Məmur yoxlaması. Arxiv şəkli

Artıq məmurlar qohumlarını öz yanlarına yığa bilməyəcəklər

1720
"Dövlət məmurları birmənalı olaraq onların üzərinə qoyulan vəzifələri zamanında icra etməlidirlər"

BAKI, 20 iyul — Sputnik. "Dövlət qulluğu üzrə yaradılmış reyestrə məlumat daxil etməyən vəzifəli şəxslər 300-600 manat cərimələnəcəklər". Bu barədə ötən günlərdə Dövlət İmtahan Mərkəzinin (DİM) Direktorlar Şurasının sədri Məleykə Abbaszadə açıqlama vermişdi.

“Konstitusiya” Araşdırmalar Fondunun prezidenti Əliməmməd Nuriyev
© Sputnik / Murad Orujov
“Konstitusiya” Araşdırmalar Fondunun prezidenti Əliməmməd Nuriyev

O, qeyd edib ki, reyestrdə hər bir dövlət qurumundan məsul şəxslərin adları yer alır: "Bu vaxta qədər 130 məsul şəxs dövlət qulluqçularının informasiya sistemində qeydiyyatdan keçib. Məsul şəxsləri müəyyən etməyən dövlət qurumlarına bu işi qısa zamanda həyata keçirməyi tövsiyə edirik. Bir daha xəbərdarlıq edirik ki, dövlət qulluqçuları barədə məlumatı reyestrə daxil etməyən vəzifəli şəxslər 300-600 man at cərimə ediləcək. Bundan başqa, reyestrdə dövlət qulluqçuları ilə bağlı müəyyən səhvlər var və bunları aradan qaldırmağı tövsiyə edirik. Məsələn, bəzi qurumlarda elektron bazada dövlət qulluqçularının telefon nömrələri qeyd edilmir".

Məsələ ilə əlaqədar "Konstitusiya" Araşdırmalar Fondunun rəhbəri, hüquqşünas Əliməmməd Nuriyev Sputnik Azərbaycan-a açıqlamasında deyib ki, "Dövlət qulluğu haqqında" qanunvericiliyin pozulması, dövlət qulluqçularının reyestrinə məlumatların daxil edilməməsi ilə bağlı İnzibati Xətalar Məcəlləsində müxtəlif sanksiyalar nəzərdə tutulub: "Dövlət Qulluqçuları Reyestrinə məlumatın vaxtında, tam və ya düzgün verilməməsinə görə vəzifəli şəxslər üç yüz manatdan altı yüz manatadək məbləğdə cərimə ediləcəklər. Bu, hər şeydən əvvəl dövlət orqanının rəhbərini daha məsuliyyətli etmək üçündür".

"Eyni zamanda, dövlət qulluğunda çalışan hər bir şəxs haqqında tam və ətraflı məlumatlar olmalıdır. Bu, həm dövlət qulluqçusunun identifikasiya edilməsinə, həm də zəruri əlaqə və əks əlaqə sisteminin qurulmasına gətirib çıxarmalıdır. Ümumiyyətlə isə dövlət qulluğuna qəbul olan hər bir şəxs özü, ailəsi haqqında ətraflı məlumat verməlidir. Reyestr məlumatları konfidensial xarakter daşıyır. Bura ancaq səlahiyyətli şəxslərin girişi var. Bu baxımdan həm də təhlükəsizlik təmin edilir" — Nuriyev bildirib.

Onun sözlərinə görə, digər tərəfdən, dövlət qulluqçusu haqqında məlumatların tam olmaması bütövlükdə dövlət qulluqçusunun fəaliyyətinin gələcəkdə qiymətləndirilməsində və bir çox digər məsələlərdə problem yarada bilir: "Bundan başqa, bu gün çox təəssüf ki, bəzi hallarda vakant yerlər ilə bağlı məlumatlar verilmir. Bu isə həmin yerlərə müqavilə əsasında ayrı-ayrı şəxslərin götürülməsinə gətirib çıxarır ki, bu da dövlət qulluğunun tamlığını, bütövlüyünü təmin etmir".

"Doğrudur, müqavilə əsasında işə götürülən şəxslər heç vaxt dövlət qulluqçusu ola bilmirlər. Çünki müvafiq test imtahanı və müsabiqədən keçməyiblər. Bu, onların da ziyanınadır. Çünki dövlət qulluqçusunun imtiyazları var. Boş yerlərə mütləq ya müsabiqə, ya da daxili müsahibə keçirilməlidir. Hətta, daxili müsahibə keçirilirsə, həmin yerlər tutulmursa, onda həmin yerlər müsabiqəyə çıxarılmalıdır" — Fond rəhbəri vurğulayıb.

Hüquqşünasın fikrincə, digər tərəfdən, ayrı-ayrı məmurların öz yaxın qohumlarını həmin vəzifələrə gətirilməsi məsələsi var: "Bu, bir sıra hallarda müvafiq sövdələşmələr də yaratmaq imkanına, potensialına malik olur".

Ə. Nuriyev deyib ki, "Dövlət qulluğu haqqında" qanunun tələblərinə görə, bütün vakansiyalar Dövlət İmtahan Mərkəzinə təqdim edilməlidir: "Mərkəz də həmin yerlər ilə bağlı müsabiqə elan etməlidir. Bu isə bütövlükdə dövlət qulluğunun həm təkmilləşdirilməsinə, həm keyfiyyətin artırılmasına, həm də rəqabətin güclənməsinə gətirib çıxardan bir amildir".

Hüquqşünas Ələsgər Məmmədli
© Photo : From the personal archive of Alesger Mamedli
Hüquqşünas Ələsgər Məmmədli

Hüquqşünas Ələsgər Məmmədli də Sputnik Azərbaycan-a açıqlamasında deyib ki, istənilən halda dövlət qulluqçuları qanunla onların üzərinə qoyulan vəzifələri icra etmə öhdəliyi daşıyırlar: "Və buna görə, əgər hər hansı bir formada həmin icradan yayınırlarsa, buna görə də hüquqi məsuliyyət məsələsi gündəmə gəlir. Əgər burada qəsd varsa, o zaman bununla bağlı Cinayət Məcəlləsinin müvafiq maddələri var. Amma qəsd yoxdursa, sadəcə səhlənkarlıqdırsa, o zaman inzibati pozuntu meydana gəlir və buna görə də cərimə nəzərdə tutulur".

"Bu, doğru yanaşmadır ki, dövlət qulluqçuları, dövlət məmurları birmənalı olaraq onların üzərinə qoyulan vəzifələri zamanında icra etməlidir. Bu gün biz çoxlu sayda bu cür problemlərlə üzləşirik. Görürsən ki, qanun konkret vaxt müəyyən etdiyi halda, onlar bunu etmirlər və düşünürlər ki, cəza almayacaqlar, cərimə edilməyəcəklər. Amma bu, belə olmamalıdır" — Məmmədli qeyd edib.

Onun sözlərinə görə, dövlət qulluqçusu və ya vətəndaş fərq qoyulmadan əgər qanunu pozan tərəf varsa, qanun qarşısında məsuliyyət daşımalıdır: "İndiyədək təəssüf ki, prosesin bu formada işləməsinin səbəbi vətəndaş və ya dövlət qulluqçuları, məmurlar arasında ayrı-seçkiliyin yaranması olub. Vətəndaş qanunu pozanda dərhal cərimələnir, amma dövlət məmuru bu işi görəndə heç onun ruhu incimir. Ona görə də ümid edirəm ki, qanun dəyişikliyi bundan sonra ciddi şəkildə nəzarət olunaraq tətbiq olunacaq. Çünki qanunda olması, hələ onun tətbiq olunması anlamına gəlmir".

Onun fikrincə, qanuna çox sayda yaxşı müddəalar yaza bilərsiniz, amma onu tətbiq etmədiyiniz zaman faktiki olaraq yenə də o qanunun bir əhəmiyyəti qalmır: "Məsələn, "İnformasiya əldə etmək haqqında" qanunda da dövlət qulluqçularının, yəni, dövlət vəzifəlilərinin qanunvericiliyə görə verməli olduğu informasiyanı verməməsi, sorğuya vaxtında cavab verməməsi ilə bağlı inzibati məsuliyyət nəzərdə tutulub. Amma indiyədək heç bir məhkəmə qərarı yoxdur ki, biz görək ki, jurnalistin sorğusuna cavab verməyən məmur cəzalandırılır. Ona görə qanunun olması hələ bəs deyil, qanunun icra mexanizminin də olması önəmlidir. Ümid edək ki, bu da icra olunacaq".

1720
Teqlər:
dövlət qulluğu, reyestr, hüquqşünas, Ələsgər Məmmədli, Sputnik Azərbaycan, "Konstitusiya" Araşdırmalar Fondu, Əliməmməd Nuriyev, cərimə, məmur
Əlaqədar
Prezident məmurlara dondurma aldı
Qanunsuz ağac kəsilməsinə yol verən məmur cəzalandı
Bakıda məmur özbaşınalığının üstü açıldı
Səlahiyyət həddini aşan məmur işdən qovuldu, iş prokurorluğa göndərildi
Rüşvətxor məmurların reyestri yaradılır
İlham Əliyev vətəndaşları narazı salan daha bir məmuru cəzalandırdı
Министерство труда и социальной защиты населения

Şəhid ailələri qazilərə ödəniləcək müavinətlərlə bağlı açıqlama verildi

12
Talıbov deyib ki, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri məlumatsızlıqdan irəli gəlir.

BAKI, 1 dekabr - Sputnik. Azərbaycanın ərazi bütövlüyü uğrunda döyüşlərdə şəhid olmuş qəhrəmanlarımızın ailələri və bu döyüşlərdə sağlamlığını itirmiş insanlarımız cənab Prezidentin tapşırığına uyğun olaraq hərtərəfli sosial təminat sistemi ilə əhatə olunublar.

Sputnik Azərbaycan xəbər verir ki, bu barədə Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsinin müdiri Fazil Talıbov məlumat verib.

Onun sözlərinə görə, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri isə məlumatsızlıqdan irəli gəlir. Onlar digər sosial ödənişlərlə (pensiya, müavinət) və sosial proqramlarla da əhatə olunurlar:

- Şəhidin vərəsələrinə sığorta ödənişi (11 min manat) verilir.
- Müharibə əlillərinə sığorta ödənişi (I dərəcə əlilliyi olan şəxslərə 8800 manat, II dərəcə əlilliyi olan şəxslərə 6600 manat, III dərəcə əlilliyi olan şəxslərə 4400 manat) ödənilir.

Əlavə olaraq, şəhid ailəsi üzvlərinə və müharibə əlillərinə:
- Əmək stajından asılı olaraq pensiya və ya müavinət ödənilir (orta məbləğ 400 manat);
- Onların əmək pensiyasının sığorta hissəsinə əlavə (55-110 manat) ödənilir;
- Prezidentin aylıq təqaüdü (210-300) ödənilir;
- Şəhid ailələrinin üzvlərinin və müharibə əlillərinin övladları və özləri təhsil haqqı ödəməkdən azad olunur;
- Protez və reabilitasiya vasitələri ilə pulsuz təmin olunurlar;
- Sanator-kurort müalicəsi üçün ildə 1 dəfə pulsuz göndərişlərlə təmin olunurlar;
- Aktiv məşğulluq proqramlarında (özünüməşğulluq, ödənişli ictimai işlər və s.) onlara üstünlük verilir;
- Onların məşğulluğunun təmin edilməsi üçün bütün işəgötürənlər üçün (dövlət və özəl) məcburi kvota müəyyən edilib;
- Şəhid ailəsi üzvləri və müharibə əlilləri üçün vergi, əmək qanunvericiliyində və s. üçün bir sıra güzəştlər də nəzərdə tutulub.

Ən önəmlisi isə mənzil şəraitinin yaxşılaşdırılmasına ehtiyacı olan şəhid ailələri və Qarabağ müharibəsi əlillərinə mənzillər və fərdi evlər, habelə müharibə əlillərinə avtomobillər dövlət tərəfindən təqdim edilir. İndiyədək bu kateqoriyadan olan şəxslərə 9000-ə yaxın mənzil və fərdi ev, habelə 7000-ədək avtomobil verilmişdir. Bu proqram hazırda uğurla davam etdirilir.

Beləliklə, şəhid ailələri və müharibə əlilləri mənzil və avtomobil təminatı, habelə birdəfəlik sığorta ödənişi ilə yanaşı, orta hesabla aylıq əsasda 700 manat sosial ödəniş alırlar. Bu ödənişlərin daha da təkmilləşdirilməsi, onların sosial müdafiəsinin daha da yaxşılaşdırılması istiqamətində mütəmadi iş aparılır.

12
Dəniz piyadaları döyüşlərdən daimi dislokasiya məntəqəsinə qayıdıb

Dəniz piyadaları döyüşlərdən daimi dislokasiya məntəqəsinə qayıdıb

11
(Yenilənib 19:03 01.12.2020)
Hərbi Dəniz Qüvvələrinin komandanı kontr-admiral Sübhan Bəkirov nümayiş etdirdikləri bacarıq və peşəkarlığa görə onlara Müdafiə Nazirliyinin rəhbərliyi adından təşəkkür edib.

BAKI, 1 dekabr — Sputnik. Vətən müharibəsində yüksək peşəkarlıq nümayiş etdirən Azərbaycan Hərbi Dəniz Qüvvələrinin dəniz piyadaları öz missiyalarını başa vuraraq hərbi hissəyə geri qayıdıb.

Müdafiə Nazirliyindən Sputnik Azərbaycan-a verilən məlumata görə, əvvəlcə xalqımızın ümummilli lideri Heydər Əliyevin, ölkəmizin müstəqilliyi və ərazi bütövlüyü uğrunda canından keçən şəhidlərin xatirəsi bir dəqiqəlik sükutla yad edilib. Hərbi orkestrin müşayiəti ilə dövlət himni ifa olunub.

© AR Ministry of Defence
Dəniz piyadaları döyüşlərdən daimi dislokasiya məntəqəsinə qayıdıb

Hərbi Dəniz Qüvvələrinin komandanı kontr-admiral Sübhan Bəkirov nümayiş etdirdikləri bacarıq və peşəkarlığa görə onlara Müdafiə Nazirliyinin rəhbərliyi adından təşəkkür edib.

11
Teqlər:
dəniz, Müdafiə Nazirliyi
Mövzu:
Azərbaycan və Ermənistan arasında müharibə

Azərbaycanda hansı yol hərəkəti qaydaları daha çox pozulur

0
(Yenilənib 19:23 01.12.2020)
Ölkə üzrə ən çox hansı yol hərəkəti qaydalarının daha çox pozulması ilə bağlı statistika açıqlanıb. Siyahıda birinci yeri icazə verilən sürət həddinin aşılması ilə əlaqədar qayda pozuntuları tutur.
İnfoqrafika: Azərbaycanda yol hərəkəti qaydalarının pozulması ilə bağlı statistika
© Sputnik / Elnur Salayev

Azərbaycanın yol polisi əməkdaşları bu ilin yanvar-sentyabr ayları ərzində ölkə yollarında sürücülərin yol hərəkəti qaydalarını pozması ilə bağlı təxminən üç milyon fakt qeydə alıblar. Dövlət Statistika Komitəsinin verdiyi məlumata görə, qayda pozuntularının üçdə biri icazə verilən sürət həddinin aşılması ilə əlaqədardır.

İkinci yeri nəqliyyat vasitəsini düzgün saxlamamaq və ya səhv yerə park etməklə bağlı cərimələr tutur - 20,7%. Üçüncü yerdə isə yol işarələri və ya nişanlarının tələblərinə əməl etməməklə bağlı qayda pozuntuları durur.

Qeyd etmək lazımdır ki, koronavirus pandemiyası 2020-ci il üzrə yol hərəkəti qayadalarının pozulması statistikasına da öz təsirini göstərib. Tutulan protokolların 4.1%-i nəqliyyatda sanitar-gigiyena və karantin rejimini pozanların payına düşür.

Ümumilikdə sürücülər qayda pozuntuları ilə bağlı dövlət xəzinəsini 93,2 milyon manat həcmində cərimə ödəməli olublar.

Yol hərəkəti qaydalarının pozulması halları ilə bağlı statistika Sputnik Azərbaycan-ın İnfoqrafikasında daha geniş şəkildə öz əksini tapıb.

0