yaşına çatana kimi qadın işdən çıxarıla bilməz, uşaq xəstələnərsə, 2 həftəlik bülletenə çıxa bilər və bu zaman həmin işçinin əmək haqqı tam ödənilməlidir" — S. Məmmədov vurğulayıb.

Onun sözlərinə görə, bu səbəblərdən də onları işə götürmürlər: "Eyni zamanda, potensial ana olacaq xanımları, yəni tezliklə ərə gedəcək qadınları işə götürmürlər ki, yaxın zamanda həmin xanım uşaq dünyaya gətirəcək, analıq məzuniyyətinə çıxacaq və bu da işəgötürənə sərf etməyəcək. Məhz bu səbəblərdən işəgötürənlər belə qadınları işlə təmin etmirlər və bunun qarşısını almaq mümkün deyil".

642
Teqlər:
Millət vəkili Aytən Mustafayeva, Sosioloq Əhməd Mansurov, azyaşlı uşaq, işəgötürənlər, Sputnik Azərbaycan, , Sahib Məmmədov, körpə, Azərbaycan, qadın
Əlaqədar
Bakıda olimpiya çempionunun vurduğu qadın ölüb
Qaxda 40 yaşlı qadın meşədəki ən hündür ağacdan özünü asıb
Təhlükəli xəstəliyin daşıyıcılarının böyük əksəriyyəti qadınlardır
Yaşlı qadın həkimləri heyrətə saldı
Kişiləri qadınlardan "mühafizə" etmək üçün xüsusi otaqlar ayrılıb
Qadınlar hamilə qala bilmirlərsə, diş həkiminə getsinlər
 Distant təhsil, arxiv şəkli

"Virtual məktəb" platforması yenilik: Azərbaycan dilində fəaliyyət göstərəcək

2
(Yenilənib 17:40 28.10.2020)
"Noyabr ayının 2-dən etibarən "Virtual məktəb" platforması tam Azərbaycan dilində bir portal olacaq. Şagird və müəllimlər ana dilində bu platformadan daha rahat istifadə edə biləcəklər"

Zülfiyyə Quluyeva, Sputnik Azərbaycan

BAKI, 28 oktyabr — Sputnik. Noyabrın 2-dən etibarən "Virtual məktəb" platforması Azərbaycan dilində fəaliyyət göstərəcək. Bu məlumatı Sputnik Azərbaycan-a açıqlamasında Təhsil Nazirliyi yanında Təhsilin İnformasiyalaşdırılması İdarəsinin şöbə müdiri Fidan Nəcəfova verib. O bildirib ki, bu həftə həmin məsələ ictimaiyyətə elan ediləcək:

"Biz bununla bağlı hələ yayda açıqlama vermişdik ki, oktyabr ayında "Virtual məktəb" platformasının ana dilində istifadəsi mümkün olacaq. Qeyd edim ki, "Virtual məktəb" platformasından türk dilində istifadə mümkün idi. Amma rus dilində təhsil alan şagirdlər türk dili ilə bağlı müəyyən problem yaşayırdılar. Artıq noyabr ayının 2-dən etibarən "Virtual məktəb" platforması tam Azərbaycan dilində bir portal olacaq. Şagird və müəllimlər ana dilində bu platformadan daha rahat istifadə edə biləcəklər".

Xatırladaq ki, Təhsil Nazirliyinin Təhsil Sisteminin İnformasiyalaşdırılması İdarəsinin rəisi Vüsal Xanlarov brifinqlərin birində "Microsoft Teams" platformasının Azərbaycan dilinə tərcümə olunmasını diqqətə çatdırmışdı. O bildirmişdi ki, bununla bağlı "Microsoft Teams" şirkətinə müraciət edilib və artıq tərcümə prosesi gedir. Yay aylarında isə şirkət tərəfindən 30 min istifadəçiyə proqramdan istifadə qaydaları ilə bağlı təlim keçilib.

2
Əlaqədar
Nazirin açıqlaması ilə məhv olan ümidlər: onda bəs Virtual Məktəb nəyə gərək idi?
Birinci sinif üzrə də "Virtual Məktəb"də qeydiyyata başlanılıb
Uşaqlar virtual və real məktəb arasında seçim edirlər – SORĞU
Təki oxumağa istək olsun: "Virtual məktəb"ə direktorlar da nəzarət edəcək
Oljas Süleymenov, arxiv şəkli

Məşhur qazax yazıçısı Ermənistanın cinayətlərinə görə Minsk qrupunu qınadı

10
(Yenilənib 17:37 28.10.2020)
Oljas Süleymenov: "Beynəlxalq hüquqda da şəhərləri raket atəşinə tutmaq qadağandır. Ermənistan isə bu müddəanı kobud şəkildə pozur".

BAKI, 28 oktyabr — Sputnik. Qazaxıstanın tanınmış yazıçısı, ictimai xadim, diplomat, Azərbaycanın "Dostluq" və "Şöhrət" ordenləri ilə mükafatlandırılmış Oljas Süleymenov Azərbaycan xalqına müraciət edib.

Sputnik Azərbaycan xəbər verir ki, yazıçı bu tarixi günlərdə Azərbaycanın yanında olduğunu bildirib:

"Bu yaxınlarda Moskvadan gələn bir jurnalist mənimlə söhbət etdi. Sual verməzdən əvvəl qayıtdı ki, siz əlbəttə ki, Azərbaycanın tərəfindəsiniz. Dedim Azərbaycan futbol komandası deyil ki, onun tərəfdarı olum. Azərbaycan mənim doğma ölkəmdir, qardaş xalqdır. Bu böyük xalqın təəssübünü çəkirəmsə, bunu ürəkdən, səmimi qəlbdən çəkirəm. Vaxtilə, hələ sovet dövründə Bakıda, Gəncədə, Şuşada, Füzulidə gözəl günlərimiz olub. O vaxtlar oralara sərbəst gedib-gəlmək olurdu. İndi də orada baş verənlərdən xəbərim var. 30 ildir hamımız bu ağrı-acılarla yaşayırıq. 80-ci illərin sonu, 90-cı illərin əvvəlindən başlayan faciələr hamımızı kədərləndirir. Qara Yanvar günlərində də orada olmuşdum".

O.Süleymenovun fikrincə, bu gün baş verənlər ATƏT-in Minsk qrupunun səriştəsizliyinin nəticəsidir: "Əfsuslar olsun ki, bu 30 il ərzində onlar heç bir iş görmədilər. Ona görə də Azərbaycan məcbur olub özü torpaqlarını azad etməyə başladı. Gəncəyə raket atıldığını eşidəndə, sözsüz ki, çox narahat oldum. Bu, qəti qadağan olunan hücumdur, xalis təxribat əməlidir. Beynəlxalq hüquqda da şəhərləri raket atəşinə tutmaq qadağandır. Ermənistan isə bu müddəanı kobud şəkildə pozur".

Daha sonra qazaxıstanlı yazıçı qeyd edib:

"Ümidvaram ki, 30 ildir işğal altında olan torpaqlar azad olunacaq. Həmçinin Minsk qrupunun da Azərbaycanın öz torpaqları uğrundakı bu mübarizəsinə, öz gücü ilə azad etməsinə layiqincə qiymət verəcəyinə inanıram. Doğma Azərbaycana uğurlar, torpaqlarına əmin-amanlıq arzulayıram. Azərbaycan xalqına sevgimi, rəğbətimi bildirir, sülh və əmin-amanlıq, işıqlı günlər diləyirəm".

10
Əlaqədar
Oljas Süleymenov Stalinin saxtakarlığından danışır
Oljas Süleymenov: "Bakının haqqını vermək lazımdır"