Bakı beynəlxalq avtovağzalı

Əhali ölkədaxili gediş-gəlişlə bağlı yeni seçim etməli olacaq

6223
(Yenilənib 18:09 12.07.2017)
Sərnişin daşınması ilə bağlı qiymət artımı yeni tendensiya yaradacaq

Xalid Məmmədov, Sputnik Azərbaycan

BAKI, 12 iyul — Sputnik. Ölkədaxili sərnişin və sürət qatarlarında baza tarifinə kupe və plaskart tipli vaqonlarda aşağı yerlərə 1,2 əmsalı tətbiq edilməsinə qərar verilib. "Azərbaycan Dəmir Yolları" QSC-nin İctimaiyyətlə əlaqələr şöbəsindən verilən məlumata görə, sərnişinlərə göstərilən xidmət səviyyəsini yaxşılaşdırmaq, çevik tarif tənzimlənməsini təmin etmək məqsədi ilə, gediş haqlarının tənzimlənməsi üçün 15 iyul tarixindən etibarən ölkədaxili sərnişin və sürət qatarlarında baza tarifinə kupe və plaskart tipli vaqonlarda aşağı yerlərə 1,2 əmsalı tətbiq ediləcək.

Qeyd edək ki, ölkədaxili sərnişin və sürət qatarlarında baza tarifinə kupe və plaskart tipli vaqonlarda aşağı yerlərə 1,2 əmsalının tətbiqi qiymətlərin 20% artırılması deməkdir.

Məsələ ilə bağlı iqtisadçı-ekspert Rəşad Həsənov Sputnik Azərbaycan-a açıqlamasında, çevik qiymət siyasətinə keçməklə bağlı izahedici məlumatın doğru olmadığını deyib: "Çevik qiymət siyasətini adətən rəqabətli bazarda həyata keçirirlər. Eyni zamanda, xərclər ilə gəlirlərin uyğunlaşdırılması məsələsində buna daha çox diqqət edirlər. Yəni, bu, vətəndaş üçün heç nə demir. Çünki, izahedici məlumat deyil. Sadəcə baş verənləri insanlara izah etməkdə çətinlik çəkirlər və bu baxımdan da bu kimi ifadələr işlədirlər".

Onun sözlərinə görə, bütün sahələrlə yanaşı, dəmiryolu sərnişindaşıma xidmətində də müəyyən inkişaf var: "Amma bu gün qiymətin artırılmasını birbaşa sərnişinlərə göstərilən xidmət səviyyəsinin yaxşılaşdırılmasına bağlamaq doğrudurmu? Düşünürəm ki, bu, nisbətən mübahisəli məsələdir. Yəni, son aylarda, günlərdə keyfiyyət, infrastruktur sahəsində hər hansı bir ciddi işlər görülməyib ki, buna uyğun da qiymətlərin artırılması baş versin".

İqtisadçının fikrincə, məsələ ondadır ki, bu gün dəmiryolu faktiki olaraq maliyyə problemləri ilə üzləşib və defoltun astanasındadır: "Dəmiryolu öhdəliklərini yerinə yetirə bilmir, zamanında səmərəsiz və lazımsız istiqamətdə böyük vəsaitlər xərclənib və kifayət qədər böyük məbləğdə borcları var. Bu baxımdan da ola bilsin ki, hər hansı bir maliyyə institutları ilə müzakirələr aparılır. Hazırda əlavə borclanma ilə bağlı və yaxud da ki, gələcək öhdəliklərin yerinə yetirilməsi ilə bağlı strateji plan hazırlanır. Burada təşkil edilən xidmətlərin qiymətinin artırılması yolu ilə dəmiryoluna daxil olmaları artırmaq və beləliklə, qurumu hazırki yaranmış maliyyə böhranından müəyyən mənada xilas etmək cəhdi hesab oluna bilər".

R. Həsənov qeyd edib ki, qiymətlərin artırılması vətəndaşların xərclərini daha da artıracaq: "Bu, eyni zamanda, sərnişindaşımada yeni tendensiyaların formalaşmasına və digər istiqamətlərdə də qiymətlərin bahalaşmasına gətirib çıxarda bilər. Çünki bu gün dəmiryolu daşımalarında qiymətlər artırılırsa, gələcəkdə bu, metropolitenə və eyni zamanda, avtobus vasitəsilə sərnişindaşımaya sirayət edə bilər. Yəni, bu, bir presedent formalaşdırır. Sərnişindaşımada ümumi qiymət səviyyəsinin artımını şərtləndirəcək".

İqtisadçı-ekspert Natiq Cəfərli də Sputnik Azərbaycan-a açıqlamasında deyib ki, "Azərbaycan Dəmir Yolları" QSC-nin açıqlaması çox qəribədir: "Qiymət qaldırılması adını nə istəsən, qoya bilərsən. Amma faktiki olaraq qiymət qalxır. Sonra da demək ki, bu, xidmətin keyfiyyətini də yaxşılaşdıracaq, bu, ümumiyyətlə, uyğunsuz bir bəyanatdır. Necə ola bilər ki, bir kupedə aşağı yerlərin qiymətinin 20 faiz qaldırılması xidmətin səviyyəsinin yaxşılaşdırılmasına xidmət edir, yuxarı yerlərin qiyməti qalxmır deyə onlarda xidmət yaxşılaşmayacaq? Yəni, vaqonlarda aşağı və yuxarı yerlərdə gedənlərə fərqli xidmətlər göstəriləcək? Bu açıqlamanın özü məntiqsizdir".

Onun sözlərinə görə, bahalaşmanın səbəbi çox sadədir: "Azərbaycan Dəmir Yolları maliyyə problemləri ilə qarşılaşıb. Əlavə vəsait əldə etmək üçün və "Azərbaycan Dəmir Yolları" QSC-nin qazancını artırmaq üçün qiymətlərin qaldırılmasına üstünlük veriblər. Bu da effektiv deyil. Çünki, qiymətlər yuxarı qalxdıqca, digər alternativ marşrutlara insanların axını daha da artacaq".

Ekspertin fikrincə, dəmiryolları qiymət artımından sərnişin itirərək daha çox ziyana düşəcək, nəinki qazanc əldə edəcək: "Ola bilər, bayram günlərində, pik vaxtlarda qatarlarda sərnişinlər çox olsun. Amma ümumilikdə, artıq qiymət artımından sonra avtomobillərlə, avtobuslarla səyahət edən sərnişinlərin sayının daha da artması ehtimalı var. Qatarlarla gedən sərnişinlərin sayının azalması qiymətin artmasına baxmayaraq, ümumən onların dövriyyəsinin və gəlirlərinin azalmasına səbəb ola bilər".

Ekspert çevik tarif məsələsinə də aydınlıq gətirib: "Birdəfəlik qiyməti 20 faiz qaldırıb bəlli bir qiymət müəyyən etmək və bunun adını çevik tarif siyasəti qoymaq məntiqə uyğun deyil. Məsələn, dünyada fəaliyyət göstərən bir çox özəl qatar kampaniyalarında çevik tariflər var. Bayram günlərindən öncə avtomatik qiymətlər qalxır. Amma ara günlərdə qiymətlər çox kəskin şəkildə aşağı düşür və bəzən 100 avroya olan bileti 10 avroya da almaq olur. Çevik tarif budur".

6223
Teqlər:
gediş haqları, çevik tarif tənzimlənməsi, Rəşad Həsənov, "Azərbaycan Dəmir Yolları" QSC, Sputnik Azərbaycan, sərnişin, Natiq Cəfərli, iqtisadçı-ekspert, bahalaşma, qatar, qiymət
Əlaqədar
Sürücülərin diqqətinə: bu yollarda nəqliyyatın hərəkəti məhdudlaşdırılır
Dəmir yolu nəqliyyatından istifadə edənlərə sevindirici xəbər
İctimai nəqliyyatda böyük vahimə: canlı şahidlər anladırlar
Nəqliyyatda gediş haqqı bahalaşdı
Azərbaycan bayrağı

Məşhur türk sənətkarının ifasında "Qarabağ türküsü" səsləndirildi

12
(Yenilənib 12:02 21.10.2020)
Mahnı Azərbaycan Ordusunun göstərdiyi sücaətlərdən, işğaldan azad olunan torpaqlarımızdan bəhs edir.

BAKI, 21 oktyabr — Sputnik. Son günlər Azərbaycan Ordusunun aparığı uğurlu əməliyyatları nəticəsində Cəbrayıl, Fizuli və Zəngilan şəhərləri və bir sıra kəndlərimizin işğaldan azad olunması xəbəri Azərbaycan xalqı ilə yanaşı, qardaş Türkiyə xalqını da sevindirib. Azərbaycana dəstək məqsədilə Türkiyənin ən məşhur bölgələri Azərbaycan bayrağına bürünüb.

Bundan başqa qardaş ölkənin sənət adamları da ölkəmizə dəstək olublar. Bu dəfə bu axına Türkiyənin məşhur saz ifaçısı, müğənni Əsəd Kabaklı da qoşulub. Sputnik Azərbaycan xəbər verir ki, məşhur ozan Qarabağda davam edən vətən savaşı üçün mahnı ifa edib. Mahnı Azərbaycan Ordusunun göstərdiyi sücaətlərdən, işğaldan azad olunan torpaqlarımızdan bəhs edir. Sözügedən mahnının sözləri İntiqam Yaşar, musiqisi isə Əziz Əlibəyliyə məxsusdur.

12
Mövzu:
Azərbaycan və Ermənistan arasında müharibə
Emin Şəkinski, arxiv şəkli

General Emin Şəkinski vəfat etdi

40
E.Şəkinski Bakı şəhəri Baş Polis İdarəsinin Cinayət Axtarış İdarəsində şöbə rəisi, Yasamal RPİ-nin 26-cı polis bölməsinin rəisi, Xətai RPİ-nin rəis müavini, DİN-in Daxili Təhlükəsizlik İdarəsinin rəisi, Baş Cinayət Axtarış İdarəsinin rəisi vəzifələrində çalışıb.

BAKI, 21 oktyabr — Sputnik. Daxili İşlər Nazirliyinin Nəqliyyatda Baş Polis İdarəsinin rəisi, polis general-mayoru Emin Şəkinski vəfat edib.

Sputnik Azərbaycan xəbər verir ki, general - mayor uzun sürən xəstəlikdən dünyasını dəyişib.

Şəkinski Emin Əkrəm oğlu 1960-cı ildə Bakı şəhərində anadan olub. 1982-ci ildə Bakı Dövlət Universitetinin tarix, 1993-cü ildə hüquq fakültələrini bitirib.

1985-ci ildən daxili işlər orqanlarında xidməti fəaliyyətə başlayıb.

E.Şəkinski Bakı şəhəri Baş Polis İdarəsinin Cinayət Axtarış İdarəsində şöbə rəisi, Yasamal RPİ-nin 26-cı polis bölməsinin rəisi, Xətai RPİ-nin rəis müavini, DİN-in Daxili Təhlükəsizlik İdarəsinin rəisi, Baş Cinayət Axtarış İdarəsinin rəisi vəzifələrində çalışıb.

40
DSX əsgəri, arxiv şəkli

Baş Prokurorluq sərhədi qanunsuz keçənlərlə bağlı xəbərdarlıq etdi

0
(Yenilənib 12:43 21.10.2020)
Xarici vətəndaşlardan Azərbaycan Respublikasının silahlı qüvvələrinə qarşı, eləcə də Azərbaycan Respublikasının ərazilərinin işğalına yönələn təcavüzkar müharibədə muzdlu kimi iştirak etməmələri tələb olunur.

 

BAKI, 21 oktyabr — Sputnik. Azərbaycan Respublikasının Baş Prokurorluğu tərəfindən aparılmış araşdırmalarla son günlərdə müxtəlif terror təşkilatlarının üzvlərinin, o cümlədən xarici ölkə vətəndaşlarının dövlət sərhədini müəyyən edilmiş sənədlər olmadan Ermənistan ərazisindən qanunsuz keçərək Azərbaycan Respublikasının işğal olunmuş ərazilərinə gəlib qanunsuz silahlı birləşmələr yaratmaları,eləcə də ərazilərimizin işğalına yönələn təcavüzkar müharibədə muzdlu kimi istifadə edilmələri müəyyən edilib.

Sputnik Azərbaycan Baş Prokurorluğun məlumatına istinadla xəbər verir ki, bu kimi qanunsuz halların qarşısının alınması məqsədilə xarici ölkə vətəndaşlarının Azərbaycan Respublikasının ərazisinə hansı qaydada gəlmələri ilə bağlı fransız, ispan, alman, rus, ingilis və ərəb dillərində növbəti dəfə maarifləndirici videoçarxlar hazırlanıb.

Xarici vətəndaşlardan Azərbaycan Respublikasının silahlı qüvvələrinə qarşı, eləcə də Azərbaycan Respublikasının ərazilərinin işğalına yönələn təcavüzkar müharibədə muzdlu kimi iştirak etməmələri tələb olunur.

0
Mövzu:
Azərbaycan və Ermənistan arasında müharibə