Rahil Süleymanov

"Əgər ayağa qalxsam, dağı dağ üstünə qoyacağam"

497
(Yenilənib 10:14 29.06.2017)
"Daha heç nəyə inana bilmirəm, heç nə arzu edə bilmirəm, onsuz da nə arzulayıramsa, reallaşmır"

İradə Cəlil, Sputnik Azərbaycan

BAKI, 28 iyun — Sputnik. Deyirlər, insanın həyatı öz əlindədir. Yəni, nəyi seçsən, onu da yaşayırsan. Amma həyatın səni nə ilə qarşılayacağını bilmədiyin üçün bu sürprizlərə daim hazır olmalı, yıxılsan belə, yenidən ayağa durmağa bacarmalısan.

Rahil Süleymanov "yol terroru"nun qurbanı olub. Danışır ki, bütün sıxıntıları, çarəsizliyi həmin gündən başlayıb – 2006-cı ilin sentyabr ayının 13-dən. O gün Rahilin həyatı alt-üst olur və o, ömürlük əlil arabasının məhkumuna çevrilir.

Rahil Süleymanov 1983-cü il avqustun 12-də İsmayıllı rayonunun Təzəkənd kəndində dünyaya gəlib: "2006-cı il sentyabrın 13-ü idi. Qardaşımın toyuna az qalmışdı. Toy üçün musiqiçi danışmağa gedirdim. Qəzaya düşdük, arxadan bizim olduğumuz avtomobili vurub yoldan çıxartdılar. Onurğa beynindən th.6.7 fəqərəsindən zədə almışdım".

"Yadıma gəlir ki, qəzadan sonra özümü beldən aşağı hiss etmirdim. Məni avtomobilə oturdanda atamdan soruşdum ki, "Ata, ayaqlarım üstümdədir? Axı hiss etmirəm". 3 gün İsmayıllı Rayon xəstəxanasında koma vəziyyətində qalmışam. Gözümü azan səsi ilə açdım. Səhər idi. Hamı ətrafımda idi. Sonra Bakıdan Ələsgər Həsrətovu çağırışla İsmayıllı xəstəxanasına gətirdilər. O məni komadan ayıltdı. Amma İsmayıllı xəstəxanasında vəziyyət yaxşı olmadığı üçün məni əməliyyat edə bilmədi" — deyir müsahibimiz.

Sonra onu Bakıya gətirirlər: "2006-cı il sentyabrın 16-da əməliyyat edildim. Vəziyyətim çox pis olduğu üçün o vaxtlar belimə plastinka fəqərə qoymaq mümkün deyildi. Sonralar fizioterapiya müalicələr götürdüm. Bir az xeyri oldu, amma sonra heç bir faydasını görmədim".

2012-ci ildə "Modern Hospital"a müraciət edən Rahil, burada böyük məbləğ müqabilində Türkiyədən gələn həkim tərəfindən əməliyyat edilir. Rahilin belinə 3 plastik fəqərə qoyulur. Amma bu əməliyyat da faydasız olur. Yüksək məbləğdə pulu ilə yanaşı Rahil 10 saat narkoz altında yatır.

"Müalicəm Almaniyadadır. Mənə deyiblər ki, almanların Rusiyada xəstəxanaları var. Deyiblər ki, "pul düzəlt gəl, səni əməliyyat edək". Söz veriblər ki, mən əməliyyat edilsəm, iki aya gəzə biləcəyəm. Amma məndə o məbləğ yoxdur. 11 ildir ki, mən bu əziyyəti çəkirəm" — R. Süleymanov danışır.

Hazırda Rahil Sulutəpə qəsəbəsində yaşayır. 34 yaşı olmasına baxmayaraq, ailə həyatı qurmaq barədə düşünmür: "Sevdiyim olub əvvəllər, sonra ayrıldıq. Həyatdır da, bəzən belə də olur. Əvvəllər kirayə qalırdım. Sonra qohum-əqrəbanın köməkliyi ilə pul toplayıb torpaq aldım. İndi başımın üstündə bir daxmam var. Yaxınlarımın yardımı ilə dolanıram. Əvvəllər işləyirdim, ofisiant işləmişəm, kafe-restoran işlətmişəm. İndi isə işləyə bilmirəm".

O, artıq heç nə arzulamır: "Arzu, ümid, xəyal — bunlar artıq mənim içimdə yoxdur. O qədər yalan görmüşəm ki, o qədər aldanmışam ki… Daha heç nəyə inana bilmirəm. Daha heç nə arzu edə bilmirəm. Onsuz da nə arzulayıramsa, reallaşmır. Hər şeyi zamana buraxmışam. Zaman nə göstərəcək, onu da bir Allah bilir".

Rahil gənc yaşlarından əlil arabasına məhkum olduğu üçün gələcəyi barədə düşünməyə vaxtı olmayıb. Tək istəyi, arzusu ayağa qalxmaq, gəzə bilmək, müstəqil hərəkət etmək olub. Amma aradan 11 il keçməsinə baxmayaraq, bu arzusuna qovuşa bilməyib.

Almaniyada müalicəsi olsa da, çox vəsait tələb olunduğundan Rahilin sağalacağına da ümidi yoxdur. Amma deyir ki, ayağa qalxıb gəzə bilsə, dağı-dağ üzərinə qoyacaq: "Mənim üçün pul qazanmaq heç bir zaman çətin olmayıb. Ayağa qalxıb gəzə bilsəm, nə dərdim var ki? İşləyib qazanaram, bəlkə ailəm də olar…"

Hazırda Rahilin müalicəsi üçün böyük bir məbləğə ehtiyacı var. 11 il əvvəl bir gəncin həyatı puç olub. Bəlkə o gün o qəza baş verməsəydi, bu gün hər şey başqa cür olardı..?

Rahilə kömək etmək istəyənlər redaksiyamızla əlaqə saxlaya bilərlər.

497
Teqlər:
İsmayıllı rayonu, 2006, Rahil Süleymanov, sentyabr, müalicə, əməliyyat, həyat, insan, qəza
Əlaqədar
Bir də bu hekayə var, amma hər kəs sonadək oxuya bilməz...
"Eyni gündə öləcəyik" — 75 illik əhd
Onların bəxti nə rayonda gətirdi, nə paytaxtda...
Ruhi xəstə ilə evləndirilən qadın yaşadığı müsibətləri anladır
Məşum qəzanın qurbanı: "Dedilər, get, nə bilirsənsə, elə"
Üç oğul itirən ana: "Qorxuram ki, ölərəm..."
Sarımsaq, arxiv şəkli

Təbii antibiotik zərərli imiş

14
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

14
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq
KİV nümayəndələrinin siluetləri

Azərbaycanlı fotoqraflar Beynəlxalq Federasiyanın fəxri adlarını aldılar

9
(Yenilənib 23:20 05.12.2020)
Nurlan Tahirli, Valeri Xlizov, Aleksandr Firstov UNESCO-nun təqdir etdiyi məşhur təşkilatın şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər

BAKI, 5 dekabr - Sputnik. Azərbaycanın "Gilavar" fotoklubunun dəstəyi ilə azərbaycanlı fotoqraflar Beynəlxalq Foto Sənəti Federasiyasının (FIAP) fəxri adlarına layiq görülüblər. 

Sputnik Azərbaycan-a fotoklubun mətbuat xidmətindən verilən məlumata görə, bu, UNESCO-nun tanıdığı yeganə fototəşkilatdır. 

Onun fəxri adlarını almaq üçün fotoqraflar xüsusi qaydalara riayət etməlidirlər: FIAP-ın müxtəlif ölkələrdə keçirdiyi müsabiqələrə qatılmalıdırlar, onların fotoqrafiyaları bədii və texniki ustalıq nöqteyi-nəzərindən təqdir olunmalı və onlar mükafat qazanmalıdırlar. Bunlardan əlavə, təşkilatın bədii komissiyasının və direktorlar şurasının üzvlərinin səsləri də nəzərə alınmalıdır. 
Azərbaycanlı fotoqraflar Nurlan Tahirli, Valeri Xlizov, Aleksandr Firstov şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər. Bu adlar ildə bir dəfə verilir. 2016-cı ildən bəri fəxri adlar alan azərbaycanlı fotoqrafların sayı artaraq yeddiyə çatıb. 

Qeyd edək ki, İlqar Cəfərov və Rəşad Mehdiyev AZƏRTAC Dövlət İnformasiya Agentliyinin fotojurnalistləridir. Onların hər ikisi İkinci Qarabağ müharibəsi zamanı cəbhəyanı və işğaldan azad olunmuş ərazilərdə çəkilişlər aparıblar.

9
Teqlər:
fəxri adlar, fotoqraf, azərbaycanlı