Taksi, arxiv şəkli

Taksi şirkətləri qiymət artımına gedəcək, amma...

4103
(Yenilənib 16:11 17.07.2017)
Avtomobil yanacağının qiymətinin qalxması bu sahədə də qiymətləri dəyişəcək

İradə Cəlil, Sputnik Azərbaycan

BAKI, 17 iyul — Sputnik. İyulun 15-dən etibarən Tarif Şurasının müvafiq qərarına əsasən Aİ-92 yanacağının qiyməti 0.70 qəpikdən 0.90 qəpiyə qaldırıldı. Mütəxəssislərə görə, yanacağın qiymətinin artması ölkədə inflyasiyanı bir qədər də artıracaq. Bu artım, həmçinin, taksi xidmətlərindən də yan keçməyəcək.

Alış-veriş
© Sputnik / Murad Orujov

İqtisadçı Samir Əliyev Sputnik Azərbaycan-a verdiyi açıqlamada bildirir ki, benzinin bahalaşmasından sonra nəqliyyat sistemində ilk qiymət artımı adətən taksi xidmətində özünü göstərir: "Bu dəfə də istisna deyil. Hətta son aylar taksi xidmətində yaranan sərt rəqabət də artımı əngəlləyə bilməyəcək. Ola bilsin ki, artım ilk dövrlər özünü qabarıq göstərməsin. Ancaq zaman keçdikcə artımı müşahidə edəcəyik".

"189" taksi xidmətinin marketinq şöbəsinin əməkdaşı Azər İsmayılovun sözlərinə görə, xidmət hələlik gediş haqqını artırmayıb: "Düzdür, yanacağın qiymətində müəyyən qədər bahalaşma qeydə alınıb. Amma hələlik şirkətimizin taksi xidmətlərində artım edilməyib və bu barədə düşünmürük".

Xatırladaq ki, 189 taksi xidmətində minimal gediş haqqı 1,89, 5 km-ə qədər 3,5 manat, 6 km-dən çox isə 6 manatdan hesablanır.

Taksi xidməti bazarında qiymətlərinin münasib olması ilə fərqlənən "Taxify" taksi xidmətinin sürücülər üzrə meneceri Əli Əzizov də bildirir ki, hələlik qiymətlər artırılmayıb: "Bilirsiniz ki, taksi kimi fəaliyyət göstərən avtomobillərin böyük əksəriyyəti Aİ-92 yanacağı ilə çalışır. Yanacağın qiymətinin artması, təbii ki, gediş haqlarına təsir edəcək. Amma biz hələ bu barədə düşünmürük. Hazırda rəqiblərimizi müşahidə edirik. Əgər qiymət artımı müşahidə edilərsə, rəqiblərimiz qiyməti artırsa, yəqin ki, bizdə də müəyyən artım ola bilər. Bu da indi üçün nəzərdə tutulmayıb. Yəni, taksilərimiz hazırda keçmiş qiymətlə sərnişin daşıma ilə məşğuldur".

"City Taxi" şirkətinin direktor müavini Fəxri Bağırov Sputnik Azərbaycan-a açıqlamasında bildirdi ki, başqa şirkətlərdən fərqli olaraq, şirkət qiyməti qaldırmayacaq: "Bizim iki taksi xidmətimiz var. City Taxi və Xaql Taxi. Biz yanacaq qalxdığı gündən öz müştərilərimizə müraciət edərək bildirmişik ki, qiymətlərimizi qaldırmayacağıq. Artıq bir neçə taksi xidməti ilə məşğul olan şirkət qiymət artımı edib. Amma bizim müştərilərimiz arxayın olsun City Taxi və Xalq Taxi qiymətləri artırmayacaq!"

Taksi sürücüsü Anar Xəlilov deyir ki, yanacağın qiymətinin artırılması təbii ki, taksi xidmətinə də təsir edəcək: "Əvvəl benzinin 10 litrinə 7 manat verirdimsə, indi 9 manat verirəm. Bu da bir çəndə haradasa 15 manat fərq edir. Tutaq ki, Masazırdan Zabrata taksi 15 manata aparırdısa, indi bu qiymət 20 manat olacaq".

Parkinq və tıxaclar
© Sputnik / Fuad Hasanov

Taksi sürücüsü bildirir ki, taksi xidməti şirkətlərinin artması da sürücülərin münasib qiymətə aparmasına səbəb olur: "Taksi xidmətlərinin avtomobilləri daha ucuz apardığı üçün şəxsi avtomobili ilə taksi fəaliyyəti göstərən sürücülər də məcbur olub ucuz aparır. Mən özüm həm də taksi xidmətlərinin biri ilə çalışıram. Yəni, öz müştərim olmayanda məcbur taksi şirkətinin müştərilərini götürürəm. Taksi xidmətlərində sürücülər hər müştəridən götürülən xidmət haqqının 10 faizini şirkətə ödəyirlər. Tutaq ki, taksi şirkətinin avtomobili Masazırdan Qara Qarayevə 6 manata aparır. Bu məbləğin 2 manatı benzinə, 60 qəpiyi şirkətə verilir. Yerdə 3,40 qəpik üçün bu qədər yolu sürməyə dəyməz. Avtomobil sıradan çıxır, onun müəyyən xərcləri yaranır".

Sürücü bildirir ki, belə bir şəraitdə şəxsi avtomobillə taksi şirkətləri ilə çalışan sürücülər işləməkdən imtina edəcək. Taksi şirkətləri də məcbur olub, qiymətləri qaldıracaq: "Ən yaxşısı dizellə çalışan avtomobillərə üstünlük verməkdir. Nə qədər ki, dizel bahalaşmayıb, belə avtomobillərlə taksi fəaliyyəti göstərən sürücülər qiyməti artırmayacaq".

Digər taksi sürücüsü Elnur Cəmilovun sözlərinə görə, o da taksi şirkətlərindən biri ilə əməkdaşlıq edir: "Hələ ki, şirkətdən bizə qiymət artımı ilə bağlı məlumat verilməyib. İki gündür əvvəlki tariflə çalışırıq. 20 qəpik bəlkə də başqalarına böyük məbləğ kimi görünməyə bilər. Amma çörəyini taksidən çıxarırsansa, bizim üçün böyük puldur. Amma düşünürəm ki, belə davam etməz. Şirkətlər də qiymətlərə artım edər. Yoxsa belə işləmək sərf eləmir".

4103
Teqlər:
gediş haqqı, Sputnik Azərbaycan, Tarif Şurası, taksi, benzin, yanacaq, şirkət, qərar
Əlaqədar
Bu taksilər Bakıdan yığışdırılacaq
Qadın müştərinin qohumları taksi sürücüsünü qanına qəltan ediblər
Bakıda taksi xidməti ilə bağlı yeni şərtlər açıqlanacaq
Taksilərdə vahid tariflər tətbiq olunacaq
Bakıda vahid taksi sistemi necə yaradılacaq?
London taksiləri elektriklə çalışacaq
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

17
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

17
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət
Qanda qlükozanın miqdarının yoxlanılması

Şəkərlə bağlı xərcləri əhəmiyyətli dərəcədə azaltmaq olar

8
(Yenilənib 23:07 16.01.2021)
"Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

BAKI, 16 yanvar — Sputnik. "Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

Sputnik Azərbaycan-ın məlumatına görə, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev "Virtual Diabet Məktəbi" layihəsi üzrə Anlaşma Memorandumunun imzalanması mərasimində deyib. O bildirib ki, diabetlə əlaqəli fəsadlaşmaların sayının artması universal tibbi təminat baxımından dövlət büdcəsinə ağır maliyyə yükü yaradır:

"İlkin profilaktik tədbirləri və əhali arasında maarifləndirməni gücləndirməklə xəstəliklə bağlı xərcləri əhəmiyyətli dərəcədə azaltmaq olar. Bu baxımdan Anlaşma Memorandumu mənfi tendensiyanı müsbətə doğru çevirməkdə yeni imkanlar açır".

Agentliyin İdarə Heyətinin sədri deyib ki, hər il dünyada ölümlərin 11.3%-i şəkərli diabetlə bağlı olur.

8