Qaçqın, məcburi köçkün, yetim, kimsəsiz, eləcə də digər aztəminatlı ailələrdən olan uşaqlar üçün peşəyönümlü kursların təşkili layihəsi başa çatıb

Bakıda 80 nəfər uşağa peşə öyrədilib

157
(Yenilənib 15:04 25.07.2017)
Qorxmaz İbrahimli: "Uşaqların öyrəndikləri bu peşələr gələcəkdə daha irəli getmələrinə yardım edəcək"

BAKI, 25 iyul — Sputnik. "Biosfer" İctimai Birliyinin, Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurasının maliyyə dəstəyi ilə həyata keçirdiyi "Qaçqın, məcburi köçkün, yetim, kimsəsiz, eləcə də digər aztəminatlı ailələrdən olan uşaqlar üçün peşəyönümlü kursların təşkili" layihəsi başa çatıb. Sputnik Azərbaycan xəbər verir ki, bununla əlaqədar bu gün Beynəlxalq Mətbuat Mərkəzində mətbuat konfransı keçirilib.

  • Biosfer İB-nin sədri Qorxmaz İbrahimli
    "Biosfer" İB-nin sədri Qorxmaz İbrahimli
    © Sputnik / Murad Orujov
  • Qaçqın, məcburi köçkün, yetim, kimsəsiz, eləcə də digər aztəminatlı ailələrdən olan uşaqlar üçün peşəyönümlü kursların təşkili layihəsi başa çatıb
    "Qaçqın, məcburi köçkün, yetim, kimsəsiz, eləcə də digər aztəminatlı ailələrdən olan uşaqlar üçün peşəyönümlü kursların təşkili" layihəsi başa çatıb
    © Sputnik / Murad Orujov
  • Qaçqın, məcburi köçkün, yetim, kimsəsiz, eləcə də digər aztəminatlı ailələrdən olan uşaqlar üçün peşəyönümlü kursların təşkili layihəsi başa çatıb
    "Qaçqın, məcburi köçkün, yetim, kimsəsiz, eləcə də digər aztəminatlı ailələrdən olan uşaqlar üçün peşəyönümlü kursların təşkili" layihəsi başa çatıb
    © Sputnik / Murad Orujov
  • Qaçqın, məcburi köçkün, yetim, kimsəsiz, eləcə də digər aztəminatlı ailələrdən olan uşaqlar üçün peşəyönümlü kursların təşkili layihəsi başa çatıb
    "Qaçqın, məcburi köçkün, yetim, kimsəsiz, eləcə də digər aztəminatlı ailələrdən olan uşaqlar üçün peşəyönümlü kursların təşkili" layihəsi başa çatıb
    © Sputnik / Murad Orujov
  • Layihə rəhbəri Tural Məmmədov
    Layihə rəhbəri Tural Məmmədov
    © Sputnik / Murad Orujov
  • Təlimçi Zülfiyyə Salayeva
    Təlimçi Zülfiyyə Salayeva
    © Sputnik / Murad Orujov
  • Qaçqın, məcburi köçkün, yetim, kimsəsiz, eləcə də digər aztəminatlı ailələrdən olan uşaqlar üçün peşəyönümlü kursların təşkili layihəsi başa çatıb
    "Qaçqın, məcburi köçkün, yetim, kimsəsiz, eləcə də digər aztəminatlı ailələrdən olan uşaqlar üçün peşəyönümlü kursların təşkili" layihəsi başa çatıb
    © Sputnik / Murad Orujov
  • Qaçqın, məcburi köçkün, yetim, kimsəsiz, eləcə də digər aztəminatlı ailələrdən olan uşaqlar üçün peşəyönümlü kursların təşkili layihəsi başa çatıb
    "Qaçqın, məcburi köçkün, yetim, kimsəsiz, eləcə də digər aztəminatlı ailələrdən olan uşaqlar üçün peşəyönümlü kursların təşkili" layihəsi başa çatıb
    © Sputnik / Murad Orujov
1 / 8
© Sputnik / Murad Orujov
"Biosfer" İB-nin sədri Qorxmaz İbrahimli

Konfransı giriş sözü ilə açan "Biosfer" İB-nin sədri Qorxmaz İbrahimli bildirdi ki, təşkilat 2003-cü ildə təsis edilib və qeydiyyatdan keçib: "Bu günə qədər daxili donoların yardımları ilə bir sıra layihələr həyata keçirmişik. Bu gün fəxrlə deyə bilərik ki, dövlətimizin belə layihələri maliyyələşdirməyə imkanı var".

"Bu gün yekun mətbuat konfransına toplaşdığımız layihə çox nəcib məqsədlərə xidmət edir. Bu müddətdə uşaqların öyrəndiyi bu peşələr onların gələcəkdə daha irəli getmələrinə yardım edəcək" — Q. İbrahimli əlavə edib.

Daha sonra layihə rəhbəri Tural Məmmədov bildirib ki, "Qaçqın, məcburi köçkün, yetim, kimsəsiz, eləcə də digər aztəminatlı ailələrdən olan uşaqlar üçün peşəyönümlü kursların təşkili" layihəsi cari ilin may-iyun-iyul aylarını əhatə edib: "Biz uşaqlar üçün hər ay 24 kurs təşkil etmişik və hər iki həftədən bir ictimaiyyət üçün açıq olan təlimlər keçirmişik. Təlimlər Mərdəkan və Şüvəlan qəsəbələrində həyata keçirilib".

"Təlimlərdə 80 uşaq cəlb olunub ki, onların da 40 nəfəri qız, 40 nəfəri oğlandır. Qızlar üçün tikmə-hörmə, oğlanlar üçün müxtəlif suvenirlərin, təsvirlər və formaların hazırlanması kursları təşkil edilmişdi. Hesab edirik ki, layihəmiz uğurlu oldu" — T. Məmmədov əlavə edib.

Tədbirdə çıxış edən təlimçilərdən Zülfiyyə Salayeva qeyd edib ki, uşaqlar yeni peşələr öyrənməyə maraqlıdırlar: "Onlar öyrəndikləri sənətlər əsasında gələcəkdə özləri üçün işlər qura bilər. Biz öz biliyimizin yetdiyi qədər, nəyi bildiksə, onu uşaqlara öyrətdik. Uşaqlar arasında sorğular da apardıq. Gələcək üçün onların maraqlarını öyrəndik. Uşaqlarımız bu sənətlərin öyrənilməsinə xüsusi maraq göstərirlər".

Daha sonra təlimlərdə iştirak edən uşaqlar və onların valideyinləri və digər qonaqlar öz fikirlərnini bildiriblər.

157
Teqlər:
"Qaçqın, məcburi köçkün, yetim, kimsəsiz, eləcə də digər aztəminatlı ailələrdən olan uşaqlar üçün peşəyönümlü kursların təşkili" layihəsi, Tural Məmmədov, "Biosfer" İctimai Birliyi, Qorxmaz İbrahimli
Əlaqədar
Azərbaycanın bu bölgəsində möcüzə uşaq yaşayır
Paytaxtda azyaşlı uşaqlar və analar yoxa çıxırlar
Kimsəsiz oğlan uşaqları təlimə cəlb olunub
Uşaqlar üçün təlim keçirilib
Kəlbəcərə mənzərə, arxiv şəkli

Kəlbəcərdə hər il 50 mindən artıq insan müalicə alırdı - Xidmət rəisi

2
(Yenilənib 18:09 29.11.2020)
"Bu yataqların gündəlik debiti 3080 kubmetr təşkil edir. Burada ötən əsrin 80-ci illərində 800 min litr termal su bağlanırdı"

BAKI, 29 noyabr — Sputnik. Kəlbəcər təkcə filiz və ya qeyri-filiz yataqları ilə deyil, həm də termomineral suları ilə zəngindir. Sputnik Azərbaycan-ın məlumatına görə, bunu Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin rəisi Əli Əliyev deyib. Xəzər TV-nin "Birinci Studiya" verilişinin qonağı olan Ə.Əliyev deyib ki, Kəlbəcərdə "İstisu" və "Tutqun" termal-mineral iri su hövzələri mövcuddur. Onun sözlərinə görə, bu hövzələrin hər birində 4 yataq var: "Bu yataqların gündəlik debiti 3080 kubmetr təşkil edir. Burada ötən əsrin 80-ci illərində 800 min litr termal su bağlanırdı. Eyni zamanda "İstisu" kurort-sanatoriya kompleksi fəaliyyət göstərirdi".

O deyib ki, Kəlbəcərdə bir ildə 50 mindən artıq insan müalicə alıb, şəfa tapırdılar.

2
Teqlər:
müalicə, termal sular, İstisu, Qarabağ, Kəlbəcər
Yanğınsöndürənlər, arxiv şəkli

Zavodun tavanı ailələrin başına uçdu, maşınlar partladı - Xırdalanda qorxunc olay

13
Yaşayış sahələrinin vəziyyətinin qiymətləndirilməsindən sonra ailələrin burada yaşamağının təhlükəli olduğu məlum olub. Dövlət Komitəsi məcburi köçkünlərin kirayə mənzillərə yerləşdirilməsi ilə bağlı qərar qəbul edib

BAKI, 29 noyabr - Sputnik. Xırdalanda məcburi köçkünlərin müvəqqəti məskunlaşma yerində baş vermiş uçqunla bağlı məlumat yayılıb.

Qaçqınların və Məcburi Köçkünlərin İşləri üzrə Dövlət Komitəsi mətbuat xidmətindən verilən məlumata görə, noyabrın 28-də Abşeron rayonunu, Xırdalan şəhərində keçmiş Yüngül Konstruksiyalar Zavodunda uçqun baş verib.

Hadisə ilə bağlı məlumat daxil olduqdan dərhal sonra Qaçqınların və Məcburi Köçkünlərin İşləri üzrə Dövlət Komitəsinin aidiyyəti şöbəsinin və yerli sektorunun nümayəndələri orada olub, ailələrin vəziyyəti ilə tanış olublar.

Yanğın baş verən ünvanda yaşayan 9 məcburi köçkün ailəsi müvəqqəti məskunlaşıb. Hadisə nəticəsində ölən və xəsarət alan olmayıb.

İlkin ehtimala görə, hadisə yağış sularının təsiri nəticəsində meydana gəlib. Belə ki, keçmiş zavodun beton tavanı uçaraq Kəlbəcər rayonundan məcburi köçkün Verdiyev Seymur Dilqəm oğluna məxsus "Mitsubishi" və Laçın rayonundan məcburi köçkün Məmmədov Taleh Zahid oğluna məxsus "Volkswagen" markalı iki avtomobilin üzərinə dağılıb. Nəticədə avtomobillərdə yanğınla müşahidə olunan partlayış baş verib. Yanğın dərhal söndürülüb.

Yaşayış sahələrinin vəziyyətinin qiymətləndirilməsindən sonra ailələrin burada yaşamağının təhlükəli olduğu məlum olub. Dövlət Komitəsi məcburi köçkünlərin kirayə mənzillərə yerləşdirilməsi ilə bağlı qərar qəbul edib.

Hazırda FHN-in mütəxəssisləri tərəfindən hadisənin başvermə səbəbləri araşdırılır.

Araşdırmadan sonra yekun rəy veriləcək. Rəy əsasında müvafiq hüquqi addımlar atılacaq.

13
Teqlər:
yanğın, partlayış, avtomobil, məcburi köçkünlər, bina, zavod, Xırdalan