Bakı-Quba yolu

Bakıya qədər uzanan ölüm yolu

1039
(Yenilənib 16:35 06.07.2017)
Hamı məcburdur ki, 110 və daha yüksək surətlə hərəkət etsin və nəticədə...

İradə Cəlil, Sputnik Azərbaycan

BAKI, 6 iyul — Sputnik. Bakı-Quba yolu uzun zamandır ki, sürücülərin baş ağrısına çevrilib. Yolun sağ zolağı sıradan çıxdığı üçün iri tonnajlı avtomobillər belə, yolun sol zolağı ilə hərəkət etməli olur. Yolda surət həddi 110 olduğu üçün, aşağı surətlə hərəkət etmək imkanları da məhduddur.

Hamı məcburdur ki, 110 və daha yüksək sürətlə hərəkət etsin. Əks halda, arxadan gələn avtomobillərin xəbərdarlıq işıq siqnalları ilə qarşılaşırsan. Sağ zolaqda yol dağınıq olduğu üçün heç kim həmin zolaqla hərəkət etmir. Bu da təbii ki, yolda sıxlığa, qəzaların baş verməsinə zəmin yaradır.

"Ötən gün axşam saatlarında Qubadan qayıdırdım. Avtomobili 110 surətlə idarə etməyimə baxmayaraq, arxadan daha yüksək surətlə gələn avtomobillər xəbərdarlıq işığını yandıraraq yol verməyimi tələb edirdi. Sağ zolağa keçmək mümkün deyil. Çünki yol parçalanıb, bəzi yerlərə yamaq asfalt salınsa da, bəzi yerlərdə yoldan dəmir parçacıqları çıxır ki, bu da təkərlərə zərər verir" — deyə Sputnik Azərbaycan-a müraciət edən Bakı şəhər sakini Əli İsmayılov bildirib.

Onun sözlərinə görə, axşam saatlarında həmin ərazi daha təhlükəli vəziyyət alır: "Yol iuzun müddətdir ki, təmir edilmir. Bu yolu "ölüm yolu" adlandırsaq, yalan olmaz. Surət yüksək, yol dar, sağ zolaq yararsız. Məcbursan, ölümə sürəsən".

"Azəravtoyol" ASC-nin mətbuat xidmətinin rəhbəri Anar Nəcəflinin Sputnik Azərbaycan-a verdiyi açıqlamada bildirib ki, həmin yol "Azəravtoyol"un balansındadır: "Həmin yol Bakıdan Qubaya gedəndə normal, Qubadan Bakı istiqamətinə qayıdanda dağılmış vəziyyətdədir. Quba istiqamətindən gələn normadan artıq yüklənmiş iritonnajlı avtomobillər yolun sağ hərəkət zolağı ilə hərəkət etdiyi üçün uzun illər ərzində yol tamamilə sıradan çıxıb".

Həmsöhbətimiz deyir ki, "Azəravtoyol" imkanları çərçivəsində həmin yolda təmir işləri aparır: "Müəyyən hissələrə yamaqlar vurulur, yolun saxlanılması üçün işlər görülür. "Azəravtoyol" sürücülərin daha böyük problemlə qarşılaşmaması üçün müəyyən işlər görür. Amma qeyd etdiyim kimi, yolun həmin vəziyyətə düşməsinə səbəb iri tonnajlı avtomobillərin normadan artıq yüklənərək həmin yolla Bakıya gəlməsidir".

Nəcəfli deyir ki, Bakıdan Qubaya gedən yol ona görə normal vəziyyətdə qalıb ki, həmin yoldan yüklənmiş iritonnajlı avtomobillər keçmir: "Qubadan isə yüklənmiş avtomobillər qayıdır. İritonnajlı avtomobillər çaylardan qum, çınqıl, şebel gətirir. Özünüz də bilirsiniz ki, hamı norma daxilində yükləmir".

"Demirəm ki, bu, 2-3 avtomobilin problemidir. Bu, illərin problemidir. Bilirsiniz ki, Quba-Bakı yolu ilə daha çox yük maşınları hərəkət edir. Haradasa həmin yolla hərəkət edən avtomobillərin 50-60 faizi yük maşınlarının payına düşür. Bu səbəbdən də yolun sağ zolağının müəyyən hissələri sıradan çıxıb" — ASC sözçüsü vurğulayıb.

Yol mühəndisi Arif Əsədov da Sputnik Azərbaycan-a açıqlamasında deyid ki, Quba-Bakı yolunun sıradan çıxmasının əsas səbəbi normadan artıq yük götürmüş iritonnajlı avtomobillərin mütəmadi olaraq həmin yolla hərəkət etməsidir: "Yol həqiqətən acınacaqlı vəziyyətdədir. Mən özüm də sürücü kimi bir neçə dəfə problemlə qarşılaşmışam. Həmin yolda böyük yük maşınları Bakıya inşaat sahələrinə şebel, qum, çınqıl daşıyır. Həm də normadan çox artıq yükləyirlər ki, daha çox gəlir əldə etsinlər".

Bu da yol
Karikatura
Bu da yol

Ekspert bildirib ki, yolun hazırlanma keyfiyyətinin buna heç bir aidiyyəti yoxdur: "Ən yaxşı, keyfiyyətli yol belə, elə ağırlıq qarşısında çökür. Yeganə çarə isə yolu yenidən bərpa etmək və iri tonnajlı avtomobillərin normadan artıq yük götürməməsinə nəzarət etməkdir".

Beləliklə, məsul qurum yolun "imkanlar çərçivəsində" təmir edildiyini deyir. Problem isə göz önündədir və qəza qaçılmazdır…

1039
Teqlər:
iri tonnajlı yük avtomobili, yüksək sürət, sol zolaq, sağ zolaq, Bakı-Quba yolu, "Azəravtoyol" ASC, Sputnik Azərbaycan, Anar Nəcəfli, Arif Əsədov, sürücü, avtomobil
Əlaqədar
Dəmir yolu nəqliyyatında gediş haqları artırılır
Daha bir yol təmirə bağlanır
Paytaxtda daha bir yol yenidən qurulur
Ələt-Astara yolu qana boyandı
Bakının məşhur prospektində yol hərəkəti dəyişdi
Quba yolunda ağır qəza baş verdi
Sənədin imzalanması, arxiv şəkli

Prezident medallarla bağlı qanunu təsdiqlədi

3
Dövlət başçısı İlham Əliyev “Vətən Müharibəsi Qəhrəmanı” adının təsis edilməsi haqqında qanunu imzalayıb.

BAKI, 1 dekabr — Sputnik. Prezident İlham Əliyev "Vətən Müharibəsində qələbə münasibətilə Azərbaycan Respublikasının orden və medallarının təsis edilməsi ilə əlaqədar "Azərbaycan Respublikasının orden və medallarının təsis edilməsi haqqında" qanuna dəyişiklik edilməsi barədə qanunu imzalayıb.

Sputnik Azərbaycan xəbər verir ki, sənədə əsasən, "Azərbaycan Respublikasının orden və medallarının təsis edilməsi haqqında" qanunda dəyişikliklər edilib.

Dəyişikliyə görə, 1.1-ci maddəyə "Azərbaycan Respublikasının ən yüksək təltifi – "Heydər Əliyev" ordeni;" hissəsindən sonra aşağıdakı məzmunda yeni hissələr əlavə edilib:

"Zəfər" ordeni;

"Qarabağ" ordeni;";

1.2. 2-ci maddəyə "Qızıl Ulduz" medalı;" hissəsindən əvvəl "Vətən Müharibəsi Qəhrəmanı" medalı;" hissəsi və "İgidliyə görə" medalı;" hissəsindən sonra aşağıdakı məzmunda yeni hissələr əlavə edilsin:

"Cəsur döyüşçü" medalı;

"Döyüşdə fərqlənməyə görə" medalı;

"Suqovuşanın azad olunmasına görə" medalı;

"Cəbrayılın azad olunmasına görə" medalı;

"Xocavəndin azad olunmasına görə" medalı;

"Füzulinin azad olunmasına görə" medalı;

"Zəngilanın azad olunmasına görə" medalı;

"Qubadlının azad olunmasına görə" medalı;

"Şuşanın azad olunmasına görə" medalı;

"Kəlbəcərin azad olunmasına görə" medalı;

"Ağdamın azad olunmasına görə" medalı;

"Laçının azad olunmasına görə" medalı;

"Vətən müharibəsi iştirakçısı" medalı;

"Vətən müharibəsində arxa cəbhədə xidmətlərə görə" medalı.

Sənədlə həm də adları sadalanan medallar haqqında əsaslanmələr və medalların təsviri də təsdiqlənib.

Prezident İlham Əliyev həmçinin "Azərbaycan Respublikasının “Vətən Müharibəsi Qəhrəmanı” adının təsis edilməsi haqqında" qanunu imzalayıb.

Sənədə əsasən, “Vətən Müharibəsi Qəhrəmanı” adı təsis edilib və “Azərbaycan Respublikasının “Vətən Müharibəsi Qəhrəmanı” adı haqqında Əsasnamə” təsdiqlənib.

3
Mövzu:
Azərbaycan və Ermənistan arasında müharibə
Bakıda xalça sərgisi, arxiv şəkli

Dünyaya səs salan Qarabağ xalçalarının rəngi qayıtdı

4
"Qız-gəlinlərimiz yenidən Azərbaycan xalqının ruhunu, hisslərini özündə əks etdirən əsrarəngiz, tayı-bərabəri olmayan biri-birindən nəfis xalçaları Qarabağda toxuyacaqlar"

BAKI, 1 dekabr — Sputnik. Qarabağın hər şəhərinin, hər kəndinin özünəməxsus xalça ənənələri var. Tarixən burada istehsal olunan xalçalar bütün dünyada əks-səda doğurub. Bu diyarın istedadlı sənətkarları əsrarəngiz xalçalar toxuyaraq, ilmələrdə öz dünyagörüşünü, həyat fəlsəfəsini, bədii zövqünü əks etdirib.

Sputnik Azərbaycan xəbər verir ki, bunu nəzərə alaraq, İkinci Qarabağ müharibəsi günlərində Azərbaycan Milli Xalça Muzeyi "Qarabağ xalça xəritəsi"ni hazırlayıb və izləyicilərinə təqdim edib:

"Qeyd edək ki, bu xəritədə hər bir şəhərə, rayona aid xalça nümunələri ağ-qara rənglərdə təsvir olunmuşdu. Müqəddəs torpaqlarımız işğaldan azad olunduqca "Qarabağ xalça xəritəsi" də al-əlvan rənglərə boyandı.

Bu gün isə, nəhayət ki, səbirsizliklə gözlədiyimiz gün gəlib çatdı. Artıq "Qarabağ xalça xəritəsi"ni tam rənglənmiş şəkildə sizə təqdim edirik. Ali Baş Komandan İlham Əliyevin rəhbərliyi, rəşadətli Ordumuzun qüdrəti sayəsində illərdir Qarabağ həsrəti çəkən insanlarımız öz yurdlarına qayıdacaqlar.

Qız-gəlinlərimiz yenidən Azərbaycan xalqının ruhunu, hisslərini özündə əks etdirən əsrarəngiz, tayı-bərabəri olmayan biri-birindən nəfis xalçaları Qarabağda toxuyacaqlar".

4
Teqlər:
rəng, xalça, Qarabağ