Diləfruz Məmmədova

Aylıq 30 manat qarşılığında 142 illik yadigarı yaşadır

906
İnternet əsri qəzet və jurnalların dövrünü qapatmaqda olsa da, o, zövq aldığı işində əvvəlki həvəslə çalışır

İlham Mustafa, Sputnik Azərbaycan

BAKI, 22 iyul — Sputnik. O, 48 ildir mətbuat yayımı ilə məşğuldur. Hər səhər saat 8-də, ömrünün çox hissəsini keçirdiyi köşkünü açır. Yeni gələn qəzetləri köşkün qabağına düzür, köhnələri isə ayıraraq ayın sonunda qaytarmalı olduğu bağlamalara əlavə edir.

Az da olsa, gündəlik müştərilərinin sifarişlərini öz gəliş vaxtlarına uyğun olaraq bir tərəfə dəstələyir. Artıq neçə illərdir ki, onun doğma evi qədər əziz olan, 4.5 kvadrat metrlik kiçik köşkündə iş günü belə başlayır.

Diləfruz Məmmədova
© Sputnik / Ilham Mustafa
Diləfruz Məmmədova

Qəhrəmanım 79 yaşlı Tovuz rayon sakini Diləfruz Məmmədovadır. Tovuz rayonunda yerləşən "Azərmətbuatyayım"ın köşklərindən birində çalışır. İşlədiyi sahəyə təsadüf nəticəsində gəlsə də, sonrakı həyatını, demək olar ki, bu işə həsr edib. Yaşadığı rayonda insanların yenilənən informasiyalar, mətbu nəşrlər, idman və əyləncə sahəsində məlumatlar almasında böyük pay sahibi olub.

İnternet əsri qəzet və jurnalların dövrünü qapatmaqda olsa da, o, zövq aldığı işində əvvəlki həvəslə çalışır. Rayona yeni qəzet və jurnallar, ən geci 20 dəqiqəyə onun köşkündə düzülü olur.

Əvvəllərə baxanda qəzet-jurnal satışında çox böyük geriləmədən danışır Diləfruz xanım: "SSRİ-nin hər yerindən nəşrlər gəlirdi o vaxtlar. Abunə yazılanlardan da çox sifarişlər verilirdi. Sifarişi bir gün gecikəndə dava döyən adamlar da varıydı".

"Hamı oxuyurdu. İndi amma qəzet satışı çox zəifdir. Yəqin ki, əhalinin maddi çətinliyi də buna təsir göstərir. Bir çoxları isə heç maraqlanmırlar mətbuatla. Çox vaxt tanıdığım adamlara qəzet almağı təklif edirəm, "ona 40 qəpik verdiyimə tum alıb çırtlayaram" deyirlər" — müsahibimiz bildirir.

Diləfruz xanımın çalışdığı Azərmətbuatyayım köşkü
© Sputnik / Ilham Mustafa
Diləfruz xanımın çalışdığı "Azərmətbuatyayım" köşkü

Buna baxmayaraq, xüsusi qəzet həvəskarlarının hələ də olduğunu vurğulayır: "Hər gün eyni vaxtda gəlib öz qəzetlərini alan daimi müştərilər var. Onlar da olmasa, bəlkə buraxardım bu işi. Ən çox satılan isə krassvord qəzetləridir. Bundan başqa futbol və rəsmi qəzetlər də istəyirlər. Alınmayıb qalan qəzetləri isə ayda bir dəfə qaytarıram".

Qazanca gəlincə: "Burada satdığım məbləğin faizini alıram. Hər ay 300-350 manatlıq, bəzən 500 manatlıq qəzet satıram ki, bu da 10%-ə böləndə 30-35 manat edir. Əlavə kömək üçün dəftərxana ləvazimatları da satıram ki, gündəliyim çıxsın".

Artıq neçə illərdir köşk ikinci evinə çerilib Diləfruz xanımın. Bura gəlməyəndə evdə dayana bilmədiyini, köşkdə qəzetləri, jurnalları oxuduğunu, maraqlı bir şey olanda hər kəsə göstərmək istədiyini deyir: "Maraqlı bir şey oxuyanda bir qırağa qoyuram ki, gələn olanda göstrirəm. Maraqlananlar açıb baxanda deyirlər ki, "buna artıq internetdə rast gəlmişik". Əgər qəzetdə yazılanla internetdə olan eynidirsə, niyə pul verib almalıdırlar ki, qəzetləri?"

906
Teqlər:
köşk, Diləfruz Məmmədova, jurnal, Tovuz, qəzet, mətbuat, internet, yayım
Əlaqədar
İyirmi yeddi qəzetə maliyyə yardımı ayrılıb
Azərbaycanda qəzet və sayt bağlandı
Azərbaycanda qəzetin fəaliyyəti dayandırıldı
Bu qəzet bu gün sonuncu dəfə çıxır
Qəzetlər bu zərbənin altından necə qalxacaq?
Həblər, arxiv şəkli

Hər birimizin köməyinə çatan dərmanlarla bağlı qorxunc xəbərdarlıq - öldürə bilər

10
(Yenilənib 16:21 26.11.2020)
"Hər xəstəliyə antibiotik istifadə edilə bilməz. Bəzən insanlar özləri özlərini antibiotiklərlə müalicə edirlər. Ona görə də antibiotiklər reseptsiz buraxılmamalıdır"

Zülfiyyə Quluyeva, Sputnik Azərbaycan

BAKI, 26 noyabr — Sputnik. Azərbaycanda antimikrob dərmanların apteklərdə əhaliyə sərbəst satışı qadağan olunmalıdır. Bununla bağlı dövlət qurumları lazımi dəstək verməlidir. Bunu Ümumdünya Səhiyyə Təşkilatının (ÜST) Azərbaycandakı nümayəndəliyinin rəhbəri Hande Harmancı deyib. Onun sözlərinə görə, bu preparatlara əlçatanlığını azaltmaq lazımdır. "İnsanların antibiotiklərə qarşı davamlılığı ölçülməlidir. Bunun üçün Azərbaycanın lazımi laboratoriyaları var. Həmçinin, maarifləndirmə də olmalıdır. Bu gün apteklərdə hər kəs istənilən antibiotiki ala bilər. Bu cür dərmanlar açıq satışda var və buna heç bir nəzarət yoxdur. Bu, bizim problemimiz idi".

Qeyd edək ki, antibiotiklər yüngün soyuqlama zamanı hər birimizin köməyinə çatır. Ona görə də antibiotiklərin reseptlə satılması əhali tərəfindən birmənalı qarşılanmır. Sputnik Azərbaycan antibiotiklərin reseptsiz satışının fəsadlarını araşdırıb.

Professor Adil Qeybulla Sputnik Azərbaycan-a açıqlamasında antibiotiklərin reseptsiz satışının məhdudlaşdırılması ilə bağlı təklifləri dəstəklədiyini bildirib. A.Qeybulla deyir ki, apteklərdə antibiotiklərin reseptsiz satışı qanunda olan boşluqdan irəli gəlir. Onun sözlərinə görə, xarici ölkələrdə antibiotiklər reseptlə satılır:

"Antibiotiklərin həkim təyini olmadan istifadəsi çox risklidir. Bu, hətta ölümə belə gətirib çıxardır. Koronavirusun müalicəsində antibiotiklərdən istifadə məsləhət görülmür. Çox təəssüf ki, insanlar evdə müalicə zamanı kortəbii antibiotiklərdən istifadə edirlər. Bu isə anafilaktik şok, allergik təsirlər göstərə bilər. Antibiotiklərdən həkim təyinatı olmadan istifadə qulağı kar edə, böyrək problemlərinə səbəb ola bilər. Sovet dövründə antibiotiklərdən istifadə geniş yayılmışdı. İndi də bəzi insanlar həkim təyinatı olmadan antibiotikləri alaraq istifadə edirlər. Təbii ki, buna son qoyulmalıdır".

Səhiyyə Nazirliyinin İctimai Səhiyyə və Sanitariya-Epidemioloji Nəzarət Şöbəsinin müdiri Nəzifə Mürsəlova Ümumdünya Antimikrob Preparatlardan Düzgün İstifadəyə dair Maarifləndirmə Həftəsinə həsr olunmuş virtual mətbuat konfransında bildirib ki, hazırda antibiotiklər reseptlə buraxılan dərmanlar sırasındadır: "Bu gün apteklərdə hər kəs istənilən antibiotiki ala bilər. Bu cür dərmanlar açıq satışda var və buna heç bir nəzarət yoxdur. Bu, bizim problemimiz idi. Bu məsələ qanunvericilikdə tənzimlənir, təəssüf ki, bu tənzimlənmə kağız üzərində qalır. COVID-19 dövründə problem daha da artdı. Bu qanunvericiliyin yerlərdə işləməsi istiqamətində işlər gücləndirilməli, ona nəzarət artırılmalıdır. Dövlət səviyyəsində bu məsələyə sərt nəzarət olmalıdır".

Koronavirusdan ölüm artır - Səbəblər virusun özü qədər qorxuludur>>

Milli Məclisin Səhiyyə komitəsinin üzvü, deputat Müşfiq Məmmədli Sputnik Azərbaycan-a açıqlamasında bildirib ki, antibiotiklərin satışı "Əhalinin sağlamlığının qorunması haqqında" qanunla müvafiq qaydada tənzimlənir:

"Bu, qanunvericilikdə olan hər hansı boşluq yox, qanunun icrası ilə bağlı problemdir. Qanunların icra müxanizmi NK-nın müvafiq qərarları ilə tənzimlənir. Ola bilər ki, bu məsələ də icra mexanizmində yaranan anlaşılmazlıqla bağlı ola bilər. Qanun antibiotiklərin satışını kifayət qədər tənzimləyir. İşçi qaydada təlimatlarla bu məsələyə baxılmalıdır", - deyə deputat bildirib.

M.Məmmədli bildirir ki, antibiotiklərin kortəbii təyini mənfi təsirə səbəb ola bilər. Koronavirusla mübarizədə isə bu, daha təhlükəlidir: "Çünki koronavirusa yüngül yoluxmada müalicə əsasən orqanizmin gücləndirilməsi, immun sisteminin möhkəmləndirilməsi ilə bağlı aparılır. Antibiotiklərdən istifadə isə orqanizmi, immun sistemini zəiflədir. Bu, o demək deyil ki, xəstələrə antibiotik ümumiyyətlə təyin olunmamalıdır. Sadəcə olaraq bunun üçün tibbi göstəriş olmalıdır. Hər xəstəliyə antibiotik istifadə edilə bilməz. Bəzən insanlar özləri özlərini antibiotiklərlə müalicə edirlər. Ona görə də antibiotiklər reseptsiz buraxılmamalıdır. Bu, beynəlxalq təcrübəyə əsaslanır. Antibiotiklər həkimlərin təyinatı ilə resept əsasında satılmalıdır".

10
Teqlər:
Müşfiq Məmmədli, Nəzifə Mürsəlova, Adil Qeybulla, antibiotik, Koronavirus, epidemiya, COVID-19
Koronavirus testi, arxiv şəkli

TƏBİB Azərbaycanda koronavirus testlərinin bitməsi barədə məlumatlara aydınlıq gətirdi

10
(Yenilənib 19:41 26.11.2020)
Bu problemin aradan qaldırılması məqsədilə, simptomsuz təmaslılardan testlərin götürülməsinə müvəqqəti məhdudiyyət qoyulması qərara alınıb.

BAKI, 26 noyabr - Sputnik. Azərbaycanda koronavirus (COVID-19) ilə əlaqədar aparılan testlərin bitməsi barədə yayılan məlumatlar həqiqəti əks etdirmir.

Bu barədə Sputnik Azərbaycan-a TƏBİB-dən məlumat verilib. 

"Bildiririk ki, ölkəmizdə koronavirusun diaqnozu üçün kifayət qədər test ehtiyatı mövcuddur. Sadəcə olaraq, gün ərzində götürülən testlərin sayı çox olduğundan bu, laboratoriyaların iş gücünə təsir göstərir. Nəticədə, təbii olaraq testin nəticələri bir qədər gecikmiş olur", - TƏBİB bildirib.

Məlumatda o da qeyd olunub ki, bu problemin aradan qaldırılması məqsədilə, simptomsuz təmaslılardan testlərin götürülməsinə müvəqqəti məhdudiyyət qoyulması qərara alınıb.

"Hazırda ölkədə 37 laboratoriya mövcuddur. Bu laborotoriyalarda gündəlik 10 000 testin aparılması nəzərdə tutulurdu, artıq müraciətlərin sayı çox olduğundan gün ərzində laboratoriyalara daxil olan test nümunələri nəzərdə tutulduğundan 2 dəfə (19178 test) artıb", - deyə məlumatda bildirilir. 

10
Teqlər:
test, korona virusu, Koronavirus, epidemiya, COVID-19, Tibbi Ərazi Bölmələrini İdarəetmə Birliyi, TƏBİB

Rusiyalı sülhməramlılar Laçın dəhlizində təhlükəsizliyə necə nəzarət edirlər video

0
(Yenilənib 15:04 26.11.2020)
Rusiyalı sülhməramlıların Laçın dəhlizi ilə nəqliyyat hərəkətinin təhlükəsizliyini necə təmin etdiyini videoda izləyin.

Dağlıq Qarabağda Rusiya sülhməramlıları üçtərəfli sülh razılığı və atəşkəs rejiminin təmin edilməsinə nəzarət edir. 

Hərbçilər təmas xəttində yerləşən 23 müşahidə məntəqəsindən vəziyyəti gecə-gündüz müşahidə edir. Sülhməramlılar həm də Laçın dəhlizi boyunca hərəkətin təhlükəsizliyini təmin edirlər.

Kəlbəcərə ilk daxil olan Azərbaycan hərbçiləri - FOTOLAR>>

İstehkamçılar hərbi əməliyyatlardan zərər çəkən əraziləri minalardan təmizləyirlər. Mühəndis bölmələri yolları təmizləyir, bölgədə nəqliyyat hərəkətinin tənzimlənməsinə yardım edir, habelə yaşayış məntəqələrinin su, enerji və istilik tədarükünü bərpa edir.

0