Qadını qətlə yetirən adam

"Həbsdən çıxarkən araşdırılmalıydı ki, cəmiyyət üçün qədər təhlükəlidir"

1252
"Niyə o şəxs nəzarətə götürülməyib, dindirilməyib?"

İradə Cəlil, Sputnik Azərbaycan

BAKI, 12 iyul — Sputnik. Xəbər verildiyi kimi, Daşkəsən rayonunun Şahvələdli kənd sakini Rafiq Məmmədov, 1980-ci il təvəllüdlü həyat yoldaşı Kamilə Daşdəmir qızı Məmmədovanı və 20 günlük körpəsini yaşadığı evdə öldürüb. Hadisəni törətməkdə şübhəli bilinən Rafiq Ələkbərov Göygöl rayonu ərazisində tutularaq istintaqa təhvil verilib.

İlkin ehtimala görə, R. Ələkbərov qətli törədən zaman içkili olub. Onların yaşadığı evdə spirtli içki butulkaları aşkarlanıb. Hadisə barədə kənd sakinlərinə qətlə yetirilən qadının ilk nikahından olan 5 yaşlı qızı məlumat verib.

Sosioloq Əhməd Mansurov
© Photo : Şəxsi arxivindən
Sosioloq Əhməd Mansurov

R. Ələkbərovun bir neçə dəfə məhkumluq həyatı yaşadığı, bir neçə dəfə nikahda olduğu, məhkumluqlarının kökündə isə ailə münaqişələrinin durduğu deyilir. Onun birinci nikahından nəvəsinin də olduğu bildirilir.

Son zamanlar ailə münaqişəsi zəminində baş verən cinayət hadisələrinin sayı artıb. Valideynlər övladların, övladlar valideynlərin qatilinə çevrilib. Bəs belə hadisələrin kütləviləşməsində günahkar kimdir?

Sosioloq Əhməd Mansurovun Sputnik Azərbaycan-a açıqlamasına görə, bu cür cinayətlərin baş verməsi bir daha göstərir ki, ailə-məişət zəminində baş verən problemlər xüsusi diqqətdə saxlanmalı, araşdırmalar aparılmalı və ictimai müzakirələrə çıxarılmalıdır: "Həmçinin, xüsusi amansızlıqla törədilən cinayətlərin kökündə həmin şəxsin özünün də psixoloji problemləri dayanır. Baxın, vətəndaş bir dəfə ailədə cinayət törədir, həyat yoldaşını ağır yaralayır və həbs edilir. 2 il sonra körpəsini və həyat yoldaşını öldürür. Görək cəmiyyət nə edir? Əksəriyyət düşünür ki, qadın kişinin əşyasıdır, qadın döyülürsə, öldürülürsə, demək buna layiqdir. Bəs həmin şəxslər niyə öz analarını gözlərinin qarşısına gətirmirlər?!"

Sosioloq qeyd edir ki, ailə-məişət zəminində baş verən cinayətlərlə və cinayətkarlarla mübarizə prosesinə təkcə polis və ya digər icra orqanları deyil, xüsusi ailə problemləri üzrə ixtisaslaşan psixoloq və sosial işçilər də cəlb edilməlidir: "Son dövrlər vətəndaş cəmiyyətinə göstərilən dəstək buna kifayət etmir. Çünki bu sahəyə kifayət qədər dəstək göstərilmir".

"Məsələ burasındadır ki, həmin şəxs növbəti dəfə ailə həyatı quranda niyə axı heç bir şəxs tərəfindən nəzarətə götürülməyib, dindirilməyib? Və o, azadlığa çıxandan sonra onun cəmiyyət üçün təhlükəli olub-olmadığı araşdırılmayıb. Mütləq şəkildə ailə məişət cinayətləri törədən şəxslərlə ciddi psixo-sosial iş aparılmalıdır, onların yenidən cinayət törədib-törətməyəcəyi araşdırılmalıdır. Onların cəmiyyətə yararlı olmaları haqqında rəy verilməlidir, cəzalar sərtləşdirilməlidir, qınaq olmalıdır. Heç kimə bir ananın və körpənin qətlini alqışlamaq yaraşmır" — Ə. Mansurov bildirib.

Psixoloq Fərqanə Mehmanqızı
© Sputnik / Irade JELIL
Psixoloq Fərqanə Mehmanqızı

Sosioloqun fikrincə, belə məsələlərdə qadının istəyinin nəzərə alınması da vacibdir: "Çünki indi xüsusilə regionlarda qızları əşya kimi ərə verirlər, təki ailə olsun. Amma onun ata-anasını maraqlandırmır ki, görüm ailəsi necə olacaq. 5-ci dəfə ailə quran şəxsə ərə gedəndə, bu şübhələrlə bağlı kimsə maraqlanmalıydı. Ata-ananın da məsuliyyəti var bu cür problemlərdə. Ölüm hallarının ən çox ailədə baş verməsi kimisə narahat etməlidir axı!"

Psixoloq Fərqanə Mehmanqızı da Sputnik Azərbaycan-a şərhində, cəmiyyətdə insanlıq simasını itirmiş şəxslərin artdığını deyib: "Bu gün cinayət hadisələri törədilirsə, bu, cəmiyyətimizin mənəvi aclığının mənfi tərəfə yönləndirilməsindən irəli gəlir. Cinayət, qətl hadisələri heyvanlaşmış, şeytanlaşmış insanların varlığından xəbər verir".

"Ən acınacaqlı vəziyyət odur ki, bu gün övlad qatili olan valideynlər çoxalır. Hadisə onu göstərir ki, bu gün stressdən, travmadan, mənəvi aclıqdan insanlar həyata baxışlarını düzgün istiqamətdə yönləndirmir, gizli və aşkar depressiyalardan aqressivləşib övlad qatili ola bilir" — psixoloq qeyd edib.

Onun sözlərinə görə, öz övladını öldürəcək qədər psixi pozuntu yaşayan bu insanın həyat tərzini, münasibətlərini araşdırmağa ehtiyac vardı: "Bəlkə də cəmiyyətimizdə depressiyada olan, gələcəkdə qatilə çevrilə biləcək neçə-neçə insanlar yaşayır. Bütün bu hadisələr, qətllər bizə xəbərdarlıq siqnalıdır. Cəmiyyətin psixoloji durumu gərgindir və buna ciddi nəzarət olunmalıdır. Hər kəsə kiçik depressiyalar və önəmsiz saydığınız fəlakətlərin iz qoyduğu travmanın qarşısını almaq üçün mütləq psixoloji yardım almalarını məsləhət görürəm".

1252
Teqlər:
məhkumluq həyatı, Rafiq Məmmədov, Daşkəsən rayonu, Əhməd Mansurov, Fərqanə Mehmanqızı, arvad, ailə münaqişəsi, Sputnik Azərbaycan, sosioloq, qatil, qətl, psixoloq, ana, ata, uşaq, cəmiyyət
Əlaqədar
Övladını çəkiclə qətlə yetirən şəxsə hökm oxunub
Qətlə yetirilən iş adamı ilə bağlı rəsmi bəyanat yayıldı
Kirayənişinin qətli məsələsi xüsusi nəzarətə götürüldü
Dəhşətli qətlin tükürpədən təfərrüatları
Çeçenistanda döyüşmüş şəxs Moskvada qətliam törədib
Azərbaycanda gerçək qətliam törədilib - təfərrüatlar
Anasını qətlə yetirən şəxs polisə təslim oldu
Dairəvi Alban Məbədi, arxiv şəkli

Alban tarixinə ögey yanaşma: Nazirlik abidələrə lövhə vurmaqla işini bitmiş sayır

757
(Yenilənib 21:09 18.04.2021)
"Bəzən sosial şəbəklərdə yazırlar ki, "7 manat çox bahadır". Hansı ki, o şikayət edənlər gedib bahalı restoranlarda yemək yeyib, şəklini sosial şəbəkələrdə paylaşırlar. Amma muzey üçün 7 manatı qıymırlar. Halbuki o 7 manat

Şahpəri Abbasova, Sputnik Azərbaycan

BAKI, 18 aprel — Sputnik. Hər il aprelin 18-i dünyada Beynəlxalq Abidələr və Tarixi Yerlər Günü kimi qeyd olunur. Bu əlamətdar gün Tarixi Yerlər və Abidələrin Mühafizəsi Şurasının (İCOMOS) təklifi üzrə UNESCO tərəfindən 1983-cü ildə təsis olunub. Məqsəd insanların diqqətini abidələrin və tarixi yerlərin qorunmasına yönəltməkdir. Bu əlamətdar gün Azərbaycanda da geniş qeyd olunur. Azərbaycan Milli Elmlər Akademiyası, tarix üzrə fəlsəfə doktoru Akif Məmmədli Sputnik Azərbaycan-a açıqlamasında təəssüflə bildirir ki, Azərbaycanda tarixi abidələr və muzeylərlə bağlı maarifləndirmə işləri çox zəifdir:

"Son aylar nisbətən diqqət artıb. Turizm Mədəniyyət Nazirliyindən ayrıldıqdan sonra az da olsa fərqi hiss edirəm. Mədəniyyət Nazirliyinin nümayəndələri dəfələrlə mənim yaratdığım muzeydə olublar. Amma buna baxmayaraq, tarixi abidələrin qeydə alınması ilə bağlı proses bir az da ləngiyib. Mənim yaratdığım muzeyə Amerikadan, Türkiyədən, Kanadadan, Sinqapurdan gələn xarici qonaqlar olur. Bəzən hətta yol ötən sürücülər belə yaratdığım muzeyə baş çəkir. Ən azı bəşər övladının yaratdığı dəyər olduğunu anlayırlar. Təəssüf ki, bu, Azərbaycanda bu sahəyə maraq arzulanan səviyyədə deyil".

Alim tariximizə laqeyd münasibətlə bağlı Kütləvi İnformasiya Vasitələrinə və dövlət qurumlarına səslənib:

"Çox istəyərdim ki, KİV, dövlət qrumları bu məsələyə xüsusi önəm versinlər. Tarixi abidələrimiz bizim milli pasportumuzdur. Buradakı insanların dünənki tarixidir. Sabahkı tariximiz üçün bir şahiddir. Çinlilərin bir sözü var, "keçmişini yaxşı öyrən, o, gələcəyin müəllimidir". Tarixi öyrənmək üçün kitab oxumaq kifayət deyil. Mütləq tarixi məkanları, muzeyləri də ziyarət etmək lazımdır. Məsələn, Qax rayonunun Güllük kəndində böyük təpənin üzərində çox möhtəşəm abidə var idi. Amma hazırda abidənin yalnız bünövrəsi qalmaqdadır. Bu da insanların cahilliyindən, maariflənmə işinin aparılmamasından irəli gəlir. Yaxşı olar ki, alban abidələri haqqında mediada maarifləndirmə işləri aparılsın".

Alim qeyd edir ki, o sökülən başqasının deyil, bizim - Qafqazın tarixidir.

"Azərbaycanın tarixi abidələrinin tətqiqatçısı, numizmat-alim Yevgeni Paxomov yazıb: "Misir tarixi üçün ehramların nə qədər böyük əhəmiyyəti varsa, Qafqaz tarixi üçün də Katex kəndində tikilən bu səddin bir o qədər böyük əhəmiyyəti var". Mən bu abidənin restavrasiyası üçün keçmiş Mədəniyyət naziri Əbülfəz Qarayevə dəfələrlə müraciət etdim. O söz verdi, mütəxəssislər gəldi. Həftələrlə o abidənin üzərində işlədik. Mədəniyyət Nazirliyi ora bir lövhə vurmaqla öz işini bitmiş hesab elədi", - deyə mütəxəssis bildirib.

Milli Azərbaycan Tarixi Muzeyinin Elmi-kütləvi iş və təhsil şöbəsinin mütəxəssisi Qənirə Qaforava isə deyir ki, onun çalışdığı muzeydə vəziyyət heç də pis deyil. Dediyinə görə, ziyarətçi sarıdan da əziyyət çəkmirlər:

"Bizim muzeyimizə hər zaman maraq olub. Çünki, Azərbaycanda ilk yaranan muzeydir. Burada iki muzey yerləşir – həm Milli Azərbaycan Tarixi Muzeyi və Hacı Zeynalabdin Tağıyevin xatirə muzeyi. Bura Tağıyevin yaşayış yeri olub. Gələn ziyarətçi iki muzeyi ziyarət edir. İstər yerli, istərsə də xarici ziyarətçilər hər zaman maraqla gəliblər. Pandemiya dövründə bir müddət bağlandı, amma hazırda açıqdır və ziyarətçilərimiz muzeyimizə baş çəkirlər. Hazırda Tarix muzeyi təmir-bərpa işləri ilə əlaqədar müvəqqəti bağlıdır. Amma Tağıyevin 10 otaqdan ibarət xatirə muzeyi açıqdır. Xaricilər üçün 5 manat, yerli ziyarətçilər üçün 2 manatdır, amma məktəbli və tələbələr üçün 1 manatdır. Xaricilər muzeyimizi çox maraqla izləyirlər".

Milli Xalça Muzeyinin Mətbuat xidmətinin rəhbəri Ülvina Fərzəliyeva da mövzuya münasibətini bildirib:

"Giriş 7 manatdır. 6 yaşına qədər uşaqlar üçün pulsuzdur. 6 manatdan yuxarılara 3 manat, məktəb və tələbələrə də 3 manat. Azərbaycan Xalça muzeyi ölkənin ilk İnklüziv muzeydir. Fiziki məhdudiyyətli insanlar da rahat şəkildə muzeyimizi ziyarət edə bilirlər. Onların əlil arabasında girişi, liftlərdən istifadəsi, ekspozisiyalarla tanışlıq üçün bütün şərait yaradılıb. Bundan əlavə, bizdə görmə əngəlli insanlar üçün xovsuz və xovlu texnikanın birgə tətbiqi ilə xalçalarımız üzərində ornamentlər toxunub. Bunu ənənəvi texnologiya şöbəsinin toxucuları ona görə ediblər ki, görmə əngəlli insanlarımız da xalçalara toxunub hiss edə bilsinlər. Bundan əlavə, həmin ornamentlərlə bağlı brayl əlifbası ilə məlumat verilib".

Fərzəliyeva sosial şəbəkələrdə muzeyə girişin baha olmasına narazılıq edənləri də unutmayıb:

"Deyirlər, 7 manat çox bahadır. Halbuki o şikayət edənlər gedib bahalı restoranlarda yemək yeyib, şəkillərini sosial şəbəkələrdə paylaşırlar. Amma muzey üçün 7 manatı qıymırlar. Halbuki o 7 manat bir kofenin, bir çayın puludur. Gələn insanlar deyirlər ki, "sanki bir anlıq nağıllar aləminə düşdük". Bizim muzeyimizi ziyarət edənlər uzun müddət o ab-havadan çıxmırlar". 

757
Bıçaq əlində qadın, arxiv şəkil

Bacılar arasında bıçaqlaşma baş verib - Lənkəranda

93
(Yenilənib 17:34 18.04.2021)
1990-cı il təvəllüdlü Vahidə Qəribəli qızı Şərifova sol bazunun yuxarı hissəsinin deşilmiş yarası diaqnozu ilə Lənkəran Rayon Mərkəzi Xəstəxanasına müraciət edib.

BAKI, 18 aprel - Sputnik. Lənkəranda bıçaqlanma hadisəsi baş verib.

Sputnik Azərbaycan Report-a istinadla xəbər verir ki, hadisə şəhərin Füzuli küçəsi 43 ünvanında baş verib. Belə ki, 1990-cı il təvəllüdlü Vahidə Qəribəli qızı Şərifova sol bazunun yuxarı hissəsinin deşilmiş yarası diaqnozu ilə Lənkəran Rayon Mərkəzi Xəstəxanasına müraciət edib. Ona zəruri tibbi yardım göstərilib.

Hadisənin ailə münaqişəsi zəminində bacılar arasında baş verdiyi bildirilir. Faktla bağlı araşdırma aparılır.

93
Rusiya XİN-nin binası, arxiv şəkli

Çexiyanın Rusiyadakı səfirliyinin 20 əməkdaşı “persona non qrata” elan edildi

0
Rusiya Xarici İşlər Nazirliyinin “persona non qrata” elan etdiyi şəxslər Moskvanı 19 aprelə qədər tərk etməlidirlər.

BAKI, 18 aprel - Sputnik. Rəsmi Moskva Rusiya diplomatlarının Çexiyadan çıxarılmasına anoloji qərarla cavab verib.

Sputnik Azərbaycan RİA Novosti-yə istinadla xəbər verir ki, Rusiya Xarici İşlər Nazirliyi Çexiya Respublikasının Moskvadakı səfirliyinin 20 əməkdaşını “persona non qrata” elan edib.

Həmin şəxslər Rusiyanı 19 aprelə qədər tərk etməlidirlər.

Bundan əvvəl Çexiya respublikasının fövqəladə və səlahiyyətli səfiri Vitezslav Pivonka rəsmi Praqanın rus diplomatları ölkədən çıxaracağı ilə bağlı bəyanatından sonra Rusiya Xarici İşlər Nazirliyinə çağırılıb.

Bundan əvvəl RF diplomatiya idarəsində Çexiya hökumətinə sərt etiraz bildirilmiş və cavab tədbirlərinin görüləcəyinin anonsu verilmişdi.

Rusiya Xarici İşlər Nazirliyi qeyd edib ki, Praqanın hərəkətlərində "Amerikanın izlərini görməmək olmaz".

Nazirlik diplomatların qovulması qərarının 2014-cü ildə Vrbetitsadaki hərbi anbarlarda baş verən partlayışda Rusiya xüsusi xidmət orqanlarının iştirakı ilə bağlı "əsassız və həqiqətdən uzaq bəhanələr"lə əlaqədar verildiyini qeyd edib. 

 

0