Polis Günü münasibəti ilə tədbir

Doğulan uşağa polisin adını qoydular

308
(Yenilənib 17:19 05.07.2017)
Sizdən yazacaqlar, sizi şantaj edəcəklər, amma siz mübariz olmalısınız

BAKI, 5 iyul — Sputnik. Baş Dövlət Yol Polisi İdarəsi, Bakı şəhər Dövlət Yol Polisi İdarəsi, Jurnalistika və İnkişaf Mərkəzi İctimai Birliyi IV İslam Həmrəyliyi Oyunları, Formula I Azərbaycan Grand Prix-də Yol Polisinin fəaliyyəti və 2 İyul Polis Günü münasibəti ilə tədbir keçirib. Tədbirdə çıxış edən Jurnalistika və İnkişaf Mərkəzi İctimai Birliyinin sədri Elməddin Muradlı bildirib ki, 26 polis əməkdaşı fəaliyyətlərində göstərdikləri aktivliyə görə mükafatlandırılacaq: "Lakin bu o demək deyil ki, yalnız 26 polis daha fərqlidir. Belə polislərimiz onlarladır və bu gün onlar "Azərsun Holdinq" və "AMC" şirkətinin də dəstəyi ilə mükafatlanacaqlar".

Millət vəkili Aydın Mirzəzadə çıxışı zamanı bildirib ki, son zamanlar Azərbaycan beynəlxalq tədbirlərin keçirildiyi mərkəzə çevrilib: "Yəqin fikir vermisiniz ki, Avropa oyunları, İslam Oyunları, Formula 1 yarışları necə sakit və insidentsiz keçir. Bütün bunlara görə, biz polislərimizə borcluyuq. Bu gün onlardan bir neçəsi mükafatlandırılacaq. Bu gün polis əməkdaşları arasında elə insanlar var ki, onlar həqiqətən fərqlilik göstərib. Polis əməkdaşı Mərdan müəllimin başına qəribə hadisə gəlib. O yolda təkəri sıradan çıxmış avtomobildə olan hamilə qadını xəstəxanaya çatdırıb. Dünyaya gələn uşağın adını da elə Mərdan qoyublar. Yəni bu kimi hadisələr çox olur. Biz də bacardığımız qədər polisin fəaliyyətini işıqlandırmağa və dəyərləndirməyə çalışırıq". 

Daxili İşlər Nazirliyi
© Sputnik / Anar Mustafayev

Millət vəkili Flora Qasımovanın sözlərinə görə, polis işi ən çətin peşədir və polislərimiz ən ağır işlərin öhdəsindən gəlir: "Son zamanlar texniki vasitələr artsa belə, bizim sizə çox böyük ehtiyacımız var. Polislərin yaxşı işləri təqdir edilməldir".

Millət vəkili Fərəc Quliyev də çıxışı zamanı polislərin fəaliyyətinin əhəmiyyətinin danılmaz olduğunu bildirdi. O, qeyd etdi ki, polislər cəmiyyətdə asayişin keşikçisidir və nə olursa, olsun onlar hər zaman cəsarətli olmalıdır: "Sizdən yazacaqlar, sizi şantaj edəcəklər, amma siz mübariz olmalısınız".

Tədbirdə çıxış edən Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Kamran Əliyev bildirib ki, belə tədbirlərin keçirilməsi yol polislərinə stimul verir: “Vətəndaşların təhlükəsizliyinin qorunmasında yol polislərinin rolu böyükdür. Onlar çətin şəraitdə olsa da, xidmət aparırlar. Mətbuat polis əməkdaşlarının əməyini işıqlandırmalıdır ki, onlar stimul alsınlar”.

Tədbirdə  Bakı şəhər Dövlət Yol Polisi İdarəsinin Yol Hərəkətinin Təhlükəsizliyinin Təbliği və İctimai qurumlarla Əlaqə bölməsinin rəisi, polis polkovniki Vaqif Əsədov, Bakı Nəqliyyat Agentliyinin mətbuat xidmətinin rəhbəri Mais Ağayev də iştirak ediblər.

Daha sonra 26 DYP əməkdaşı xidmətdə göstərdiyi fəallığa görə mükafatlandırılıbar. Onlar polis mayoru Ülfət Şükürov, polis leytenantı Rasim Əliyev, polis mayoru Mərdan Mehdiyev, polis mayoru Qulu Quliyev, baş serjant Bursax Lazımov, serjant Mayəddin Hüseynov, baş leytenant Ramil Yaqubov, baş serjant Ayxan Allahyarov, baş serjant Kəpəz Mustafayev, baş serjant Məhəmməd İmamverdiyev, leytenant Rəşad Ağayev, baş serjant Elnur Həsənov, kapitan Mehman Əliyev, baş serjant Rəhman Abbasov, leytenant Mehdi Hacıyev, baş serjant İlham Hacıyev, baş serjant Yalçın Mehdiyev, baş serjant Altay Əhmədov, baş serjant Teymur Süleymanov, baş serjant Azər Musayev, baş serjant Oqtay Məmmədov, serjant Eyvaz Gülməmmədov, serjant İqrar Musayev, serjant Xəyal Hüseynov, serjant Elman Soltanovdur.

308
Teqlər:
Formula I Azərbaycan Grand Prix, IV İslam Həmrəyliyi Oyunları, Jurnalistika və İnkişaf Mərkəzi İctimai Birliyi, Bakı şəhər Dövlət Yol Polisi İdarəsi, Azərsun Holdinq, Baş Dövlət Yol Polisi İdarəsi, Flora Qasımova, Elməddin Muradlı, Mais Ağayev, Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Kamran Əliyev, Aydın Mirzəzadə, Vaqif Əsədov
Əlaqədar
Formula 1 azarkeşlərinin sayı məlum oldu
Formula 1-in vaxtının dəyişdirilmə səbəbi bilindi
IV İslam Həmrəyliyi Oyunlarının bağlanış mərasimi fotolarda
Polis əməkdaşı ağır xəsarət aldı
Yol polisindən turizm xəbərdarlığı
KT, arxiv şəkli

"Tibbi ölçü cihazları dövlət yoxlamasından keçməlidir"

0
(Yenilənib 16:38 22.01.2021)
Məqsəd diaqnostikada istifadə olunan klinik-laborator, rentgen aparatları və s.  kimi diaqnostik tibbi cihazların qeyri-dəqiq ölçmələrinin vətəndaşların həyatı və sağlamlığına mənfi təsirinin qarşısını almaqdır.

BAKI, 22 yanvar — Sputnik. Mülkiyyət formasından asılı olmayaraq, səhiyyə sahəsində istifadə olunan tibbi ölçü cihazları istismara verilənədək və təmirdən sonra ilkin yoxlamadan, istismar prosesində isə dövrü yoxlamadan keçirilməlidir. Bunu Sputnik Azərbaycan-a Antiinhisar və İstehlak Bazarına Nəzarət Dövlət Xidmətinin sektor müdiri Elməddin Quliyev deyib.

Məqsəd göstərilən səhiyyə xidmətləri zamanı xəstəliklərin diaqnostikasında istifadə olunan klinik-laborator, rentgen aparatları və s. kimi diaqnostik tibbi cihazların qeyri-dəqiq ölçmələrinin vətəndaşların həyatı və sağlamlığına mənfi təsirinin qarşısını almaqdır. İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti səhiyyə sahəsində xidmət göstərən subyektlərin nəzərinə çatdırır ki, "Ölçmələrin vəhdətinin təmin edilməsi haqqında" Azərbaycan Respublikası Qanununa əsasən, səhiyyə sahəsində yalnız üzərində yararlılığına dair yoxlama nişanı və ya yoxlama haqqında şəhadətnaməyə malik tibbi ölçü cihazlarından istifadəyə icazə verilir.

İnzibati Xətalar Məcəlləsinə əsasən, səhiyyə sahəsində ölçmələrin tipi təsdiq edilməmiş və ya yoxlamadan keçirilməmiş ölçmə vasitələrindən istifadəyə görə vəzifəli şəxslər üçün 1500 manatdan 2000 manatadək, hüquqi şəxslər üçün 3000 manatdan 4000 manatadək məbləğdə cərimə olunur. Mülkiyyət formasından asılı olmayaraq, səhiyyə sahəsində xidmət göstərən subyektlər tibbi ölçü cihazlarını ilkin yoxlamadan və ya dövrü yoxlamadan keçirmək üçün "Azərbaycan Metrologiya İnstitutu" publik hüquqi şəxsə və ya ölçmələrin vəhdətinin təmin edilməsi sahəsində akkreditasiya olunmuş digər qurumlara müraciət edə bilərlər.

İstehlakçılara tövsiyə olunur ki, səhiyyə xidmətlərindən istifadə edərkən ölçmələrin qeyri-dəqiq nəticələri ilə qarşılaşmamaq üçün tibbi ölçü cihazlarının yararlılığına dair təsdiqedici sənədi tələb etsinlər, yoxlamadan keçməmiş tibbi cihazlarla göstərilən xidmətləri almaqdan çəkinsinlər. Bu kimi hallarla qarşılaşdıqları təqdirdə istehlakçılara İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə müraciət etmələri tövsiyə olunur (tel: 498-15-01 və 498-15-04).

0
Qida festivalı, arxiv şəkli

Azərbaycanda qastronomiya turizmi çiçəklənəcək: Konsepsiyada nələr var?

3
(Yenilənib 16:37 22.01.2021)
Bir il davam etməsi nəzərdə tutulan layihənin yekununda "Milli dadlar" konsepsiyası ictimaiyyətə təqdim ediləcək.

BAKI, 22 yanvar — Sputnik. Dövlət Turizm Agentliyinin dəstəyi ilə Azərbaycan Turizm Bürosu tərəfindən ölkəmizdə qastronomiya turizminin inkişafı üçün "Milli dadlar" konsepsiyasının hazırlanması işinə start verilib. Sputnik Azərbaycan-a Agentlikdən verilən məlumata görə, layihənin əsas məqsədi qastronomiya turizminin inkişafına nail olmaq, tarixi milli mətbəx nümunələrinə, onların hazırlanma və təqdim edilmə ənənələrinə yenidən həyat verib, yerli və əcnəbi turistlərə çatdırılmasına dəstək verməkdir.

Azərbaycan Turizm Bürosu unudulmuş və ya unudulmaq təhlükəsi olan milli mətbəximizə məxsus nümunələrin vahid mənbədə toplanması işinə dəstək verilməsi üçün "millidadlar.az" onlayn portalını təqdim edir.

Azərbaycan Turizm Bürosu bu sahədə məlumatlı olan hər kəsi portalda qeyd edilən qısa suallara cavab verməklə ölkəmizin milli mətbəx nümunələrinin, qastronomiya ənənələrimizin qorunub saxlanılması və beynəlxalq tanıdılması işinə dəstək olmağa çağırır.

Bir il davam etməsi nəzərdə tutulan layihənin yekununda "Milli dadlar" konsepsiyası ictimaiyyətə təqdim ediləcək.

Layihə çərçivəsində ölkəmizin zəngin kulinariya potensialının dərin etnoqrafik köklərə malik olması nəzərə alınaraq Bakı-Abşeron, Quba-Qusar, Şəki-Zaqatala, Cənub regionu, Naxçıvan Muxtar Respublikası, Gəncə-Qazax, Qarabağ, Dağlıq Şirvan, Kəlbəcər-Laçın və Aran bölgələrindən olan milli mətbəxə məxsus müxtəlif nümunələr haqqında məlumatlar toplanılıb. Elmi materiallardan və birbaşa yerli əhalidən əldə olunan informasiyalar əsasında Azərbaycan üzrə 900 ədəd nümunə pasportun işlənib hazırlanması nəzərdə tutulur.

Nümunə pasportda qida və inqrediyentin tərkib hissələri və görünüşü kimi məlumatlarla yanaşı, onun mədəni, tarixi, müalicəvi əhəmiyyəti və turizm marketinqi istiqamətində uyğunluğunun qeyd edilməsi nəzərdə tutulub.

3