Müsalman toyu, arxiv şəkli

Rəsmi nikah olmadan dini kəbin qadağası nələrə səbəb olacaq?

1082
(Yenilənib 16:38 03.07.2017)
Komitə sədrinin gözlənilməz açıqlaması dindar cameədə birmənalı qarşılanmır

Xalid Məmmədov, Sputnik Azərbaycan

BAKI, 3 iyul — Sputnik. "Azərbaycanda rəsmi nikah olmadan dini kəbinin bağlanması qanunsuzdur. Bunu edən din xadimi cəzalandırılacaq". Bunu Dini Qurumlarla İş üzrə Dövlət Komitəsinin sədri Mübariz Qurbanlı bildirib.

O, qeyd edib ki, Azərbaycan dünyəvi ölkədir, nikah münasibətləri ilə bağlı müvafiq dövlət qurumu var: "Dini nikaha o zaman girmək olar ki, bu nikahı müvafiq dövlət qurumu təsdiqləmiş olsun. Bu qurumun təsdiqləmədiyi nikahı bağlayan din xadimi rəsmi təyin olunubsa, cəzalandırılacaq, tutduğu vəzifədən azad olunacaq. Əgər bunu edən din xadimi qeyri-rəsmi fəaliyyətlə məşğuldursa, hüquq-mühafizə orqanları tərəfindən məsuliyyətə cəlb ediləcək".

Məsələ ilə bağlı ilahiyyatçı İsmayıl Əhməd Sputnik Azərbaycan-a açıqlamasında deyib ki, bizdə nişan mərasimindən bir müddət sonra toy olur: "Bəzilərində bir neçə ay, bəzilərində bir il çəkir. Şəriət nöqteyi-nəzərindən bu əqd — nikahın bağlanması tərəflərin bir-birinə məhrəm olmasını təmin etməkdir. Yəni, dini ayinləri yerinə yetirən insanlar üçün bu, mühümdür, əhəmiyyət kəsb edir. Amma başqaları üçün bir əhəmiyyəti yoxdur".

Onun sözlərinə görə, bizdə rəsmi dövlət kəbini toydan bir neçə gün əvvəl bağlanır: "İndi sual çıxır ki, məsələn, bu müddət ərzində şəriət nöqteyi-nəzərdən cütlük arasında toya qədər məhrəmlik bərqərar olmur, o zaman bunu necə həll edirlər? Bunların məhrəmlik məsələsi necə həll olmalıdır?"

"Şəriət nikahı bağlanmadan ikinci bir yol yoxdur ki, bu məsələ həll olunsun. İstər Dini Qurumlarla İş üzrə Dövlət Komitəsi olsun, istər Qafqaz Müsəlmanları İdarəsi olsun, bu məsələyə izah versinlər ki, bu problem necə həll olunmalıdır? Bu, dini ayinləri yerinə yetirən vətəndaşlar üçün mühüm əhəmiyyət kəsb edir" — İ. Əhməd vurğulayıb.

İlahiyyatçının fikrincə, onsuz da şəriət kəbinin kəsilməsinin heç bir hüquqi qüvvəsi yoxdur: "Yəni, boşanma zamanı və yaxud tərəflərdən biri rəhmətə gedəndə ruhanin, hətta rəsmi din xadiminin kəsdiyi şəriət nikahının heç bir hüquqi qüvvəsi yoxdur. Yəni, onun əsasında heç bir pay bölgüsü aparılmır, vərəsəlik müəyyən olunmur, bunların hamısı rəsmi nikahdan asılıdır".

İ. Əhməd deyib ki, şəriət kəbinin kəsilməməsi dindar təbəqə üçün problem yaradır: "Bunu həll etmək lazımdır. Başqa, alternativ yol varsa, göstərsinlər. Mənim fikrimcə, başqa yol yoxdur. Bircə kəbin kəsilməlidir. Kəbin kəsilsin, sonra dövlət tərəfindən qeydiyyata düşsünlər".

İlahiyyatçı Elşad Miri isə Sputnik Azərbaycan-a açıqlamasında məsələyə fərqli münasibət bildirib: "Hər halda Mübariz müəllim Qafqaz Müsəlmanları İdarəsinin sədri ilə məsləhətləşərək bu ifadəni işlədib, yəni, mexanizm QMİ-nin öz daxili nizamnaməsində həyata keçirilə biləcək bir məsələdir".

"Bu, illərdir müzakirə edilir. Türkiyənin özündə də dəfələrlə bu məsələ gündəmə gətirilib, lakin, nəticə olmayıb. Bu, maarifləndirici təbliğatdır. Ümid edirəm, QMİ açıqlama ilə çıxış edəcək ki, "dini nikah" adlı anlaşma forması nə peyğəmbərin dövründə olub, nə də "Qurani-Kərim"də var. Bugünkü rəsmi nikah dini nikahı əvəz edir" — E. Miri əlavə edib.

1082
Teqlər:
İsmayıl Əhməd, şəriət, ilahiyyatçı, kəbin, Sputnik Azərbaycan, Elşad Miri, evlilik, din, Azərbaycan, nikah
Əlaqədar
Fransada eynicinsli nikahlara qarşı etirazlar başlayıb
İtaliyalı qızla pakistanlı oğlanın "Skype" nikahı rəsmiləşdirildi
Rayon xəstəxanalarında nikaha girmək istəyənlər üçün xüsusi kabinetlər yaradılıb
Erkən nikaha girən qızlar daha çox zorakılığa məruz qalır
Bu il Azərbaycanda doğumun sayı 124 mini, nikahların sayı 50 mini ötüb
Səhiyyə naziri: Nikahdan əvvəl tibbi müayinə talassemiyanı azaldacaq
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

34
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

34
Ramil Quliyev

Dünya çempionu da "Qarabağ Azərbaycandır!" dedi

29
(Yenilənib 23:21 29.10.2020)
İdmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

BAKI, 29 oktyabr — Sputnik. Türkiyə millisinin azərbaycanlı dünya çempionu Ramil Quliyev Ermənistan silahlı qüvvələrinin Bərdə şəhərinə raket zərbələri ilə törətdiyi terror barədə özünün "Instagram" səhifəsində paylaşım edib.

Sputnik Azərbaycan xəbər verir ki, idmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

Ramil Quliyevin paylaşımının skrinşotu

Bununla yanaşı, sosial şəbəkədə Qarabağa aid video yayımlayıb və qeyd bölməsinə "Qarabağ Azərbaycandır" yazıb.

Qeyd edək ki, 30 yaşlı idmançının "Instagram"da 67 mindən çox izləyicisi var.

29